Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi

    ૧૧. એકાદસમવગ્ગો

    11. Ekādasamavaggo

    (૧૧૩) ૮. સમાધિકથા

    (113) 8. Samādhikathā

    ૬૨૫. ચિત્તસન્તતિ સમાધીતિ? આમન્તા. અતીતા ચિત્તસન્તતિ સમાધીતિ? ન હેવં વત્તબ્બે …પે॰… ચિત્તસન્તતિ સમાધીતિ? આમન્તા. અનાગતા ચિત્તસન્તતિ સમાધીતિ? ન હેવં વત્તબ્બે…પે॰… ચિત્તસન્તતિ સમાધીતિ? આમન્તા. નનુ અતીતં નિરુદ્ધં અનાગતં અજાતન્તિ? આમન્તા. હઞ્ચિ અતીતં નિરુદ્ધં અનાગતં અજાતં, નો ચ વત રે વત્તબ્બે – ‘‘ચિત્તસન્તતિ સમાધી’’તિ.

    625. Cittasantati samādhīti? Āmantā. Atītā cittasantati samādhīti? Na hevaṃ vattabbe …pe… cittasantati samādhīti? Āmantā. Anāgatā cittasantati samādhīti? Na hevaṃ vattabbe…pe… cittasantati samādhīti? Āmantā. Nanu atītaṃ niruddhaṃ anāgataṃ ajātanti? Āmantā. Hañci atītaṃ niruddhaṃ anāgataṃ ajātaṃ, no ca vata re vattabbe – ‘‘cittasantati samādhī’’ti.

    ૬૨૬. એકચિત્તક્ખણિકો સમાધીતિ? આમન્તા. ચક્ખુવિઞ્ઞાણસમઙ્ગી સમાપન્નોતિ? ન હેવં વત્તબ્બે…પે॰… સોતવિઞ્ઞાણસમઙ્ગી…પે॰… ઘાનવિઞ્ઞાણસમઙ્ગી… જિવ્હાવિઞ્ઞાણસમઙ્ગી… કાયવિઞ્ઞાણસમઙ્ગી…પે॰… અકુસલચિત્તસમઙ્ગી …પે॰… રાગસહગતચિત્તસમઙ્ગી…પે॰… દોસસહગતચિત્તસમઙ્ગી…પે॰… મોહસહગતચિત્તસમઙ્ગી…પે॰… અનોત્તપ્પસહગતચિત્તસમઙ્ગી સમાપન્નોતિ? ન હેવં વત્તબ્બે…પે॰….

    626. Ekacittakkhaṇiko samādhīti? Āmantā. Cakkhuviññāṇasamaṅgī samāpannoti? Na hevaṃ vattabbe…pe… sotaviññāṇasamaṅgī…pe… ghānaviññāṇasamaṅgī… jivhāviññāṇasamaṅgī… kāyaviññāṇasamaṅgī…pe… akusalacittasamaṅgī …pe… rāgasahagatacittasamaṅgī…pe… dosasahagatacittasamaṅgī…pe… mohasahagatacittasamaṅgī…pe… anottappasahagatacittasamaṅgī samāpannoti? Na hevaṃ vattabbe…pe….

    ચિત્તસન્તતિ સમાધીતિ? આમન્તા. અકુસલચિત્તસન્તતિ સમાધીતિ? ન હેવં વત્તબ્બે…પે॰… રાગસહગતા…પે॰… દોસસહગતા…પે॰… મોહસહગતા…પે॰… અનોત્તપ્પસહગતા ચિત્તસન્તતિ સમાધીતિ? ન હેવં વત્તબ્બે…પે॰….

    Cittasantati samādhīti? Āmantā. Akusalacittasantati samādhīti? Na hevaṃ vattabbe…pe… rāgasahagatā…pe… dosasahagatā…pe… mohasahagatā…pe… anottappasahagatā cittasantati samādhīti? Na hevaṃ vattabbe…pe….

    ન વત્તબ્બં – ‘‘ચિત્તસન્તતિ સમાધી’’તિ? આમન્તા. નનુ વુત્તં ભગવતા – ‘‘અહં ખો, આવુસો નિગણ્ઠા, પહોમિ અનિઞ્જમાનો કાયેન, અભાસમાનો વાચં, સત્ત રત્તિન્દિવાનિ 1 એકન્તસુખં પટિસંવેદી વિહરિતુ’’ન્તિ 2! અત્થેવ સુત્તન્તોતિ? આમન્તા. તેન હિ ચિત્તસન્તતિ સમાધીતિ.

    Na vattabbaṃ – ‘‘cittasantati samādhī’’ti? Āmantā. Nanu vuttaṃ bhagavatā – ‘‘ahaṃ kho, āvuso nigaṇṭhā, pahomi aniñjamāno kāyena, abhāsamāno vācaṃ, satta rattindivāni 3 ekantasukhaṃ paṭisaṃvedī viharitu’’nti 4! Attheva suttantoti? Āmantā. Tena hi cittasantati samādhīti.

    સમાધિકથા નિટ્ઠિતા.

    Samādhikathā niṭṭhitā.




    Next: (૧૧૪) ૯. ધમ્મટ્ઠિતતાકથા • (114) 9. Dhammaṭṭhitatākathā




    Footnotes:
    1. રત્તિદિવાનિ (ક॰)
    2. મ॰ નિ॰ ૧.૧૮૦
    3. rattidivāni (ka.)
    4. ma. ni. 1.180



    Related texts:



    અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૮. સમાધિકથાવણ્ણના • 8. Samādhikathāvaṇṇanā

    ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૮. સમાધિકથાવણ્ણના • 8. Samādhikathāvaṇṇanā

    ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૮. સમાધિકથાવણ્ણના • 8. Samādhikathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact