| Tipiṭaka / Tipiṭaka (English) / Saṁyutta Nikāya, English translation |
संयुत्त निकाय ३५।६०
Saṁyutta Nikāya 35.60
The Related Suttas Collection 35.60
६। अविज्जावग्ग
6. Avijjāvagga
6. Ignorance
सब्बुपादानपरिञ्ञासुत्त
Sabbupādānapariññāsutta
The Complete Understanding of All Grasping
“सब्बुपादानपरिञ्ञाय वो, भिक्खवे, धम्मं देसेस्सामि। तं सुणाथ।
“Sabbupādānapariññāya vo, bhikkhave, dhammaṁ desessāmi. Taṁ suṇātha.
“Bhikkhus, I will teach you the principle for the complete understanding of all grasping. Listen …
कतमो च, भिक्खवे, सब्बुपादानपरिञ्ञाय धम्मो?
Katamo ca, bhikkhave, sabbupādānapariññāya1 dhammo?
And what is the principle for the complete understanding of all grasping?
चक्खुञ्च पटिच्च रूपे च उप्पज्जति चक्खुविञ्ञाणं। तिण्णं सङ्गति फस्सो। फस्सपच्चया वेदना।
Cakkhuñca paṭicca rūpe ca uppajjati cakkhuviññāṇaṁ. Tiṇṇaṁ saṅgati phasso. Phassapaccayā vedanā.
Eye consciousness arises dependent on the eye and sights. The meeting of the three is contact. Contact is a condition for feeling.
एवं पस्सं, भिक्खवे, सुतवा अरियसावको चक्खुस्मिम्पि निब्बिन्दति, रूपेसुपि निब्बिन्दति, चक्खुविञ्ञाणेपि निब्बिन्दति, चक्खुसम्फस्सेपि निब्बिन्दति, वेदनायपि निब्बिन्दति। निब्बिन्दं विरज्जति; विरागा विमुच्चति; विमोक्खा ‘परिञ्ञातं मे उपादानन्ऽति पजानाति।
Evaṁ passaṁ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati, vedanāyapi nibbindati. Nibbindaṁ virajjati; virāgā vimuccati; vimokkhā ‘pariññātaṁ me upādānan’ti pajānāti.
Seeing this, a learned noble disciple grows disillusioned with the eye, sights, eye consciousness, eye contact, and feeling. Being disillusioned, desire fades away. When desire fades away they’re freed. When they are released, they understand: ‘I have completely understood grasping.’
सोतञ्च पटिच्च सद्दे च उप्पज्जति …
Sotañca paṭicca sadde ca uppajjati …
Ear consciousness arises dependent on the ear and sounds. …
घानञ्च पटिच्च गन्धे च …
ghānañca paṭicca gandhe ca …
Nose consciousness arises dependent on the nose and smells. …
जिव्हञ्च पटिच्च रसे च …
jivhañca paṭicca rase ca …
Tongue consciousness arises dependent on the tongue and tastes. …
कायञ्च पटिच्च फोट्ठब्बे च …
kāyañca paṭicca phoṭṭhabbe ca …
Body consciousness arises dependent on the body and touches. …
मनञ्च पटिच्च धम्मे च उप्पज्जति मनोविञ्ञाणं। तिण्णं सङ्गति फस्सो। फस्सपच्चया वेदना।
manañca paṭicca dhamme ca uppajjati manoviññāṇaṁ. Tiṇṇaṁ saṅgati phasso. Phassapaccayā vedanā.
Mind consciousness arises dependent on the mind and thoughts. The meeting of the three is contact. Contact is a condition for feeling.
एवं पस्सं, भिक्खवे, सुतवा अरियसावको मनस्मिम्पि निब्बिन्दति, धम्मेसुपि निब्बिन्दति, मनोविञ्ञाणेपि निब्बिन्दति, मनोसम्फस्सेपि निब्बिन्दति, वेदनायपि निब्बिन्दति। निब्बिन्दं विरज्जति; विरागा विमुच्चति; विमोक्खा ‘परिञ्ञातं मे उपादानन्ऽति पजानाति।
Evaṁ passaṁ, bhikkhave, sutavā ariyasāvako manasmimpi nibbindati, dhammesupi nibbindati, manoviññāṇepi nibbindati, manosamphassepi nibbindati, vedanāyapi nibbindati. Nibbindaṁ virajjati; virāgā vimuccati; vimokkhā ‘pariññātaṁ me upādānan’ti pajānāti.
Seeing this, a learned noble disciple grows disillusioned with the mind, thoughts, mind consciousness, mind contact, and feeling. Being disillusioned, desire fades away. When desire fades away they’re freed. When they are released, they understand: ‘I have completely understood grasping.’
अयं खो, भिक्खवे, सब्बुपादानपरिञ्ञाय धम्मो”ति।
Ayaṁ kho, bhikkhave, sabbupādānapariññāya dhammo”ti.
This is the principle for the complete understanding of all grasping.”
अट्ठमं।
Aṭṭhamaṁ.
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
Footnotes:
