| Library / Tipiṭaka / திபிடக • Tipiṭaka / இதிவுத்தக-அட்ட²கதா² • Itivuttaka-aṭṭhakathā |
2. ஸக்காரஸுத்தவண்ணனா
2. Sakkārasuttavaṇṇanā
81. து³தியே ஸக்காரேனாதி ஸக்காரேன ஹேதுபூ⁴தேன, அத² வா ஸக்காரேனாதி ஸக்காரஹேதுனா, ஸக்காரஹேதுகேன வா. ஸக்காரஞ்ஹி நிஸ்ஸாய இதே⁴கச்சே புக்³க³லா பாபிச்சா² இச்சா²பகதா இச்சா²சாரே ட²த்வா ‘‘ஸக்காரங் நிப்³ப³த்தெஸ்ஸாமா’’தி அனேகவிஹிதங் அனேஸனங் அப்பதிரூபங் ஆபஜ்ஜித்வா இதோ சுதா அபாயேஸு நிப்³ப³த்தந்தி, அபரே யதா²ஸக்காரங் லபி⁴த்வா தன்னிமித்தங் மானமத³மச்ச²ரியாதி³வஸேன பமாத³ங் ஆபஜ்ஜித்வா இதோ சுதா அபாயேஸு நிப்³ப³த்தந்தி. யங் ஸந்தா⁴ய வுத்தங் – ‘‘ஸக்காரேன அபி⁴பூ⁴தா பரியாதி³ன்னசித்தா’’தி. தத்த² அபி⁴பூ⁴தாதி அஜ்ஜொ²த்த²டா. பரியாதி³ன்னசித்தாதி கே²பிதசித்தா, இச்சா²சாரேன மானமதா³தி³னா ச க²யங் பாபிதகுஸலசித்தா. அத² வா பரியாதி³ன்னசித்தாதி பரிதோ ஆதி³ன்னசித்தா, வுத்தப்பகாரேன அகுஸலகொட்டா²ஸேன யதா² குஸலசித்தஸ்ஸ உப்பத்திவாரோ ந ஹோதி, ஏவங் ஸமந்ததோ க³ஹிதசித்தஸந்தானாதி அத்தோ². அஸக்காரேனாதி ஹீளெத்வா பரிப⁴வித்வா பரேஹி அத்தனி பவத்திதேன அஸக்காரேன ஹேதுனா, அஸக்காரஹேதுகேன வா மானாதி³னா. ஸக்காரேன ச அஸக்காரேன சாதி கேஹிசி பவத்திதேன ஸக்காரேன கேஹிசி பவத்திதேன அஸக்காரேன ச. யே ஹி கேஹிசி பட²மங் ஸக்கதா ஹுத்வா தேஹியேவ அஸாரபா⁴வங் ஞத்வா பச்சா² அஸக்கதா ஹொந்தி, தாதி³ஸே ஸந்தா⁴ய வுத்தங் ‘‘ஸக்காரேன ச அஸக்காரேன சா’’தி.
81. Dutiye sakkārenāti sakkārena hetubhūtena, atha vā sakkārenāti sakkārahetunā, sakkārahetukena vā. Sakkārañhi nissāya idhekacce puggalā pāpicchā icchāpakatā icchācāre ṭhatvā ‘‘sakkāraṃ nibbattessāmā’’ti anekavihitaṃ anesanaṃ appatirūpaṃ āpajjitvā ito cutā apāyesu nibbattanti, apare yathāsakkāraṃ labhitvā tannimittaṃ mānamadamacchariyādivasena pamādaṃ āpajjitvā ito cutā apāyesu nibbattanti. Yaṃ sandhāya vuttaṃ – ‘‘sakkārena abhibhūtā pariyādinnacittā’’ti. Tattha abhibhūtāti ajjhotthaṭā. Pariyādinnacittāti khepitacittā, icchācārena mānamadādinā ca khayaṃ pāpitakusalacittā. Atha vā pariyādinnacittāti parito ādinnacittā, vuttappakārena akusalakoṭṭhāsena yathā kusalacittassa uppattivāro na hoti, evaṃ samantato gahitacittasantānāti attho. Asakkārenāti hīḷetvā paribhavitvā parehi attani pavattitena asakkārena hetunā, asakkārahetukena vā mānādinā. Sakkārena ca asakkārena cāti kehici pavattitena sakkārena kehici pavattitena asakkārena ca. Ye hi kehici paṭhamaṃ sakkatā hutvā tehiyeva asārabhāvaṃ ñatvā pacchā asakkatā honti, tādise sandhāya vuttaṃ ‘‘sakkārena ca asakkārena cā’’ti.
