| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૧૦. સગાથકસુત્તવણ્ણના
10. Sagāthakasuttavaṇṇanā
૧૬૬. દસમે અસક્કારેન ચૂભયન્તિ અસક્કારેન ચ ઉભયેન. સમાધીતિ અરહત્તફલસમાધિ. સો હિ તેન ન વિકમ્પતિ. અપ્પમાણવિહારિનોતિ અપ્પમાણેન ફલસમાધિના વિહરન્તસ્સ. સાતતિકન્તિ સતતકારિં. સુખુમંદિટ્ઠિવિપસ્સકન્તિ અરહત્તમગ્ગદિટ્ઠિયા સુખુમદિટ્ઠિફલસમાપત્તિઅત્થાય વિપસ્સનં પટ્ઠપેત્વા આગતત્તા વિપસ્સકં. ઉપાદાનક્ખયારામન્તિ ઉપાદાનક્ખયસઙ્ખાતે નિબ્બાને રતં. આહુ સપ્પુરિસો ઇતીતિ સપ્પુરિસોતિ કથેન્તીતિ. દસમં.
166. Dasame asakkārena cūbhayanti asakkārena ca ubhayena. Samādhīti arahattaphalasamādhi. So hi tena na vikampati. Appamāṇavihārinoti appamāṇena phalasamādhinā viharantassa. Sātatikanti satatakāriṃ. Sukhumaṃdiṭṭhivipassakanti arahattamaggadiṭṭhiyā sukhumadiṭṭhiphalasamāpattiatthāya vipassanaṃ paṭṭhapetvā āgatattā vipassakaṃ. Upādānakkhayārāmanti upādānakkhayasaṅkhāte nibbāne rataṃ. Āhu sappuriso itīti sappurisoti kathentīti. Dasamaṃ.
પઠમો વગ્ગો.
Paṭhamo vaggo.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૦. સગાથકસુત્તં • 10. Sagāthakasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧૦. સગાથકસુત્તવણ્ણના • 10. Sagāthakasuttavaṇṇanā
