| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. வேத³னாஸங்யுத்தங்
2. Vedanāsaṃyuttaṃ
1. ஸகா³தா²வக்³கோ³
1. Sagāthāvaggo
1. ஸமாதி⁴ஸுத்தவண்ணனா
1. Samādhisuttavaṇṇanā
249. வேத³னா ச பஜானாதீதி ஸச்சாபி⁴ஸம்போ³த⁴வஸேன வுச்சமானவேத³னானங் பஜானநங் ஸாதிஸயஸமாதா⁴னபுப்³ப³கந்தி ப⁴க³வதா ‘‘ஸமாஹிதோ’’தி வுத்தந்தி ஆஹ ‘‘உபசாரேன வா அப்பனாய வா ஸமாஹிதோ’’தி. வேத³னாதி திஸ்ஸோபி வேத³னா. து³க்க²ஸச்சவஸேனாதி து³க்க²ஸச்சபா⁴வேன, பரிஜானநவஸேனாதி அத்தோ². ஸம்ப⁴வந்தி ஸமுத³யங் தண்ஹாவிஜ்ஜாகம்மப²ஸ்ஸாதி³ப்பபே⁴த³ங் உப்பத்திகாரணங். தேனாஹ ‘‘ஸமுத³யஸச்சவஸேன பஜானாதீ’’தி. யத்தா²தி யங்னிமித்தங், யங் ஆக³ம்ம காமதண்ஹாவிஜ்ஜாதி³னிரோதா⁴ வேத³னானிரோதோ⁴, தேஸங் அயங் நிரோதோ⁴. நிப்³பா³னங் ஆரப்³ப⁴ அரியமக்³க³ப்பவத்தியா ஹி நிப்³பா³னங் வேத³னானிரோதோ⁴தி வுத்தோ. க²யங் க³மேதீதி க²யகா³மீ, தங் க²யகா³மினங். சா²தங் வுச்சதி தண்ஹா காமானங் பாதுகாமதாவஸேன பவத்தனதோ, அச்சந்தமேவ ஸமுச்சி²ன்னத்தா நத்தி² ஏதஸ்மிங் சா²தந்தி நிச்சா²தோ. தேனாஹ ‘‘நித்தண்ஹோ’’தி. ஸம்மஸனசாரவேத³னாதி ஸம்மஸனூபசாரவேத³னா. த்³வீஹி பதே³ஹீதி ‘‘ஸமாஹிதோ ஸம்பஜானோ’’தி இமேஹி த்³வீஹி. ‘‘ஸதோ’’தி பன இத³ங் ஸம்பஜானபத³ஸ்ஸேவ உபப்³ரூஹனந்தி அதி⁴ப்பாயோ. ஸேஸேஹி சதூஹி சதுஸச்சங் கதி²தங், இதரேஹி பன த்³வீஹி சதுஸச்சபு³ஜ்ஜ²னமேவ கதி²தங். ஸப்³ப³ஸங்கா³ஹிகோதி ஸப்³ப³ஸபா⁴வத⁴ம்மானங் ஸங்க³ண்ஹனகோ. தேனாஹ ‘‘சதுபூ⁴மகத⁴ம்மபரிச்சே²தோ³ வுத்தோ’’தி.
249.Vedanāca pajānātīti saccābhisambodhavasena vuccamānavedanānaṃ pajānanaṃ sātisayasamādhānapubbakanti bhagavatā ‘‘samāhito’’ti vuttanti āha ‘‘upacārena vā appanāya vā samāhito’’ti. Vedanāti tissopi vedanā. Dukkhasaccavasenāti dukkhasaccabhāvena, parijānanavasenāti attho. Sambhavanti samudayaṃ taṇhāvijjākammaphassādippabhedaṃ uppattikāraṇaṃ. Tenāha ‘‘samudayasaccavasena pajānātī’’ti. Yatthāti yaṃnimittaṃ, yaṃ āgamma kāmataṇhāvijjādinirodhā vedanānirodho, tesaṃ ayaṃ nirodho. Nibbānaṃ ārabbha ariyamaggappavattiyā hi nibbānaṃ vedanānirodhoti vutto. Khayaṃ gametīti khayagāmī, taṃ khayagāminaṃ. Chātaṃ vuccati taṇhā kāmānaṃ pātukāmatāvasena pavattanato, accantameva samucchinnattā natthi etasmiṃ chātanti nicchāto. Tenāha ‘‘nittaṇho’’ti. Sammasanacāravedanāti sammasanūpacāravedanā. Dvīhi padehīti ‘‘samāhito sampajāno’’ti imehi dvīhi. ‘‘Sato’’ti pana idaṃ sampajānapadasseva upabrūhananti adhippāyo. Sesehi catūhi catusaccaṃ kathitaṃ, itarehi pana dvīhi catusaccabujjhanameva kathitaṃ. Sabbasaṅgāhikoti sabbasabhāvadhammānaṃ saṅgaṇhanako. Tenāha ‘‘catubhūmakadhammaparicchedo vutto’’ti.
ஸமாதி⁴ஸுத்தவண்ணனா நிட்டி²தா.
Samādhisuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஸமாதி⁴ஸுத்தங் • 1. Samādhisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. ஸமாதி⁴ஸுத்தவண்ணனா • 1. Samādhisuttavaṇṇanā
