| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૬. સદ્ધાસુત્તવણ્ણના
6. Saddhāsuttavaṇṇanā
૩૬. તત્વસ્સાતિ ઓ-કારસ્સ વ-કારાદેસં અ-કારસ્સ ચ લોપં કત્વા નિદ્દેસોતિ આહ ‘‘તતો અસ્સા’’તિ. ‘‘તતસ્સા’’તિ વા પાઠો, તતોતિ ચ સદ્ધાહેતૂતિ અત્થો. નાનુપતન્તીતિ ન વત્તન્તિ. પમાદં કરોન્તીતિ પમજ્જન્તિ, મિચ્છા પટિપજ્જન્તીતિ અત્થો. લક્ખણાનીતિ અનિચ્ચાદિલક્ખણાનિ. ઉપનિજ્ઝાયતીતિ ઉપેચ્ચ ઞાણચક્ખુના પેક્ખતિ, અનુપસ્સતીતિ અત્થો. આગતકિચ્ચન્તિ આહતકિચ્ચં, અયમેવ વા પાઠો. સાધેતીતિ અસમ્મોહપટિવેધવસેન નિપ્ફાદેતિ, તથલક્ખણં નિરોધસચ્ચં ઉપનિજ્ઝાયતીતિ અયમત્થો મગ્ગેપિ વત્તબ્બો તેન વિના અસમ્મોહપટિવેધસ્સ અસમ્ભવતો. કસિણારમ્મણસ્સાતિ ઇદં લક્ખણવચનં. અકસિણારમ્મણસમાપત્તિયોપિ હિ સન્તીતિ. યથા ચ કસિણારમ્મણાનિ અટ્ઠન્નં સમાપત્તીનં અવસેસાનઞ્ચ તદારમ્મણાનં પચ્ચવેક્ખણવસેન ચિત્તાનં, એવં તેન તાનિ આરમ્મણાનિ ગહિતાનીતિ ‘‘કસિણારમ્મણસ્સ’’ઇચ્ચેવ વુત્તં. પરમં ઉત્તમં સુખન્તિ વત્તબ્બતો પરમસુખં અરહત્તં.
36.Tatvassāti o-kārassa va-kārādesaṃ a-kārassa ca lopaṃ katvā niddesoti āha ‘‘tato assā’’ti. ‘‘Tatassā’’ti vā pāṭho, tatoti ca saddhāhetūti attho. Nānupatantīti na vattanti. Pamādaṃ karontīti pamajjanti, micchā paṭipajjantīti attho. Lakkhaṇānīti aniccādilakkhaṇāni. Upanijjhāyatīti upecca ñāṇacakkhunā pekkhati, anupassatīti attho. Āgatakiccanti āhatakiccaṃ, ayameva vā pāṭho. Sādhetīti asammohapaṭivedhavasena nipphādeti, tathalakkhaṇaṃ nirodhasaccaṃ upanijjhāyatīti ayamattho maggepi vattabbo tena vinā asammohapaṭivedhassa asambhavato. Kasiṇārammaṇassāti idaṃ lakkhaṇavacanaṃ. Akasiṇārammaṇasamāpattiyopi hi santīti. Yathā ca kasiṇārammaṇāni aṭṭhannaṃ samāpattīnaṃ avasesānañca tadārammaṇānaṃ paccavekkhaṇavasena cittānaṃ, evaṃ tena tāni ārammaṇāni gahitānīti ‘‘kasiṇārammaṇassa’’icceva vuttaṃ. Paramaṃ uttamaṃ sukhanti vattabbato paramasukhaṃ arahattaṃ.
સદ્ધાસુત્તવણ્ણના નિટ્ઠિતા.
Saddhāsuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૬. સદ્ધાસુત્તં • 6. Saddhāsuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૬. સદ્ધાસુત્તવણ્ણના • 6. Saddhāsuttavaṇṇanā
