| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૬. સમ્પયુત્તવારવણ્ણના
6. Sampayuttavāravaṇṇanā
૩૯૨-૪૦૦. સદિસં સમ્પયુત્તન્તિ ‘‘યં સદિસં, તં સંસટ્ઠ’’ન્તિ વુચ્ચમાનં સમ્પયુત્તં ન હોતિ ‘‘સંસટ્ઠા યોજિતા હયા’’તિઆદીસુ. અસંસટ્ઠં વોકિણ્ણન્તિ યં ન સંસટ્ઠં અન્તરન્તરા ઉપ્પજ્જમાનેન વોકિણ્ણમ્પિ વિમિસ્સતાય સમ્પયુત્તન્તિ વુચ્ચમાનં, તં સંસટ્ઠં ન હોતિ ‘‘યા સા વીમંસા…પે॰… કોસજ્જસમ્પયુત્તા’’તિઆદીસુ. એવં અસમ્પયુત્તસ્સપિ સંસટ્ઠપરિયાયો અસંસટ્ઠસ્સ ચ સમ્પયુત્તપરિયાયો અત્થીતિ તદુભયં ઇતરેતરં નિયમેતીતિ દસ્સનત્થં વારદ્વયદેસનાતિ દસ્સેન્તો આહ ‘‘ઉભયં…પે॰… નિયામકં હોતી’’તિ, સંસટ્ઠસદ્દો હિ વોકિણ્ણટ્ઠો નત્થિ, સમ્પયુત્તસદ્દો ચ સદિસત્થો, તસ્મા યથા સંસટ્ઠસદ્દો સમ્પયુત્તસદ્દાપેક્ખો સદિસત્થતો વિનિવત્તિત્વા એકુપ્પાદાદિસભાવમેવ અત્થં બોધેતિ, એવં સમ્પયુત્તસદ્દોપિ સંસટ્ઠસદ્દાપેક્ખો વોકિણ્ણટ્ઠતો વિનિવત્તિત્વાતિ અઞ્ઞમઞ્ઞાપેક્ખસ્સ સદ્દદ્વયસ્સ અઞ્ઞમઞ્ઞનિયામકતા વેદિતબ્બા.
392-400. Sadisaṃ sampayuttanti ‘‘yaṃ sadisaṃ, taṃ saṃsaṭṭha’’nti vuccamānaṃ sampayuttaṃ na hoti ‘‘saṃsaṭṭhā yojitā hayā’’tiādīsu. Asaṃsaṭṭhaṃ vokiṇṇanti yaṃ na saṃsaṭṭhaṃ antarantarā uppajjamānena vokiṇṇampi vimissatāya sampayuttanti vuccamānaṃ, taṃ saṃsaṭṭhaṃ na hoti ‘‘yā sā vīmaṃsā…pe… kosajjasampayuttā’’tiādīsu. Evaṃ asampayuttassapi saṃsaṭṭhapariyāyo asaṃsaṭṭhassa ca sampayuttapariyāyo atthīti tadubhayaṃ itaretaraṃ niyametīti dassanatthaṃ vāradvayadesanāti dassento āha ‘‘ubhayaṃ…pe… niyāmakaṃ hotī’’ti, saṃsaṭṭhasaddo hi vokiṇṇaṭṭho natthi, sampayuttasaddo ca sadisattho, tasmā yathā saṃsaṭṭhasaddo sampayuttasaddāpekkho sadisatthato vinivattitvā ekuppādādisabhāvameva atthaṃ bodheti, evaṃ sampayuttasaddopi saṃsaṭṭhasaddāpekkho vokiṇṇaṭṭhato vinivattitvāti aññamaññāpekkhassa saddadvayassa aññamaññaniyāmakatā veditabbā.
સમ્પયુત્તવારવણ્ણના નિટ્ઠિતા.
Sampayuttavāravaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / પટ્ઠાનપાળિ • Paṭṭhānapāḷi / ૧. કુસલત્તિકં • 1. Kusalattikaṃ
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૬. સમ્પયુત્તવારવણ્ણના • 6. Sampayuttavāravaṇṇanā
