| Library / Tipiṭaka / திபிடக • Tipiṭaka / இதிவுத்தக-அட்ட²கதா² • Itivuttaka-aṭṭhakathā |
4. ஸமணப்³ராஹ்மணஸுத்தவண்ணனா
4. Samaṇabrāhmaṇasuttavaṇṇanā
103. சதுத்தே² யே ஹி கேசீதி யே கேசி. இத³ங் து³க்க²ந்தி யதா²பூ⁴தங் நப்பஜானந்தீதி ‘‘இத³ங் து³க்க²ங், எத்தகங் து³க்க²ங், ந இதோ பி⁴ய்யோ’’தி அவிபரீதங் ஸபா⁴வஸரஸலக்க²ணதோ விபஸ்ஸனாபஞ்ஞாஸஹிதாய மக்³க³பஞ்ஞாய து³க்க²ஸச்சங் ந ஜானந்தி ந படிவிஜ்ஜ²ந்தி. ஸேஸேஸுபி ஏஸேவ நயோ. ந மே தே, பி⁴க்க²வேதிஆதீ³ஸு அயங் ஸங்கே²பத்தோ² – பி⁴க்க²வே, சதுஸச்சகம்மட்டா²னங் அனநுயுத்தா பப்³ப³ஜ்ஜாமத்தஸமணா சேவ ஜாதிமத்தப்³ராஹ்மணா ச ந மயா தே ஸமிதபாபஸமணேஸு ஸமணோதி, பா³ஹிதபாபப்³ராஹ்மணேஸு ப்³ராஹ்மணோதி ச ஸம்மதா அனுஞ்ஞாதா. கஸ்மா? ஸமணகரணானங் ப்³ராஹ்மணகரணானஞ்ச த⁴ம்மானங் அபா⁴வதோதி. தேனேவாஹ ‘‘ந ச பன தே ஆயஸ்மந்தோ’’திஆதி³. தத்த² ஸாமஞ்ஞத்த²ந்தி ஸாமஞ்ஞஸங்கா²தங் அத்த²ங், சத்தாரி ஸாமஞ்ஞப²லானீதி அத்தோ². ப்³ரஹ்மஞ்ஞத்த²ந்தி தஸ்ஸேவ வேவசனங். அபரே பன ‘‘ஸாமஞ்ஞத்த²ந்தி சத்தாரோ அரியமக்³கா³, ப்³ரஹ்மஞ்ஞத்த²ந்தி சத்தாரி அரியப²லானீ’’தி வத³ந்தி. ஸேஸங் வுத்தனயமேவ. ஸுக்கபக்கோ² வுத்தவிபரியாயேன வேதி³தப்³போ³. கா³தா²ஸு அபுப்³ப³ங் நத்தி².
103. Catutthe ye hi kecīti ye keci. Idaṃ dukkhanti yathābhūtaṃ nappajānantīti ‘‘idaṃ dukkhaṃ, ettakaṃ dukkhaṃ, na ito bhiyyo’’ti aviparītaṃ sabhāvasarasalakkhaṇato vipassanāpaññāsahitāya maggapaññāya dukkhasaccaṃ na jānanti na paṭivijjhanti. Sesesupi eseva nayo. Na me te, bhikkhavetiādīsu ayaṃ saṅkhepattho – bhikkhave, catusaccakammaṭṭhānaṃ ananuyuttā pabbajjāmattasamaṇā ceva jātimattabrāhmaṇā ca na mayā te samitapāpasamaṇesu samaṇoti, bāhitapāpabrāhmaṇesu brāhmaṇoti ca sammatā anuññātā. Kasmā? Samaṇakaraṇānaṃ brāhmaṇakaraṇānañca dhammānaṃ abhāvatoti. Tenevāha ‘‘na ca pana te āyasmanto’’tiādi. Tattha sāmaññatthanti sāmaññasaṅkhātaṃ atthaṃ, cattāri sāmaññaphalānīti attho. Brahmaññatthanti tasseva vevacanaṃ. Apare pana ‘‘sāmaññatthanti cattāro ariyamaggā, brahmaññatthanti cattāri ariyaphalānī’’ti vadanti. Sesaṃ vuttanayameva. Sukkapakkho vuttavipariyāyena veditabbo. Gāthāsu apubbaṃ natthi.
சதுத்த²ஸுத்தவண்ணனா நிட்டி²தா.
Catutthasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / இதிவுத்தகபாளி • Itivuttakapāḷi / 4. ஸமணப்³ராஹ்மணஸுத்தங் • 4. Samaṇabrāhmaṇasuttaṃ
