| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. ஸங்கா³ரவஸுத்தங்
5. Saṅgāravasuttaṃ
117. 1 அத² கோ² ஸங்கா³ரவோ ப்³ராஹ்மணோ யேன ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஸங்கா³ரவோ ப்³ராஹ்மணோ ப⁴க³வந்தங் ஏதத³வோச – ‘‘கிங் நு கோ², போ⁴ கோ³தம, ஓரிமங் தீரங், கிங் பாரிமங் தீர’’ந்தி? ‘‘மிச்சா²தி³ட்டி² கோ², ப்³ராஹ்மண, ஓரிமங் தீரங், ஸம்மாதி³ட்டி² பாரிமங் தீரங்; மிச்சா²ஸங்கப்போ ஓரிமங் தீரங், ஸம்மாஸங்கப்போ பாரிமங் தீரங்; மிச்சா²வாசா ஓரிமங் தீரங், ஸம்மாவாசா பாரிமங் தீரங்; மிச்சா²கம்மந்தோ ஓரிமங் தீரங், ஸம்மாகம்மந்தோ பாரிமங் தீரங்; மிச்சா²ஆஜீவோ ஓரிமங் தீரங், ஸம்மாஆஜீவோ பாரிமங் தீரங்; மிச்சா²வாயாமோ ஓரிமங் தீரங், ஸம்மாவாயாமோ பாரிமங் தீரங்; மிச்சா²ஸதி ஓரிமங் தீரங், ஸம்மாஸதி பாரிமங் தீரங்; மிச்சா²ஸமாதி⁴ ஓரிமங் தீரங், ஸம்மாஸமாதி⁴ பாரிமங் தீரங்; மிச்சா²ஞாணங் ஓரிமங் தீரங், ஸம்மாஞாணங் பாரிமங் தீரங்; மிச்சா²விமுத்தி ஓரிமங் தீரங், ஸம்மாவிமுத்தி பாரிமங் தீரந்தி. இத³ங் கோ², ப்³ராஹ்மண, ஓரிமங் தீரங், இத³ங் பாரிமங் தீரந்தி.
117.2 Atha kho saṅgāravo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho saṅgāravo brāhmaṇo bhagavantaṃ etadavoca – ‘‘kiṃ nu kho, bho gotama, orimaṃ tīraṃ, kiṃ pārimaṃ tīra’’nti? ‘‘Micchādiṭṭhi kho, brāhmaṇa, orimaṃ tīraṃ, sammādiṭṭhi pārimaṃ tīraṃ; micchāsaṅkappo orimaṃ tīraṃ, sammāsaṅkappo pārimaṃ tīraṃ; micchāvācā orimaṃ tīraṃ, sammāvācā pārimaṃ tīraṃ; micchākammanto orimaṃ tīraṃ, sammākammanto pārimaṃ tīraṃ; micchāājīvo orimaṃ tīraṃ, sammāājīvo pārimaṃ tīraṃ; micchāvāyāmo orimaṃ tīraṃ, sammāvāyāmo pārimaṃ tīraṃ; micchāsati orimaṃ tīraṃ, sammāsati pārimaṃ tīraṃ; micchāsamādhi orimaṃ tīraṃ, sammāsamādhi pārimaṃ tīraṃ; micchāñāṇaṃ orimaṃ tīraṃ, sammāñāṇaṃ pārimaṃ tīraṃ; micchāvimutti orimaṃ tīraṃ, sammāvimutti pārimaṃ tīranti. Idaṃ kho, brāhmaṇa, orimaṃ tīraṃ, idaṃ pārimaṃ tīranti.
‘‘அப்பகா தே மனுஸ்ஸேஸு, யே ஜனா பாரகா³மினோ;
‘‘Appakā te manussesu, ye janā pāragāmino;
அதா²யங் இதரா பஜா, தீரமேவானுதா⁴வதி.
Athāyaṃ itarā pajā, tīramevānudhāvati.
‘‘யே ச கோ² ஸம்மத³க்கா²தே, த⁴ம்மே த⁴ம்மானுவத்தினோ;
‘‘Ye ca kho sammadakkhāte, dhamme dhammānuvattino;
தே ஜனா பாரமெஸ்ஸந்தி, மச்சுதெ⁴ய்யங் ஸுது³த்தரங்.
Te janā pāramessanti, maccudheyyaṃ suduttaraṃ.
‘‘கண்ஹங் த⁴ம்மங் விப்பஹாய, ஸுக்கங் பா⁴வேத² பண்டி³தோ;
‘‘Kaṇhaṃ dhammaṃ vippahāya, sukkaṃ bhāvetha paṇḍito;
ஓகா அனோகமாக³ம்ம, விவேகே யத்த² தூ³ரமங்.
Okā anokamāgamma, viveke yattha dūramaṃ.
‘‘தத்ராபி⁴ரதிமிச்செ²ய்ய, ஹித்வா காமே அகிஞ்சனோ;
‘‘Tatrābhiratimiccheyya, hitvā kāme akiñcano;
பரியோத³பெய்ய அத்தானங், சித்தக்லேஸேஹி பண்டி³தோ.
Pariyodapeyya attānaṃ, cittaklesehi paṇḍito.
‘‘யேஸங் ஸம்போ³தி⁴யங்கே³ஸு, ஸம்மா சித்தங் ஸுபா⁴விதங்;
‘‘Yesaṃ sambodhiyaṅgesu, sammā cittaṃ subhāvitaṃ;
ஆதா³னபடினிஸ்ஸக்³கே³, அனுபாதா³ய யே ரதா;
Ādānapaṭinissagge, anupādāya ye ratā;
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5-6. ஸங்கா³ரவஸுத்தாதி³வண்ணனா • 5-6. Saṅgāravasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-42. ஸங்கா³ரவஸுத்தாதி³வண்ணனா • 5-42. Saṅgāravasuttādivaṇṇanā
