| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. ஸமுத்³த³கஸுத்தவண்ணனா
10. Samuddakasuttavaṇṇanā
256. சக்கவாளமஹாஸமுத்³த³பிட்டி²யந்தி சக்கவாளபப்³ப³தபாத³ஸமந்தா மஹாஸமுத்³த³தீரபிட்டி²யங். யதே²வ ஸினேருஸமீபே மஹாஸமுத்³தோ³ அனுபுப்³ப³னின்னோ அனுபுப்³ப³போணோ அனுபுப்³ப³பப்³பா⁴ரோ, ஏவங் யேபு⁴ய்யேன சக்கவாளபாத³ஸமீபேபி. தேனாஹ ‘‘ரஜதபட்டவண்ணே வாலுகபுலினே’’தி. வுத்தப்பகாராஸூதி அனந்தரஸுத்தே வுத்தப்பகாராஸு. அஸ்ஸமபதே³னாதி அஸ்ஸமபத³வேமஜ்ஜே²ன. ஏவங் சிந்தயிங்ஸூதி ‘‘யங் நூன மய’’ந்திஆதி³னா யதா² பாளியங் ஆக³தங், ஏவங் மந்தயிங்ஸு.
256.Cakkavāḷamahāsamuddapiṭṭhiyanti cakkavāḷapabbatapādasamantā mahāsamuddatīrapiṭṭhiyaṃ. Yatheva sinerusamīpe mahāsamuddo anupubbaninno anupubbapoṇo anupubbapabbhāro, evaṃ yebhuyyena cakkavāḷapādasamīpepi. Tenāha ‘‘rajatapaṭṭavaṇṇe vālukapuline’’ti. Vuttappakārāsūti anantarasutte vuttappakārāsu. Assamapadenāti assamapadavemajjhena. Evaṃ cintayiṃsūti ‘‘yaṃ nūna maya’’ntiādinā yathā pāḷiyaṃ āgataṃ, evaṃ mantayiṃsu.
இச்சி²தகரோதி யதி³ச்சி²தகரணங். து³ட்டா²னந்தி து³ராஸயானங். தே பன து³ட்ட²ஜ்ஜா²ஸயா விருத்³தா⁴ ஹொந்தீதி ஆஹ ‘‘து³ட்டா²னங் விருத்³தா⁴ன’’ந்தி. பவுத்தந்தி பீ³ஜங் ஸந்தா⁴ய வபிதங். தேனாஹ ‘‘கெ²த்தே பதிட்டா²பித’’ந்தி.
Icchitakaroti yadicchitakaraṇaṃ. Duṭṭhānanti durāsayānaṃ. Te pana duṭṭhajjhāsayā viruddhā hontīti āha ‘‘duṭṭhānaṃ viruddhāna’’nti. Pavuttanti bījaṃ sandhāya vapitaṃ. Tenāha ‘‘khette patiṭṭhāpita’’nti.
ஸாயமாஸப⁴த்தந்தி ஸாயங் அஸிதப்³ப³போ⁴ஜனங். யதா²வாரங் ப⁴க்கி²தமேதங் தே³வானங் விய ஸுகு²மங் கு³ருவாஸஞ்ச ந ஹோதீதி ‘‘ப⁴த்த’’ந்தி வுத்தங். கே³லஞ்ஞஜாதந்தி ஸஞ்ஜாதகே³லஞ்ஞங். வேபதீதி கம்பதி பவேத⁴தி.
Sāyamāsabhattanti sāyaṃ asitabbabhojanaṃ. Yathāvāraṃ bhakkhitametaṃ devānaṃ viya sukhumaṃ guruvāsañca na hotīti ‘‘bhatta’’nti vuttaṃ. Gelaññajātanti sañjātagelaññaṃ. Vepatīti kampati pavedhati.
ஸமுத்³த³கஸுத்தவண்ணனா நிட்டி²தா.
Samuddakasuttavaṇṇanā niṭṭhitā.
பட²மவக்³க³வண்ணனா நிட்டி²தா.
Paṭhamavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. ஸமுத்³த³கஸுத்தங் • 10. Samuddakasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. ஸமுத்³த³கஸுத்தவண்ணனா • 10. Samuddakasuttavaṇṇanā
