| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
6. ஸல்லஸுத்தவண்ணனா
6. Sallasuttavaṇṇanā
254. த்³வீஸு ஜனேஸூதி ஸுதவந்தஅஸ்ஸுதவந்தேஸு த்³வீஸு ஜனேஸு. அனுக³தவேத⁴ந்தி புப்³பே³ பவத்தவேத⁴ஸ்ஸ அனுக³தவேத⁴ங். ப³லவதரா தி³கு³ணா விய ஹுத்வா த³ள்ஹதரபவத்தியா. ஏவமேவாதி யதா² வித்³த⁴ஸ்ஸ புரிஸஸ்ஸ அனுவேத⁴னா ப³லவதரா, ஏவமேவ. ஸமாதி⁴மக்³க³ப²லானி நிஸ்ஸரணங் விக்க²ம்ப⁴னஸமுச்சே²த³படிப்பஸ்ஸத்³தி⁴வஸேன. ஸமாதி⁴ஸீஸேன ஹெத்த² ஜா²னஞ்ச க³ஹிதங். ஸோ ந ஜானாதி அனதி⁴க³தத்தா. நிஸ்ஸரணந்தி ஜானாதி அனிஸ்ஸரணமேவ. தாஸங் ஸமதி⁴க³தானங் ஸுக²து³க்க²வேத³னானங். ந விப்பயுத்தோ அப்பஹீனகிலேஸத்தா. ஸங்கா²தத⁴ம்மஸ்ஸாதி ஸங்கா²ய பஞ்ஞாய பரிஞ்ஞாதசதுக்க²ந்த⁴ஸ்ஸ. தேனாஹ ‘‘துலிதத⁴ம்மஸ்ஸா’’தி. இமஸ்மிம்பி ஸுத்தே புரிமஸுத்தே விய ஆரம்மணானுஸயோவ கதி²தோ, ஸோ பன தத்த² வுத்தனயேனேவ வேதி³தப்³போ³. அனுரோத⁴விரோத⁴பஹானஸ்ஸ வுத்தத்தா கீ²ணாஸவோ து⁴ரங். அனாகா³மீபி வட்டதி, தஸ்ஸ விரோத⁴ப்பஹானங் லப்³ப⁴தி.
254.Dvīsu janesūti sutavantaassutavantesu dvīsu janesu. Anugatavedhanti pubbe pavattavedhassa anugatavedhaṃ. Balavatarā diguṇā viya hutvā daḷhatarapavattiyā. Evamevāti yathā viddhassa purisassa anuvedhanā balavatarā, evameva. Samādhimaggaphalāni nissaraṇaṃ vikkhambhanasamucchedapaṭippassaddhivasena. Samādhisīsena hettha jhānañca gahitaṃ. So na jānāti anadhigatattā. Nissaraṇanti jānāti anissaraṇameva. Tāsaṃ samadhigatānaṃ sukhadukkhavedanānaṃ. Na vippayutto appahīnakilesattā. Saṅkhātadhammassāti saṅkhāya paññāya pariññātacatukkhandhassa. Tenāha ‘‘tulitadhammassā’’ti. Imasmimpi sutte purimasutte viya ārammaṇānusayova kathito, so pana tattha vuttanayeneva veditabbo. Anurodhavirodhapahānassa vuttattā khīṇāsavo dhuraṃ. Anāgāmīpi vaṭṭati, tassa virodhappahānaṃ labbhati.
ஸல்லஸுத்தவண்ணனா நிட்டி²தா.
Sallasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. ஸல்லஸுத்தங் • 6. Sallasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. ஸல்லஸுத்தவண்ணனா • 6. Sallasuttavaṇṇanā
