| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૨. દ્વાદસમવગ્ગો
12. Dvādasamavaggo
(૧૧૮) ૩. સદ્દો વિપાકોતિકથા
(118) 3. Saddo vipākotikathā
૬૩૬. સદ્દો વિપાકોતિ? આમન્તા. સુખવેદનિયો દુક્ખવેદનિયો અદુક્ખમસુખવેદનિયો, સુખાય વેદનાય સમ્પયુત્તો, દુક્ખાય વેદનાય સમ્પયુત્તો , અદુક્ખમસુખાય વેદનાય સમ્પયુત્તો, ફસ્સેન સમ્પયુત્તો, વેદનાય સમ્પયુત્તો, સઞ્ઞાય સમ્પયુત્તો, ચેતનાય સમ્પયુત્તો, ચિત્તેન સમ્પયુત્તો, સારમ્મણો; અત્થિ તસ્સ આવટ્ટના આભોગો સમન્નાહારો મનસિકારો ચેતના પત્થના પણિધીતિ? ન હેવં વત્તબ્બે…પે॰… નનુ ન સુખવેદનિયો ન દુક્ખવેદનિયો…પે॰… અનારમ્મણો, નત્થિ તસ્સ આવટ્ટના…પે॰… પણિધીતિ? આમન્તા. હઞ્ચિ ન સુખવેદનિયો…પે॰… અનારમ્મણો, નત્થિ તસ્સ આવટ્ટના…પે॰… પણિધિ, નો ચ વત રે વત્તબ્બે – ‘‘સદ્દો વિપાકો’’તિ.
636. Saddo vipākoti? Āmantā. Sukhavedaniyo dukkhavedaniyo adukkhamasukhavedaniyo, sukhāya vedanāya sampayutto, dukkhāya vedanāya sampayutto , adukkhamasukhāya vedanāya sampayutto, phassena sampayutto, vedanāya sampayutto, saññāya sampayutto, cetanāya sampayutto, cittena sampayutto, sārammaṇo; atthi tassa āvaṭṭanā ābhogo samannāhāro manasikāro cetanā patthanā paṇidhīti? Na hevaṃ vattabbe…pe… nanu na sukhavedaniyo na dukkhavedaniyo…pe… anārammaṇo, natthi tassa āvaṭṭanā…pe… paṇidhīti? Āmantā. Hañci na sukhavedaniyo…pe… anārammaṇo, natthi tassa āvaṭṭanā…pe… paṇidhi, no ca vata re vattabbe – ‘‘saddo vipāko’’ti.
ફસ્સો વિપાકો, ફસ્સો સુખવેદનિયો…પે॰… સારમ્મણો, અત્થિ તસ્સ આવટ્ટના…પે॰… પણિધીતિ? આમન્તા. સદ્દો વિપાકો, સદ્દો સુખવેદનિયો…પે॰… સારમ્મણો, અત્થિ તસ્સ આવટ્ટના…પે॰… પણિધીતિ? ન હેવં વત્તબ્બે…પે॰….
Phasso vipāko, phasso sukhavedaniyo…pe… sārammaṇo, atthi tassa āvaṭṭanā…pe… paṇidhīti? Āmantā. Saddo vipāko, saddo sukhavedaniyo…pe… sārammaṇo, atthi tassa āvaṭṭanā…pe… paṇidhīti? Na hevaṃ vattabbe…pe….
સદ્દો વિપાકો, સદ્દો ન સુખવેદનિયો…પે॰… અનારમ્મણો, નત્થિ તસ્સ આવટ્ટના…પે॰… પણિધીતિ? આમન્તા. ફસ્સો વિપાકો, ફસ્સો ન સુખવેદનિયો, ન દુક્ખવેદનિયો…પે॰… અનારમ્મણો, નત્થિ તસ્સ આવટ્ટના…પે॰… પણિધીતિ? ન હેવં વત્તબ્બે…પે॰….
Saddo vipāko, saddo na sukhavedaniyo…pe… anārammaṇo, natthi tassa āvaṭṭanā…pe… paṇidhīti? Āmantā. Phasso vipāko, phasso na sukhavedaniyo, na dukkhavedaniyo…pe… anārammaṇo, natthi tassa āvaṭṭanā…pe… paṇidhīti? Na hevaṃ vattabbe…pe….
૬૩૭. ન વત્તબ્બં – ‘‘સદ્દો વિપાકો’’તિ? આમન્તા. નનુ વુત્તં ભગવતા – ‘‘સો તસ્સ કમ્મસ્સ કતત્તા ઉપચિતત્તા ઉસ્સન્નત્તા વિપુલત્તા બ્રહ્મસ્સરો હોતિ કરવિકભાણી’’તિ 1! અત્થેવ સુત્તન્તોતિ? આમન્તા . તેન હિ સદ્દો વિપાકોતિ.
637. Na vattabbaṃ – ‘‘saddo vipāko’’ti? Āmantā. Nanu vuttaṃ bhagavatā – ‘‘so tassa kammassa katattā upacitattā ussannattā vipulattā brahmassaro hoti karavikabhāṇī’’ti 2! Attheva suttantoti? Āmantā . Tena hi saddo vipākoti.
સદ્દો વિપાકોતિકથા નિટ્ઠિતા.
Saddo vipākotikathā niṭṭhitā.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૩. સદ્દો વિપાકોતિકથાવણ્ણના • 3. Saddo vipākotikathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૩. સદ્દોવિપાકોતિકથાવણ્ણના • 3. Saddovipākotikathāvaṇṇanā
