| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૧૨. સહાયકસુત્તવણ્ણના
12. Sahāyakasuttavaṇṇanā
૨૪૬. સમ્મા સંસન્દનવસેન એતિ પવત્તતીતિ સમેતિ, સમ્માદિટ્ઠિઆદિ. સમ્મા ચિરરત્તં ચિરકાલં સમેતિ એતેસં અત્થીતિ ચિરરત્તંસમેતિકા. તેનાહ ‘‘દીઘરત્ત’’ન્તિઆદિ. ઇદાનિ ઇમેસન્તિ એતરહિ એતેસં. અયં સાસનધમ્મો અજ્ઝાસયતો પયોગતો ચ સમ્મા સંસન્દતિ સમેતિ, તસ્મા મજ્ઝે ભિન્નં વિય સમમેવ ન વિસદિસં. કિઞ્ચ તતો એવ બુદ્ધેન ભગવતા પવેદિતધમ્મવિનયે એતેસં પટિપત્તિસાસનધમ્મો સોભતિ વિરોચતીતિ અત્થો. અરિયપ્પવેદિતેતિ અરિયેન સમ્માસમ્બુદ્ધેન સમ્મદેવ પકાસિતે અરિયધમ્મે. સમ્મદેવ સમુચ્છેદપટિપ્પસ્સદ્ધિવિનયાનં વસેન સુટ્ઠુ વિનીતા સબ્બકિલેસદરથપરિળાહાનં વૂપસમેન.
246. Sammā saṃsandanavasena eti pavattatīti sameti, sammādiṭṭhiādi. Sammā cirarattaṃ cirakālaṃ sameti etesaṃ atthīti cirarattaṃsametikā. Tenāha ‘‘dīgharatta’’ntiādi. Idāni imesanti etarahi etesaṃ. Ayaṃ sāsanadhammo ajjhāsayato payogato ca sammā saṃsandati sameti, tasmā majjhe bhinnaṃ viya samameva na visadisaṃ. Kiñca tato eva buddhena bhagavatā paveditadhammavinaye etesaṃ paṭipattisāsanadhammo sobhati virocatīti attho. Ariyappavediteti ariyena sammāsambuddhena sammadeva pakāsite ariyadhamme. Sammadeva samucchedapaṭippassaddhivinayānaṃ vasena suṭṭhu vinītā sabbakilesadarathapariḷāhānaṃ vūpasamena.
સહાયકસુત્તવણ્ણના નિટ્ઠિતા.
Sahāyakasuttavaṇṇanā niṭṭhitā.
સારત્થપ્પકાસિનિયા સંયુત્તનિકાય-અટ્ઠકથાય
Sāratthappakāsiniyā saṃyuttanikāya-aṭṭhakathāya
ભિક્ખુસંયુત્તવણ્ણનાય લીનત્થપ્પકાસના સમત્તા.
Bhikkhusaṃyuttavaṇṇanāya līnatthappakāsanā samattā.
નિટ્ઠિતા ચ સારત્થપ્પકાસિનિયા
Niṭṭhitā ca sāratthappakāsiniyā
સંયુત્તનિકાય-અટ્ઠકથાય નિદાનવગ્ગવણ્ણના.
Saṃyuttanikāya-aṭṭhakathāya nidānavaggavaṇṇanā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૨. સહાયકસુત્તં • 12. Sahāyakasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧૨. સહાયકસુત્તવણ્ણના • 12. Sahāyakasuttavaṇṇanā
