Library / Tipiṭaka / તિપિટક • Tipiṭaka / યમકપાળિ • Yamakapāḷi

    નમો તસ્સ ભગવતો અરહતો સમ્માસમ્બુદ્ધસ્સ

    Namo tassa bhagavato arahato sammāsambuddhassa

    અભિધમ્મપિટકે

    Abhidhammapiṭake

    યમકપાળિ (દુતિયો ભાગો)

    Yamakapāḷi (dutiyo bhāgo)

    ૬. સઙ્ખારયમકં

    6. Saṅkhārayamakaṃ

    ૧. પણ્ણત્તિવારો

    1. Paṇṇattivāro

    (ક) ઉદ્દેસો

    (Ka) uddeso

    ૧. તયો સઙ્ખારા – કાયસઙ્ખારો, વચીસઙ્ખારો, ચિત્તસઙ્ખારોતિ. અસ્સાસપસ્સાસા કાયસઙ્ખારો, વિતક્કવિચારા વચીસઙ્ખારો, સઞ્ઞા ચ વેદના ચ ચિત્તસઙ્ખારો. ઠપેત્વા વિતક્કવિચારે સબ્બેપિ ચિત્તસમ્પયુત્તકા ધમ્મા ચિત્તસઙ્ખારો.

    1. Tayo saṅkhārā – kāyasaṅkhāro, vacīsaṅkhāro, cittasaṅkhāroti. Assāsapassāsā kāyasaṅkhāro, vitakkavicārā vacīsaṅkhāro, saññā ca vedanā ca cittasaṅkhāro. Ṭhapetvā vitakkavicāre sabbepi cittasampayuttakā dhammā cittasaṅkhāro.

    ૧. પદસોધનવારો

    1. Padasodhanavāro

    (ક) અનુલોમં

    (Ka) anulomaṃ

    ૨. (ક) કાયો કાયસઙ્ખારો?

    2. (Ka) kāyo kāyasaṅkhāro?

    (ખ) કાયસઙ્ખારો કાયો?

    (Kha) kāyasaṅkhāro kāyo?

    (ક) વચી વચીસઙ્ખારો?

    (Ka) vacī vacīsaṅkhāro?

    (ખ) વચીસઙ્ખારો વચી?

    (Kha) vacīsaṅkhāro vacī?

    (ક) ચિત્તં ચિત્તસઙ્ખારો?

    (Ka) cittaṃ cittasaṅkhāro?

    (ખ) ચિત્તસઙ્ખારો ચિત્તં?

    (Kha) cittasaṅkhāro cittaṃ?

    (ખ) પચ્ચનીકં

    (Kha) paccanīkaṃ

    ૩. (ક) ન કાયો ન કાયસઙ્ખારો?

    3. (Ka) na kāyo na kāyasaṅkhāro?

    (ખ) ન કાયસઙ્ખારો ન કાયો?

    (Kha) na kāyasaṅkhāro na kāyo?

    (ક) ન વચી ન વચીસઙ્ખારો?

    (Ka) na vacī na vacīsaṅkhāro?

    (ખ) ન વચીસઙ્ખારો ન વચી?

    (Kha) na vacīsaṅkhāro na vacī?

    (ક) ન ચિત્તં ન ચિત્તસઙ્ખારો?

    (Ka) na cittaṃ na cittasaṅkhāro?

    (ખ) ન ચિત્તસઙ્ખારો ન ચિત્તં?

    (Kha) na cittasaṅkhāro na cittaṃ?

    ૨. પદસોધનમૂલચક્કવારો

    2. Padasodhanamūlacakkavāro

    (ક) અનુલોમં

    (Ka) anulomaṃ

    ૪. (ક) કાયો કાયસઙ્ખારો?

    4. (Ka) kāyo kāyasaṅkhāro?

    (ખ) સઙ્ખારા વચીસઙ્ખારો?

    (Kha) saṅkhārā vacīsaṅkhāro?

    (ક) કાયો કાયસઙ્ખારો?

    (Ka) kāyo kāyasaṅkhāro?

    (ખ) સઙ્ખારા ચિત્તસઙ્ખારો?

    (Kha) saṅkhārā cittasaṅkhāro?

    (ક) વચી વચીસઙ્ખારો?

    (Ka) vacī vacīsaṅkhāro?

    (ખ) સઙ્ખારા કાયસઙ્ખારો?

    (Kha) saṅkhārā kāyasaṅkhāro?

    (ક) વચી વચીસઙ્ખારો?

    (Ka) vacī vacīsaṅkhāro?

    (ખ) સઙ્ખારા ચિત્તસઙ્ખારો?

    (Kha) saṅkhārā cittasaṅkhāro?

    (ક) ચિત્તં ચિત્તસઙ્ખારો?

    (Ka) cittaṃ cittasaṅkhāro?

    (ખ) સઙ્ખારા કાયસઙ્ખારો?

    (Kha) saṅkhārā kāyasaṅkhāro?

    (ક) ચિત્તં ચિત્તસઙ્ખારો?

    (Ka) cittaṃ cittasaṅkhāro?

    (ખ) સઙ્ખારા વચીસઙ્ખારો?

    (Kha) saṅkhārā vacīsaṅkhāro?

    (ખ) પચ્ચનીકં

    (Kha) paccanīkaṃ

    ૫. (ક) ન કાયો ન કાયસઙ્ખારો?

    5. (Ka) na kāyo na kāyasaṅkhāro?

    (ખ) ન સઙ્ખારા ન વચીસઙ્ખારો?

    (Kha) na saṅkhārā na vacīsaṅkhāro?

    (ક) ન કાયો ન કાયસઙ્ખારો?

    (Ka) na kāyo na kāyasaṅkhāro?

    (ખ) ન સઙ્ખારા ન ચિત્તસઙ્ખારો?

    (Kha) na saṅkhārā na cittasaṅkhāro?

    (ક) ન વચી ન વચીસઙ્ખારો?

    (Ka) na vacī na vacīsaṅkhāro?

    (ખ) ન સઙ્ખારા ન કાયસઙ્ખારો?

    (Kha) na saṅkhārā na kāyasaṅkhāro?

    (ક) ન વચી ન વચીસઙ્ખારો?

    (Ka) na vacī na vacīsaṅkhāro?

    (ખ) ન સઙ્ખારા ન ચિત્તસઙ્ખારો?

    (Kha) na saṅkhārā na cittasaṅkhāro?

    (ક) ન ચિત્તં ન ચિત્તસઙ્ખારો?

    (Ka) na cittaṃ na cittasaṅkhāro?

    (ખ) ન સઙ્ખારા ન કાયસઙ્ખારો?

    (Kha) na saṅkhārā na kāyasaṅkhāro?

    (ક) ન ચિત્તં ન ચિત્તસઙ્ખારો?

    (Ka) na cittaṃ na cittasaṅkhāro?

    (ખ) ન સઙ્ખારા ન વચીસઙ્ખારો?

    (Kha) na saṅkhārā na vacīsaṅkhāro?

    ૩. સુદ્ધસઙ્ખારવારો

    3. Suddhasaṅkhāravāro

    (ક) અનુલોમં

    (Ka) anulomaṃ

    ૬. (ક) કાયસઙ્ખારો વચીસઙ્ખારો?

    6. (Ka) kāyasaṅkhāro vacīsaṅkhāro?

    (ખ) વચીસઙ્ખારો કાયસઙ્ખારો?

    (Kha) vacīsaṅkhāro kāyasaṅkhāro?

    (ક) કાયસઙ્ખારો ચિત્તસઙ્ખારો?

    (Ka) kāyasaṅkhāro cittasaṅkhāro?

    (ખ) ચિત્તસઙ્ખારો કાયસઙ્ખારો?

    (Kha) cittasaṅkhāro kāyasaṅkhāro?

    (ક) વચીસઙ્ખારો ચિત્તસઙ્ખારો?

    (Ka) vacīsaṅkhāro cittasaṅkhāro?

    (ખ) ચિત્તસઙ્ખારો વચીસઙ્ખારો?

    (Kha) cittasaṅkhāro vacīsaṅkhāro?

    (ખ) પચ્ચનીકં

    (Kha) paccanīkaṃ

    ૭. (ક) ન કાયસઙ્ખારો ન વચીસઙ્ખારો?

    7. (Ka) na kāyasaṅkhāro na vacīsaṅkhāro?

    (ખ) ન વચીસઙ્ખારો ન કાયસઙ્ખારો?

    (Kha) na vacīsaṅkhāro na kāyasaṅkhāro?

    (ક) ન કાયસઙ્ખારો ન ચિત્તસઙ્ખારો?

    (Ka) na kāyasaṅkhāro na cittasaṅkhāro?

    (ખ) ન ચિત્તસઙ્ખારો ન કાયસઙ્ખારો?

    (Kha) na cittasaṅkhāro na kāyasaṅkhāro?

    (ક) ન વચીસઙ્ખારો ન ચિત્તસઙ્ખારો?

    (Ka) na vacīsaṅkhāro na cittasaṅkhāro?

    (ખ) ન ચિત્તસઙ્ખારો ન વચીસઙ્ખારો?

    (Kha) na cittasaṅkhāro na vacīsaṅkhāro?

    પણ્ણત્તિઉદ્દેસવારો.

    Paṇṇattiuddesavāro.

    પણ્ણત્તિવારો.

    Paṇṇattivāro.

    (ખ) નિદ્દેસો

    (Kha) niddeso

    ૧. પદસોધનવારો

    1. Padasodhanavāro

    (ક) અનુલોમં

    (Ka) anulomaṃ

    ૮. (ક) કાયો કાયસઙ્ખારોતિ? નો.

    8. (Ka) kāyo kāyasaṅkhāroti? No.

    (ખ) કાયસઙ્ખારો કાયોતિ? નો.

    (Kha) kāyasaṅkhāro kāyoti? No.

    (ક) વચી વચીસઙ્ખારોતિ? નો.

    (Ka) vacī vacīsaṅkhāroti? No.

    (ખ) વચીસઙ્ખારો વચીતિ? નો.

    (Kha) vacīsaṅkhāro vacīti? No.

    (ક) ચિત્તં ચિત્તસઙ્ખારોતિ? નો.

    (Ka) cittaṃ cittasaṅkhāroti? No.

    (ખ) ચિત્તસઙ્ખારો ચિત્તન્તિ? નો.

    (Kha) cittasaṅkhāro cittanti? No.

    (ખ) પચ્ચનીકં

    (Kha) paccanīkaṃ

    ૯. (ક) ન કાયો ન કાયસઙ્ખારોતિ?

    9. (Ka) na kāyo na kāyasaṅkhāroti?

    કાયસઙ્ખારો ન કાયો, કાયસઙ્ખારો. કાયઞ્ચ કાયસઙ્ખારઞ્ચ ઠપેત્વા અવસેસા ન ચેવ કાયો ન ચ કાયસઙ્ખારો.

    Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.

    (ખ) ન કાયસઙ્ખારો ન કાયોતિ?

    (Kha) na kāyasaṅkhāro na kāyoti?

    કાયો ન કાયસઙ્ખારો, કાયો. કાયઞ્ચ કાયસઙ્ખારઞ્ચ ઠપેત્વા અવસેસા ન ચેવ કાયો ન ચ કાયસઙ્ખારો.

    Kāyo na kāyasaṅkhāro, kāyo. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.

    (ક) ન વચી ન વચીસઙ્ખારોતિ?

    (Ka) na vacī na vacīsaṅkhāroti?

    વચીસઙ્ખારો ન વચી, વચીસઙ્ખારો. વચિઞ્ચ વચીસઙ્ખારઞ્ચ ઠપેત્વા અવસેસા ન ચેવ વચી ન ચ વચીસઙ્ખારો.

    Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.

    (ખ) ન વચીસઙ્ખારો ન વચીતિ?

    (Kha) na vacīsaṅkhāro na vacīti?

    વચી ન વચીસઙ્ખારો, વચી. વચિઞ્ચ વચીસઙ્ખારઞ્ચ ઠપેત્વા અવસેસા ન ચેવ વચી ન ચ વચીસઙ્ખારો.

    Vacī na vacīsaṅkhāro, vacī. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.

    (ક) ન ચિત્તં ન ચિત્તસઙ્ખારોતિ?

    (Ka) na cittaṃ na cittasaṅkhāroti?

    ચિત્તસઙ્ખારો ન ચિત્તં, ચિત્તસઙ્ખારો. ચિત્તઞ્ચ ચિત્તસઙ્ખારઞ્ચ ઠપેત્વા અવસેસા ન ચેવ ચિત્તં ન ચ ચિત્તસઙ્ખારો.

    Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.

    (ખ) ન ચિત્તસઙ્ખારો ન ચિત્તન્તિ?

    (Kha) na cittasaṅkhāro na cittanti?

    ચિત્તં ન ચિત્તસઙ્ખારો, ચિત્તં. ચિત્તઞ્ચ ચિત્તસઙ્ખારઞ્ચ ઠપેત્વા અવસેસા ન ચેવ ચિત્તં ન ચ ચિત્તસઙ્ખારો.

    Cittaṃ na cittasaṅkhāro, cittaṃ. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.

    ૨. પદસોધનમૂલચક્કવારો

    2. Padasodhanamūlacakkavāro

    (ક) અનુલોમં

    (Ka) anulomaṃ

    ૧૦. (ક) કાયો કાયસઙ્ખારોતિ? નો.

    10. (Ka) kāyo kāyasaṅkhāroti? No.

    (ખ) સઙ્ખારા વચીસઙ્ખારોતિ?

