| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. ஸம்ப³ஹுலஸுத்தவண்ணனா
4. Sambahulasuttavaṇṇanā
224. ஸம்ப³ஹுலாதி ஸுத்தந்தனயேன ஸம்ப³ஹுலா. ஸுத்தந்தே ஸஜ்ஜா²யிங்ஸூதி ஸுத்தந்திகா. வினயங் தா⁴ரெந்தீதி வினயத⁴ரா. யுஞ்ஜந்தீதி வாஸது⁴ரே யோக³ங் கரொந்தி. க⁴டெந்தீதி தத்த² வாயாமங் கரொந்தி. கரொந்தானங்யேவ அருணோ உக்³க³ச்ச²தீதி ஸம்ப³ந்தோ⁴.
224.Sambahulāti suttantanayena sambahulā. Suttante sajjhāyiṃsūti suttantikā. Vinayaṃ dhārentīti vinayadharā. Yuñjantīti vāsadhure yogaṃ karonti. Ghaṭentīti tattha vāyāmaṃ karonti. Karontānaṃyeva aruṇo uggacchatīti sambandho.
கோமேதி கிங் இமே? தேனாஹ ‘‘கஹங் இமே’’தி? வஜ்ஜிபூ⁴மிங் வஜ்ஜிரட்ட²ங் க³தாதி வஜ்ஜிபூ⁴மியா. தேனாஹ ‘‘வஜ்ஜிரட்டா²பி⁴முகா² க³தா’’தி. நத்தி² ஏதேஸங் நிகேப⁴ங் நிப³த்³த⁴னிவாஸட்டா²னந்தி அனிகேதா தேனாஹ ‘‘அகே³ஹா’’தி. உது ஏவ ஸப்பாயங், உதுவஸேன வா காயசித்தானங் கல்லத்தா ஸப்பாயங். ஏஸ நயோ ஸேஸேஸுபி.
Kometi kiṃ ime? Tenāha ‘‘kahaṃ ime’’ti? Vajjibhūmiṃ vajjiraṭṭhaṃ gatāti vajjibhūmiyā. Tenāha ‘‘vajjiraṭṭhābhimukhā gatā’’ti. Natthi etesaṃ nikebhaṃ nibaddhanivāsaṭṭhānanti aniketā tenāha ‘‘agehā’’ti. Utu eva sappāyaṃ, utuvasena vā kāyacittānaṃ kallattā sappāyaṃ. Esa nayo sesesupi.
ஸம்ப³ஹுலஸுத்தவண்ணனா நிட்டி²தா.
Sambahulasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. ஸம்ப³ஹுலஸுத்தங் • 4. Sambahulasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. ஸம்ப³ஹுலஸுத்தவண்ணனா • 4. Sambahulasuttavaṇṇanā
