| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. ஸம்மாஸமாதி⁴ஸுத்தங்
3. Sammāsamādhisuttaṃ
113. ‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² அப⁴ப்³போ³ ஸம்மாஸமாதி⁴ங் உபஸம்பஜ்ஜ விஹரிதுங். கதமேஹி பஞ்சஹி? இத⁴, பி⁴க்க²வே, பி⁴க்கு² அக்க²மோ ஹோதி ரூபானங், அக்க²மோ ஸத்³தா³னங், அக்க²மோ க³ந்தா⁴னங், அக்க²மோ ரஸானங், அக்க²மோ பொ²ட்ட²ப்³பா³னங். இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பி⁴க்கு² அப⁴ப்³போ³ ஸம்மாஸமாதி⁴ங் உபஸம்பஜ்ஜ விஹரிதுங்.
113. ‘‘Pañcahi, bhikkhave, dhammehi samannāgato bhikkhu abhabbo sammāsamādhiṃ upasampajja viharituṃ. Katamehi pañcahi? Idha, bhikkhave, bhikkhu akkhamo hoti rūpānaṃ, akkhamo saddānaṃ, akkhamo gandhānaṃ, akkhamo rasānaṃ, akkhamo phoṭṭhabbānaṃ. Imehi kho, bhikkhave, pañcahi dhammehi samannāgato bhikkhu abhabbo sammāsamādhiṃ upasampajja viharituṃ.
‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² ப⁴ப்³போ³ ஸம்மாஸமாதி⁴ங் உபஸம்பஜ்ஜ விஹரிதுங். கதமேஹி பஞ்சஹி? இத⁴ , பி⁴க்க²வே, பி⁴க்கு² க²மோ ஹோதி ரூபானங், க²மோ ஸத்³தா³னங், க²மோ க³ந்தா⁴னங், க²மோ ரஸானங், க²மோ பொ²ட்ட²ப்³பா³னங். இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பி⁴க்கு² ப⁴ப்³போ³ ஸம்மாஸமாதி⁴ங் உபஸம்பஜ்ஜ விஹரிது’’ந்தி. ததியங்.
‘‘Pañcahi, bhikkhave, dhammehi samannāgato bhikkhu bhabbo sammāsamādhiṃ upasampajja viharituṃ. Katamehi pañcahi? Idha , bhikkhave, bhikkhu khamo hoti rūpānaṃ, khamo saddānaṃ, khamo gandhānaṃ, khamo rasānaṃ, khamo phoṭṭhabbānaṃ. Imehi kho, bhikkhave, pañcahi dhammehi samannāgato bhikkhu bhabbo sammāsamādhiṃ upasampajja viharitu’’nti. Tatiyaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-4. குலூபகஸுத்தாதி³வண்ணனா • 1-4. Kulūpakasuttādivaṇṇanā
