| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
6. ஸாமணேரஸுத்தங்
6. Sāmaṇerasuttaṃ
36. ‘‘கதிஹி நு கோ², ப⁴ந்தே, த⁴ம்மேஹி ஸமன்னாக³தேன பி⁴க்கு²னா ஸாமணேரோ உபட்டா²பேதப்³போ³’’தி? ‘‘த³ஸஹி கோ², உபாலி, த⁴ம்மேஹி ஸமன்னாக³தேன பி⁴க்கு²னா ஸாமணேரோ உபட்டா²பேதப்³போ³. கதமேஹி த³ஸஹி? இது⁴பாலி, பி⁴க்கு² ஸீலவா ஹோதி…பே॰… ஸமாதா³ய ஸிக்க²தி ஸிக்கா²பதே³ஸு; ப³ஹுஸ்ஸுதோ ஹோதி…பே॰… தி³ட்டி²யா ஸுப்படிவித்³தா⁴; பாதிமொக்க²ங் கோ² பனஸ்ஸ வித்தா²ரேன ஸ்வாக³தங் ஹோதி ஸுவிப⁴த்தங் ஸுப்பவத்தங் ஸுவினிச்சி²தங் ஸுத்தஸோ அனுப்³யஞ்ஜனஸோ; படிப³லோ ஹோதி கி³லானங் உபட்டா²துங் வா உபட்டா²பேதுங் வா; படிப³லோ ஹோதி அனபி⁴ரதிங் வூபகாஸேதுங் வா வூபகாஸாபேதுங் வா; படிப³லோ ஹோதி உப்பன்னங் குக்குச்சங் த⁴ம்மதோ வினோதே³துங்; படிப³லோ ஹோதி உப்பன்னங் தி³ட்டி²க³தங் த⁴ம்மதோ விவேசேதுங்; படிப³லோ ஹோதி அதி⁴ஸீலே ஸமாத³பேதுங்; படிப³லோ ஹோதி அதி⁴சித்தே ஸமாத³பேதுங்; படிப³லோ ஹோதி அதி⁴பஞ்ஞாய ஸமாத³பேதுங். இமேஹி கோ², உபாலி, த³ஸஹி த⁴ம்மேஹி ஸமன்னாக³தேன பி⁴க்கு²னா ஸாமணேரோ உபட்டா²பேதப்³போ³’’தி. ச²ட்ட²ங்.
36. ‘‘Katihi nu kho, bhante, dhammehi samannāgatena bhikkhunā sāmaṇero upaṭṭhāpetabbo’’ti? ‘‘Dasahi kho, upāli, dhammehi samannāgatena bhikkhunā sāmaṇero upaṭṭhāpetabbo. Katamehi dasahi? Idhupāli, bhikkhu sīlavā hoti…pe… samādāya sikkhati sikkhāpadesu; bahussuto hoti…pe… diṭṭhiyā suppaṭividdhā; pātimokkhaṃ kho panassa vitthārena svāgataṃ hoti suvibhattaṃ suppavattaṃ suvinicchitaṃ suttaso anubyañjanaso; paṭibalo hoti gilānaṃ upaṭṭhātuṃ vā upaṭṭhāpetuṃ vā; paṭibalo hoti anabhiratiṃ vūpakāsetuṃ vā vūpakāsāpetuṃ vā; paṭibalo hoti uppannaṃ kukkuccaṃ dhammato vinodetuṃ; paṭibalo hoti uppannaṃ diṭṭhigataṃ dhammato vivecetuṃ; paṭibalo hoti adhisīle samādapetuṃ; paṭibalo hoti adhicitte samādapetuṃ; paṭibalo hoti adhipaññāya samādapetuṃ. Imehi kho, upāli, dasahi dhammehi samannāgatena bhikkhunā sāmaṇero upaṭṭhāpetabbo’’ti. Chaṭṭhaṃ.
