| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
4. ஸங்க³ணிகாராமஸுத்தங்
4. Saṅgaṇikārāmasuttaṃ
68. ‘‘‘ஸோ வத, பி⁴க்க²வே, பி⁴க்கு² ஸங்க³ணிகாராமோ ஸங்க³ணிகரதோ ஸங்க³ணிகாராமதங் அனுயுத்தோ, க³ணாராமோ க³ணரதோ க³ணாராமதங் அனுயுத்தோ, ஏகோ பவிவேகே அபி⁴ரமிஸ்ஸதீ’தி நேதங் டா²னங் விஜ்ஜதி. ‘ஏகோ பவிவேகே அனபி⁴ரமந்தோ சித்தஸ்ஸ நிமித்தங் க³ஹெஸ்ஸதீ’தி நேதங் டா²னங் விஜ்ஜதி. ‘சித்தஸ்ஸ நிமித்தங் அக³ண்ஹந்தோ ஸம்மாதி³ட்டி²ங் பரிபூரெஸ்ஸதீ’தி நேதங் டா²னங் விஜ்ஜதி. ‘ஸம்மாதி³ட்டி²ங் அபரிபூரெத்வா ஸம்மாஸமாதி⁴ங் பரிபூரெஸ்ஸதீ’தி நேதங் டா²னங் விஜ்ஜதி. ‘ஸம்மாஸமாதி⁴ங் அபரிபூரெத்வா ஸங்யோஜனானி பஜஹிஸ்ஸதீ’தி நேதங் டா²னங் விஜ்ஜதி. ‘ஸங்யோஜனானி அப்பஹாய நிப்³பா³னங் ஸச்சி²கரிஸ்ஸதீ’தி நேதங் டா²னங் விஜ்ஜதி.
68. ‘‘‘So vata, bhikkhave, bhikkhu saṅgaṇikārāmo saṅgaṇikarato saṅgaṇikārāmataṃ anuyutto, gaṇārāmo gaṇarato gaṇārāmataṃ anuyutto, eko paviveke abhiramissatī’ti netaṃ ṭhānaṃ vijjati. ‘Eko paviveke anabhiramanto cittassa nimittaṃ gahessatī’ti netaṃ ṭhānaṃ vijjati. ‘Cittassa nimittaṃ agaṇhanto sammādiṭṭhiṃ paripūressatī’ti netaṃ ṭhānaṃ vijjati. ‘Sammādiṭṭhiṃ aparipūretvā sammāsamādhiṃ paripūressatī’ti netaṃ ṭhānaṃ vijjati. ‘Sammāsamādhiṃ aparipūretvā saṃyojanāni pajahissatī’ti netaṃ ṭhānaṃ vijjati. ‘Saṃyojanāni appahāya nibbānaṃ sacchikarissatī’ti netaṃ ṭhānaṃ vijjati.
‘‘‘ஸோ வத, பி⁴க்க²வே, பி⁴க்கு² ந ஸங்க³ணிகாராமோ ந ஸங்க³ணிகரதோ ந ஸங்க³ணிகாராமதங் அனுயுத்தோ, ந க³ணாராமோ ந க³ணரதோ ந க³ணாராமதங் அனுயுத்தோ, ஏகோ பவிவேகே அபி⁴ரமிஸ்ஸதீ’தி டா²னமேதங் விஜ்ஜதி. ‘ஏகோ பவிவேகே அபி⁴ரமந்தோ சித்தஸ்ஸ நிமித்தங் க³ஹெஸ்ஸதீ’தி டா²னமேதங் விஜ்ஜதி. ‘சித்தஸ்ஸ நிமித்தங் க³ண்ஹந்தோ ஸம்மாதி³ட்டி²ங் பரிபூரெஸ்ஸதீ’தி டா²னமேதங் விஜ்ஜதி. ‘ஸம்மாதி³ட்டி²ங் பரிபூரெத்வா ஸம்மாஸமாதி⁴ங் பரிபூரெஸ்ஸதீ’தி டா²னமேதங் விஜ்ஜதி. ‘ஸம்மாஸமாதி⁴ங் பரிபூரெத்வா ஸங்யோஜனானி பஜஹிஸ்ஸதீ’தி டா²னமேதங் விஜ்ஜதி. ‘ஸங்யோஜனானி பஹாய நிப்³பா³னங் ஸச்சி²கரிஸ்ஸதீ’தி டா²னமேதங் விஜ்ஜதீ’’தி. சதுத்த²ங்.
‘‘‘So vata, bhikkhave, bhikkhu na saṅgaṇikārāmo na saṅgaṇikarato na saṅgaṇikārāmataṃ anuyutto, na gaṇārāmo na gaṇarato na gaṇārāmataṃ anuyutto, eko paviveke abhiramissatī’ti ṭhānametaṃ vijjati. ‘Eko paviveke abhiramanto cittassa nimittaṃ gahessatī’ti ṭhānametaṃ vijjati. ‘Cittassa nimittaṃ gaṇhanto sammādiṭṭhiṃ paripūressatī’ti ṭhānametaṃ vijjati. ‘Sammādiṭṭhiṃ paripūretvā sammāsamādhiṃ paripūressatī’ti ṭhānametaṃ vijjati. ‘Sammāsamādhiṃ paripūretvā saṃyojanāni pajahissatī’ti ṭhānametaṃ vijjati. ‘Saṃyojanāni pahāya nibbānaṃ sacchikarissatī’ti ṭhānametaṃ vijjatī’’ti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 4. ஸங்க³ணிகாராமஸுத்தவண்ணனா • 4. Saṅgaṇikārāmasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4-5. ஸங்க³ணிகாராமஸுத்தாதி³வண்ணனா • 4-5. Saṅgaṇikārāmasuttādivaṇṇanā
