Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya

    7. ஸமாதி⁴ஸுத்தங்

    7. Samādhisuttaṃ

    27. ‘‘ஸமாதி⁴ங், பி⁴க்க²வே, பா⁴வேத² அப்பமாணங் நிபகா பதிஸ்ஸதா. ஸமாதி⁴ங், பி⁴க்க²வே, பா⁴வயதங் அப்பமாணங் நிபகானங் பதிஸ்ஸதானங் பஞ்ச ஞாணானி பச்சத்தஞ்ஞேவ உப்பஜ்ஜந்தி. கதமானி பஞ்ச? ‘அயங் ஸமாதி⁴ பச்சுப்பன்னஸுகோ² சேவ ஆயதிஞ்ச ஸுக²விபாகோ’தி பச்சத்தஞ்ஞேவ ஞாணங் உப்பஜ்ஜதி, ‘அயங் ஸமாதி⁴ அரியோ நிராமிஸோ’தி பச்சத்தஞ்ஞேவ ஞாணங் உப்பஜ்ஜதி, ‘அயங் ஸமாதி⁴ அகாபுரிஸஸேவிதோ’தி 1 பச்சத்தஞ்ஞேவ ஞாணங் உப்பஜ்ஜதி, ‘அயங் ஸமாதி⁴ ஸந்தோ பணீதோ படிப்பஸ்ஸத்³த⁴லத்³தோ⁴ ஏகோதி³பா⁴வாதி⁴க³தோ, ந ஸங்கா²ரனிக்³க³ய்ஹவாரிதக³தோ’தி 2 பச்சத்தஞ்ஞேவ ஞாணங் உப்பஜ்ஜதி, ‘ஸதோ கோ² பனாஹங் இமங் ஸமாபஜ்ஜாமி ஸதோ வுட்ட²ஹாமீ’தி 3 பச்சத்தஞ்ஞேவ ஞாணங் உப்பஜ்ஜதி.

    27. ‘‘Samādhiṃ, bhikkhave, bhāvetha appamāṇaṃ nipakā patissatā. Samādhiṃ, bhikkhave, bhāvayataṃ appamāṇaṃ nipakānaṃ patissatānaṃ pañca ñāṇāni paccattaññeva uppajjanti. Katamāni pañca? ‘Ayaṃ samādhi paccuppannasukho ceva āyatiñca sukhavipāko’ti paccattaññeva ñāṇaṃ uppajjati, ‘ayaṃ samādhi ariyo nirāmiso’ti paccattaññeva ñāṇaṃ uppajjati, ‘ayaṃ samādhi akāpurisasevito’ti 4 paccattaññeva ñāṇaṃ uppajjati, ‘ayaṃ samādhi santo paṇīto paṭippassaddhaladdho ekodibhāvādhigato, na saṅkhāraniggayhavāritagato’ti 5 paccattaññeva ñāṇaṃ uppajjati, ‘sato kho panāhaṃ imaṃ samāpajjāmi sato vuṭṭhahāmī’ti 6 paccattaññeva ñāṇaṃ uppajjati.

    ‘‘ஸமாதி⁴ங், பி⁴க்க²வே, பா⁴வேத² அப்பமாணங் நிபகா பதிஸ்ஸதா. ஸமாதி⁴ங், பி⁴க்க²வே, பா⁴வயதங் அப்பமாணங் நிபகானங் பதிஸ்ஸதானங் இமானி பஞ்ச ஞாணானி பச்சத்தஞ்ஞேவ உப்பஜ்ஜந்தீ’’தி. ஸத்தமங்.

    ‘‘Samādhiṃ, bhikkhave, bhāvetha appamāṇaṃ nipakā patissatā. Samādhiṃ, bhikkhave, bhāvayataṃ appamāṇaṃ nipakānaṃ patissatānaṃ imāni pañca ñāṇāni paccattaññeva uppajjantī’’ti. Sattamaṃ.




    Next: 8. பஞ்சங்கி³கஸுத்தங் • 8. Pañcaṅgikasuttaṃ




    Footnotes:
    1. மஹாபுரிஸஸேவிதோதி (க॰)
    2. ந ச ஸஸங்கா²ரனிக்³க³ய்ஹவாரிதப்பதிதோதி (ஸீ॰), ந ச ஸஸங்கா²ரனிக்³க³ய்ஹவாரிதபத்தோதி (ஸ்யா॰), ந ச ஸஸங்கா²ரனிக்³க³ய்ஹவாரிவாவடோதி (க॰), ந ஸஸங்கா²ரனிக்³க³ய்ஹவாரியாதி⁴க³தோதி (?) தீ³॰ நி॰ 3.355; அ॰ நி॰ 3.102; 9.27
    3. ஸோ கோ² பனாஹங் இமங் ஸமாதி⁴ங் ஸதோவ ஸமாபஜ்ஜாமி, ஸதோ உட்ட²ஹாமீதி (ஸீ॰ ஸ்யா॰ கங்॰)
    4. mahāpurisasevitoti (ka.)
    5. na ca sasaṅkhāraniggayhavāritappatitoti (sī.), na ca sasaṅkhāraniggayhavāritapattoti (syā.), na ca sasaṅkhāraniggayhavārivāvaṭoti (ka.), na sasaṅkhāraniggayhavāriyādhigatoti (?) dī. ni. 3.355; a. ni. 3.102; 9.27
    6. so kho panāhaṃ imaṃ samādhiṃ satova samāpajjāmi, sato uṭṭhahāmīti (sī. syā. kaṃ.)



    Related texts:



    அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. ஸமாதி⁴ஸுத்தவண்ணனா • 7. Samādhisuttavaṇṇanā

    டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7. ஸமாதி⁴ஸுத்தவண்ணனா • 7. Samādhisuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact