| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૧૩. ઝાનસંયુત્તં
13. Jhānasaṃyuttaṃ
૧. સમાધિમૂલકસમાપત્તિસુત્તવણ્ણના
1. Samādhimūlakasamāpattisuttavaṇṇanā
૬૬૨. સમાધિકુસલોતિ સમાધિસ્મિં કુસલો. તયિદં સમાધિકોસલ્લત્તં સહ ઝાનઙ્ગયોગેન ચતુબ્બિધો ઝાનસમાધિ, તસ્મા તં તં વિભાગં જાનન્તસ્સ સિદ્ધં હોતીતિ આહ – ‘‘પઠમં ઝાન’’ન્તિઆદિ. તત્થ વિતક્કવિચારપીતિસુખેકગ્ગતાવસેન પઠમં પઞ્ચઙ્ગિકં, પીતિસુખેકગ્ગતાવસેન દુતિયં તિવઙ્ગિકં, સુખેકગ્ગતાવસેન તતિયં દુવઙ્ગિકં, ઉપેક્ખેકગ્ગતાવસેન ચતુત્થં દુવઙ્ગિકમેવાતિ એવં તસ્મિં તસ્મિં ઝાને તંતંઅઙ્ગાનં વવત્થાને કુસલો. સમાપત્તિકુસલોતિ સમાપજ્જને કુસલો. હાસેત્વાતિ તોસેત્વા. કલ્લં કત્વાતિ સમાધાનસ્સ પટિપક્ખધમ્માનં દૂરીકરણેન સહકારીકારણઞ્ચ સમાધાનેન સમાપજ્જને ચિત્તં સમત્થં કત્વા. સેસપદાનીતિ સેસા તયો કોટ્ઠાસા. તતિયાદીસુ નયેસુ અકુસલોપિ ઝાનત્થાય પટિપન્નત્તા ‘‘ઝાયીતેવા’’તિ વુત્તો.
662.Samādhikusaloti samādhismiṃ kusalo. Tayidaṃ samādhikosallattaṃ saha jhānaṅgayogena catubbidho jhānasamādhi, tasmā taṃ taṃ vibhāgaṃ jānantassa siddhaṃ hotīti āha – ‘‘paṭhamaṃ jhāna’’ntiādi. Tattha vitakkavicārapītisukhekaggatāvasena paṭhamaṃ pañcaṅgikaṃ, pītisukhekaggatāvasena dutiyaṃ tivaṅgikaṃ, sukhekaggatāvasena tatiyaṃ duvaṅgikaṃ, upekkhekaggatāvasena catutthaṃ duvaṅgikamevāti evaṃ tasmiṃ tasmiṃ jhāne taṃtaṃaṅgānaṃ vavatthāne kusalo. Samāpattikusaloti samāpajjane kusalo. Hāsetvāti tosetvā. Kallaṃ katvāti samādhānassa paṭipakkhadhammānaṃ dūrīkaraṇena sahakārīkāraṇañca samādhānena samāpajjane cittaṃ samatthaṃ katvā. Sesapadānīti sesā tayo koṭṭhāsā. Tatiyādīsu nayesu akusalopi jhānatthāya paṭipannattā ‘‘jhāyītevā’’ti vutto.
સમાધિમૂલકસમાપત્તિસુત્તવણ્ણના નિટ્ઠિતા.
Samādhimūlakasamāpattisuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧. સમાધિમૂલકસમાપત્તિસુત્તં • 1. Samādhimūlakasamāpattisuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧. સમાધિમૂલકસમાપત્તિસુત્તવણ્ણના • 1. Samādhimūlakasamāpattisuttavaṇṇanā
