| Tipiṭaka / Tipiṭaka (English) / Saṁyutta Nikāya, English translation |
संयुत्त निकाय ४४।११
Saṁyutta Nikāya 44.11
The Related Suttas Collection 44.11
१। अब्याकतवग्ग
1. Abyākatavagga
1. The Undeclared Points
सभियकच्चानसुत्त
Sabhiyakaccānasutta
With Sabhiya Kaccāna
एकं समयं आयस्मा सभियो कच्चानो ञातिके विहरति गिञ्जकावसथे। अथ खो वच्छगोत्तो परिब्बाजको येनायस्मा सभियो कच्चानो तेनुपसङ्कमि; उपसङ्कमित्वा आयस्मता सभियेन कच्चानेन सद्धिं सम्मोदि। सम्मोदनीयं कथं सारणीयं वीतिसारेत्वा एकमन्तं निसीदि। एकमन्तं निसिन्नो खो वच्छगोत्तो परिब्बाजको आयस्मन्तं सभियं कच्चानं एतदवोच:
Ekaṁ samayaṁ āyasmā sabhiyo kaccāno ñātike viharati giñjakāvasathe. Atha kho vacchagotto paribbājako yenāyasmā sabhiyo kaccāno tenupasaṅkami; upasaṅkamitvā āyasmatā sabhiyena kaccānena saddhiṁ sammodi. Sammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho vacchagotto paribbājako āyasmantaṁ sabhiyaṁ kaccānaṁ etadavoca:
At one time Venerable Sabhiya Kaccāna was staying at Ñātika in the brick house. Then the wanderer Vacchagotta went up to him, and exchanged greetings with him. When the greetings and polite conversation were over, he sat down to one side, and said to Sabhiya Kaccāna:
“किं नु खो भो, कच्चान, होति तथागतो परं मरणा”ति?
“kiṁ nu kho bho, kaccāna, hoti tathāgato paraṁ maraṇā”ti?
“Master Kaccāna, does a Realized One exist after death?”
“अब्याकतं खो एतं, वच्छ, भगवता: ‘होति तथागतो परं मरणाऽ”ति।
“Abyākataṁ kho etaṁ, vaccha, bhagavatā: ‘hoti tathāgato paraṁ maraṇā’”ti.
“Vaccha, this has not been declared by the Buddha.”
“किं पन, भो कच्चान, न होति तथागतो परं मरणा”ति?
“Kiṁ pana, bho kaccāna, na hoti tathāgato paraṁ maraṇā”ti?
“Well then, does a Realized One not exist after death?”
“एतम्पि खो, वच्छ, अब्याकतं भगवता: ‘न होति तथागतो परं मरणाऽ”ति।
“Etampi kho, vaccha, abyākataṁ bhagavatā: ‘na hoti tathāgato paraṁ maraṇā’”ti.
“This too has not been declared by the Buddha.”
“किं नु खो, भो कच्चान, होति च न च होति तथागतो परं मरणा”ति?
“Kiṁ nu kho, bho kaccāna, hoti ca na ca hoti tathāgato paraṁ maraṇā”ti?
“Well then, does a Realized One both exist and not exist after death?”
“अब्याकतं खो एतं, वच्छ, भगवता: ‘होति च न च होति तथागतो परं मरणाऽ”ति।
“Abyākataṁ kho etaṁ, vaccha, bhagavatā: ‘hoti ca na ca hoti tathāgato paraṁ maraṇā’”ti.
“This has not been declared by the Buddha.”
“किं पन, भो कच्चान, नेव होति न न होति तथागतो परं मरणा”ति?
“Kiṁ pana, bho kaccāna, neva hoti na na hoti tathāgato paraṁ maraṇā”ti?
“Well then, does a Realized One neither exist nor not exist after death?”
“एतम्पि खो, वच्छ, अब्याकतं भगवता: ‘नेव होति न न होति तथागतो परं मरणाऽ”ति।
“Etampi kho, vaccha, abyākataṁ bhagavatā: ‘neva hoti na na hoti tathāgato paraṁ maraṇā’”ti.
“This too has not been declared by the Buddha.”
“‘किं नु खो, भो कच्चान, होति तथागतो परं मरणाऽति, इति पुट्ठो समानो: ‘अब्याकतं खो एतं, वच्छ, भगवता—होति तथागतो परं मरणाऽति वदेसि। ‘किं पन, भो कच्चान, न होति तथागतो परं मरणाऽति, इति पुट्ठो समानो: ‘अब्याकतं खो एतं, वच्छ, भगवता—न होति तथागतो परं मरणाऽति वदेसि। ‘किं नु खो, भो कच्चान, होति च न च होति तथागतो परं मरणाऽति, इति पुट्ठो समानो: ‘अब्याकतं खो एतं, वच्छ, भगवता—होति च न च होति तथागतो परं मरणाऽति वदेसि। ‘किं पन, भो कच्चान, नेव होति न न होति तथागतो परं मरणाऽति, इति पुट्ठो समानो: ‘एतम्पि खो, वच्छ, अब्याकतं भगवता—नेव होति न न होति तथागतो परं मरणाऽति वदेसि। को नु खो, भो कच्चान, हेतु, को पच्चयो, येनेतं अब्याकतं समणेन गोतमेना”ति?