    (Kha) saṅkhārā vacīsaṅkhāroti?

    વચીસઙ્ખારો સઙ્ખારો ચેવ વચીસઙ્ખારો ચ. અવસેસા સઙ્ખારા 1 ન વચીસઙ્ખારો.

    Vacīsaṅkhāro saṅkhāro ceva vacīsaṅkhāro ca. Avasesā saṅkhārā 2 na vacīsaṅkhāro.

    (ક) કાયો કાયસઙ્ખારોતિ? નો.

    (Ka) kāyo kāyasaṅkhāroti? No.

    (ખ) સઙ્ખારા ચિત્તસઙ્ખારોતિ?

    (Kha) saṅkhārā cittasaṅkhāroti?

    ચિત્તસઙ્ખારો સઙ્ખારો ચેવ ચિત્તસઙ્ખારો ચ. અવસેસા સઙ્ખારા ન ચિત્તસઙ્ખારો.

    Cittasaṅkhāro saṅkhāro ceva cittasaṅkhāro ca. Avasesā saṅkhārā na cittasaṅkhāro.

    ૧૧. (ક) વચી વચીસઙ્ખારોતિ? નો.

    11. (Ka) vacī vacīsaṅkhāroti? No.

    (ખ) સઙ્ખારા કાયસઙ્ખારોતિ?

    (Kha) saṅkhārā kāyasaṅkhāroti?

    કાયસઙ્ખારો સઙ્ખારો ચેવ કાયસઙ્ખારો ચ. અવસેસા સઙ્ખારા ન કાયસઙ્ખારો.

    Kāyasaṅkhāro saṅkhāro ceva kāyasaṅkhāro ca. Avasesā saṅkhārā na kāyasaṅkhāro.

    (ક) વચી વચીસઙ્ખારોતિ? નો.

    (Ka) vacī vacīsaṅkhāroti? No.

    (ખ) સઙ્ખારા ચિત્તસઙ્ખારોતિ?

    (Kha) saṅkhārā cittasaṅkhāroti?

    ચિત્તસઙ્ખારો સઙ્ખારો ચેવ ચિત્તસઙ્ખારો ચ. અવસેસા સઙ્ખારા ન ચિત્તસઙ્ખારો.

    Cittasaṅkhāro saṅkhāro ceva cittasaṅkhāro ca. Avasesā saṅkhārā na cittasaṅkhāro.

    ૧૨. (ક) ચિત્તં ચિત્તસઙ્ખારોતિ? નો.

    12. (Ka) cittaṃ cittasaṅkhāroti? No.

    (ખ) સઙ્ખારા કાયસઙ્ખારોતિ?

    (Kha) saṅkhārā kāyasaṅkhāroti?

    કાયસઙ્ખારો સઙ્ખારો ચેવ કાયસઙ્ખારો ચ. અવસેસા સઙ્ખારા ન કાયસઙ્ખારો.

    Kāyasaṅkhāro saṅkhāro ceva kāyasaṅkhāro ca. Avasesā saṅkhārā na kāyasaṅkhāro.

    (ક) ચિત્તં ચિત્તસઙ્ખારોતિ? નો.

    (Ka) cittaṃ cittasaṅkhāroti? No.

    (ખ) સઙ્ખારા વચીસઙ્ખારોતિ?

    (Kha) saṅkhārā vacīsaṅkhāroti?

    વચીસઙ્ખારો સઙ્ખારો ચેવ વચીસઙ્ખારો ચ. અવસેસા સઙ્ખારા ન વચીસઙ્ખારો.

    Vacīsaṅkhāro saṅkhāro ceva vacīsaṅkhāro ca. Avasesā saṅkhārā na vacīsaṅkhāro.

    (ખ) પચ્ચનીકં

    (Kha) paccanīkaṃ

    ૧૩. (ક) ન કાયો ન કાયસઙ્ખારોતિ?

    13. (Ka) na kāyo na kāyasaṅkhāroti?

    કાયસઙ્ખારો ન કાયો, કાયસઙ્ખારો. કાયઞ્ચ કાયસઙ્ખારઞ્ચ ઠપેત્વા અવસેસા ન ચેવ કાયો ન ચ કાયસઙ્ખારો.

    Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.

    (ખ) ન સઙ્ખારા ન વચીસઙ્ખારોતિ? આમન્તા.

    (Kha) na saṅkhārā na vacīsaṅkhāroti? Āmantā.

    (ક) ન કાયો ન કાયસઙ્ખારોતિ?

    (Ka) na kāyo na kāyasaṅkhāroti?

    કાયસઙ્ખારો ન કાયો, કાયસઙ્ખારો. કાયઞ્ચ કાયસઙ્ખારઞ્ચ ઠપેત્વા અવસેસા ન ચેવ કાયો ન ચ કાયસઙ્ખારો.

    Kāyasaṅkhāro na kāyo, kāyasaṅkhāro. Kāyañca kāyasaṅkhārañca ṭhapetvā avasesā na ceva kāyo na ca kāyasaṅkhāro.

    (ખ) ન સઙ્ખારા ન ચિત્તસઙ્ખારોતિ? આમન્તા.

    (Kha) na saṅkhārā na cittasaṅkhāroti? Āmantā.

    ૧૪. (ક) ન વચી ન વચીસઙ્ખારોતિ?

    14. (Ka) na vacī na vacīsaṅkhāroti?

    વચીસઙ્ખારો ન વચી, વચીસઙ્ખારો. વચિઞ્ચ વચીસઙ્ખારઞ્ચ ઠપેત્વા અવસેસા ન ચેવ વચી ન ચ વચીસઙ્ખારો.

    Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.

    (ખ) ન સઙ્ખારા ન કાયસઙ્ખારોતિ? આમન્તા.

    (Kha) na saṅkhārā na kāyasaṅkhāroti? Āmantā.

    (ક) ન વચી ન વચીસઙ્ખારોતિ?

    (Ka) na vacī na vacīsaṅkhāroti?

    વચીસઙ્ખારો ન વચી, વચીસઙ્ખારો. વચિઞ્ચ વચીસઙ્ખારઞ્ચ ઠપેત્વા અવસેસા ન ચેવ વચી ન ચ વચીસઙ્ખારો.

    Vacīsaṅkhāro na vacī, vacīsaṅkhāro. Vaciñca vacīsaṅkhārañca ṭhapetvā avasesā na ceva vacī na ca vacīsaṅkhāro.

    (ખ) ન સઙ્ખારા ન ચિત્તસઙ્ખારોતિ? આમન્તા.

    (Kha) na saṅkhārā na cittasaṅkhāroti? Āmantā.

    ૧૫. (ક) ન ચિત્તં ન ચિત્તસઙ્ખારોતિ?

    15. (Ka) na cittaṃ na cittasaṅkhāroti?

    ચિત્તસઙ્ખારો ન ચિત્તં, ચિત્તસઙ્ખારો. ચિત્તઞ્ચ ચિત્તસઙ્ખારઞ્ચ ઠપેત્વા અવસેસા ન ચેવ ચિત્તં ન ચ ચિત્તસઙ્ખારો.

    Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.

    (ખ) ન સઙ્ખારા ન કાયસઙ્ખારોતિ? આમન્તા.

    (Kha) na saṅkhārā na kāyasaṅkhāroti? Āmantā.

    (ક) ન ચિત્તં ન ચિત્તસઙ્ખારોતિ?

    (Ka) na cittaṃ na cittasaṅkhāroti?

    ચિત્તસઙ્ખારો ન ચિત્તં, ચિત્તસઙ્ખારો. ચિત્તઞ્ચ ચિત્તસઙ્ખારઞ્ચ ઠપેત્વા અવસેસા ન ચેવ ચિત્તં ન ચ ચિત્તસઙ્ખારો.

    Cittasaṅkhāro na cittaṃ, cittasaṅkhāro. Cittañca cittasaṅkhārañca ṭhapetvā avasesā na ceva cittaṃ na ca cittasaṅkhāro.

    (ખ) ન સઙ્ખારા ન વચીસઙ્ખારોતિ? આમન્તા.

    (Kha) na saṅkhārā na vacīsaṅkhāroti? Āmantā.

    ૩. સુદ્ધસઙ્ખારવારો

    3. Suddhasaṅkhāravāro

    (ક) અનુલોમં

    (Ka) anulomaṃ

    ૧૬. (ક) કાયસઙ્ખારો વચીસઙ્ખારોતિ? નો.

    16. (Ka) kāyasaṅkhāro vacīsaṅkhāroti? No.

    (ખ) વચીસઙ્ખારો કાયસઙ્ખારોતિ? નો.

    (Kha) vacīsaṅkhāro kāyasaṅkhāroti? No.

    (ક) કાયસઙ્ખારો ચિત્તસઙ્ખારોતિ? નો.

    (Ka) kāyasaṅkhāro cittasaṅkhāroti? No.

    (ખ) ચિત્તસઙ્ખારો કાયસઙ્ખારોતિ? નો.

    (Kha) cittasaṅkhāro kāyasaṅkhāroti? No.

    (ક) વચીસઙ્ખારો ચિત્તસઙ્ખારોતિ? નો.

    (Ka) vacīsaṅkhāro cittasaṅkhāroti? No.

    (ખ) ચિત્તસઙ્ખારો વચીસઙ્ખારોતિ? નો.

    (Kha) cittasaṅkhāro vacīsaṅkhāroti? No.

    (ખ) પચ્ચનીકં

    (Kha) paccanīkaṃ

    ૧૭. (ક) ન કાયસઙ્ખારો ન વચીસઙ્ખારોતિ?

    17. (Ka) na kāyasaṅkhāro na vacīsaṅkhāroti?

    વચીસઙ્ખારો ન કાયસઙ્ખારો, વચીસઙ્ખારો. કાયસઙ્ખારઞ્ચ વચીસઙ્ખારઞ્ચ ઠપેત્વા અવસેસા ન ચેવ કાયસઙ્ખારો ન ચ વચીસઙ્ખારો.

    Vacīsaṅkhāro na kāyasaṅkhāro, vacīsaṅkhāro. Kāyasaṅkhārañca vacīsaṅkhārañca ṭhapetvā avasesā na ceva kāyasaṅkhāro na ca vacīsaṅkhāro.

    (ખ) ન વચીસઙ્ખારો ન કાયસઙ્ખારોતિ?

    (Kha) na vacīsaṅkhāro na kāyasaṅkhāroti?

    કાયસઙ્ખારો ન વચીસઙ્ખારો, કાયસઙ્ખારો. વચીસઙ્ખારઞ્ચ કાયસઙ્ખારઞ્ચ ઠપેત્વા અવસેસા ન ચેવ વચીસઙ્ખારો ન ચ કાયસઙ્ખારો.

    Kāyasaṅkhāro na vacīsaṅkhāro, kāyasaṅkhāro. Vacīsaṅkhārañca kāyasaṅkhārañca ṭhapetvā avasesā na ceva vacīsaṅkhāro na ca kāyasaṅkhāro.

    (ક) ન કાયસઙ્ખારો ન ચિત્તસઙ્ખારોતિ?

    (Ka) na kāyasaṅkhāro na cittasaṅkhāroti?

    ચિત્તસઙ્ખારો ન કાયસઙ્ખારો, ચિત્તસઙ્ખારો. કાયસઙ્ખારઞ્ચ ચિત્તસઙ્ખારઞ્ચ ઠપેત્વા અવસેસા ન ચેવ કાયસઙ્ખારો ન ચ ચિત્તસઙ્ખારો.

    Cittasaṅkhāro na kāyasaṅkhāro, cittasaṅkhāro. Kāyasaṅkhārañca cittasaṅkhārañca ṭhapetvā avasesā na ceva kāyasaṅkhāro na ca cittasaṅkhāro.

    (ખ) ન ચિત્તસઙ્ખારો ન કાયસઙ્ખારોતિ?

    (Kha) na cittasaṅkhāro na kāyasaṅkhāroti?

    કાયસઙ્ખારો ન ચિત્તસઙ્ખારો, કાયસઙ્ખારો. ચિત્તસઙ્ખારઞ્ચ કાયસઙ્ખારઞ્ચ ઠપેત્વા અવસેસા ન ચેવ ચિત્તસઙ્ખારો ન ચ કાયસઙ્ખારો.

    Kāyasaṅkhāro na cittasaṅkhāro, kāyasaṅkhāro. Cittasaṅkhārañca kāyasaṅkhārañca ṭhapetvā avasesā na ceva cittasaṅkhāro na ca kāyasaṅkhāro.

    ૧૮. (ક) ન વચીસઙ્ખારો ન ચિત્તસઙ્ખારોતિ?

    18. (Ka) na vacīsaṅkhāro na cittasaṅkhāroti?

    ચિત્તસઙ્ખારો ન વચીસઙ્ખારો, ચિત્તસઙ્ખારો. વચીસઙ્ખારઞ્ચ ચિત્તસઙ્ખારઞ્ચ ઠપેત્વા અવસેસા ન ચેવ વચીસઙ્ખારો ન ચ ચિત્તસઙ્ખારો.

    Cittasaṅkhāro na vacīsaṅkhāro, cittasaṅkhāro. Vacīsaṅkhārañca cittasaṅkhārañca ṭhapetvā avasesā na ceva vacīsaṅkhāro na ca cittasaṅkhāro.

    (ખ) ન ચિત્તસઙ્ખારો ન વચીસઙ્ખારોતિ?

    (Kha) na cittasaṅkhāro na vacīsaṅkhāroti?

