| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. ததியவக்³கோ³
3. Tatiyavaggo
1. ஸம்ப³ஹுலஸுத்தவண்ணனா
1. Sambahulasuttavaṇṇanā
157. ஜடாசும்ப³டகேனாதி ஸீஸே படிமுக்கேன ஜடாகலாபேன. அபரிக்³க³ஹப்³ராஹ்மணபப்³ப³ஜிதா ஹி ஜடாய உஞ்சா²சரியங் சரந்தி. உது³ம்ப³ரத³ண்ட³ஞ்ஹி அத்தகு³த்தத்தா²ய க³ஹிதங் தேஸங் அப்பிச்ச²பா⁴வப்பகாஸனங். தேனாஹ ‘‘அப்பிச்ச²பா⁴வப்பகாஸனத்த²’’ந்தி. ஸீஸங் ஓகம்பெத்வாதி எத்த² அதிவிய ஸீஸஸ்ஸ ஓகம்பிதபா⁴வங் த³ஸ்ஸேதுங் ‘‘ஹனுகேன உரங் பஹரந்தோ அதோ⁴னதங் கத்வா’’தி வுத்தங். ஜிவ்ஹங் நீஹரித்வாதி லம்ப³னசாலனவஸேன முக²தோ நிக்கா²மெத்வா. தேனாஹ ‘‘உத்³த⁴’’ந்திஆதி³. திஸாக²ந்தி திப⁴ங்க³ப⁴குடி விய நலாடே ஜாதத்தா நலாடிகங். தேனாஹ ‘‘நலாடே உட்டி²தங் வலித்தய’’ந்தி, திப⁴ங்க³வலிகங் நலாடே கத்வாதி அத்தோ². அத்தனோவ தேலேதி அத்தனோவ பாபகம்மனிப்³ப³த்தகே தேலே, பசிதப்³ப³ட்டா²னகே³ஹேதி அதி⁴ப்பாயோ.
157.Jaṭācumbaṭakenāti sīse paṭimukkena jaṭākalāpena. Apariggahabrāhmaṇapabbajitā hi jaṭāya uñchācariyaṃ caranti. Udumbaradaṇḍañhi attaguttatthāya gahitaṃ tesaṃ appicchabhāvappakāsanaṃ. Tenāha ‘‘appicchabhāvappakāsanattha’’nti. Sīsaṃ okampetvāti ettha ativiya sīsassa okampitabhāvaṃ dassetuṃ ‘‘hanukena uraṃ paharanto adhonataṃ katvā’’ti vuttaṃ. Jivhaṃ nīharitvāti lambanacālanavasena mukhato nikkhāmetvā. Tenāha ‘‘uddha’’ntiādi. Tisākhanti tibhaṅgabhakuṭi viya nalāṭe jātattā nalāṭikaṃ. Tenāha ‘‘nalāṭe uṭṭhitaṃ valittaya’’nti, tibhaṅgavalikaṃ nalāṭe katvāti attho. Attanova teleti attanova pāpakammanibbattake tele, pacitabbaṭṭhānageheti adhippāyo.
ஸம்ப³ஹுலஸுத்தவண்ணனா நிட்டி²தா.
Sambahulasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஸம்ப³ஹுலஸுத்தங் • 1. Sambahulasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. ஸம்ப³ஹுலஸுத்தவண்ணனா • 1. Sambahulasuttavaṇṇanā
