| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. ஸாகச்ச²ஸுத்தங்
3. Sākacchasuttaṃ
163. தத்ர கோ² ஆயஸ்மா ஸாரிபுத்தோ பி⁴க்கூ² ஆமந்தேஸி – ‘‘ஆவுஸோ பி⁴க்க²வே’’தி. ‘‘ஆவுஸோ’’தி கோ² தே பி⁴க்கூ² ஆயஸ்மதோ ஸாரிபுத்தஸ்ஸ பச்சஸ்ஸோஸுங். ஆயஸ்மா ஸாரிபுத்தோ ஏதத³வோச –
163. Tatra kho āyasmā sāriputto bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
1 ‘‘பஞ்சஹாவுஸோ , த⁴ம்மேஹி ஸமன்னாக³தோ பி⁴க்கு² அலங் ஸாகச்சோ² ஸப்³ரஹ்மசாரீனங். கதமேஹி பஞ்சஹி? இதா⁴வுஸோ, பி⁴க்கு² அத்தனா ச ஸீலஸம்பன்னோ ஹோதி, ஸீலஸம்பதா³கதா²ய ச ஆக³தங் பஞ்ஹங் ப்³யாகத்தா ஹோதி; அத்தனா ச ஸமாதி⁴ஸம்பன்னோ ஹோதி, ஸமாதி⁴ஸம்பதா³கதா²ய ச ஆக³தங் பஞ்ஹங் ப்³யாகத்தா ஹோதி; அத்தனா ச பஞ்ஞாஸம்பன்னோ ஹோதி, பஞ்ஞாஸம்பதா³கதா²ய ச ஆக³தங் பஞ்ஹங் ப்³யாகத்தா ஹோதி; அத்தனா ச விமுத்திஸம்பன்னோ ஹோதி, விமுத்திஸம்பதா³கதா²ய ச ஆக³தங் பஞ்ஹங் ப்³யாகத்தா ஹோதி; அத்தனா ச விமுத்திஞாணத³ஸ்ஸனஸம்பன்னோ ஹோதி, விமுத்திஞாணத³ஸ்ஸனஸம்பதா³கதா²ய ச ஆக³தங் பஞ்ஹங் ப்³யாகத்தா ஹோதி. இமேஹி கோ², ஆவுஸோ, பஞ்சஹி த⁴ம்மேஹி ஸமன்னாக³தோ பி⁴க்கு² அலங் ஸாகச்சோ² ஸப்³ரஹ்மசாரீன’’ந்தி. ததியங்.
2 ‘‘Pañcahāvuso , dhammehi samannāgato bhikkhu alaṃ sākaccho sabrahmacārīnaṃ. Katamehi pañcahi? Idhāvuso, bhikkhu attanā ca sīlasampanno hoti, sīlasampadākathāya ca āgataṃ pañhaṃ byākattā hoti; attanā ca samādhisampanno hoti, samādhisampadākathāya ca āgataṃ pañhaṃ byākattā hoti; attanā ca paññāsampanno hoti, paññāsampadākathāya ca āgataṃ pañhaṃ byākattā hoti; attanā ca vimuttisampanno hoti, vimuttisampadākathāya ca āgataṃ pañhaṃ byākattā hoti; attanā ca vimuttiñāṇadassanasampanno hoti, vimuttiñāṇadassanasampadākathāya ca āgataṃ pañhaṃ byākattā hoti. Imehi kho, āvuso, pañcahi dhammehi samannāgato bhikkhu alaṃ sākaccho sabrahmacārīna’’nti. Tatiyaṃ.
Footnotes:
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-5. பட²மஆகா⁴தபடிவினயஸுத்தாதி³வண்ணனா • 1-5. Paṭhamaāghātapaṭivinayasuttādivaṇṇanā