    વચીસઙ્ખારો ન ચિત્તસઙ્ખારો, વચીસઙ્ખારો. ચિત્તસઙ્ખારઞ્ચ વચીસઙ્ખારઞ્ચ ઠપેત્વા અવસેસા ન ચેવ ચિત્તસઙ્ખારો ન ચ વચીસઙ્ખારો.

    Vacīsaṅkhāro na cittasaṅkhāro, vacīsaṅkhāro. Cittasaṅkhārañca vacīsaṅkhārañca ṭhapetvā avasesā na ceva cittasaṅkhāro na ca vacīsaṅkhāro.

    પણ્ણત્તિનિદ્દેસવારો.

    Paṇṇattiniddesavāro.

    ૨. પવત્તિવારો ૧. ઉપ્પાદવારો

    2. Pavattivāro 1. uppādavāro

    (૧) પચ્ચુપ્પન્નવારો

    (1) Paccuppannavāro

    (ક) અનુલોમપુગ્ગલો

    (Ka) anulomapuggalo

    ૧૯. (ક) યસ્સ કાયસઙ્ખારો ઉપ્પજ્જતિ તસ્સ વચીસઙ્ખારો ઉપ્પજ્જતીતિ?

    19. (Ka) yassa kāyasaṅkhāro uppajjati tassa vacīsaṅkhāro uppajjatīti?

    વિના વિતક્કવિચારેહિ અસ્સાસપસ્સાસાનં ઉપ્પાદક્ખણે તેસં કાયસઙ્ખારો ઉપ્પજ્જતિ, નો ચ તેસં વચીસઙ્ખારો ઉપ્પજ્જતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસં કાયસઙ્ખારો ચ ઉપ્પજ્જતિ વચીસઙ્ખારો ચ ઉપ્પજ્જતિ.

    Vinā vitakkavicārehi assāsapassāsānaṃ uppādakkhaṇe tesaṃ kāyasaṅkhāro uppajjati, no ca tesaṃ vacīsaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ kāyasaṅkhāro ca uppajjati vacīsaṅkhāro ca uppajjati.

    (ખ) યસ્સ વા પન વચીસઙ્ખારો ઉપ્પજ્જતિ તસ્સ કાયસઙ્ખારો ઉપ્પજ્જતીતિ?

    (Kha) yassa vā pana vacīsaṅkhāro uppajjati tassa kāyasaṅkhāro uppajjatīti?

    વિના અસ્સાસપસ્સાસેહિ વિતક્કવિચારાનં ઉપ્પાદક્ખણે તેસં વચીસઙ્ખારો ઉપ્પજ્જતિ, નો ચ તેસં કાયસઙ્ખારો ઉપ્પજ્જતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસં વચીસઙ્ખારો ચ ઉપ્પજ્જતિ કાયસઙ્ખારો ચ ઉપ્પજ્જતિ.

    Vinā assāsapassāsehi vitakkavicārānaṃ uppādakkhaṇe tesaṃ vacīsaṅkhāro uppajjati, no ca tesaṃ kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ vacīsaṅkhāro ca uppajjati kāyasaṅkhāro ca uppajjati.

    (ક) યસ્સ કાયસઙ્ખારો ઉપ્પજ્જતિ તસ્સ ચિત્તસઙ્ખારો ઉપ્પજ્જતીતિ? આમન્તા.

    (Ka) yassa kāyasaṅkhāro uppajjati tassa cittasaṅkhāro uppajjatīti? Āmantā.

    (ખ) યસ્સ વા પન ચિત્તસઙ્ખારો ઉપ્પજ્જતિ તસ્સ કાયસઙ્ખારો ઉપ્પજ્જતીતિ?

    (Kha) yassa vā pana cittasaṅkhāro uppajjati tassa kāyasaṅkhāro uppajjatīti?

    વિના અસ્સાસપસ્સાસેહિ ચિત્તસ્સ ઉપ્પાદક્ખણે તેસં ચિત્તસઙ્ખારો ઉપ્પજ્જતિ, નો ચ તેસં કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં ચિત્તસઙ્ખારો ચ ઉપ્પજ્જતિ કાયસઙ્ખારો ચ ઉપ્પજ્જતિ.

    Vinā assāsapassāsehi cittassa uppādakkhaṇe tesaṃ cittasaṅkhāro uppajjati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjati kāyasaṅkhāro ca uppajjati.

    ૨૦. (ક) યસ્સ વચીસઙ્ખારો ઉપ્પજ્જતિ તસ્સ ચિત્તસઙ્ખારો ઉપ્પજ્જતીતિ? આમન્તા.

    20. (Ka) yassa vacīsaṅkhāro uppajjati tassa cittasaṅkhāro uppajjatīti? Āmantā.

    (ખ) યસ્સ વા પન ચિત્તસઙ્ખારો ઉપ્પજ્જતિ તસ્સ વચીસઙ્ખારો ઉપ્પજ્જતીતિ?

    (Kha) yassa vā pana cittasaṅkhāro uppajjati tassa vacīsaṅkhāro uppajjatīti?

    વિના વિતક્કવિચારેહિ ચિત્તસ્સ ઉપ્પાદક્ખણે તેસં ચિત્તસઙ્ખારો ઉપ્પજ્જતિ, નો ચ તેસં વચીસઙ્ખારો ઉપ્પજ્જતિ. વિતક્કવિચારાનં ઉપ્પાદક્ખણે તેસં ચિત્તસઙ્ખારો ચ ઉપ્પજ્જતિ વચીસઙ્ખારો ચ ઉપ્પજ્જતિ.

    Vinā vitakkavicārehi cittassa uppādakkhaṇe tesaṃ cittasaṅkhāro uppajjati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjati vacīsaṅkhāro ca uppajjati.

    (ખ) અનુલોમઓકાસો

    (Kha) anulomaokāso

    ૨૧. (ક) યત્થ કાયસઙ્ખારો ઉપ્પજ્જતિ તત્થ વચીસઙ્ખારો ઉપ્પજ્જતીતિ?

    21. (Ka) yattha kāyasaṅkhāro uppajjati tattha vacīsaṅkhāro uppajjatīti?

    દુતિયજ્ઝાને તતિયજ્ઝાને તત્થ કાયસઙ્ખારો ઉપ્પજ્જતિ, નો ચ તત્થ વચીસઙ્ખારો ઉપ્પજ્જતિ. પઠમજ્ઝાને કામાવચરે તત્થ કાયસઙ્ખારો ચ ઉપ્પજ્જતિ વચીસઙ્ખારો ચ ઉપ્પજ્જતિ.

    Dutiyajjhāne tatiyajjhāne tattha kāyasaṅkhāro uppajjati, no ca tattha vacīsaṅkhāro uppajjati. Paṭhamajjhāne kāmāvacare tattha kāyasaṅkhāro ca uppajjati vacīsaṅkhāro ca uppajjati.

    (ખ) યત્થ વા પન વચીસઙ્ખારો ઉપ્પજ્જતિ તત્થ કાયસઙ્ખારો ઉપ્પજ્જતીતિ?

    (Kha) yattha vā pana vacīsaṅkhāro uppajjati tattha kāyasaṅkhāro uppajjatīti?

    રૂપાવચરે અરૂપાવચરે તત્થ વચીસઙ્ખારો ઉપ્પજ્જતિ, નો ચ તત્થ કાયસઙ્ખારો ઉપ્પજ્જતિ. પઠમજ્ઝાને કામાવચરે તત્થ વચીસઙ્ખારો ચ ઉપ્પજ્જતિ કાયસઙ્ખારો ચ ઉપ્પજ્જતિ.

    Rūpāvacare arūpāvacare tattha vacīsaṅkhāro uppajjati, no ca tattha kāyasaṅkhāro uppajjati. Paṭhamajjhāne kāmāvacare tattha vacīsaṅkhāro ca uppajjati kāyasaṅkhāro ca uppajjati.

    (ક) યત્થ કાયસઙ્ખારો ઉપ્પજ્જતિ તત્થ ચિત્તસઙ્ખારો ઉપ્પજ્જતીતિ? આમન્તા.

    (Ka) yattha kāyasaṅkhāro uppajjati tattha cittasaṅkhāro uppajjatīti? Āmantā.

    (ખ) યત્થ વા પન ચિત્તસઙ્ખારો ઉપ્પજ્જતિ તત્થ કાયસઙ્ખારો ઉપ્પજ્જતીતિ?

    (Kha) yattha vā pana cittasaṅkhāro uppajjati tattha kāyasaṅkhāro uppajjatīti?

    ચતુત્થજ્ઝાને રૂપાવચરે અરૂપાવચરે તત્થ ચિત્તસઙ્ખારો ઉપ્પજ્જતિ, નો ચ તત્થ કાયસઙ્ખારો ઉપ્પજ્જતિ. પઠમજ્ઝાને દુતિયજ્ઝાને તતિયજ્ઝાને કામાવચરે તત્થ ચિત્તસઙ્ખારો ચ ઉપ્પજ્જતિ કાયસઙ્ખારો ચ ઉપ્પજ્જતિ.

    Catutthajjhāne rūpāvacare arūpāvacare tattha cittasaṅkhāro uppajjati, no ca tattha kāyasaṅkhāro uppajjati. Paṭhamajjhāne dutiyajjhāne tatiyajjhāne kāmāvacare tattha cittasaṅkhāro ca uppajjati kāyasaṅkhāro ca uppajjati.

    ૨૨. (ક) યત્થ વચીસઙ્ખારો ઉપ્પજ્જતિ તત્થ ચિત્તસઙ્ખારો ઉપ્પજ્જતીતિ? આમન્તા.

    22. (Ka) yattha vacīsaṅkhāro uppajjati tattha cittasaṅkhāro uppajjatīti? Āmantā.

    (ખ) યત્થ વા પન ચિત્તસઙ્ખારો ઉપ્પજ્જતિ તત્થ વચીસઙ્ખારો ઉપ્પજ્જતીતિ?

    (Kha) yattha vā pana cittasaṅkhāro uppajjati tattha vacīsaṅkhāro uppajjatīti?

    દુતિયજ્ઝાને તતિયજ્ઝાને ચતુત્થજ્ઝાને તત્થ ચિત્તસઙ્ખારો ઉપ્પજ્જતિ, નો ચ તત્થ વચીસઙ્ખારો ઉપ્પજ્જતિ. પઠમજ્ઝાને કામાવચરે રૂપાવચરે અરૂપાવચરે તત્થ ચિત્તસઙ્ખારો ચ ઉપ્પજ્જતિ વચીસઙ્ખારો ચ ઉપ્પજ્જતિ.

    Dutiyajjhāne tatiyajjhāne catutthajjhāne tattha cittasaṅkhāro uppajjati, no ca tattha vacīsaṅkhāro uppajjati. Paṭhamajjhāne kāmāvacare rūpāvacare arūpāvacare tattha cittasaṅkhāro ca uppajjati vacīsaṅkhāro ca uppajjati.

    (ગ) અનુલોમપુગ્ગલોકાસા

    (Ga) anulomapuggalokāsā

    ૨૩. યસ્સ યત્થ કાયસઙ્ખારો ઉપ્પજ્જતિ…પે॰….

    23. Yassa yattha kāyasaṅkhāro uppajjati…pe….

    (યસ્સકમ્પિ યસ્સયત્થકમ્પિ સદિસં.)

    (Yassakampi yassayatthakampi sadisaṃ.)

    (ઘ) પચ્ચનીકપુગ્ગલો

    (Gha) paccanīkapuggalo

    ૨૪. (ક) યસ્સ કાયસઙ્ખારો નુપ્પજ્જતિ તસ્સ વચીસઙ્ખારો નુપ્પજ્જતીતિ?

    24. (Ka) yassa kāyasaṅkhāro nuppajjati tassa vacīsaṅkhāro nuppajjatīti?

    વિના અસ્સાસપસ્સાસેહિ વિતક્કવિચારાનં ઉપ્પાદક્ખણે તેસં કાયસઙ્ખારો નુપ્પજ્જતિ, નો ચ તેસં વચીસઙ્ખારો નુપ્પજ્જતિ. સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ અવિતક્કઅવિચારચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો ચ નુપ્પજ્જતિ વચીસઙ્ખારો ચ નુપ્પજ્જતિ.

    Vinā assāsapassāsehi vitakkavicārānaṃ uppādakkhaṇe tesaṃ kāyasaṅkhāro nuppajjati, no ca tesaṃ vacīsaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati vacīsaṅkhāro ca nuppajjati.

    (ખ) યસ્સ વા પન વચીસઙ્ખારો નુપ્પજ્જતિ તસ્સ કાયસઙ્ખારો નુપ્પજ્જતીતિ?

    (Kha) yassa vā pana vacīsaṅkhāro nuppajjati tassa kāyasaṅkhāro nuppajjatīti?

    વિના વિતક્કવિચારેહિ અસ્સાસપસ્સાસાનં ઉપ્પાદક્ખણે તેસં વચીસઙ્ખારો નુપ્પજ્જતિ, નો ચ તેસં કાયસઙ્ખારો નુપ્પજ્જતિ. સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ અવિતક્કઅવિચારચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો ચ નુપ્પજ્જતિ કાયસઙ્ખારો ચ નુપ્પજ્જતિ.

    Vinā vitakkavicārehi assāsapassāsānaṃ uppādakkhaṇe tesaṃ vacīsaṅkhāro nuppajjati, no ca tesaṃ kāyasaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati kāyasaṅkhāro ca nuppajjati.

    (ક) યસ્સ કાયસઙ્ખારો નુપ્પજ્જતિ તસ્સ ચિત્તસઙ્ખારો નુપ્પજ્જતીતિ?

