| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૬. સગાથાસુત્તવણ્ણના
6. Sagāthāsuttavaṇṇanā
૧૦૦. છટ્ઠે ગૂથો ગૂથેન સંસન્દતિ સમેતીતિ સમુદ્દન્તરે જનપદન્તરે ચક્કવાળન્તરે ઠિતોપિ વણ્ણેનપિ ગન્ધેનપિ રસેનપિ નાનત્તં અનુપગચ્છન્તો સંસન્દતિ સમેતિ, એકસદિસોવ હોતિ નિરન્તરો. સેસેસુપિ એસેવ નયો. અયં પન અનિટ્ઠઉપમા હીનજ્ઝાસયાનં હીનઅજ્ઝાસયસ્સ સરિક્ખભાવદસ્સનત્થં આહટા, ખીરાદિવિસિટ્ઠોપમા કલ્યાણજ્ઝાસયાનં અજ્ઝાસયસ્સ સરિક્ખભાવદસ્સનત્થં.
100. Chaṭṭhe gūtho gūthena saṃsandati sametīti samuddantare janapadantare cakkavāḷantare ṭhitopi vaṇṇenapi gandhenapi rasenapi nānattaṃ anupagacchanto saṃsandati sameti, ekasadisova hoti nirantaro. Sesesupi eseva nayo. Ayaṃ pana aniṭṭhaupamā hīnajjhāsayānaṃ hīnaajjhāsayassa sarikkhabhāvadassanatthaṃ āhaṭā, khīrādivisiṭṭhopamā kalyāṇajjhāsayānaṃ ajjhāsayassa sarikkhabhāvadassanatthaṃ.
સંસગ્ગાતિ દસ્સનસવનસંસગ્ગાદિવત્થુકેન તણ્હાસ્નેહેન. વનથો જાતોતિ કિલેસવનં જાતં . અસંસગ્ગેન છિજ્જતીતિ એકતો ઠાનનિસજ્જાદીનિ અકરોન્તસ્સ અસંસગ્ગેન અદસ્સનેન છિજ્જતિ. સાધુજીવીતિ પરિસુદ્ધજીવિતં જીવમાનો. સહાવસેતિ સહવાસં વસેય્ય. છટ્ઠં.
Saṃsaggāti dassanasavanasaṃsaggādivatthukena taṇhāsnehena. Vanatho jātoti kilesavanaṃ jātaṃ . Asaṃsaggena chijjatīti ekato ṭhānanisajjādīni akarontassa asaṃsaggena adassanena chijjati. Sādhujīvīti parisuddhajīvitaṃ jīvamāno. Sahāvaseti sahavāsaṃ vaseyya. Chaṭṭhaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૬. સગાથાસુત્તં • 6. Sagāthāsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૬. સગાથાસુત્તવણ્ણના • 6. Sagāthāsuttavaṇṇanā
