| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. ஸமாதி⁴ஸுத்தவண்ணனா
5. Samādhisuttavaṇṇanā
5. ஸமாதீ⁴தி அப்பனாஸமாதி⁴, உபசாரஸமாதி⁴ வா. கம்மட்டா²னந்தி ஸமாதி⁴பாத³கங் விபஸ்ஸனாகம்மட்டா²னங். ‘‘பா²திங் க³மிஸ்ஸதீ’’தி பாடோ². பத்தே²தீதி ‘‘அஹோ வத மே ஈதி³ஸங் ரூபங் ப⁴வெய்யா’’தி. அபி⁴வத³தீதி தண்ஹாதி³ட்டி²வஸேன அபி⁴னிவேஸங் வத³தி. தேனாஹ ‘‘தாய அபி⁴னந்த³னாயா’’திஆதி³. ‘‘அஹோ பியங் இட்ட²’’ந்தி வசீபே⁴தே³ அஸதிபி ததா² லோபு⁴ப்பாதே³ ஸதி அபி⁴வத³தியேவ நாம. தேனாஹ ‘‘வாசங் அபி⁴ந்த³ந்தோ’’தி. ‘‘மம இத³’’ந்தி அத்தனோ பரிணாமெத்வா அனஞ்ஞகோ³சரங் விய கத்வா க³ண்ஹந்தோ அஜ்ஜோ²ஸாய திட்ட²தி நாமாதி த³ஸ்ஸெந்தோ ஆஹ ‘‘கி³லித்வாதி பரினிட்ட²பெத்வா க³ண்ஹாதீ’’தி. ‘‘அபி⁴னந்த³தீ’’திஆத³யோ புப்³ப³பா⁴க³வஸேன வுத்தா, ‘‘உப்பஜ்ஜதி நந்தீ³’’தி த்³வாரப்பத்தவஸேன. பட²மேஹி பதே³ஹி அனுஸயோ, பச்சி²மேன பரியுட்டா²னந்தி கேசி ‘‘க³ஹணட்டே²ன உபாதா³ன’’ந்தி கத்வா. நாபி⁴னந்த³தி நாபி⁴வத³தீதி எத்த² ஹெட்டா² வுத்தவிபரியாயேன அத்தோ² வேதி³தப்³போ³. ந ‘‘இட்ட²ங் கந்த’’ந்தி வத³தீதி ‘‘இட்ட²’’ந்தி ந வத³தி, ‘‘கந்த’’ந்தி ந வத³தி. நாபி⁴வத³தியேவ தண்ஹாய அனுபாதி³யத்தா.
5.Samādhīti appanāsamādhi, upacārasamādhi vā. Kammaṭṭhānanti samādhipādakaṃ vipassanākammaṭṭhānaṃ. ‘‘Phātiṃ gamissatī’’ti pāṭho. Patthetīti ‘‘aho vata me īdisaṃ rūpaṃ bhaveyyā’’ti. Abhivadatīti taṇhādiṭṭhivasena abhinivesaṃ vadati. Tenāha ‘‘tāya abhinandanāyā’’tiādi. ‘‘Aho piyaṃ iṭṭha’’nti vacībhede asatipi tathā lobhuppāde sati abhivadatiyeva nāma. Tenāha ‘‘vācaṃ abhindanto’’ti. ‘‘Mama ida’’nti attano pariṇāmetvā anaññagocaraṃ viya katvā gaṇhanto ajjhosāya tiṭṭhati nāmāti dassento āha ‘‘gilitvāti pariniṭṭhapetvā gaṇhātī’’ti. ‘‘Abhinandatī’’tiādayo pubbabhāgavasena vuttā, ‘‘uppajjati nandī’’ti dvārappattavasena. Paṭhamehi padehi anusayo, pacchimena pariyuṭṭhānanti keci ‘‘gahaṇaṭṭhena upādāna’’nti katvā. Nābhinandati nābhivadatīti ettha heṭṭhā vuttavipariyāyena attho veditabbo. Na ‘‘iṭṭhaṃ kanta’’nti vadatīti ‘‘iṭṭha’’nti na vadati, ‘‘kanta’’nti na vadati. Nābhivadatiyeva taṇhāya anupādiyattā.
ஸமாதி⁴ஸுத்தவண்ணனா நிட்டி²தா.
Samādhisuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. ஸமாதி⁴ஸுத்தங் • 5. Samādhisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. ஸமாதி⁴ஸுத்தவண்ணனா • 5. Samādhisuttavaṇṇanā
