| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૨. સળાયતનુપ્પત્તિકથાવણ્ણના
2. Saḷāyatanuppattikathāvaṇṇanā
૬૯૧-૬૯૨. ઇદાનિ સળાયતનુપ્પત્તિકથા નામ હોતિ. તત્થ ઉપપત્તેસિયેન પટિસન્ધિચિત્તેન સહેવ ઓપપાતિકાનં સળાયતનં ઉપ્પજ્જતિ. ગબ્ભસેય્યકાનં અજ્ઝત્તિકાયતનેસુ મનાયતનકાયાયતનાનેવ પટિસન્ધિક્ખણે ઉપ્પજ્જન્તિ. સેસાનિ ચત્તારિ સત્તસત્તતિરત્તિમ્હિ. તાનિ ચ ખો યેન કમ્મુના પટિસન્ધિ ગહિતા, તસ્સેવ અઞ્ઞસ્સ વા કતત્તાતિ અયં સકસમયે વાદો. યેસં પન એકકમ્મસમ્ભવત્તા સમ્પન્નસાખાવિટપાનં રુક્ખાદીનં અંકુરો વિય બીજમત્તં સળાયતનં માતુકુચ્છિસ્મિં પટિસન્ધિક્ખણેયેવ ઉપ્પજ્જતીતિ લદ્ધિ, સેય્યથાપિ પુબ્બસેલિયાનં; તે સન્ધાય સળાયતનન્તિ પુચ્છા સકવાદિસ્સ, પટિઞ્ઞા ઇતરસ્સ. સબ્બઙ્ગપચ્ચઙ્ગીતિઆદિ સળાયતને સતિ એવરૂપો હુત્વા ઓક્કમેય્યાતિ ચોદનત્થં વુત્તં. માતુકુચ્છિગતસ્સાતિ પુચ્છા પરવાદિસ્સ. પરતો માતુકુચ્છિગતસ્સ પચ્છા કેસાતિ પુચ્છા સકવાદિસ્સ. સેસમેત્થ ઉત્તાનત્થમેવાતિ.
691-692. Idāni saḷāyatanuppattikathā nāma hoti. Tattha upapattesiyena paṭisandhicittena saheva opapātikānaṃ saḷāyatanaṃ uppajjati. Gabbhaseyyakānaṃ ajjhattikāyatanesu manāyatanakāyāyatanāneva paṭisandhikkhaṇe uppajjanti. Sesāni cattāri sattasattatirattimhi. Tāni ca kho yena kammunā paṭisandhi gahitā, tasseva aññassa vā katattāti ayaṃ sakasamaye vādo. Yesaṃ pana ekakammasambhavattā sampannasākhāviṭapānaṃ rukkhādīnaṃ aṃkuro viya bījamattaṃ saḷāyatanaṃ mātukucchismiṃ paṭisandhikkhaṇeyeva uppajjatīti laddhi, seyyathāpi pubbaseliyānaṃ; te sandhāya saḷāyatananti pucchā sakavādissa, paṭiññā itarassa. Sabbaṅgapaccaṅgītiādi saḷāyatane sati evarūpo hutvā okkameyyāti codanatthaṃ vuttaṃ. Mātukucchigatassāti pucchā paravādissa. Parato mātukucchigatassa pacchā kesāti pucchā sakavādissa. Sesamettha uttānatthamevāti.
સળાયતનુપ્પત્તિકથાવણ્ણના.
Saḷāyatanuppattikathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૩૭) ૨. સળાયતનુપ્પત્તિકથા • (137) 2. Saḷāyatanuppattikathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૨. સળાયતનુપ્પત્તિકથાવણ્ણના • 2. Saḷāyatanuppattikathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૨. સળાયતનુપ્પત્તિકથાવણ્ણના • 2. Saḷāyatanuppattikathāvaṇṇanā