“‘Kiṁ nu kho, bho kaccāna, hoti tathāgato paraṁ maraṇā’ti, iti puṭṭho samāno: ‘abyākataṁ kho etaṁ, vaccha, bhagavatā—hoti tathāgato paraṁ maraṇā’ti vadesi. ‘Kiṁ pana, bho kaccāna, na hoti tathāgato paraṁ maraṇā’ti, iti puṭṭho samāno: ‘abyākataṁ kho etaṁ, vaccha, bhagavatā—na hoti tathāgato paraṁ maraṇā’ti vadesi. ‘Kiṁ nu kho, bho kaccāna, hoti ca na ca hoti tathāgato paraṁ maraṇā’ti, iti puṭṭho samāno: ‘abyākataṁ kho etaṁ, vaccha, bhagavatā—hoti ca na ca hoti tathāgato paraṁ maraṇā’ti vadesi. ‘Kiṁ pana, bho kaccāna, neva hoti na na hoti tathāgato paraṁ maraṇā’ti, iti puṭṭho samāno: ‘etampi kho, vaccha, abyākataṁ bhagavatā—neva hoti na na hoti tathāgato paraṁ maraṇā’ti vadesi. Ko nu kho, bho kaccāna, hetu, ko paccayo, yenetaṁ abyākataṁ samaṇena gotamenā”ti?
“Master Kaccāna, when asked these questions, you say that this has not been declared by the Buddha. What’s the cause, what’s the reason why this has not been declared by the Buddha?”
“यो च, वच्छ, हेतु, यो च पच्चयो पञ्ञापनाय रूपीति वा अरूपीति वा सञ्ञीति वा असञ्ञीति वा नेवसञ्ञीनासञ्ञीति वा, सो च हेतु, सो च पच्चयो सब्बेन सब्बं सब्बथा सब्बं अपरिसेसं निरुज्झेय्य। केन नं पञ्ञापयमानो पञ्ञापेय्य रूपीति वा अरूपीति वा सञ्ञीति वा असञ्ञीति वा नेवसञ्ञीनासञ्ञीति वा”ति।
“Yo ca, vaccha, hetu, yo ca paccayo paññāpanāya rūpīti vā arūpīti vā saññīti vā asaññīti vā nevasaññīnāsaññīti vā, so ca hetu, so ca paccayo sabbena sabbaṁ sabbathā sabbaṁ aparisesaṁ nirujjheyya. Kena naṁ paññāpayamāno paññāpeyya rūpīti vā arūpīti vā saññīti vā asaññīti vā nevasaññīnāsaññīti vā”ti.
“In order to describe him as ‘possessing form’ or ‘formless’ or ‘percipient’ or ‘non-percipient’ or ‘neither percipient nor non-percipient’, there must be some cause or reason for doing so. But if that cause and reason were to totally and utterly cease without anything left over, how could you describe him in any such terms?”
“कीवचिरं पब्बजितोसि, भो कच्चाना”ति?
“Kīvaciraṁ pabbajitosi, bho kaccānā”ti?
“Master Kaccāna, how long has it been since you went forth?”
“नचिरं, आवुसो, तीणि वस्सानी”ति।
“Naciraṁ, āvuso, tīṇi vassānī”ti.
“Not long, friend: three years.”
“यस्सपस्स, आवुसो, एतमेत्तकेन एत्तकमेव तम्पस्स बहु, को पन वादो एवं अभिक्कन्ते”ति।
“Yassapassa, āvuso, etamettakena ettakameva tampassa bahu, ko pana vādo evaṁ1 abhikkante”ti.
“Well, you’ve learned a lot already, let alone what lies ahead!”
एकादसमं।
Ekādasamaṁ.
अब्याकतवग्गो पठमो।
Abyākatavaggo paṭhamo.
तस्सुद्दानं
Tassuddānaṁ
खेमाथेरी अनुराधो, सारिपुत्तोति कोट्ठिको; मोग्गल्लानो च वच्छो च, कुतूहलसालानन्दो; सभियो एकादसमन्ति।
Khemātherī anurādho, sāriputtoti koṭṭhiko; Moggallāno ca vaccho ca, kutūhalasālānando; Sabhiyo ekādasamanti.
अब्याकतसंयुत्तं समत्तं।
Abyākatasaṁyuttaṁ samattaṁ.
The Related Suttas Collection on undeclared questions are complete.
तस्सुद्दानं
Tassuddānaṁ
सळायतनवेदना, मातुगामो जम्बुखादको; सामण्डको मोग्गल्लानो, चित्तो गामणि सङ्खतं; अब्याकतन्ति दसधाति।
Saḷāyatanavedanā, mātugāmo jambukhādako; Sāmaṇḍako moggallāno, citto gāmaṇi saṅkhataṁ; Abyākatanti dasadhāti.
सळायतनवग्गो चतुत्थो।
Saḷāyatanavaggo catuttho.
सळायतनवग्गसंयुत्तपाळि निट्ठिता।
Saḷāyatanavaggasaṁyuttapāḷi niṭṭhitā.
The Book of the Six Sense Fields is finished.
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
Footnotes:
