| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. ஸங்வேஜனீயஸுத்தங்
8. Saṃvejanīyasuttaṃ
118. ‘‘சத்தாரிமானி, பி⁴க்க²வே, ஸத்³த⁴ஸ்ஸ குலபுத்தஸ்ஸ த³ஸ்ஸனீயானி ஸங்வேஜனீயானி டா²னானி. கதமானி சத்தாரி? ‘இத⁴ ததா²க³தோ ஜாதோ’தி, பி⁴க்க²வே, ஸத்³த⁴ஸ்ஸ குலபுத்தஸ்ஸ த³ஸ்ஸனீயங் ஸங்வேஜனீயங் டா²னங். ‘இத⁴ ததா²க³தோ அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴’தி, பி⁴க்க²வே, ஸத்³த⁴ஸ்ஸ குலபுத்தஸ்ஸ த³ஸ்ஸனீயங் ஸங்வேஜனீயங் டா²னங். ‘இத⁴ ததா²க³தோ அனுத்தரங் த⁴ம்மசக்கங் பவத்தேஸீ’தி, பி⁴க்க²வே, ஸத்³த⁴ஸ்ஸ குலபுத்தஸ்ஸ த³ஸ்ஸனீயங் ஸங்வேஜனீயங் டா²னங். ‘இத⁴ ததா²க³தோ அனுபாதி³ஸேஸாய நிப்³பா³னதா⁴துயா பரினிப்³பு³தோ’தி , பி⁴க்க²வே, ஸத்³த⁴ஸ்ஸ குலபுத்தஸ்ஸ த³ஸ்ஸனீயங் ஸங்வேஜனீயங் டா²னங். இமானி கோ², பி⁴க்க²வே, சத்தாரி ஸத்³த⁴ஸ்ஸ குலபுத்தஸ்ஸ த³ஸ்ஸனீயானி ஸங்வேஜனீயானி டா²னானீ’’தி. அட்ட²மங்.
118. ‘‘Cattārimāni, bhikkhave, saddhassa kulaputtassa dassanīyāni saṃvejanīyāni ṭhānāni. Katamāni cattāri? ‘Idha tathāgato jāto’ti, bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. ‘Idha tathāgato anuttaraṃ sammāsambodhiṃ abhisambuddho’ti, bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. ‘Idha tathāgato anuttaraṃ dhammacakkaṃ pavattesī’ti, bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. ‘Idha tathāgato anupādisesāya nibbānadhātuyā parinibbuto’ti , bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. Imāni kho, bhikkhave, cattāri saddhassa kulaputtassa dassanīyāni saṃvejanīyāni ṭhānānī’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8-10. ஸங்வேஜனீயாதி³ஸுத்தத்தயவண்ணனா • 8-10. Saṃvejanīyādisuttattayavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8-10. ஸங்வேஜனீயஸுத்தாதி³வண்ணனா • 8-10. Saṃvejanīyasuttādivaṇṇanā
