| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. ஸாகச்ச²ஸுத்தங்
5. Sākacchasuttaṃ
65. 1 ‘‘பஞ்சஹி , பி⁴க்க²வே, த⁴ம்மேஹி ஸமன்னாக³தோ பி⁴க்கு² அலங்ஸாகச்சோ² ஸப்³ரஹ்மசாரீனங். கதமேஹி பஞ்சஹி? இத⁴, பி⁴க்க²வே, பி⁴க்கு² அத்தனா ச ஸீலஸம்பன்னோ ஹோதி, ஸீலஸம்பதா³ய கதா²ய ச ஆக³தங் பஞ்ஹங் ப்³யாகத்தா ஹோதி; அத்தனா ச ஸமாதி⁴ஸம்பன்னோ ஹோதி, ஸமாதி⁴ஸம்பதா³ய கதா²ய ச ஆக³தங் பஞ்ஹங் ப்³யாகத்தா ஹோதி; அத்தனா ச பஞ்ஞாஸம்பன்னோ ஹோதி, பஞ்ஞாஸம்பதா³ய கதா²ய ச ஆக³தங் பஞ்ஹங் ப்³யாகத்தா ஹோதி; அத்தனா ச விமுத்திஸம்பன்னோ ஹோதி, விமுத்திஸம்பதா³ய கதா²ய ச ஆக³தங் பஞ்ஹங் ப்³யாகத்தா ஹோதி; அத்தனா ச விமுத்திஞாணத³ஸ்ஸனஸம்பன்னோ ஹோதி, விமுத்திஞாணத³ஸ்ஸனஸம்பதா³ய கதா²ய ச ஆக³தங் பஞ்ஹங் ப்³யாகத்தா ஹோதி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பி⁴க்கு² அலங்ஸாகச்சோ² ஸப்³ரஹ்மசாரீன’’ந்தி. பஞ்சமங்.
65.2 ‘‘Pañcahi , bhikkhave, dhammehi samannāgato bhikkhu alaṃsākaccho sabrahmacārīnaṃ. Katamehi pañcahi? Idha, bhikkhave, bhikkhu attanā ca sīlasampanno hoti, sīlasampadāya kathāya ca āgataṃ pañhaṃ byākattā hoti; attanā ca samādhisampanno hoti, samādhisampadāya kathāya ca āgataṃ pañhaṃ byākattā hoti; attanā ca paññāsampanno hoti, paññāsampadāya kathāya ca āgataṃ pañhaṃ byākattā hoti; attanā ca vimuttisampanno hoti, vimuttisampadāya kathāya ca āgataṃ pañhaṃ byākattā hoti; attanā ca vimuttiñāṇadassanasampanno hoti, vimuttiñāṇadassanasampadāya kathāya ca āgataṃ pañhaṃ byākattā hoti. Imehi kho, bhikkhave, pañcahi dhammehi samannāgato bhikkhu alaṃsākaccho sabrahmacārīna’’nti. Pañcamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. ஸாகச்ச²ஸுத்தவண்ணனா • 5. Sākacchasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-5. ஸஞ்ஞாஸுத்தாதி³வண்ணனா • 1-5. Saññāsuttādivaṇṇanā