    (Ka) yassa kāyasaṅkhāro nuppajjati tassa cittasaṅkhāro nuppajjatīti?

    વિના અસ્સાસપસ્સાસેહિ ચિત્તસ્સ ઉપ્પાદક્ખણે તેસં કાયસઙ્ખારો નુપ્પજ્જતિ, નો ચ તેસં ચિત્તસઙ્ખારો નુપ્પજ્જતિ. સબ્બેસં ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો ચ નુપ્પજ્જતિ ચિત્તસઙ્ખારો ચ નુપ્પજ્જતિ.

    Vinā assāsapassāsehi cittassa uppādakkhaṇe tesaṃ kāyasaṅkhāro nuppajjati, no ca tesaṃ cittasaṅkhāro nuppajjati. Sabbesaṃ cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati cittasaṅkhāro ca nuppajjati.

    (ખ) યસ્સ વા પન ચિત્તસઙ્ખારો નુપ્પજ્જતિ તસ્સ કાયસઙ્ખારો નુપ્પજ્જતીતિ? આમન્તા.

    (Kha) yassa vā pana cittasaṅkhāro nuppajjati tassa kāyasaṅkhāro nuppajjatīti? Āmantā.

    ૨૫. (ક) યસ્સ વચીસઙ્ખારો નુપ્પજ્જતિ તસ્સ ચિત્તસઙ્ખારો નુપ્પજ્જતીતિ?

    25. (Ka) yassa vacīsaṅkhāro nuppajjati tassa cittasaṅkhāro nuppajjatīti?

    વિના વિતક્કવિચારેહિ ચિત્તસ્સ ઉપ્પાદક્ખણે તેસં વચીસઙ્ખારો નુપ્પજ્જતિ, નો ચ તેસં ચિત્તસઙ્ખારો નુપ્પજ્જતિ. સબ્બેસં ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો ચ નુપ્પજ્જતિ ચિત્તસઙ્ખારો ચ નુપ્પજ્જતિ.

    Vinā vitakkavicārehi cittassa uppādakkhaṇe tesaṃ vacīsaṅkhāro nuppajjati, no ca tesaṃ cittasaṅkhāro nuppajjati. Sabbesaṃ cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati cittasaṅkhāro ca nuppajjati.

    (ખ) યસ્સ વા પન ચિત્તસઙ્ખારો નુપ્પજ્જતિ તસ્સ વચીસઙ્ખારો નુપ્પજ્જતીતિ? આમન્તા.

    (Kha) yassa vā pana cittasaṅkhāro nuppajjati tassa vacīsaṅkhāro nuppajjatīti? Āmantā.

    (ઙ) પચ્ચનીકઓકાસો

    (Ṅa) paccanīkaokāso

    ૨૬. (ક) યત્થ કાયસઙ્ખારો નુપ્પજ્જતિ તત્થ વચીસઙ્ખારો નુપ્પજ્જતીતિ?

    26. (Ka) yattha kāyasaṅkhāro nuppajjati tattha vacīsaṅkhāro nuppajjatīti?

    રૂપાવચરે અરૂપાવચરે તત્થ કાયસઙ્ખારો નુપ્પજ્જતિ, નો ચ તત્થ વચીસઙ્ખારો નુપ્પજ્જતિ. ચતુત્થજ્ઝાને અસઞ્ઞસત્તે તત્થ કાયસઙ્ખારો ચ નુપ્પજ્જતિ વચીસઙ્ખારો ચ નુપ્પજ્જતિ.

    Rūpāvacare arūpāvacare tattha kāyasaṅkhāro nuppajjati, no ca tattha vacīsaṅkhāro nuppajjati. Catutthajjhāne asaññasatte tattha kāyasaṅkhāro ca nuppajjati vacīsaṅkhāro ca nuppajjati.

    (ખ) યત્થ વા પન વચીસઙ્ખારો નુપ્પજ્જતિ તત્થ કાયસઙ્ખારો નુપ્પજ્જતીતિ?

    (Kha) yattha vā pana vacīsaṅkhāro nuppajjati tattha kāyasaṅkhāro nuppajjatīti?

    દુતિયજ્ઝાને તતિયજ્ઝાને તત્થ વચીસઙ્ખારો નુપ્પજ્જતિ, નો ચ તત્થ કાયસઙ્ખારો નુપ્પજ્જતિ. ચતુત્થજ્ઝાને અસઞ્ઞસત્તે તત્થ વચીસઙ્ખારો ચ નુપ્પજ્જતિ કાયસઙ્ખારો ચ નુપ્પજ્જતિ.

    Dutiyajjhāne tatiyajjhāne tattha vacīsaṅkhāro nuppajjati, no ca tattha kāyasaṅkhāro nuppajjati. Catutthajjhāne asaññasatte tattha vacīsaṅkhāro ca nuppajjati kāyasaṅkhāro ca nuppajjati.

    (ક) યત્થ કાયસઙ્ખારો નુપ્પજ્જતિ તત્થ ચિત્તસઙ્ખારો નુપ્પજ્જતીતિ?

    (Ka) yattha kāyasaṅkhāro nuppajjati tattha cittasaṅkhāro nuppajjatīti?

    ચતુત્થજ્ઝાને રૂપાવચરે અરૂપાવચરે તત્થ કાયસઙ્ખારો નુપ્પજ્જતિ, નો ચ તત્થ ચિત્તસઙ્ખારો નુપ્પજ્જતિ. અસઞ્ઞસત્તે તત્થ કાયસઙ્ખારો ચ નુપ્પજ્જતિ ચિત્તસઙ્ખારો ચ નુપ્પજ્જતિ.

    Catutthajjhāne rūpāvacare arūpāvacare tattha kāyasaṅkhāro nuppajjati, no ca tattha cittasaṅkhāro nuppajjati. Asaññasatte tattha kāyasaṅkhāro ca nuppajjati cittasaṅkhāro ca nuppajjati.

    (ખ) યત્થ વા પન…પે॰…? આમન્તા.

    (Kha) yattha vā pana…pe…? Āmantā.

    ૨૭. (ક) યત્થ વચીસઙ્ખારો નુપ્પજ્જતિ તત્થ ચિત્તસઙ્ખારો નુપ્પજ્જતીતિ?

    27. (Ka) yattha vacīsaṅkhāro nuppajjati tattha cittasaṅkhāro nuppajjatīti?

    દુતિયજ્ઝાને તતિયજ્ઝાને ચતુત્થજ્ઝાને તત્થ વચીસઙ્ખારો નુપ્પજ્જતિ, નો ચ તત્થ ચિત્તસઙ્ખારો નુપ્પજ્જતિ. અસઞ્ઞસત્તે તત્થ વચીસઙ્ખારો ચ નુપ્પજ્જતિ ચિત્તસઙ્ખારો ચ નુપ્પજ્જતિ.

    Dutiyajjhāne tatiyajjhāne catutthajjhāne tattha vacīsaṅkhāro nuppajjati, no ca tattha cittasaṅkhāro nuppajjati. Asaññasatte tattha vacīsaṅkhāro ca nuppajjati cittasaṅkhāro ca nuppajjati.

    (ખ) યત્થ વા પન…પે॰…? આમન્તા.

    (Kha) yattha vā pana…pe…? Āmantā.

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૨૮. (ક) યસ્સ યત્થ કાયસઙ્ખારો નુપ્પજ્જતિ તસ્સ તત્થ વચીસઙ્ખારો નુપ્પજ્જતીતિ?

    28. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjatīti?

    વિના અસ્સાસપસ્સાસેહિ વિતક્કવિચારાનં ઉપ્પાદક્ખણે તેસં તત્થ કાયસઙ્ખારો નુપ્પજ્જતિ, નો ચ તેસં તત્થ વચીસઙ્ખારો નુપ્પજ્જતિ. સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ અવિતક્કઅવિચારચિત્તસ્સ ઉપ્પાદક્ખણે અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જતિ વચીસઙ્ખારો ચ નુપ્પજ્જતિ.

    Vinā assāsapassāsehi vitakkavicārānaṃ uppādakkhaṇe tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjati. Sabbesaṃ cittassa bhaṅgakkhaṇe vinā assāsapassāsehi avitakkaavicāracittassa uppādakkhaṇe asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjati.

    (ખ) યસ્સ વા પન યત્થ…પે॰…? આમન્તા.

    (Kha) yassa vā pana yattha…pe…? Āmantā.

    (યસ્સકમ્પિ યસ્સયત્થકમ્પિ સદિસં વિત્થારેતબ્બં, યસ્સયત્થકે નિરોધસમાપન્નાનન્તિ ન લબ્ભતિ.)

    (Yassakampi yassayatthakampi sadisaṃ vitthāretabbaṃ, yassayatthake nirodhasamāpannānanti na labbhati.)

    (૨) અતીતવારો

    (2) Atītavāro

    (ક) અનુલોમપુગ્ગલો

    (Ka) anulomapuggalo

    ૨૯. (ક) યસ્સ કાયસઙ્ખારો ઉપ્પજ્જિત્થ તસ્સ વચીસઙ્ખારો ઉપ્પજ્જિત્થાતિ? આમન્તા.

    29. (Ka) yassa kāyasaṅkhāro uppajjittha tassa vacīsaṅkhāro uppajjitthāti? Āmantā.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (ક) યસ્સ કાયસઙ્ખારો ઉપ્પજ્જિત્થ તસ્સ ચિત્તસઙ્ખારો ઉપ્પજ્જિત્થાતિ? આમન્તા.

    (Ka) yassa kāyasaṅkhāro uppajjittha tassa cittasaṅkhāro uppajjitthāti? Āmantā.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    ૩૦. (ક) યસ્સ વચીસઙ્ખારો ઉપ્પજ્જિત્થ તસ્સ ચિત્તસઙ્ખારો ઉપ્પજ્જિત્થાતિ? આમન્તા.

    30. (Ka) yassa vacīsaṅkhāro uppajjittha tassa cittasaṅkhāro uppajjitthāti? Āmantā.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (ખ) અનુલોમઓકાસો

    (Kha) anulomaokāso

    ૩૧. યત્થ કાયસઙ્ખારો ઉપ્પજ્જિત્થ…પે॰…

    31. Yattha kāyasaṅkhāro uppajjittha…pe…

    (યત્થકમ્પિ સબ્બત્થ એકસદિસં).

    (Yatthakampi sabbattha ekasadisaṃ).

    (ગ) અનુલોમપુગ્ગલોકાસા

    (Ga) anulomapuggalokāsā

    ૩૨. (ક) યસ્સ યત્થ કાયસઙ્ખારો ઉપ્પજ્જિત્થ તસ્સ તત્થ વચીસઙ્ખારો ઉપ્પજ્જિત્થાતિ?

    32. (Ka) yassa yattha kāyasaṅkhāro uppajjittha tassa tattha vacīsaṅkhāro uppajjitthāti?

    દુતિયજ્ઝાનં તતિયજ્ઝાનં સમાપન્નાનં તેસં તત્થ કાયસઙ્ખારો ઉપ્પજ્જિત્થ, નો ચ તેસં તત્થ વચીસઙ્ખારો ઉપ્પજ્જિત્થ. પઠમજ્ઝાનં સમાપન્નાનં કામાવચરાનં તેસં તત્થ કાયસઙ્ખારો ચ ઉપ્પજ્જિત્થ વચીસઙ્ખારો ચ ઉપ્પજ્જિત્થ.

    Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjittha, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjittha vacīsaṅkhāro ca uppajjittha.

    (ખ) યસ્સ વા પન યત્થ વચીસઙ્ખારો ઉપ્પજ્જિત્થ તસ્સ તત્થ કાયસઙ્ખારો ઉપ્પજ્જિત્થાતિ?

    (Kha) yassa vā pana yattha vacīsaṅkhāro uppajjittha tassa tattha kāyasaṅkhāro uppajjitthāti?

    રૂપાવચરાનં અરૂપાવચરાનં તેસં તત્થ વચીસઙ્ખારો ઉપ્પજ્જિત્થ, નો ચ તેસં તત્થ કાયસઙ્ખારો ઉપ્પજ્જિત્થ. પઠમજ્ઝાનં સમાપન્નાનં કામાવચરાનં તેસં તત્થ વચીસઙ્ખારો ચ ઉપ્પજ્જિત્થ કાયસઙ્ખારો ચ ઉપ્પજ્જિત્થ.

    Rūpāvacarānaṃ arūpāvacarānaṃ tesaṃ tattha vacīsaṅkhāro uppajjittha, no ca tesaṃ tattha kāyasaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca uppajjittha kāyasaṅkhāro ca uppajjittha.

    (ક) યસ્સ યત્થ કાયસઙ્ખારો ઉપ્પજ્જિત્થ તસ્સ તત્થ ચિત્તસઙ્ખારો ઉપ્પજ્જિત્થાતિ? આમન્તા.

    (Ka) yassa yattha kāyasaṅkhāro uppajjittha tassa tattha cittasaṅkhāro uppajjitthāti? Āmantā.

    (ખ) યસ્સ વા પન યત્થ ચિત્તસઙ્ખારો ઉપ્પજ્જિત્થ તસ્સ તત્થ કાયસઙ્ખારો ઉપ્પજ્જિત્થાતિ?

    (Kha) yassa vā pana yattha cittasaṅkhāro uppajjittha tassa tattha kāyasaṅkhāro uppajjitthāti?

    ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ ચિત્તસઙ્ખારો ઉપ્પજ્જિત્થ, નો ચ તેસં તત્થ કાયસઙ્ખારો ઉપ્પજ્જિત્થ. પઠમજ્ઝાનં દુતિયજ્ઝાનં તતિયજ્ઝાનં સમાપન્નાનં કામાવચરાનં તેસં તત્થ ચિત્તસઙ્ખારો ચ ઉપ્પજ્જિત્થ કાયસઙ્ખારો ચ ઉપ્પજ્જિત્થ.

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjittha, no ca tesaṃ tattha kāyasaṅkhāro uppajjittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca uppajjittha kāyasaṅkhāro ca uppajjittha.

    ૩૩. (ક) યસ્સ યત્થ વચીસઙ્ખારો ઉપ્પજ્જિત્થ તસ્સ તત્થ ચિત્તસઙ્ખારો ઉપ્પજ્જિત્થાતિ? આમન્તા.

    33. (Ka) yassa yattha vacīsaṅkhāro uppajjittha tassa tattha cittasaṅkhāro uppajjitthāti? Āmantā.

    (ખ) યસ્સ વા પન યત્થ ચિત્તસઙ્ખારો ઉપ્પજ્જિત્થ તસ્સ તત્થ વચીસઙ્ખારો ઉપ્પજ્જિત્થાતિ?

    (Kha) yassa vā pana yattha cittasaṅkhāro uppajjittha tassa tattha vacīsaṅkhāro uppajjitthāti?

    દુતિયજ્ઝાનં તતિયજ્ઝાનં ચતુત્થજ્ઝાનં સમાપન્નાનં સુદ્ધાવાસાનં દુતિયે ચિત્તે વત્તમાને તેસં તત્થ ચિત્તસઙ્ખારો ઉપ્પજ્જિત્થ, નો ચ તેસં તત્થ વચીસઙ્ખારો ઉપ્પજ્જિત્થ. પઠમજ્ઝાનં સમાપન્નાનં કામાવચરાનં ઇતરેસં રૂપાવચરાનં અરૂપાવચરાનં તેસં તત્થ ચિત્તસઙ્ખારો ચ ઉપ્પજ્જિત્થ વચીસઙ્ખારો ચ ઉપ્પજ્જિત્થ.

    Dutiyajjhānaṃ tatiyajjhānaṃ catutthajjhānaṃ samāpannānaṃ suddhāvāsānaṃ dutiye citte vattamāne tesaṃ tattha cittasaṅkhāro uppajjittha, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca uppajjittha vacīsaṅkhāro ca uppajjittha.

    (ઘ) પચ્ચનીકપુગ્ગલો

    (Gha) paccanīkapuggalo

    ૩૪. (ક) યસ્સ કાયસઙ્ખારો નુપ્પજ્જિત્થ તસ્સ વચીસઙ્ખારો નુપ્પજ્જિત્થાતિ? નત્થિ.

    34. (Ka) yassa kāyasaṅkhāro nuppajjittha tassa vacīsaṅkhāro nuppajjitthāti? Natthi.

    (ખ) યસ્સ વા પન વચીસઙ્ખારો નુપ્પજ્જિત્થ તસ્સ કાયસઙ્ખારો નુપ્પજ્જિત્થાતિ? નત્થિ.

    (Kha) yassa vā pana vacīsaṅkhāro nuppajjittha tassa kāyasaṅkhāro nuppajjitthāti? Natthi.

    (ક) યસ્સ કાયસઙ્ખારો નુપ્પજ્જિત્થ તસ્સ ચિત્તસઙ્ખારો નુપ્પજ્જિત્થાતિ? નત્થિ.

    (Ka) yassa kāyasaṅkhāro nuppajjittha tassa cittasaṅkhāro nuppajjitthāti? Natthi.

    (ખ) યસ્સ વા પન…પે॰…? નત્થિ.

    (Kha) yassa vā pana…pe…? Natthi.

    ૩૫. (ક) યસ્સ વચીસઙ્ખારો નુપ્પજ્જિત્થ તસ્સ ચિત્તસઙ્ખારો નુપ્પજ્જિત્થાતિ? નત્થિ.

    35. (Ka) yassa vacīsaṅkhāro nuppajjittha tassa cittasaṅkhāro nuppajjitthāti? Natthi.

    (ખ) યસ્સ વા પન…પે॰…? નત્થિ.

    (Kha) yassa vā pana…pe…? Natthi.

    (ઙ) પચ્ચનીકઓકાસો

    (Ṅa) paccanīkaokāso

    ૩૬. યત્થ કાયસઙ્ખારો નુપ્પજ્જિત્થ…પે॰….

    36. Yattha kāyasaṅkhāro nuppajjittha…pe….

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૩૭. (ક) યસ્સ યત્થ કાયસઙ્ખારો નુપ્પજ્જિત્થ તસ્સ તત્થ વચીસઙ્ખારો નુપ્પજ્જિત્થાતિ?

    37. (Ka) yassa yattha kāyasaṅkhāro nuppajjittha tassa tattha vacīsaṅkhāro nuppajjitthāti?

    રૂપાવચરાનં અરૂપાવચરાનં તેસં તત્થ કાયસઙ્ખારો નુપ્પજ્જિત્થ, નો ચ તેસં તત્થ વચીસઙ્ખારો નુપ્પજ્જિત્થ. ચતુત્થજ્ઝાનં સમાપન્નાનં સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જિત્થ વચીસઙ્ખારો ચ નુપ્પજ્જિત્થ.

    Rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha vacīsaṅkhāro nuppajjittha. Catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca nuppajjittha vacīsaṅkhāro ca nuppajjittha.

    (ખ) યસ્સ વા પન યત્થ વચીસઙ્ખારો નુપ્પજ્જિત્થ તસ્સ તત્થ કાયસઙ્ખારો નુપ્પજ્જિત્થાતિ?

    (Kha) yassa vā pana yattha vacīsaṅkhāro nuppajjittha tassa tattha kāyasaṅkhāro nuppajjitthāti?

    દુતિયજ્ઝાનં તતિયજ્ઝાનં સમાપન્નાનં તેસં તત્થ વચીસઙ્ખારો નુપ્પજ્જિત્થ, નો ચ તેસં તત્થ કાયસઙ્ખારો નુપ્પજ્જિત્થ. ચતુત્થજ્ઝાનં સમાપન્નાનં સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ વચીસઙ્ખારો ચ નુપ્પજ્જિત્થ કાયસઙ્ખારો ચ નુપ્પજ્જિત્થ.

    Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjittha, no ca tesaṃ tattha kāyasaṅkhāro nuppajjittha. Catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca nuppajjittha kāyasaṅkhāro ca nuppajjittha.

    (ક) યસ્સ યત્થ કાયસઙ્ખારો નુપ્પજ્જિત્થ તસ્સ તત્થ ચિત્તસઙ્ખારો નુપ્પજ્જિત્થાતિ?

    (Ka) yassa yattha kāyasaṅkhāro nuppajjittha tassa tattha cittasaṅkhāro nuppajjitthāti?

    ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ કાયસઙ્ખારો નુપ્પજ્જિત્થ, નો ચ તેસં તત્થ ચિત્તસઙ્ખારો નુપ્પજ્જિત્થ. સુદ્ધાવાસં ઉપપજ્જન્તાનં અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જિત્થ ચિત્તસઙ્ખારો ચ નુપ્પજ્જિત્થ.

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca nuppajjittha cittasaṅkhāro ca nuppajjittha.

    (ખ) યસ્સ વા પન યત્થ…પે॰…? આમન્તા.

    (Kha) yassa vā pana yattha…pe…? Āmantā.

    ૩૮. (ક) યસ્સ યત્થ વચીસઙ્ખારો નુપ્પજ્જિત્થ તસ્સ તત્થ ચિત્તસઙ્ખારો નુપ્પજ્જિત્થાતિ?

    38. (Ka) yassa yattha vacīsaṅkhāro nuppajjittha tassa tattha cittasaṅkhāro nuppajjitthāti?

    દુતિયજ્ઝાનં તતિયજ્ઝાનં ચતુત્થજ્ઝાનં સમાપન્નાનં સુદ્ધાવાસાનં દુતિયે ચિત્તે વત્તમાને તેસં તત્થ વચીસઙ્ખારો નુપ્પજ્જિત્થ, નો ચ તેસં તત્થ ચિત્તસઙ્ખારો નુપ્પજ્જિત્થ. સુદ્ધાવાસં ઉપપજ્જન્તાનં અસઞ્ઞસત્તાનં તેસં તત્થ વચીસઙ્ખારો ચ નુપ્પજ્જિત્થ ચિત્તસઙ્ખારો ચ નુપ્પજ્જિત્થ.

    Dutiyajjhānaṃ tatiyajjhānaṃ catutthajjhānaṃ samāpannānaṃ suddhāvāsānaṃ dutiye citte vattamāne tesaṃ tattha vacīsaṅkhāro nuppajjittha, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca nuppajjittha cittasaṅkhāro ca nuppajjittha.

    (ખ) યસ્સ વા પન યત્થ…પે॰…? આમન્તા.

    (Kha) yassa vā pana yattha…pe…? Āmantā.

    (૩) અનાગતવારો

    (3) Anāgatavāro

    (ક) અનુલોમપુગ્ગલો

    (Ka) anulomapuggalo

    ૩૯. (ક) યસ્સ કાયસઙ્ખારો ઉપ્પજ્જિસ્સતિ તસ્સ વચીસઙ્ખારો ઉપ્પજ્જિસ્સતીતિ? આમન્તા.

    39. (Ka) yassa kāyasaṅkhāro uppajjissati tassa vacīsaṅkhāro uppajjissatīti? Āmantā.

    (ખ) યસ્સ વા પન વચીસઙ્ખારો ઉપ્પજ્જિસ્સતિ તસ્સ કાયસઙ્ખારો ઉપ્પજ્જિસ્સતીતિ?

    (Kha) yassa vā pana vacīsaṅkhāro uppajjissati tassa kāyasaṅkhāro uppajjissatīti?

    યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં વચીસઙ્ખારો ઉપ્પજ્જિસ્સતિ, નો ચ તેસં કાયસઙ્ખારો ઉપ્પજ્જિસ્સતિ. ઇતરેસં તેસં વચીસઙ્ખારો ચ ઉપ્પજ્જિસ્સતિ કાયસઙ્ખારો ચ ઉપ્પજ્જિસ્સતિ.

    Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro uppajjissati, no ca tesaṃ kāyasaṅkhāro uppajjissati. Itaresaṃ tesaṃ vacīsaṅkhāro ca uppajjissati kāyasaṅkhāro ca uppajjissati.

    (ક) યસ્સ કાયસઙ્ખારો ઉપ્પજ્જિસ્સતિ તસ્સ ચિત્તસઙ્ખારો ઉપ્પજ્જિસ્સતીતિ? આમન્તા.

    (Ka) yassa kāyasaṅkhāro uppajjissati tassa cittasaṅkhāro uppajjissatīti? Āmantā.

    (ખ) યસ્સ વા પન ચિત્તસઙ્ખારો ઉપ્પજ્જિસ્સતિ તસ્સ કાયસઙ્ખારો ઉપ્પજ્જિસ્સતીતિ?

    (Kha) yassa vā pana cittasaṅkhāro uppajjissati tassa kāyasaṅkhāro uppajjissatīti?

    યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં ચિત્તસઙ્ખારો ઉપ્પજ્જિસ્સતિ, નો ચ તેસં કાયસઙ્ખારો ઉપ્પજ્જિસ્સતિ. ઇતરેસં તેસં ચિત્તસઙ્ખારો ચ ઉપ્પજ્જિસ્સતિ કાયસઙ્ખારો ચ ઉપ્પજ્જિસ્સતિ.

    Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro uppajjissati, no ca tesaṃ kāyasaṅkhāro uppajjissati. Itaresaṃ tesaṃ cittasaṅkhāro ca uppajjissati kāyasaṅkhāro ca uppajjissati.

    ૪૦. (ક) યસ્સ વચીસઙ્ખારો ઉપ્પજ્જિસ્સતિ તસ્સ ચિત્તસઙ્ખારો ઉપ્પજ્જિસ્સતીતિ? આમન્તા.

    40. (Ka) yassa vacīsaṅkhāro uppajjissati tassa cittasaṅkhāro uppajjissatīti? Āmantā.

    (ખ) યસ્સ વા પન ચિત્તસઙ્ખારો ઉપ્પજ્જિસ્સતિ તસ્સ વચીસઙ્ખારો ઉપ્પજ્જિસ્સતીતિ?

    (Kha) yassa vā pana cittasaṅkhāro uppajjissati tassa vacīsaṅkhāro uppajjissatīti?

    યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં ચિત્તસઙ્ખારો ઉપ્પજ્જિસ્સતિ, નો ચ તેસં વચીસઙ્ખારો ઉપ્પજ્જિસ્સતિ. ઇતરેસં તેસં ચિત્તસઙ્ખારો ચ ઉપ્પજ્જિસ્સતિ વચીસઙ્ખારો ચ ઉપ્પજ્જિસ્સતિ.

    Yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro uppajjissati, no ca tesaṃ vacīsaṅkhāro uppajjissati. Itaresaṃ tesaṃ cittasaṅkhāro ca uppajjissati vacīsaṅkhāro ca uppajjissati.

    (ખ) અનુલોમઓકાસો

    (Kha) anulomaokāso

    ૪૧. યત્થ કાયસઙ્ખારો ઉપ્પજ્જિસ્સતિ…પે॰….

