| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
13. ஜா²னஸங்யுத்தங்
13. Jhānasaṃyuttaṃ
1. ஸமாதி⁴மூலகஸமாபத்திஸுத்தவண்ணனா
1. Samādhimūlakasamāpattisuttavaṇṇanā
662. ஸமாதி⁴குஸலோதி ஸமாதி⁴ஸ்மிங் குஸலோ. தயித³ங் ஸமாதி⁴கோஸல்லத்தங் ஸஹ ஜா²னங்க³யோகே³ன சதுப்³பி³தோ⁴ ஜா²னஸமாதி⁴, தஸ்மா தங் தங் விபா⁴க³ங் ஜானந்தஸ்ஸ ஸித்³த⁴ங் ஹோதீதி ஆஹ – ‘‘பட²மங் ஜா²ன’’ந்திஆதி³. தத்த² விதக்கவிசாரபீதிஸுகே²கக்³க³தாவஸேன பட²மங் பஞ்சங்கி³கங், பீதிஸுகே²கக்³க³தாவஸேன து³தியங் திவங்கி³கங், ஸுகே²கக்³க³தாவஸேன ததியங் து³வங்கி³கங், உபெக்கே²கக்³க³தாவஸேன சதுத்த²ங் து³வங்கி³கமேவாதி ஏவங் தஸ்மிங் தஸ்மிங் ஜா²னே தங்தங்அங்கா³னங் வவத்தா²னே குஸலோ. ஸமாபத்திகுஸலோதி ஸமாபஜ்ஜனே குஸலோ. ஹாஸெத்வாதி தோஸெத்வா. கல்லங் கத்வாதி ஸமாதா⁴னஸ்ஸ படிபக்க²த⁴ம்மானங் தூ³ரீகரணேன ஸஹகாரீகாரணஞ்ச ஸமாதா⁴னேன ஸமாபஜ்ஜனே சித்தங் ஸமத்த²ங் கத்வா. ஸேஸபதா³னீதி ஸேஸா தயோ கொட்டா²ஸா. ததியாதீ³ஸு நயேஸு அகுஸலோபி ஜா²னத்தா²ய படிபன்னத்தா ‘‘ஜா²யீதேவா’’தி வுத்தோ.
662.Samādhikusaloti samādhismiṃ kusalo. Tayidaṃ samādhikosallattaṃ saha jhānaṅgayogena catubbidho jhānasamādhi, tasmā taṃ taṃ vibhāgaṃ jānantassa siddhaṃ hotīti āha – ‘‘paṭhamaṃ jhāna’’ntiādi. Tattha vitakkavicārapītisukhekaggatāvasena paṭhamaṃ pañcaṅgikaṃ, pītisukhekaggatāvasena dutiyaṃ tivaṅgikaṃ, sukhekaggatāvasena tatiyaṃ duvaṅgikaṃ, upekkhekaggatāvasena catutthaṃ duvaṅgikamevāti evaṃ tasmiṃ tasmiṃ jhāne taṃtaṃaṅgānaṃ vavatthāne kusalo. Samāpattikusaloti samāpajjane kusalo. Hāsetvāti tosetvā. Kallaṃ katvāti samādhānassa paṭipakkhadhammānaṃ dūrīkaraṇena sahakārīkāraṇañca samādhānena samāpajjane cittaṃ samatthaṃ katvā. Sesapadānīti sesā tayo koṭṭhāsā. Tatiyādīsu nayesu akusalopi jhānatthāya paṭipannattā ‘‘jhāyītevā’’ti vutto.
ஸமாதி⁴மூலகஸமாபத்திஸுத்தவண்ணனா நிட்டி²தா.
Samādhimūlakasamāpattisuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஸமாதி⁴மூலகஸமாபத்திஸுத்தங் • 1. Samādhimūlakasamāpattisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. ஸமாதி⁴மூலகஸமாபத்திஸுத்தவண்ணனா • 1. Samādhimūlakasamāpattisuttavaṇṇanā
