| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૮. સદ્દસઞ્ઞકત્થેરઅપદાનવણ્ણના
8. Saddasaññakattheraapadānavaṇṇanā
પબ્બતે હિમવન્તમ્હીતિઆદિકં આયસ્મતો સદ્દસઞ્ઞકત્થેરસ્સ અપદાનં. અયમ્પિ પુરિમબુદ્ધેસુ કતાધિકારો તત્થ તત્થ ભવે વિવટ્ટૂપનિસ્સયાનિ પુઞ્ઞાનિ ઉપચિનન્તો ફુસ્સસ્સ ભગવતો કાલે એકસ્મિં કુલગેહે નિબ્બત્તો વુદ્ધિપ્પત્તો સદ્ધાજાતો તાપસપબ્બજ્જં પબ્બજિત્વા હિમવન્તમ્હિ અરઞ્ઞાવાસે વસન્તો અત્તનો અનુકમ્પાય ઉપગતસ્સ ભગવતો ધમ્મં સુત્વા ધમ્મેસુ ચિત્તં પસાદેત્વા યાવતાયુકં ઠત્વા અપરભાગે કાલં કત્વા તુસિતાદીસુ છસુ કામાવચરસમ્પત્તિયો ચ મનુસ્સેસુ મનુસ્સસમ્પત્તિયો ચ અનુભવિત્વા ઇમસ્મિં બુદ્ધુપ્પાદે એકસ્મિં કુલગેહે નિબ્બત્તો વુદ્ધિમન્વાય સદ્ધાજાતો પબ્બજિત્વા વિપસ્સનં વડ્ઢેત્વા અરહત્તં પાપુણિ.
Pabbate himavantamhītiādikaṃ āyasmato saddasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto phussassa bhagavato kāle ekasmiṃ kulagehe nibbatto vuddhippatto saddhājāto tāpasapabbajjaṃ pabbajitvā himavantamhi araññāvāse vasanto attano anukampāya upagatassa bhagavato dhammaṃ sutvā dhammesu cittaṃ pasādetvā yāvatāyukaṃ ṭhatvā aparabhāge kālaṃ katvā tusitādīsu chasu kāmāvacarasampattiyo ca manussesu manussasampattiyo ca anubhavitvā imasmiṃ buddhuppāde ekasmiṃ kulagehe nibbatto vuddhimanvāya saddhājāto pabbajitvā vipassanaṃ vaḍḍhetvā arahattaṃ pāpuṇi.
૪૩. સો અપરભાગે અત્તનો પુબ્બકમ્મં સરિત્વા સોમનસ્સજાતો પુબ્બચરિતાપદાનં પકાસેન્તો પબ્બતે હિમવન્તમ્હીતિઆદિમાહ. તં સબ્બં ઉત્તાનત્થમેવાતિ.
43. So aparabhāge attano pubbakammaṃ saritvā somanassajāto pubbacaritāpadānaṃ pakāsento pabbate himavantamhītiādimāha. Taṃ sabbaṃ uttānatthamevāti.
સદ્દસઞ્ઞકત્થેરઅપદાનવણ્ણના સમત્તા.
Saddasaññakattheraapadānavaṇṇanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૮. સદ્દસઞ્ઞકત્થેરઅપદાનં • 8. Saddasaññakattheraapadānaṃ
