| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. ஸங்க⁴ஸாமக்³கீ³ஸுத்தங்
8. Saṅghasāmaggīsuttaṃ
38. 1 ‘‘‘ஸங்க⁴ஸாமக்³கீ³ ஸங்க⁴ஸாமக்³கீ³’தி, ப⁴ந்தே, வுச்சதி. கித்தாவதா நு கோ², ப⁴ந்தே, ஸங்கோ⁴ ஸமக்³கோ³ ஹோதீ’’தி? ‘‘இது⁴பாலி, பி⁴க்கூ² அத⁴ம்மங் அத⁴ம்மோதி தீ³பெந்தி, த⁴ம்மங் த⁴ம்மோதி தீ³பெந்தி, அவினயங் அவினயோதி தீ³பெந்தி, வினயங் வினயோதி தீ³பெந்தி, அபா⁴ஸிதங் அலபிதங் ததா²க³தேன அபா⁴ஸிதங் அலபிதங் ததா²க³தேனாதி தீ³பெந்தி, பா⁴ஸிதங் லபிதங் ததா²க³தேன பா⁴ஸிதங் லபிதங் ததா²க³தேனாதி தீ³பெந்தி, அனாசிண்ணங் ததா²க³தேன அனாசிண்ணங் ததா²க³தேனாதி தீ³பெந்தி, ஆசிண்ணங் ததா²க³தேன ஆசிண்ணங் ததா²க³தேனாதி தீ³பெந்தி, அபஞ்ஞத்தங் ததா²க³தேன அபஞ்ஞத்தங் ததா²க³தேனாதி தீ³பெந்தி, பஞ்ஞத்தங் ததா²க³தேன பஞ்ஞத்தங் ததா²க³தேனாதி தீ³பெந்தி. தே இமேஹி த³ஸஹி வத்தூ²ஹி ந அவகஸ்ஸந்தி ந அபகஸ்ஸந்தி ந ஆவேனி கம்மானி கரொந்தி ந ஆவேனி பாதிமொக்க²ங் உத்³தி³ஸந்தி. எத்தாவதா கோ², உபாலி, ஸங்கோ⁴ ஸமக்³கோ³ ஹோதீ’’தி. அட்ட²மங்.
38.2 ‘‘‘Saṅghasāmaggī saṅghasāmaggī’ti, bhante, vuccati. Kittāvatā nu kho, bhante, saṅgho samaggo hotī’’ti? ‘‘Idhupāli, bhikkhū adhammaṃ adhammoti dīpenti, dhammaṃ dhammoti dīpenti, avinayaṃ avinayoti dīpenti, vinayaṃ vinayoti dīpenti, abhāsitaṃ alapitaṃ tathāgatena abhāsitaṃ alapitaṃ tathāgatenāti dīpenti, bhāsitaṃ lapitaṃ tathāgatena bhāsitaṃ lapitaṃ tathāgatenāti dīpenti, anāciṇṇaṃ tathāgatena anāciṇṇaṃ tathāgatenāti dīpenti, āciṇṇaṃ tathāgatena āciṇṇaṃ tathāgatenāti dīpenti, apaññattaṃ tathāgatena apaññattaṃ tathāgatenāti dīpenti, paññattaṃ tathāgatena paññattaṃ tathāgatenāti dīpenti. Te imehi dasahi vatthūhi na avakassanti na apakassanti na āveni kammāni karonti na āveni pātimokkhaṃ uddisanti. Ettāvatā kho, upāli, saṅgho samaggo hotī’’ti. Aṭṭhamaṃ.
Footnotes:
