| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
6. ஸத்³தா⁴ஸுத்தவண்ணனா
6. Saddhāsuttavaṇṇanā
36. தத்வஸ்ஸாதி ஓ-காரஸ்ஸ வ-காராதே³ஸங் அ-காரஸ்ஸ ச லோபங் கத்வா நித்³தே³ஸோதி ஆஹ ‘‘ததோ அஸ்ஸா’’தி. ‘‘ததஸ்ஸா’’தி வா பாடோ², ததோதி ச ஸத்³தா⁴ஹேதூதி அத்தோ². நானுபதந்தீதி ந வத்தந்தி. பமாத³ங் கரொந்தீதி பமஜ்ஜந்தி, மிச்சா² படிபஜ்ஜந்தீதி அத்தோ². லக்க²ணானீதி அனிச்சாதி³லக்க²ணானி. உபனிஜ்ஜா²யதீதி உபேச்ச ஞாணசக்கு²னா பெக்க²தி, அனுபஸ்ஸதீதி அத்தோ². ஆக³தகிச்சந்தி ஆஹதகிச்சங், அயமேவ வா பாடோ². ஸாதே⁴தீதி அஸம்மோஹபடிவேத⁴வஸேன நிப்பா²தே³தி, தத²லக்க²ணங் நிரோத⁴ஸச்சங் உபனிஜ்ஜா²யதீதி அயமத்தோ² மக்³கே³பி வத்தப்³போ³ தேன வினா அஸம்மோஹபடிவேத⁴ஸ்ஸ அஸம்ப⁴வதோ. கஸிணாரம்மணஸ்ஸாதி இத³ங் லக்க²ணவசனங். அகஸிணாரம்மணஸமாபத்தியோபி ஹி ஸந்தீதி. யதா² ச கஸிணாரம்மணானி அட்ட²ன்னங் ஸமாபத்தீனங் அவஸேஸானஞ்ச ததா³ரம்மணானங் பச்சவெக்க²ணவஸேன சித்தானங், ஏவங் தேன தானி ஆரம்மணானி க³ஹிதானீதி ‘‘கஸிணாரம்மணஸ்ஸ’’இச்சேவ வுத்தங். பரமங் உத்தமங் ஸுக²ந்தி வத்தப்³ப³தோ பரமஸுக²ங் அரஹத்தங்.
36.Tatvassāti o-kārassa va-kārādesaṃ a-kārassa ca lopaṃ katvā niddesoti āha ‘‘tato assā’’ti. ‘‘Tatassā’’ti vā pāṭho, tatoti ca saddhāhetūti attho. Nānupatantīti na vattanti. Pamādaṃ karontīti pamajjanti, micchā paṭipajjantīti attho. Lakkhaṇānīti aniccādilakkhaṇāni. Upanijjhāyatīti upecca ñāṇacakkhunā pekkhati, anupassatīti attho. Āgatakiccanti āhatakiccaṃ, ayameva vā pāṭho. Sādhetīti asammohapaṭivedhavasena nipphādeti, tathalakkhaṇaṃ nirodhasaccaṃ upanijjhāyatīti ayamattho maggepi vattabbo tena vinā asammohapaṭivedhassa asambhavato. Kasiṇārammaṇassāti idaṃ lakkhaṇavacanaṃ. Akasiṇārammaṇasamāpattiyopi hi santīti. Yathā ca kasiṇārammaṇāni aṭṭhannaṃ samāpattīnaṃ avasesānañca tadārammaṇānaṃ paccavekkhaṇavasena cittānaṃ, evaṃ tena tāni ārammaṇāni gahitānīti ‘‘kasiṇārammaṇassa’’icceva vuttaṃ. Paramaṃ uttamaṃ sukhanti vattabbato paramasukhaṃ arahattaṃ.
ஸத்³தா⁴ஸுத்தவண்ணனா நிட்டி²தா.
Saddhāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. ஸத்³தா⁴ஸுத்தங் • 6. Saddhāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. ஸத்³தா⁴ஸுத்தவண்ணனா • 6. Saddhāsuttavaṇṇanā