எத்த² ஸக்காரேன அபி⁴பூ⁴தா தே³வத³த்தாத³யோ நித³ஸ்ஸேதப்³பா³. வுத்தம்பி சேதங் –
Ettha sakkārena abhibhūtā devadattādayo nidassetabbā. Vuttampi cetaṃ –
‘‘ப²லங் வே கத³லிங் ஹந்தி, ப²லங் வேளுங் ப²லங் நளங்;
‘‘Phalaṃ ve kadaliṃ hanti, phalaṃ veḷuṃ phalaṃ naḷaṃ;
ஸக்காரோ காபுரிஸங் ஹந்தி, க³ப்³போ⁴ அஸ்ஸதரிங் யதா²’’தி. (ஸங்॰ நி॰ 1.183; அ॰ நி॰ 4.68; சூளவ॰ 335);
Sakkāro kāpurisaṃ hanti, gabbho assatariṃ yathā’’ti. (saṃ. ni. 1.183; a. ni. 4.68; cūḷava. 335);
ஸாதூ⁴னங் உபரி கதேன அஸக்காரேன அபி⁴பூ⁴தா த³ண்ட³கீராஜகாலிங்க³ராஜமஜ்ஜ²ராஜாத³யோ நித³ஸ்ஸேதப்³பா³. வுத்தம்பி சேதங் –
Sādhūnaṃ upari katena asakkārena abhibhūtā daṇḍakīrājakāliṅgarājamajjharājādayo nidassetabbā. Vuttampi cetaṃ –
‘‘கிஸஞ்ஹி வச்ச²ங் அவகிரிய த³ண்ட³கீ,
‘‘Kisañhi vacchaṃ avakiriya daṇḍakī,
உச்சி²ன்னமூலோ ஸஜனோ ஸரட்டோ²;
Ucchinnamūlo sajano saraṭṭho;
குக்குளனாமே நிரயம்ஹி பச்சதி,
Kukkuḷanāme nirayamhi paccati,
தஸ்ஸ பு²லிங்கா³னி பதந்தி காயே.
Tassa phuliṅgāni patanti kāye.
‘‘யோ ஸஞ்ஞதே பப்³ப³ஜிதே அவஞ்சயி,
‘‘Yo saññate pabbajite avañcayi,
த⁴ம்மங் ப⁴ணந்தே ஸமணே அதூ³ஸகே;
Dhammaṃ bhaṇante samaṇe adūsake;
தங் நாளிகேரங் ஸுனகா² பரத்த²,
Taṃ nāḷikeraṃ sunakhā parattha,
ஸங்க³ம்ம கா²த³ந்தி விப²ந்த³மானங்’’. (ஜா॰ 2.17.70-71);
Saṅgamma khādanti viphandamānaṃ’’. (jā. 2.17.70-71);
‘‘உபஹச்ச மனங் மஜ்ஜோ², மாதங்க³ஸ்மிங் யஸஸ்ஸினே;
‘‘Upahacca manaṃ majjho, mātaṅgasmiṃ yasassine;
ஸபாரிஸஜ்ஜோ உச்சி²ன்னோ, மஜ்ஜா²ரஞ்ஞங் ததா³ அஹூ’’தி. (ஜா॰ 2.19.96);
Sapārisajjo ucchinno, majjhāraññaṃ tadā ahū’’ti. (jā. 2.19.96);
ஸக்காரேன ச அஸக்காரேன ச அபி⁴பூ⁴தா அஞ்ஞதித்தி²யா நாடபுத்தாத³யோ நித³ஸ்ஸேதப்³பா³.
Sakkārena ca asakkārena ca abhibhūtā aññatitthiyā nāṭaputtādayo nidassetabbā.
கா³தா²ஸு உப⁴யந்தி உப⁴யேன ஸக்காரேன ச அஸக்காரேன ச. ஸமாதி⁴ ந விகம்பதீதி ந சலதி, ஏகக்³க³பா⁴வேன திட்ட²தி. கஸ்ஸ பன ந சலதீதி ஆஹ ‘‘அப்பமாத³விஹாரினோ’’தி. யோ பமாத³கரத⁴ம்மானங் ராகா³தீ³னங் ஸுட்டு² பஹீனத்தா அப்பமாத³விஹாரீ அரஹா, தஸ்ஸ. ஸோ ஹி லோகத⁴ம்மேஹி ந விகம்பதி. ஸுகு²மதி³ட்டி²விபஸ்ஸகந்தி ப²லஸமாபத்திஅத்த²ங் ஸுகு²மாய தி³ட்டி²யா பஞ்ஞாய அபி⁴ண்ஹங் பவத்தவிபஸ்ஸனத்தா ஸுகு²மதி³ட்டி²விபஸ்ஸகங். உபாதா³னக்க²யாராமந்தி சதுன்னங் உபாதா³னானங் க²யங் பரியோஸானபூ⁴தங் அரஹத்தப²லங் ஆரமிதப்³ப³ங் ஏதஸ்ஸாதி உபாதா³னக்க²யாராமங். ஸேஸங் வுத்தனயமேவ.
Gāthāsu ubhayanti ubhayena sakkārena ca asakkārena ca. Samādhi na vikampatīti na calati, ekaggabhāvena tiṭṭhati. Kassa pana na calatīti āha ‘‘appamādavihārino’’ti. Yo pamādakaradhammānaṃ rāgādīnaṃ suṭṭhu pahīnattā appamādavihārī arahā, tassa. So hi lokadhammehi na vikampati. Sukhumadiṭṭhivipassakanti phalasamāpattiatthaṃ sukhumāya diṭṭhiyā paññāya abhiṇhaṃ pavattavipassanattā sukhumadiṭṭhivipassakaṃ. Upādānakkhayārāmanti catunnaṃ upādānānaṃ khayaṃ pariyosānabhūtaṃ arahattaphalaṃ āramitabbaṃ etassāti upādānakkhayārāmaṃ. Sesaṃ vuttanayameva.
து³தியஸுத்தவண்ணனா நிட்டி²தா.
Dutiyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / இதிவுத்தகபாளி • Itivuttakapāḷi / 2. ஸக்காரஸுத்தங் • 2. Sakkārasuttaṃ
