| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૨. સક્કનામસુત્તવણ્ણના
2. Sakkanāmasuttavaṇṇanā
૨૩૬. સક્કનામકોતિ બલિપુત્તો વિય સક્કસ્સ વસેન ગહિતનામો. ‘‘એસો કિરા’’તિ પાઠો. ‘‘એકો કિરા’’તિપિ લિખન્તિ. મારસ્સ પક્ખે ગતો મારપક્ખિકો. યદઞ્ઞન્તિ એત્થ યન્તિ કિરિયાપરામસનં, તસ્મા યં અઞ્ઞસ્સ અનુસાસનં, તં સમણસ્સ ન સાધૂતિ યોજના. કારણેનાતિ કારણમત્તેન સંવાસો જાયતિ. યેન કેનચિ ગહટ્ઠેન વા પબ્બજિતેન વા. તં કારણન્તરં સમાગતં પુરિસં સપ્પઞ્ઞો સમ્બુદ્ધો અનુકમ્પિતું નારહતિ વિસેસાધિગમાભાવા, સતિ પન તસ્મિં સવિસેસં પસાદો હોતીતિ. મનસા ચે…પે॰… ન તેન હોતિ સંયુત્તો સિનેહવસેન અનુકમ્પા અનુદ્દયા તસ્સા અસંકિલિટ્ઠસભાવત્તા.
236.Sakkanāmakoti baliputto viya sakkassa vasena gahitanāmo. ‘‘Eso kirā’’ti pāṭho. ‘‘Eko kirā’’tipi likhanti. Mārassa pakkhe gato mārapakkhiko. Yadaññanti ettha yanti kiriyāparāmasanaṃ, tasmā yaṃ aññassa anusāsanaṃ, taṃ samaṇassa na sādhūti yojanā. Kāraṇenāti kāraṇamattena saṃvāso jāyati. Yena kenaci gahaṭṭhena vā pabbajitena vā. Taṃ kāraṇantaraṃ samāgataṃ purisaṃ sappañño sambuddho anukampituṃ nārahati visesādhigamābhāvā, sati pana tasmiṃ savisesaṃ pasādo hotīti. Manasā ce…pe… na tena hoti saṃyutto sinehavasena anukampā anuddayā tassā asaṃkiliṭṭhasabhāvattā.
સક્કનામસુત્તવણ્ણના નિટ્ઠિતા.
Sakkanāmasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૨. સક્કનામસુત્તં • 2. Sakkanāmasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૨. સક્કનામસુત્તવણ્ણના • 2. Sakkanāmasuttavaṇṇanā
