| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. ஸமணஸுக²ஸுத்தங்
8. Samaṇasukhasuttaṃ
128. ‘‘பஞ்சிமானி, பி⁴க்க²வே, ஸமணது³க்கா²னி. கதமானி பஞ்ச? இத⁴, பி⁴க்க²வே, பி⁴க்கு² அஸந்துட்டோ² ஹோதி இதரீதரேன சீவரேன, அஸந்துட்டோ² ஹோதி இதரீதரேன பிண்ட³பாதேன, அஸந்துட்டோ² ஹோதி இதரீதரேன ஸேனாஸனேன, அஸந்துட்டோ² ஹோதி இதரீதரேன கி³லானப்பச்சயபே⁴ஸஜ்ஜபரிக்கா²ரேன, அனபி⁴ரதோ ச ப்³ரஹ்மசரியங் சரதி. இமானி கோ², பி⁴க்க²வே, பஞ்ச ஸமணது³க்கா²னி.
128. ‘‘Pañcimāni, bhikkhave, samaṇadukkhāni. Katamāni pañca? Idha, bhikkhave, bhikkhu asantuṭṭho hoti itarītarena cīvarena, asantuṭṭho hoti itarītarena piṇḍapātena, asantuṭṭho hoti itarītarena senāsanena, asantuṭṭho hoti itarītarena gilānappaccayabhesajjaparikkhārena, anabhirato ca brahmacariyaṃ carati. Imāni kho, bhikkhave, pañca samaṇadukkhāni.
‘‘பஞ்சிமானி, பி⁴க்க²வே, ஸமணஸுகா²னி. கதமானி பஞ்ச? இத⁴, பி⁴க்க²வே, பி⁴க்கு² ஸந்துட்டோ² ஹோதி இதரீதரேன சீவரேன, ஸந்துட்டோ² ஹோதி இதரீதரேன பிண்ட³பாதேன, ஸந்துட்டோ² ஹோதி இதரீதரேன ஸேனாஸனேன, ஸந்துட்டோ² ஹோதி இதரீதரேன கி³லானப்பச்சயபே⁴ஸஜ்ஜபரிக்கா²ரேன, அபி⁴ரதோ ச ப்³ரஹ்மசரியங் சரதி. இமானி கோ², பி⁴க்க²வே, பஞ்ச ஸமணஸுகா²னீ’’தி. அட்ட²மங்.
‘‘Pañcimāni, bhikkhave, samaṇasukhāni. Katamāni pañca? Idha, bhikkhave, bhikkhu santuṭṭho hoti itarītarena cīvarena, santuṭṭho hoti itarītarena piṇḍapātena, santuṭṭho hoti itarītarena senāsanena, santuṭṭho hoti itarītarena gilānappaccayabhesajjaparikkhārena, abhirato ca brahmacariyaṃ carati. Imāni kho, bhikkhave, pañca samaṇasukhānī’’ti. Aṭṭhamaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / (13) 3. கி³லானவக்³கோ³ • (13) 3. Gilānavaggo