    41. Yattha kāyasaṅkhāro uppajjissati…pe….

    (ગ) અનુલોમપુગ્ગલોકાસા

    (Ga) anulomapuggalokāsā

    ૪૨. (ક) યસ્સ યત્થ કાયસઙ્ખારો ઉપ્પજ્જિસ્સતિ તસ્સ તત્થ વચીસઙ્ખારો ઉપ્પજ્જિસ્સતીતિ?

    42. (Ka) yassa yattha kāyasaṅkhāro uppajjissati tassa tattha vacīsaṅkhāro uppajjissatīti?

    દુતિયજ્ઝાનં તતિયજ્ઝાનં સમાપન્નાનં તેસં તત્થ કાયસઙ્ખારો ઉપ્પજ્જિસ્સતિ, નો ચ તેસં તત્થ વચીસઙ્ખારો ઉપ્પજ્જિસ્સતિ. પઠમજ્ઝાનં સમાપન્નાનં કામાવચરાનં તેસં તત્થ કાયસઙ્ખારો ચ ઉપ્પજ્જિસ્સતિ વચીસઙ્ખારો ચ ઉપ્પજ્જિસ્સતિ.

    Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjissati vacīsaṅkhāro ca uppajjissati.

    (ખ) યસ્સ વા પન યત્થ વચીસઙ્ખારો ઉપ્પજ્જિસ્સતિ તસ્સ તત્થ કાયસઙ્ખારો ઉપ્પજ્જિસ્સતીતિ?

    (Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjissatīti?

    યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરાનં અરૂપાવચરાનં તેસં તત્થ વચીસઙ્ખારો ઉપ્પજ્જિસ્સતિ, નો ચ તેસં તત્થ કાયસઙ્ખારો ઉપ્પજ્જિસ્સતિ. પઠમજ્ઝાનં સમાપન્નાનં ઇતરેસં કામાવચરાનં તેસં તત્થ વચીસઙ્ખારો ચ ઉપ્પજ્જિસ્સતિ કાયસઙ્ખારો ચ ઉપ્પજ્જિસ્સતિ.

    Yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca uppajjissati kāyasaṅkhāro ca uppajjissati.

    (ક) યસ્સ યત્થ કાયસઙ્ખારો ઉપ્પજ્જિસ્સતિ તસ્સ તત્થ ચિત્તસઙ્ખારો ઉપ્પજ્જિસ્સતીતિ? આમન્તા.

    (Ka) yassa yattha kāyasaṅkhāro uppajjissati tassa tattha cittasaṅkhāro uppajjissatīti? Āmantā.

    (ખ) યસ્સ વા પન યત્થ ચિત્તસઙ્ખારો ઉપ્પજ્જિસ્સતિ તસ્સ તત્થ કાયસઙ્ખારો ઉપ્પજ્જિસ્સતીતિ?

    (Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjissatīti?

    યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ ચિત્તસઙ્ખારો ઉપ્પજ્જિસ્સતિ, નો ચ તેસં તત્થ કાયસઙ્ખારો ઉપ્પજ્જિસ્સતિ. પઠમજ્ઝાનં દુતિયજ્ઝાનં તતિયજ્ઝાનં સમાપન્નાનં ઇતરેસં કામાવચરાનં તેસં તત્થ ચિત્તસઙ્ખારો ચ ઉપ્પજ્જિસ્સતિ કાયસઙ્ખારો ચ ઉપ્પજ્જિસ્સતિ.

    Yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca uppajjissati kāyasaṅkhāro ca uppajjissati.

    ૪૩. (ક) યસ્સ યત્થ વચીસઙ્ખારો ઉપ્પજ્જિસ્સતિ તસ્સ તત્થ ચિત્તસઙ્ખારો ઉપ્પજ્જિસ્સતીતિ? આમન્તા.

    43. (Ka) yassa yattha vacīsaṅkhāro uppajjissati tassa tattha cittasaṅkhāro uppajjissatīti? Āmantā.

    (ખ) યસ્સ વા પન યત્થ ચિત્તસઙ્ખારો ઉપ્પજ્જિસ્સતિ તસ્સ તત્થ વચીસઙ્ખારો ઉપ્પજ્જિસ્સતીતિ?

    (Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjissatīti?

    યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં ચતુત્થજ્ઝાનં સમાપન્નાનં તેસં તત્થ ચિત્તસઙ્ખારો ઉપ્પજ્જિસ્સતિ, નો ચ તેસં તત્થ વચીસઙ્ખારો ઉપ્પજ્જિસ્સતિ. પઠમજ્ઝાનં સમાપન્નાનં કામાવચરાનં ઇતરેસં રૂપાવચરાનં અરૂપાવચરાનં તેસં તત્થ ચિત્તસઙ્ખારો ચ ઉપ્પજ્જિસ્સતિ વચીસઙ્ખારો ચ ઉપ્પજ્જિસ્સતિ.

    Yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca uppajjissati vacīsaṅkhāro ca uppajjissati.

    (ઘ) પચ્ચનીકપુગ્ગલો

    (Gha) paccanīkapuggalo

    ૪૪. (ક) યસ્સ કાયસઙ્ખારો નુપ્પજ્જિસ્સતિ તસ્સ વચીસઙ્ખારો નુપ્પજ્જિસ્સતીતિ?

    44. (Ka) yassa kāyasaṅkhāro nuppajjissati tassa vacīsaṅkhāro nuppajjissatīti?

    યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં કાયસઙ્ખારો નુપ્પજ્જિસ્સતિ, નો ચ તેસં વચીસઙ્ખારો નુપ્પજ્જિસ્સતિ. પચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં કાયસઙ્ખારો ચ નુપ્પજ્જિસ્સતિ વચીસઙ્ખારો ચ નુપ્પજ્જિસ્સતિ.

    Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjissati vacīsaṅkhāro ca nuppajjissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (ક) યસ્સ કાયસઙ્ખારો નુપ્પજ્જિસ્સતિ તસ્સ ચિત્તસઙ્ખારો નુપ્પજ્જિસ્સતીતિ?

    (Ka) yassa kāyasaṅkhāro nuppajjissati tassa cittasaṅkhāro nuppajjissatīti?

    યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં કાયસઙ્ખારો નુપ્પજ્જિસ્સતિ, નો ચ તેસં ચિત્તસઙ્ખારો નુપ્પજ્જિસ્સતિ. પચ્છિમચિત્તસમઙ્ગીનં તેસં કાયસઙ્ખારો ચ નુપ્પજ્જિસ્સતિ ચિત્તસઙ્ખારો ચ નુપ્પજ્જિસ્સતિ.

    Yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ kāyasaṅkhāro ca nuppajjissati cittasaṅkhāro ca nuppajjissati.

    (ખ) યસ્સ વા પન ચિત્તસઙ્ખારો…પે॰…? આમન્તા.

    (Kha) yassa vā pana cittasaṅkhāro…pe…? Āmantā.

    ૪૫. (ક) યસ્સ વચીસઙ્ખારો નુપ્પજ્જિસ્સતિ તસ્સ ચિત્તસઙ્ખારો નુપ્પજ્જિસ્સતીતિ?

    45. (Ka) yassa vacīsaṅkhāro nuppajjissati tassa cittasaṅkhāro nuppajjissatīti?

    યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં વચીસઙ્ખારો નુપ્પજ્જિસ્સતિ, નો ચ તેસં ચિત્તસઙ્ખારો નુપ્પજ્જિસ્સતિ. પચ્છિમચિત્તસમઙ્ગીનં તેસં વચીસઙ્ખારો ચ નુપ્પજ્જિસ્સતિ ચિત્તસઙ્ખારો ચ નુપ્પજ્જિસ્સતિ.

    Yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro nuppajjissati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ vacīsaṅkhāro ca nuppajjissati cittasaṅkhāro ca nuppajjissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (ઙ) પચ્ચનીકઓકાસો

    (Ṅa) paccanīkaokāso

    ૪૬. યત્થ કાયસઙ્ખારો નુપ્પજ્જિસ્સતિ…પે॰….

    46. Yattha kāyasaṅkhāro nuppajjissati…pe….

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૪૭. (ક) યસ્સ યત્થ કાયસઙ્ખારો નુપ્પજ્જિસ્સતિ તસ્સ તત્થ વચીસઙ્ખારો નુપ્પજ્જિસ્સતીતિ?

    47. (Ka) yassa yattha kāyasaṅkhāro nuppajjissati tassa tattha vacīsaṅkhāro nuppajjissatīti?

    યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરાનં અરૂપાવચરાનં તેસં તત્થ કાયસઙ્ખારો નુપ્પજ્જિસ્સતિ, નો ચ તેસં તત્થ વચીસઙ્ખારો નુપ્પજ્જિસ્સતિ. પચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જિસ્સતિ વચીસઙ્ખારો ચ નુપ્પજ્જિસ્સતિ.

    Yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjissati vacīsaṅkhāro ca nuppajjissati.

    (ખ) યસ્સ વા પન યત્થ વચીસઙ્ખારો નુપ્પજ્જિસ્સતિ તસ્સ તત્થ કાયસઙ્ખારો નુપ્પજ્જિસ્સતીતિ?

    (Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjissatīti?

    દુતિયજ્ઝાનં તતિયજ્ઝાનં સમાપન્નાનં તેસં તત્થ વચીસઙ્ખારો નુપ્પજ્જિસ્સતિ, નો ચ તેસં તત્થ કાયસઙ્ખારો નુપ્પજ્જિસ્સતિ. પચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ વચીસઙ્ખારો ચ નુપ્પજ્જિસ્સતિ કાયસઙ્ખારો ચ નુપ્પજ્જિસ્સતિ.

    Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjissati.

    (ક) યસ્સ યત્થ કાયસઙ્ખારો નુપ્પજ્જિસ્સતિ તસ્સ તત્થ ચિત્તસઙ્ખારો નુપ્પજ્જિસ્સતીતિ?

    (Ka) yassa yattha kāyasaṅkhāro nuppajjissati tassa tattha cittasaṅkhāro nuppajjissatīti?

    યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ કાયસઙ્ખારો નુપ્પજ્જિસ્સતિ, નો ચ તેસં તત્થ ચિત્તસઙ્ખારો નુપ્પજ્જિસ્સતિ. પચ્છિમચિત્તસમઙ્ગીનં અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જિસ્સતિ ચિત્તસઙ્ખારો ચ નુપ્પજ્જિસ્સતિ.

    Yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjissati cittasaṅkhāro ca nuppajjissati.

    (ખ) યસ્સ વા પન યત્થ…પે॰…? આમન્તા.

    (Kha) yassa vā pana yattha…pe…? Āmantā.

    ૪૮. (ક) યસ્સ યત્થ વચીસઙ્ખારો નુપ્પજ્જિસ્સતિ તસ્સ તત્થ ચિત્તસઙ્ખારો નુપ્પજ્જિસ્સતીતિ?

    48. (Ka) yassa yattha vacīsaṅkhāro nuppajjissati tassa tattha cittasaṅkhāro nuppajjissatīti?

    યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં ચતુત્થજ્ઝાનં સમાપન્નાનં તેસં તત્થ વચીસઙ્ખારો નુપ્પજ્જિસ્સતિ, નો ચ તેસં તત્થ ચિત્તસઙ્ખારો નુપ્પજ્જિસ્સતિ. પચ્છિમચિત્તસમઙ્ગીનં અસઞ્ઞસત્તાનં તેસં તત્થ વચીસઙ્ખારો ચ નુપ્પજ્જિસ્સતિ ચિત્તસઙ્ખારો ચ નુપ્પજ્જિસ્સતિ.

    Yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjissati cittasaṅkhāro ca nuppajjissati.

    (ખ) યસ્સ વા પન યત્થ…પે॰…? આમન્તા.

    (Kha) yassa vā pana yattha…pe…? Āmantā.

    (૪) પચ્ચુપ્પન્નાતીતવારો

    (4) Paccuppannātītavāro

    (ક) અનુલોમપુગ્ગલો

    (Ka) anulomapuggalo

    ૪૯. (ક) યસ્સ કાયસઙ્ખારો ઉપ્પજ્જતિ તસ્સ વચીસઙ્ખારો ઉપ્પજ્જિત્થાતિ? આમન્તા.

    49. (Ka) yassa kāyasaṅkhāro uppajjati tassa vacīsaṅkhāro uppajjitthāti? Āmantā.

    (ખ) યસ્સ વા પન વચીસઙ્ખારો ઉપ્પજ્જિત્થ તસ્સ કાયસઙ્ખારો ઉપ્પજ્જતીતિ?

    (Kha) yassa vā pana vacīsaṅkhāro uppajjittha tassa kāyasaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો ઉપ્પજ્જિત્થ , નો ચ તેસં કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં વચીસઙ્ખારો ચ ઉપ્પજ્જિત્થ કાયસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro uppajjittha , no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca uppajjittha kāyasaṅkhāro ca uppajjati.

    (ક) યસ્સ કાયસઙ્ખારો ઉપ્પજ્જતિ તસ્સ ચિત્તસઙ્ખારો ઉપ્પજ્જિત્થાતિ? આમન્તા.

    (Ka) yassa kāyasaṅkhāro uppajjati tassa cittasaṅkhāro uppajjitthāti? Āmantā.

    (ખ) યસ્સ વા પન ચિત્તસઙ્ખારો ઉપ્પજ્જિત્થ તસ્સ કાયસઙ્ખારો ઉપ્પજ્જતીતિ?

