| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. ஸாலஸுத்தவண்ணனா
4. Sālasuttavaṇṇanā
370. யதா²னுஸிட்ட²ங் படிபஜ்ஜமானே அபாயது³க்கே² அபாதனவஸேன தா⁴ரணட்டே²ன த⁴ம்மோ, ஸாஸனப்³ரஹ்மசரியங், ததே³வ தத³ங்கா³தி³வஸேன கிலேஸானங் வினயனட்டே²ன வினயோதி ஆஹ – ‘‘த⁴ம்மோதி வா…பே॰… நாம’’ந்தி. படிபக்க²த⁴ம்மேஹி அனபி⁴பூ⁴ததாய ஏகோ உதே³தீதி ஏகோதீ³தி லத்³த⁴னாமோ ஸமாதி⁴ பூ⁴தோ ஜாதோ ஏதேஸந்தி ஏகோதி³பூ⁴தா. எத்த² ச ஏகோதி³பூ⁴தாதி ஏதேன உபசாரஜ்ஜா²னாவஹோ புப்³ப³பா⁴கி³கோ ஸமாதி⁴ வுத்தோ. ஸமாஹிதாதி ஏதேன உபசாரப்பனாஸமாதி⁴. ஏகக்³க³சித்தாதி ஏதேன ஸுபா⁴விதோ வஸிப்பத்தோ அப்பனாஸமாதி⁴ வுத்தோதி வேதி³தப்³போ³. நவகபி⁴க்கூ²ஹி பா⁴விதஸதிபட்டா²னா புப்³ப³பா⁴கா³. தே ஹி யதா²பூ⁴தஞாணாய பா⁴விதா. யதா²பூ⁴தஞாணந்தி ஹி ஸோதாபத்திமக்³க³ஞாணங் இதா⁴தி⁴ப்பேதங். கீ²ணாஸவேஹி பா⁴விதஸதிபட்டா²னாபி புப்³ப³பா⁴கா³. தேஸஞ்ஹி கதகரணீயானங் தி³ட்ட²த⁴ம்மஸுக²விஹாராய ஸதிபட்டா²னபா⁴வனா, ஸெக்கா²னங் பன ஸதிபட்டா²னபா⁴வனா பரிஞ்ஞத்தா²ய பவத்தா லோகியா, பரிஜானநவஸேன பவத்தா லோகுத்தராதி ‘‘மிஸ்ஸகா’’தி வுத்தங்.
370. Yathānusiṭṭhaṃ paṭipajjamāne apāyadukkhe apātanavasena dhāraṇaṭṭhena dhammo, sāsanabrahmacariyaṃ, tadeva tadaṅgādivasena kilesānaṃ vinayanaṭṭhena vinayoti āha – ‘‘dhammoti vā…pe… nāma’’nti. Paṭipakkhadhammehi anabhibhūtatāya eko udetīti ekodīti laddhanāmo samādhi bhūto jāto etesanti ekodibhūtā. Ettha ca ekodibhūtāti etena upacārajjhānāvaho pubbabhāgiko samādhi vutto. Samāhitāti etena upacārappanāsamādhi. Ekaggacittāti etena subhāvito vasippatto appanāsamādhi vuttoti veditabbo. Navakabhikkhūhi bhāvitasatipaṭṭhānā pubbabhāgā. Te hi yathābhūtañāṇāya bhāvitā. Yathābhūtañāṇanti hi sotāpattimaggañāṇaṃ idhādhippetaṃ. Khīṇāsavehi bhāvitasatipaṭṭhānāpi pubbabhāgā. Tesañhi katakaraṇīyānaṃ diṭṭhadhammasukhavihārāya satipaṭṭhānabhāvanā, sekkhānaṃ pana satipaṭṭhānabhāvanā pariññatthāya pavattā lokiyā, parijānanavasena pavattā lokuttarāti ‘‘missakā’’ti vuttaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. ஸாலஸுத்தங் • 4. Sālasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. ஸாலஸுத்தவண்ணனா • 4. Sālasuttavaṇṇanā
