| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
6. ஸம்மாஸம்பு³த்³த⁴ஸுத்தவண்ணனா
6. Sammāsambuddhasuttavaṇṇanā
58. அதி⁴கங் ஸவிஸேஸங் பயஸதி பயுஞ்ஜதி ஏதேனாதி அதி⁴ப்பயாஸோ, விஸிட்ட²பயோகோ³. தேனாஹ ‘‘அதி⁴கபயோகோ³’’தி. இமஞ்ஹி மக்³க³ந்தி அட்ட²ங்கி³கங் அரியமக்³க³மாஹ. இதா⁴தி இமஸ்மிங் ஸுத்தே. அவத்தமானட்டே²னாதி பு³த்³து⁴ப்பாத³தோ புப்³பே³ ந வத்தமானபா⁴வேன. மக்³க³ங் ஜானாதீதி ஸமுதா³க³மதோ பட்டா²ய ஸபுப்³ப³பா⁴க³ங் ஸஸம்பா⁴ரவிஸயங் ஸப²லங் ஸஉத்³ரயங் அரியங் மக்³க³ங் ஜானாதி அவபு³ஜ்ஜ²தீதி மக்³க³ஞ்ஞூ. விதி³தந்தி அஞ்ஞேஸம்பி ஞாதங் படிலத்³த⁴ங் ஹத்த²தலே ஆமலகங் விய பாகடங் அகாஸி, ததா² கத்வா தே³ஸேஸி. அமக்³கே³ பரிவஜ்ஜனேன மக்³கே³ படிபத்தீதி தஸ்ஸ மக்³க³குஸலதா விய அமக்³க³குஸலதாபி இச்சி²தப்³பா³தி ஆஹ ‘‘மக்³கே³ ச அமக்³கே³ ச கோவிதோ³’’தி. அஹங் பட²மங் க³தோதி அஹங் பட²மமக்³கே³ன ஸமன்னாக³தோ.
58. Adhikaṃ savisesaṃ payasati payuñjati etenāti adhippayāso, visiṭṭhapayogo. Tenāha ‘‘adhikapayogo’’ti. Imañhi magganti aṭṭhaṅgikaṃ ariyamaggamāha. Idhāti imasmiṃ sutte. Avattamānaṭṭhenāti buddhuppādato pubbe na vattamānabhāvena. Maggaṃ jānātīti samudāgamato paṭṭhāya sapubbabhāgaṃ sasambhāravisayaṃ saphalaṃ saudrayaṃ ariyaṃ maggaṃ jānāti avabujjhatīti maggaññū. Viditanti aññesampi ñātaṃ paṭiladdhaṃ hatthatale āmalakaṃ viya pākaṭaṃ akāsi, tathā katvā desesi. Amagge parivajjanena magge paṭipattīti tassa maggakusalatā viya amaggakusalatāpi icchitabbāti āha ‘‘magge ca amagge ca kovido’’ti. Ahaṃ paṭhamaṃ gatoti ahaṃ paṭhamamaggena samannāgato.
ஸம்மாஸம்பு³த்³த⁴ஸுத்தவண்ணனா நிட்டி²தா.
Sammāsambuddhasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. ஸம்மாஸம்பு³த்³த⁴ஸுத்தங் • 6. Sammāsambuddhasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. ஸம்மாஸம்பு³த்³த⁴ஸுத்தவண்ணனா • 6. Sammāsambuddhasuttavaṇṇanā