    (Kha) yassa vā pana cittasaṅkhāro uppajjittha tassa kāyasaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો ઉપ્પજ્જિત્થ, નો ચ તેસં કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં ચિત્તસઙ્ખારો ચ ઉપ્પજ્જિત્થ કાયસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjittha, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjittha kāyasaṅkhāro ca uppajjati.

    ૫૦. (ક) યસ્સ વચીસઙ્ખારો ઉપ્પજ્જતિ તસ્સ ચિત્તસઙ્ખારો ઉપ્પજ્જિત્થાતિ? આમન્તા.

    50. (Ka) yassa vacīsaṅkhāro uppajjati tassa cittasaṅkhāro uppajjitthāti? Āmantā.

    (ખ) યસ્સ વા પન ચિત્તસઙ્ખારો ઉપ્પજ્જિત્થ તસ્સ વચીસઙ્ખારો ઉપ્પજ્જતીતિ?

    (Kha) yassa vā pana cittasaṅkhāro uppajjittha tassa vacīsaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો ઉપ્પજ્જિત્થ, નો ચ તેસં વચીસઙ્ખારો ઉપ્પજ્જતિ. વિતક્કવિચારાનં ઉપ્પાદક્ખણે તેસં ચિત્તસઙ્ખારો ચ ઉપ્પજ્જિત્થ વચીસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjittha, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjittha vacīsaṅkhāro ca uppajjati.

    (ખ) અનુલોમઓકાસો

    (Kha) anulomaokāso

    ૫૧. યત્થ કાયસઙ્ખારો ઉપ્પજ્જતિ…પે॰….

    51. Yattha kāyasaṅkhāro uppajjati…pe….

    (ગ) અનુલોમપુગ્ગલોકાસા

    (Ga) anulomapuggalokāsā

    ૫૨. (ક) યસ્સ યત્થ કાયસઙ્ખારો ઉપ્પજ્જતિ તસ્સ તત્થ વચીસઙ્ખારો ઉપ્પજ્જિત્થાતિ?

    52. (Ka) yassa yattha kāyasaṅkhāro uppajjati tassa tattha vacīsaṅkhāro uppajjitthāti?

    દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ઉપ્પાદક્ખણે તેસં તત્થ કાયસઙ્ખારો ઉપ્પજ્જતિ, નો ચ તેસં તત્થ વચીસઙ્ખારો ઉપ્પજ્જિત્થ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસં તત્થ કાયસઙ્ખારો ચ ઉપ્પજ્જતિ વચીસઙ્ખારો ચ ઉપ્પજ્જિત્થ.

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro uppajjittha. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca uppajjittha.

    (ખ) યસ્સ વા પન યત્થ વચીસઙ્ખારો ઉપ્પજ્જિત્થ તસ્સ તત્થ કાયસઙ્ખારો ઉપ્પજ્જતીતિ?

    (Kha) yassa vā pana yattha vacīsaṅkhāro uppajjittha tassa tattha kāyasaṅkhāro uppajjatīti?

    પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે રૂપાવચરાનં અરૂપાવચરાનં તેસં તત્થ વચીસઙ્ખારો ઉપ્પજ્જિત્થ, નો ચ તેસં તત્થ કાયસઙ્ખારો ઉપ્પજ્જતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસં તત્થ વચીસઙ્ખારો ચ ઉપ્પજ્જિત્થ કાયસઙ્ખારો ચ ઉપ્પજ્જતિ.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro uppajjittha, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca uppajjittha kāyasaṅkhāro ca uppajjati.

    (ક) યસ્સ યત્થ કાયસઙ્ખારો ઉપ્પજ્જતિ તસ્સ તત્થ ચિત્તસઙ્ખારો ઉપ્પજ્જિત્થાતિ? આમન્તા.

    (Ka) yassa yattha kāyasaṅkhāro uppajjati tassa tattha cittasaṅkhāro uppajjitthāti? Āmantā.

    (ખ) યસ્સ વા પન યત્થ ચિત્તસઙ્ખારો ઉપ્પજ્જિત્થ તસ્સ તત્થ કાયસઙ્ખારો ઉપ્પજ્જતીતિ?

    (Kha) yassa vā pana yattha cittasaṅkhāro uppajjittha tassa tattha kāyasaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે તેસં તત્થ ચિત્તસઙ્ખારો ઉપ્પજ્જિત્થ, નો ચ તેસં તત્થ કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં તત્થ ચિત્તસઙ્ખારો ચ ઉપ્પજ્જિત્થ કાયસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro uppajjittha, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca uppajjittha kāyasaṅkhāro ca uppajjati.

    ૫૩. (ક) યસ્સ યત્થ વચીસઙ્ખારો ઉપ્પજ્જતિ તસ્સ તત્થ ચિત્તસઙ્ખારો ઉપ્પજ્જિત્થાતિ? આમન્તા.

    53. (Ka) yassa yattha vacīsaṅkhāro uppajjati tassa tattha cittasaṅkhāro uppajjitthāti? Āmantā.

    (ખ) યસ્સ વા પન યત્થ ચિત્તસઙ્ખારો ઉપ્પજ્જિત્થ તસ્સ તત્થ વચીસઙ્ખારો ઉપ્પજ્જતીતિ?

    (Kha) yassa vā pana yattha cittasaṅkhāro uppajjittha tassa tattha vacīsaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે તેસં તત્થ ચિત્તસઙ્ખારો ઉપ્પજ્જિત્થ, નો ચ તેસં તત્થ વચીસઙ્ખારો ઉપ્પજ્જતિ. વિતક્કવિચારાનં ઉપ્પાદક્ખણે તેસં તત્થ ચિત્તસઙ્ખારો ચ ઉપ્પજ્જિત્થ વચીસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro uppajjittha, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca uppajjittha vacīsaṅkhāro ca uppajjati.

    (ઘ) પચ્ચનીકપુગ્ગલો

    (Gha) paccanīkapuggalo

    ૫૪. (ક) યસ્સ કાયસઙ્ખારો નુપ્પજ્જતિ તસ્સ વચીસઙ્ખારો નુપ્પજ્જિત્થાતિ? ઉપ્પજ્જિત્થ.

    54. (Ka) yassa kāyasaṅkhāro nuppajjati tassa vacīsaṅkhāro nuppajjitthāti? Uppajjittha.

    (ખ) યસ્સ વા પન વચીસઙ્ખારો નુપ્પજ્જિત્થ તસ્સ કાયસઙ્ખારો નુપ્પજ્જતીતિ? નત્થિ.

    (Kha) yassa vā pana vacīsaṅkhāro nuppajjittha tassa kāyasaṅkhāro nuppajjatīti? Natthi.

    (ક) યસ્સ કાયસઙ્ખારો નુપ્પજ્જતિ તસ્સ ચિત્તસઙ્ખારો નુપ્પજ્જિત્થાતિ? ઉપ્પજ્જિત્થ.

    (Ka) yassa kāyasaṅkhāro nuppajjati tassa cittasaṅkhāro nuppajjitthāti? Uppajjittha.

    (ખ) યસ્સ વા પન ચિત્તસઙ્ખારો નુપ્પજ્જિત્થ તસ્સ કાયસઙ્ખારો નુપ્પજ્જતીતિ? નત્થિ.

    (Kha) yassa vā pana cittasaṅkhāro nuppajjittha tassa kāyasaṅkhāro nuppajjatīti? Natthi.

    ૫૫. (ક) યસ્સ વચીસઙ્ખારો નુપ્પજ્જતિ તસ્સ ચિત્તસઙ્ખારો નુપ્પજ્જિત્થાતિ? ઉપ્પજ્જિત્થ.

    55. (Ka) yassa vacīsaṅkhāro nuppajjati tassa cittasaṅkhāro nuppajjitthāti? Uppajjittha.

    (ખ) યસ્સ વા પન…પે॰…? નત્થિ.

    (Kha) yassa vā pana…pe…? Natthi.

    (ઙ) પચ્ચનીકઓકાસો

    (Ṅa) paccanīkaokāso

    ૫૬. યત્થ કાયસઙ્ખારો નુપ્પજ્જતિ…પે॰….

    56. Yattha kāyasaṅkhāro nuppajjati…pe….

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૫૭. (ક) યસ્સ યત્થ કાયસઙ્ખારો નુપ્પજ્જતિ તસ્સ તત્થ વચીસઙ્ખારો નુપ્પજ્જિત્થાતિ?

    57. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjitthāti?

    પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે રૂપાવચરાનં અરૂપાવચરાનં તેસં તત્થ કાયસઙ્ખારો નુપ્પજ્જતિ, નો ચ તેસં તત્થ વચીસઙ્ખારો નુપ્પજ્જિત્થ. દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે ચતુત્થજ્ઝાનં સમાપન્નાનં સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જતિ વચીસઙ્ખારો ચ નુપ્પજ્જિત્થ.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjittha. Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjittha.

    (ખ) યસ્સ વા પન યત્થ વચીસઙ્ખારો નુપ્પજ્જિત્થ તસ્સ તત્થ કાયસઙ્ખારો નુપ્પજ્જતીતિ?

    (Kha) yassa vā pana yattha vacīsaṅkhāro nuppajjittha tassa tattha kāyasaṅkhāro nuppajjatīti?

    દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ઉપ્પાદક્ખણે તેસં તત્થ વચીસઙ્ખારો નુપ્પજ્જિત્થ, નો ચ તેસં તત્થ કાયસઙ્ખારો નુપ્પજ્જતિ. દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે ચતુત્થજ્ઝાનં સમાપન્નાનં સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ વચીસઙ્ખારો ચ નુપ્પજ્જિત્થ કાયસઙ્ખારો ચ નુપ્પજ્જતિ.

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro nuppajjittha, no ca tesaṃ tattha kāyasaṅkhāro nuppajjati. Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca nuppajjittha kāyasaṅkhāro ca nuppajjati.

    (ક) યસ્સ યત્થ કાયસઙ્ખારો નુપ્પજ્જતિ તસ્સ તત્થ ચિત્તસઙ્ખારો નુપ્પજ્જિત્થાતિ?

    (Ka) yassa yattha kāyasaṅkhāro nuppajjati tassa tattha cittasaṅkhāro nuppajjitthāti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે તેસં તત્થ કાયસઙ્ખારો નુપ્પજ્જતિ, નો ચ તેસં તત્થ ચિત્તસઙ્ખારો નુપ્પજ્જિત્થ. સુદ્ધાવાસં ઉપપજ્જન્તાનં અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જતિ ચિત્તસઙ્ખારો ચ નુપ્પજ્જિત્થ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca nuppajjittha.

    (ખ) યસ્સ વા પન યત્થ ચિત્તસઙ્ખારો નુપ્પજ્જિત્થ તસ્સ તત્થ કાયસઙ્ખારો નુપ્પજ્જતીતિ? આમન્તા.

    (Kha) yassa vā pana yattha cittasaṅkhāro nuppajjittha tassa tattha kāyasaṅkhāro nuppajjatīti? Āmantā.

    ૫૮. (ક) યસ્સ યત્થ વચીસઙ્ખારો નુપ્પજ્જતિ તસ્સ તત્થ ચિત્તસઙ્ખારો નુપ્પજ્જિત્થાતિ?

    58. (Ka) yassa yattha vacīsaṅkhāro nuppajjati tassa tattha cittasaṅkhāro nuppajjitthāti?

    સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે તેસં તત્થ વચીસઙ્ખારો નુપ્પજ્જતિ, નો ચ તેસં તત્થ ચિત્તસઙ્ખારો નુપ્પજ્જિત્થ. સુદ્ધાવાસં ઉપપજ્જન્તાનં અસઞ્ઞસત્તાનં તેસં તત્થ વચીસઙ્ખારો ચ નુપ્પજ્જતિ ચિત્તસઙ્ખારો ચ નુપ્પજ્જિત્થ.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro nuppajjittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca nuppajjittha.

    (ખ) યસ્સ વા પન યત્થ…પે॰…? આમન્તા.

    (Kha) yassa vā pana yattha…pe…? Āmantā.

    (૫) પચ્ચુપ્પન્નાનાગતવારો

    (5) Paccuppannānāgatavāro

    (ક) અનુલોમપુગ્ગલો

    (Ka) anulomapuggalo

    ૫૯. (ક) યસ્સ કાયસઙ્ખારો ઉપ્પજ્જતિ તસ્સ વચીસઙ્ખારો ઉપ્પજ્જિસ્સતીતિ? આમન્તા.

    59. (Ka) yassa kāyasaṅkhāro uppajjati tassa vacīsaṅkhāro uppajjissatīti? Āmantā.

    (ખ) યસ્સ વા પન વચીસઙ્ખારો ઉપ્પજ્જિસ્સતિ તસ્સ કાયસઙ્ખારો ઉપ્પજ્જતીતિ?

    (Kha) yassa vā pana vacīsaṅkhāro uppajjissati tassa kāyasaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો ઉપ્પજ્જિસ્સતિ, નો ચ તેસં કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં વચીસઙ્ખારો ચ ઉપ્પજ્જિસ્સતિ કાયસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro uppajjissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca uppajjissati kāyasaṅkhāro ca uppajjati.

    (ક) યસ્સ કાયસઙ્ખારો ઉપ્પજ્જતિ તસ્સ ચિત્તસઙ્ખારો ઉપ્પજ્જિસ્સતીતિ? આમન્તા.

    (Ka) yassa kāyasaṅkhāro uppajjati tassa cittasaṅkhāro uppajjissatīti? Āmantā.

