| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
7. ஸக்கி²ப⁴ப்³ப³ஸுத்தங்
7. Sakkhibhabbasuttaṃ
71. ‘‘ச²ஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² அப⁴ப்³போ³ தத்ர தத்ரேவ ஸக்கி²ப⁴ப்³ப³தங் பாபுணிதுங் ஸதி ஸதி ஆயதனே. கதமேஹி ச²ஹி? இத⁴ , பி⁴க்க²வே, பி⁴க்கு² ‘இமே ஹானபா⁴கி³யா த⁴ம்மா’தி யதா²பூ⁴தங் நப்பஜானாதி, ‘இமே டி²திபா⁴கி³யா த⁴ம்மா’தி யதா²பூ⁴தங் நப்பஜானாதி, ‘இமே விஸேஸபா⁴கி³யா த⁴ம்மா’தி யதா²பூ⁴தங் நப்பஜானாதி, ‘இமே நிப்³பே³த⁴பா⁴கி³யா த⁴ம்மா’தி யதா²பூ⁴தங் நப்பஜானாதி, அஸக்கச்சகாரீ ச ஹோதி, அஸப்பாயகாரீ ச. இமேஹி கோ², பி⁴க்க²வே, ச²ஹி த⁴ம்மேஹி ஸமன்னாக³தோ பி⁴க்கு² அப⁴ப்³போ³ தத்ர தத்ரேவ ஸக்கி²ப⁴ப்³ப³தங் பாபுணிதுங் ஸதி ஸதி ஆயதனே.
71. ‘‘Chahi, bhikkhave, dhammehi samannāgato bhikkhu abhabbo tatra tatreva sakkhibhabbataṃ pāpuṇituṃ sati sati āyatane. Katamehi chahi? Idha , bhikkhave, bhikkhu ‘ime hānabhāgiyā dhammā’ti yathābhūtaṃ nappajānāti, ‘ime ṭhitibhāgiyā dhammā’ti yathābhūtaṃ nappajānāti, ‘ime visesabhāgiyā dhammā’ti yathābhūtaṃ nappajānāti, ‘ime nibbedhabhāgiyā dhammā’ti yathābhūtaṃ nappajānāti, asakkaccakārī ca hoti, asappāyakārī ca. Imehi kho, bhikkhave, chahi dhammehi samannāgato bhikkhu abhabbo tatra tatreva sakkhibhabbataṃ pāpuṇituṃ sati sati āyatane.
‘‘ச²ஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² ப⁴ப்³போ³ தத்ர தத்ரேவ ஸக்கி²ப⁴ப்³ப³தங் பாபுணிதுங் ஸதி ஸதி ஆயதனே. கதமேஹி ச²ஹி? இத⁴, பி⁴க்க²வே, பி⁴க்கு² ‘இமே ஹானபா⁴கி³யா த⁴ம்மா’தி யதா²பூ⁴தங் பஜானாதி, ‘இமே டி²திபா⁴கி³யா த⁴ம்மா’தி யதா²பூ⁴தங் பஜானாதி, ‘இமே விஸேஸபா⁴கி³யா த⁴ம்மா’தி யதா²பூ⁴தங் பஜானாதி, ‘இமே நிப்³பே³த⁴பா⁴கி³யா த⁴ம்மா’தி யதா²பூ⁴தங் பஜானாதி, ஸக்கச்சகாரீ ச ஹோதி, ஸப்பாயகாரீ ச. இமேஹி கோ², பி⁴க்க²வே, ச²ஹி த⁴ம்மேஹி ஸமன்னாக³தோ பி⁴க்கு² ப⁴ப்³போ³ தத்ர தத்ரேவ ஸக்கி²ப⁴ப்³ப³தங் பாபுணிதுங் ஸதி ஸதி ஆயதனே’’தி. ஸத்தமங்.
‘‘Chahi, bhikkhave, dhammehi samannāgato bhikkhu bhabbo tatra tatreva sakkhibhabbataṃ pāpuṇituṃ sati sati āyatane. Katamehi chahi? Idha, bhikkhave, bhikkhu ‘ime hānabhāgiyā dhammā’ti yathābhūtaṃ pajānāti, ‘ime ṭhitibhāgiyā dhammā’ti yathābhūtaṃ pajānāti, ‘ime visesabhāgiyā dhammā’ti yathābhūtaṃ pajānāti, ‘ime nibbedhabhāgiyā dhammā’ti yathābhūtaṃ pajānāti, sakkaccakārī ca hoti, sappāyakārī ca. Imehi kho, bhikkhave, chahi dhammehi samannāgato bhikkhu bhabbo tatra tatreva sakkhibhabbataṃ pāpuṇituṃ sati sati āyatane’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. ஸக்கி²ப⁴ப்³ப³ஸுத்தவண்ணனா • 7. Sakkhibhabbasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7-10. ஸக்கி²ப⁴ப்³ப³ஸுத்தாதி³வண்ணனா • 7-10. Sakkhibhabbasuttādivaṇṇanā
