| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૧૯. સમ્પયુત્તપચ્ચયનિદ્દેસવણ્ણના
19. Sampayuttapaccayaniddesavaṇṇanā
૧૯. સમ્પયુત્તપચ્ચયનિદ્દેસે પાળિ ઉત્તાનત્થા એવ. અયં પન સમ્પયુત્તપચ્ચયો નામ સઙ્ખેપતો સબ્બેપિ અરૂપિનો ખન્ધા. પભેદતો પનેસ જાતિતો કુસલાદીનં, ભૂમિતો ચ કામાવચરાદીનં વસેન અનેકધા ભિજ્જતીતિ એવમેત્થ નાનપ્પકારભેદતો વિઞ્ઞાતબ્બો વિનિચ્છયો. એવં ભિન્ને પનેત્થ ચતુભૂમકેસુપિ કુસલક્ખન્ધેસુ એકો ખન્ધો તિણ્ણં ખન્ધાનં, તયો એકસ્સ, દ્વે દ્વિન્નન્તિ એવં સબ્બેપિ અઞ્ઞમઞ્ઞં સમ્પયુત્તપચ્ચયેન પચ્ચયો. અકુસલવિપાકકિરિયક્ખન્ધેસુપિ એસેવ નયોતિ એવમેત્થ પચ્ચયુપ્પન્નતોપિ વિઞ્ઞાતબ્બો વિનિચ્છયોતિ.
19. Sampayuttapaccayaniddese pāḷi uttānatthā eva. Ayaṃ pana sampayuttapaccayo nāma saṅkhepato sabbepi arūpino khandhā. Pabhedato panesa jātito kusalādīnaṃ, bhūmito ca kāmāvacarādīnaṃ vasena anekadhā bhijjatīti evamettha nānappakārabhedato viññātabbo vinicchayo. Evaṃ bhinne panettha catubhūmakesupi kusalakkhandhesu eko khandho tiṇṇaṃ khandhānaṃ, tayo ekassa, dve dvinnanti evaṃ sabbepi aññamaññaṃ sampayuttapaccayena paccayo. Akusalavipākakiriyakkhandhesupi eseva nayoti evamettha paccayuppannatopi viññātabbo vinicchayoti.
સમ્પયુત્તપચ્ચયનિદ્દેસવણ્ણના.
Sampayuttapaccayaniddesavaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / પટ્ઠાનપાળિ • Paṭṭhānapāḷi / (૨) પચ્ચયનિદ્દેસો • (2) Paccayaniddeso
