| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
11. ஸங்கா³ரவஸுத்தவண்ணனா
11. Saṅgāravasuttavaṇṇanā
207. பச்சேதீதி பத்தியாயதி ஸத்³த³ஹதி. ததா²பூ⁴தோ ச தமத்த²ங் நிகாமெந்தோ நாம ஹோதீதி வுத்தங் ‘‘இச்ச²தி பத்தே²தீ’’தி. ஸாது⁴, ப⁴ந்தேதி எத்த² ஸாது⁴-ஸத்³தோ³ ஆயாசனத்தோ², ந அபி⁴னந்த³னத்தோ²தி ‘‘ஆயாசமானோ ஆஹா’’தி வத்வா ஆயாசனே காரணங் த³ஸ்ஸெந்தோ ‘‘தே²ரஸ்ஸ கிரா’’திஆதி³மாஹ. உத³கஸுத்³தி⁴கோ ந ஏகங்ஸேன அபாயூபகோ³, லத்³தி⁴யா பன ஸாவஜ்ஜகிலேஸபூ⁴தபா⁴வதோ ஆயாசதி. அஞ்ஞங் காரணங் அபதி³ஸந்தோ ‘‘அபிசா’’திஆதி³மாஹ. ப²லபூ⁴தோ அத்தோ² ஏதஸ்ஸாதி அத்த²வஸங், காரணந்தி ஆஹ ‘‘அத்தா²னிஸங்ஸங் அத்த²காரண’’ந்தி. பபஞ்சஸூத³னியங் பன ப²லேனேவ அரணீயதோ அத்தோ², காரணந்தி கத்வா ‘‘அத்தோ² ஏவ அத்த²வஸோ, தஸ்மா த்³வே அத்த²வஸேதி த்³வே அத்தே² த்³வே காரணானீ’’தி வுத்தங்.
207.Paccetīti pattiyāyati saddahati. Tathābhūto ca tamatthaṃ nikāmento nāma hotīti vuttaṃ ‘‘icchati patthetī’’ti. Sādhu, bhanteti ettha sādhu-saddo āyācanattho, na abhinandanatthoti ‘‘āyācamāno āhā’’ti vatvā āyācane kāraṇaṃ dassento ‘‘therassa kirā’’tiādimāha. Udakasuddhiko na ekaṃsena apāyūpago, laddhiyā pana sāvajjakilesabhūtabhāvato āyācati. Aññaṃ kāraṇaṃ apadisanto ‘‘apicā’’tiādimāha. Phalabhūto attho etassāti atthavasaṃ, kāraṇanti āha ‘‘atthānisaṃsaṃ atthakāraṇa’’nti. Papañcasūdaniyaṃ pana phaleneva araṇīyato attho, kāraṇanti katvā ‘‘attho eva atthavaso, tasmā dve atthavaseti dve atthe dve kāraṇānī’’ti vuttaṃ.
ஸங்கா³ரவஸுத்தவண்ணனா நிட்டி²தா.
Saṅgāravasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 11. ஸங்கா³ரவஸுத்தங் • 11. Saṅgāravasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 11. ஸங்கா³ரவஸுத்தவண்ணனா • 11. Saṅgāravasuttavaṇṇanā
