| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. ராஜகாராமவக்³கோ³
2. Rājakārāmavaggo
1. ஸஹஸ்ஸபி⁴க்கு²னிஸங்க⁴ஸுத்தவண்ணனா
1. Sahassabhikkhunisaṅghasuttavaṇṇanā
1007. த⁴ம்மிகத்தா தே³ஸவாஸீஹி அனுகம்பிதோ ராஜாதி ராஜகோ, தஸ்ஸ ஆராமோ ராஜகாராமோ, தஸ்மிங். பூ⁴மிஸீஸங் ஸெட்ட²ப்பதே³ஸோ, யத்த² வஸந்தோ லாப⁴க்³க³யஸக்³க³ப்பத்தோ ஹோதீதி தேஸங் அதி⁴ப்பாயோ.
1007. Dhammikattā desavāsīhi anukampito rājāti rājako, tassa ārāmo rājakārāmo, tasmiṃ. Bhūmisīsaṃ seṭṭhappadeso, yattha vasanto lābhaggayasaggappatto hotīti tesaṃ adhippāyo.
வாராபேஹீதி படிஸேதே⁴ஹி. யுஜ்ஜா²பேதுந்தி கலஹங் காராபேதுங். புன ஆக³ச்ச²ந்தாதி அபரஸ்மிங் ஸங்வச்ச²ரே ஆக³ச்ச²ந்தா. உப்³ப³ட்டெத்வாதி மஹதீ வீசியோ உப்³ப³ட்டெத்வா. யதா² தஸ்ஸ ஸகலமேவ ரட்ட²ங் ஏகோத³கீபூ⁴தங் ஹோதி, ஏவங் கத்வா ஸமுத்³த³மேவ ஜாதங். தேன வுத்தங் ‘‘ஸமுத்³த³மேவ அகங்ஸூ’’தி.
Vārāpehīti paṭisedhehi. Yujjhāpetunti kalahaṃ kārāpetuṃ. Puna āgacchantāti aparasmiṃ saṃvacchare āgacchantā. Ubbaṭṭetvāti mahatī vīciyo ubbaṭṭetvā. Yathā tassa sakalameva raṭṭhaṃ ekodakībhūtaṃ hoti, evaṃ katvā samuddameva jātaṃ. Tena vuttaṃ ‘‘samuddameva akaṃsū’’ti.
இஸீனமந்தரங் கத்வாதி இஸீனங் காரணங் கத்வா, இஸீனங் ஹேதூதி அத்தோ², இஸீனங் வா அந்தரபே⁴த³ங் கத்வா. ததா² லோகே கோலாஹலஸ்ஸ பத்த²டதங் விபா⁴வெந்தோ ப⁴க³வா ‘‘மே ஸுத’’ந்தி ஆஹ பச்சக்க²தோ ஜானம்பி. உச்சி²ன்னோதி குலச்சே²தே³ன உச்சி²ன்னோ. ந கேவலங் ஸயமேவ, அத² கோ² ஸஹ ரட்டே²ஹி. விப⁴வந்தி வினாஸங் உபக³தோ.
Isīnamantaraṃ katvāti isīnaṃ kāraṇaṃ katvā, isīnaṃ hetūti attho, isīnaṃ vā antarabhedaṃ katvā. Tathā loke kolāhalassa patthaṭataṃ vibhāvento bhagavā ‘‘me suta’’nti āha paccakkhato jānampi. Ucchinnoti kulacchedena ucchinno. Na kevalaṃ sayameva, atha kho saha raṭṭhehi. Vibhavanti vināsaṃ upagato.
தங் ஸந்தா⁴யேதங் வுத்தந்தி தங் யதா²வுத்தங் பஸேனதி³னா கோஸலராஜேன காரிதங் விஹாரங் ஸந்தா⁴ய ஏதங் ‘‘ராஜகாராமே’’தி வுத்தங்.
Taṃ sandhāyetaṃ vuttanti taṃ yathāvuttaṃ pasenadinā kosalarājena kāritaṃ vihāraṃ sandhāya etaṃ ‘‘rājakārāme’’ti vuttaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஸஹஸ்ஸபி⁴க்கு²னிஸங்க⁴ஸுத்தங் • 1. Sahassabhikkhunisaṅghasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. ஸஹஸ்ஸபி⁴க்கு²னிஸங்க⁴ஸுத்தவண்ணனா • 1. Sahassabhikkhunisaṅghasuttavaṇṇanā
