| Library / Tipiṭaka / તિપિટક • Tipiṭaka / વજિરબુદ્ધિ-ટીકા • Vajirabuddhi-ṭīkā |
સઙ્ઘસામગ્ગીકથાવણ્ણના
Saṅghasāmaggīkathāvaṇṇanā
૪૭૫. ‘‘અથ ખો તે ઉક્ખિત્તાનુવત્તકા ભિક્ખૂ તં ઉક્ખિત્તકં ભિક્ખું ઓસારેત્વા યેન ઉક્ખેપકા ભિક્ખૂ…પે॰… તસ્સ વત્થુસ્સ વૂપસમાય સઙ્ઘસામગ્ગિં કરોમા’’તિ વચનં દુવિઞ્ઞેય્યવિનિચ્છયં વિનયલક્ખણકુસલસ્સ. વિજ્જમાને હિ કારકસઙ્ઘે ઇતરો સઙ્ઘો ઓસારિતું ન લભતિ. ઓસારેન્તો ચે, તે ભિક્ખૂ કારકસઙ્ઘેન સમાનલદ્ધિકભાવં પત્તત્તા તેન સમાનસંવાસકા હોન્તિ, તતો ઉક્ખેપકાનં છન્દં અગ્ગહેત્વા ઓસારેન્તાનં કમ્મં કુપ્પતિ, તસ્મા ‘‘તેન હિ, ભિક્ખવે, તં ભિક્ખું ઓસારેથા’’તિ (મહાવ॰ ૪૭૪) ભગવતો વચનેન ઉક્ખિત્તાનુવત્તકા ઓસારેસું, ઉદાહુ નિસ્સીમં ગન્ત્વા, ઉદાહુ ઇતરેસં છન્દં ગહેત્વા ઓસારેસું, નનુ એતેસમઞ્ઞતરેનેત્થ ભવિતબ્બં, ન ચ પનેતં સબ્બગણ્ઠિપદેસુ વિચારિતં. અયં પનેત્થ તક્કો –
475. ‘‘Atha kho te ukkhittānuvattakā bhikkhū taṃ ukkhittakaṃ bhikkhuṃ osāretvā yena ukkhepakā bhikkhū…pe… tassa vatthussa vūpasamāya saṅghasāmaggiṃ karomā’’ti vacanaṃ duviññeyyavinicchayaṃ vinayalakkhaṇakusalassa. Vijjamāne hi kārakasaṅghe itaro saṅgho osārituṃ na labhati. Osārento ce, te bhikkhū kārakasaṅghena samānaladdhikabhāvaṃ pattattā tena samānasaṃvāsakā honti, tato ukkhepakānaṃ chandaṃ aggahetvā osārentānaṃ kammaṃ kuppati, tasmā ‘‘tena hi, bhikkhave, taṃ bhikkhuṃ osārethā’’ti (mahāva. 474) bhagavato vacanena ukkhittānuvattakā osāresuṃ, udāhu nissīmaṃ gantvā, udāhu itaresaṃ chandaṃ gahetvā osāresuṃ, nanu etesamaññatarenettha bhavitabbaṃ, na ca panetaṃ sabbagaṇṭhipadesu vicāritaṃ. Ayaṃ panettha takko –
‘‘યસ્મિં વત્થુસ્મિં સઙ્ઘેન, કતકમ્મસ્સ ભિક્ખુનો;
‘‘Yasmiṃ vatthusmiṃ saṅghena, katakammassa bhikkhuno;
સતિ તસ્મિં ન અઞ્ઞસ્સ, પટિપ્પસ્સમ્ભનં ખમં.
Sati tasmiṃ na aññassa, paṭippassambhanaṃ khamaṃ.
‘‘વિરમન્તે તતો દોસો, અપિ સઙ્ઘો અકારકો;
‘‘Viramante tato doso, api saṅgho akārako;
ઓસારેતું અલં યસ્મા, કારકો અનુલોમિકો’’તિ.
Osāretuṃ alaṃ yasmā, kārako anulomiko’’ti.
૪૭૭. ‘‘અટ્ઠ દૂતઙ્ગાનિ નામ સોતા ચ હોતિ, સાવેતા ચ ઉગ્ગહેતા ચ ધારેતા ચ વિઞ્ઞાતા ચ વિઞ્ઞાપેતા ચ કુસલો ચ સહિતાસહિતદસ્સનો ચ અકલહકારકો ચાતિ એતાની’’તિ વુત્તં.
477. ‘‘Aṭṭha dūtaṅgāni nāma sotā ca hoti, sāvetā ca uggahetā ca dhāretā ca viññātā ca viññāpetā ca kusalo ca sahitāsahitadassano ca akalahakārako cāti etānī’’ti vuttaṃ.
કોસમ્બકક્ખન્ધકવણ્ણના નિટ્ઠિતા.
Kosambakakkhandhakavaṇṇanā niṭṭhitā.
મહાવગ્ગસ્સ લીનત્થપકાસના નિટ્ઠિતા.
Mahāvaggassa līnatthapakāsanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi
૨૭૮. સઙ્ઘસામગ્ગીકથા • 278. Saṅghasāmaggīkathā
૨૭૯. ઉપાલિસઙ્ઘસામગ્ગીપુચ્છા • 279. Upālisaṅghasāmaggīpucchā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / અટ્ઠારસવત્થુકથા • Aṭṭhārasavatthukathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ઉપાલિસઙ્ઘસામગ્ગીપુચ્છાવણ્ણના • Upālisaṅghasāmaggīpucchāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / અટ્ઠારસવત્થુકથાવણ્ણના • Aṭṭhārasavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૨૭૬. અટ્ઠારસવત્થુકથા • 276. Aṭṭhārasavatthukathā
