| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. ஸகலிகஸுத்தவண்ணனா
3. Sakalikasuttavaṇṇanā
149. மந்த³பா⁴வேனாதி ஜளபா⁴வேன மோமூஹபா⁴வேனாதி மஹாமூள்ஹதாய. கப்³ப³கரணேன மத்தோதி கப்³ப³கிரியாபஸுததாதி³வஸேன மத்தோ கப்³ப³ங் கத்வா. கிமித³ங் ஸொப்பஸேவாதி இத³ங் தவ ஸொப்பங் கிமத்த²ங், புரிஸேன நாம புரிஸத்தகரேன ப⁴விதப்³ப³ங், ந ஸொப்பதியேவ. அத்த²ங் ஸமாக³ந்த்வாதி பரமத்த²ங் நிப்³பா³னங் ஸம்மா ஆக³ந்த்வா அதி⁴க³ந்த்வா. அஸங்க³…பே॰… நத்தி² ஸப்³ப³ஸோ ஸித்³த⁴த்த²பா⁴வதோ. ஜக்³க³ந்தோதி ஜாக³ரந்தோ புரிஸோ விய, ந பா⁴யாமி ப⁴யஹேதூனங் அபா⁴வா. நானுதபந்தி ஸப்³ப³த்த² ஸப்³ப³தா³பி விஸ்ஸட்ட²பா⁴வதோ, மாமந்தி மமங். கா³தா²ஸுக²த்த²ஞ்ஹி தீ³க⁴ங் கத்வா வுத்தங். டி²தத்தாதி உத்³தே³ஸபரிபுச்சா²ய பரிச்சி²ஜ்ஜத்தா. ஹானிந்தி கஸ்ஸசி ஜானிங்.
149.Mandabhāvenāti jaḷabhāvena momūhabhāvenāti mahāmūḷhatāya. Kabbakaraṇena mattoti kabbakiriyāpasutatādivasena matto kabbaṃ katvā. Kimidaṃ soppasevāti idaṃ tava soppaṃ kimatthaṃ, purisena nāma purisattakarena bhavitabbaṃ, na soppatiyeva. Atthaṃ samāgantvāti paramatthaṃ nibbānaṃ sammā āgantvā adhigantvā. Asaṅga…pe… natthi sabbaso siddhatthabhāvato. Jaggantoti jāgaranto puriso viya, na bhāyāmi bhayahetūnaṃ abhāvā. Nānutapanti sabbattha sabbadāpi vissaṭṭhabhāvato, māmanti mamaṃ. Gāthāsukhatthañhi dīghaṃ katvā vuttaṃ. Ṭhitattāti uddesaparipucchāya paricchijjattā. Hāninti kassaci jāniṃ.
ஸகலிகஸுத்தவண்ணனா நிட்டி²தா.
Sakalikasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. ஸகலிகஸுத்தங் • 3. Sakalikasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. ஸகலிகஸுத்தவண்ணனா • 3. Sakalikasuttavaṇṇanā