    (ખ) યસ્સ વા પન ચિત્તસઙ્ખારો ઉપ્પજ્જિસ્સતિ તસ્સ કાયસઙ્ખારો ઉપ્પજ્જતીતિ?

    (Kha) yassa vā pana cittasaṅkhāro uppajjissati tassa kāyasaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો ઉપ્પજ્જિસ્સતિ, નો ચ તેસં કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં ચિત્તસઙ્ખારો ચ ઉપ્પજ્જિસ્સતિ કાયસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca uppajjissati kāyasaṅkhāro ca uppajjati.

    ૬૦. (ક) યસ્સ વચીસઙ્ખારો ઉપ્પજ્જતિ તસ્સ ચિત્તસઙ્ખારો ઉપ્પજ્જિસ્સતીતિ?

    60. (Ka) yassa vacīsaṅkhāro uppajjati tassa cittasaṅkhāro uppajjissatīti?

    સવિતક્કસવિચારપચ્છિમચિત્તસ્સ ઉપ્પાદક્ખણે તેસં વચીસઙ્ખારો ઉપ્પજ્જતિ, નો ચ તેસં ચિત્તસઙ્ખારો ઉપ્પજ્જિસ્સતિ. ઇતરેસં વિતક્કવિચારાનં ઉપ્પાદક્ખણે તેસં વચીસઙ્ખારો ચ ઉપ્પજ્જતિ ચિત્તસઙ્ખારો ચ ઉપ્પજ્જિસ્સતિ.

    Savitakkasavicārapacchimacittassa uppādakkhaṇe tesaṃ vacīsaṅkhāro uppajjati, no ca tesaṃ cittasaṅkhāro uppajjissati. Itaresaṃ vitakkavicārānaṃ uppādakkhaṇe tesaṃ vacīsaṅkhāro ca uppajjati cittasaṅkhāro ca uppajjissati.

    (ખ) યસ્સ વા પન ચિત્તસઙ્ખારો ઉપ્પજ્જિસ્સતિ તસ્સ વચીસઙ્ખારો ઉપ્પજ્જતીતિ?

    (Kha) yassa vā pana cittasaṅkhāro uppajjissati tassa vacīsaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો ઉપ્પજ્જિસ્સતિ, નો ચ તેસં વચીસઙ્ખારો ઉપ્પજ્જતિ. વિતક્કવિચારાનં ઉપ્પાદક્ખણે તેસં ચિત્તસઙ્ખારો ચ ઉપ્પજ્જિસ્સતિ વચીસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro uppajjissati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca uppajjissati vacīsaṅkhāro ca uppajjati.

    (ખ) અનુલોમઓકાસો

    (Kha) anulomaokāso

    ૬૧. યત્થ કાયસઙ્ખારો ઉપ્પજ્જતિ…પે॰….

    61. Yattha kāyasaṅkhāro uppajjati…pe….

    (ગ) અનુલોમપુગ્ગલોકાસા

    (Ga) anulomapuggalokāsā

    ૬૨. (ક) યસ્સ યત્થ કાયસઙ્ખારો ઉપ્પજ્જતિ તસ્સ તત્થ વચીસઙ્ખારો ઉપ્પજ્જિસ્સતીતિ?

    62. (Ka) yassa yattha kāyasaṅkhāro uppajjati tassa tattha vacīsaṅkhāro uppajjissatīti?

    દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ઉપ્પાદક્ખણે તેસં તત્થ કાયસઙ્ખારો ઉપ્પજ્જતિ, નો ચ તેસં તત્થ વચીસઙ્ખારો ઉપ્પજ્જિસ્સતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસં તત્થ કાયસઙ્ખારો ચ ઉપ્પજ્જતિ વચીસઙ્ખારો ચ ઉપ્પજ્જિસ્સતિ.

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca uppajjissati.

    (ખ) યસ્સ વા પન યત્થ વચીસઙ્ખારો ઉપ્પજ્જિસ્સતિ તસ્સ તત્થ કાયસઙ્ખારો ઉપ્પજ્જતીતિ?

    (Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjatīti?

    પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે રૂપાવચરાનં અરૂપાવચરાનં તેસં તત્થ વચીસઙ્ખારો ઉપ્પજ્જિસ્સતિ, નો ચ તેસં તત્થ કાયસઙ્ખારો ઉપ્પજ્જતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસં તત્થ વચીસઙ્ખારો ચ ઉપ્પજ્જિસ્સતિ કાયસઙ્ખારો ચ ઉપ્પજ્જતિ.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca uppajjissati kāyasaṅkhāro ca uppajjati.

    (ક) યસ્સ યત્થ કાયસઙ્ખારો ઉપ્પજ્જતિ તસ્સ તત્થ ચિત્તસઙ્ખારો ઉપ્પજ્જિસ્સતીતિ? આમન્તા.

    (Ka) yassa yattha kāyasaṅkhāro uppajjati tassa tattha cittasaṅkhāro uppajjissatīti? Āmantā.

    (ખ) યસ્સ વા પન યત્થ ચિત્તસઙ્ખારો ઉપ્પજ્જિસ્સતિ તસ્સ તત્થ કાયસઙ્ખારો ઉપ્પજ્જતીતિ?

    (Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે તેસં તત્થ ચિત્તસઙ્ખારો ઉપ્પજ્જિસ્સતિ, નો ચ તેસં તત્થ કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં તત્થ ચિત્તસઙ્ખારો ચ ઉપ્પજ્જિસ્સતિ કાયસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca uppajjissati kāyasaṅkhāro ca uppajjati.

    ૬૩. (ક) યસ્સ યત્થ વચીસઙ્ખારો ઉપ્પજ્જતિ તસ્સ તત્થ ચિત્તસઙ્ખારો ઉપ્પજ્જિસ્સતીતિ?

    63. (Ka) yassa yattha vacīsaṅkhāro uppajjati tassa tattha cittasaṅkhāro uppajjissatīti?

    સવિતક્કસવિચારપચ્છિમચિત્તસ્સ ઉપ્પાદક્ખણે તેસં તત્થ વચીસઙ્ખારો ઉપ્પજ્જતિ, નો ચ તેસં તત્થ ચિત્તસઙ્ખારો ઉપ્પજ્જિસ્સતિ. ઇતરેસં વિતક્કવિચારાનં ઉપ્પાદક્ખણે તેસં તત્થ વચીસઙ્ખારો ચ ઉપ્પજ્જતિ ચિત્તસઙ્ખારો ચ ઉપ્પજ્જિસ્સતિ.

    Savitakkasavicārapacchimacittassa uppādakkhaṇe tesaṃ tattha vacīsaṅkhāro uppajjati, no ca tesaṃ tattha cittasaṅkhāro uppajjissati. Itaresaṃ vitakkavicārānaṃ uppādakkhaṇe tesaṃ tattha vacīsaṅkhāro ca uppajjati cittasaṅkhāro ca uppajjissati.

    (ખ) યસ્સ વા પન યત્થ ચિત્તસઙ્ખારો ઉપ્પજ્જિસ્સતિ તસ્સ તત્થ વચીસઙ્ખારો ઉપ્પજ્જતીતિ?

    (Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે તેસં તત્થ ચિત્તસઙ્ખારો ઉપ્પજ્જિસ્સતિ, નો ચ તેસં તત્થ વચીસઙ્ખારો ઉપ્પજ્જતિ. વિતક્કવિચારાનં ઉપ્પાદક્ખણે તેસં તત્થ ચિત્તસઙ્ખારો ચ ઉપ્પજ્જિસ્સતિ વચીસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca uppajjissati vacīsaṅkhāro ca uppajjati.

    (ઘ) પચ્ચનીકપુગ્ગલો

    (Gha) paccanīkapuggalo

    ૬૪. (ક) યસ્સ કાયસઙ્ખારો નુપ્પજ્જતિ તસ્સ વચીસઙ્ખારો નુપ્પજ્જિસ્સતીતિ?

    64. (Ka) yassa kāyasaṅkhāro nuppajjati tassa vacīsaṅkhāro nuppajjissatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો નુપ્પજ્જતિ, નો ચ તેસં વચીસઙ્ખારો નુપ્પજ્જિસ્સતિ. પચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં કાયસઙ્ખારો ચ નુપ્પજ્જતિ વચીસઙ્ખારો ચ નુપ્પજ્જિસ્સતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjati vacīsaṅkhāro ca nuppajjissati.

    (ખ) યસ્સ વા પન વચીસઙ્ખારો નુપ્પજ્જિસ્સતિ તસ્સ કાયસઙ્ખારો નુપ્પજ્જતીતિ? આમન્તા.

    (Kha) yassa vā pana vacīsaṅkhāro nuppajjissati tassa kāyasaṅkhāro nuppajjatīti? Āmantā.

    (ક) યસ્સ કાયસઙ્ખારો નુપ્પજ્જતિ તસ્સ ચિત્તસઙ્ખારો નુપ્પજ્જિસ્સતીતિ?

    (Ka) yassa kāyasaṅkhāro nuppajjati tassa cittasaṅkhāro nuppajjissatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો નુપ્પજ્જતિ, નો ચ તેસં ચિત્તસઙ્ખારો નુપ્પજ્જિસ્સતિ. પચ્છિમચિત્તસમઙ્ગીનં તેસં કાયસઙ્ખારો ચ નુપ્પજ્જતિ ચિત્તસઙ્ખારો ચ નુપ્પજ્જિસ્સતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ cittasaṅkhāro nuppajjissati. Pacchimacittasamaṅgīnaṃ tesaṃ kāyasaṅkhāro ca nuppajjati cittasaṅkhāro ca nuppajjissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    ૬૫. (ક) યસ્સ વચીસઙ્ખારો નુપ્પજ્જતિ તસ્સ ચિત્તસઙ્ખારો નુપ્પજ્જિસ્સતીતિ?

    65. (Ka) yassa vacīsaṅkhāro nuppajjati tassa cittasaṅkhāro nuppajjissatīti?

    સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો નુપ્પજ્જતિ, નો ચ તેસં ચિત્તસઙ્ખારો નુપ્પજ્જિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં તેસં વચીસઙ્ખારો ચ નુપ્પજ્જતિ ચિત્તસઙ્ખારો ચ નુપ્પજ્જિસ્સતિ.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nuppajjati, no ca tesaṃ cittasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ tesaṃ vacīsaṅkhāro ca nuppajjati cittasaṅkhāro ca nuppajjissati.

    (ખ) યસ્સ વા પન ચિત્તસઙ્ખારો નુપ્પજ્જિસ્સતિ તસ્સ વચીસઙ્ખારો નુપ્પજ્જતીતિ?

    (Kha) yassa vā pana cittasaṅkhāro nuppajjissati tassa vacīsaṅkhāro nuppajjatīti?

    સવિતક્કસવિચારપચ્છિમચિત્તસ્સ ઉપ્પાદક્ખણે તેસં ચિત્તસઙ્ખારો નુપ્પજ્જિસ્સતિ, નો ચ તેસં વચીસઙ્ખારો નુપ્પજ્જતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં તેસં ચિત્તસઙ્ખારો ચ નુપ્પજ્જિસ્સતિ વચીસઙ્ખારો ચ નુપ્પજ્જતિ.

    Savitakkasavicārapacchimacittassa uppādakkhaṇe tesaṃ cittasaṅkhāro nuppajjissati, no ca tesaṃ vacīsaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ tesaṃ cittasaṅkhāro ca nuppajjissati vacīsaṅkhāro ca nuppajjati.

    ૪ (ઙ) પચ્ચનીકઓકાસો

    4 (Ṅa) paccanīkaokāso

    ૬૬. યત્થ કાયસઙ્ખારો નુપ્પજ્જતિ…પે॰….

    66. Yattha kāyasaṅkhāro nuppajjati…pe….

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૬૭. (ક) યસ્સ યત્થ કાયસઙ્ખારો નુપ્પજ્જતિ તસ્સ તત્થ વચીસઙ્ખારો નુપ્પજ્જિસ્સતીતિ?

    67. (Ka) yassa yattha kāyasaṅkhāro nuppajjati tassa tattha vacīsaṅkhāro nuppajjissatīti?

    પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે રૂપાવચરાનં અરૂપાવચરાનં તેસં તત્થ કાયસઙ્ખારો નુપ્પજ્જતિ, નો ચ તેસં તત્થ વચીસઙ્ખારો નુપ્પજ્જિસ્સતિ. પચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જતિ વચીસઙ્ખારો ચ નુપ્પજ્જિસ્સતિ.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro nuppajjissati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca nuppajjissati.

    (ખ) યસ્સ વા પન યત્થ વચીસઙ્ખારો નુપ્પજ્જિસ્સતિ તસ્સ તત્થ કાયસઙ્ખારો નુપ્પજ્જતીતિ?

    (Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjatīti?

    દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ઉપ્પાદક્ખણે તેસં તત્થ વચીસઙ્ખારો નુપ્પજ્જિસ્સતિ, નો ચ તેસં તત્થ કાયસઙ્ખારો નુપ્પજ્જતિ. પચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ વચીસઙ્ખારો ચ નુપ્પજ્જિસ્સતિ કાયસઙ્ખારો ચ નુપ્પજ્જતિ.

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjati. Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjati.

    (ક) યસ્સ યત્થ કાયસઙ્ખારો નુપ્પજ્જતિ તસ્સ તત્થ ચિત્તસઙ્ખારો નુપ્પજ્જિસ્સતીતિ?

    (Ka) yassa yattha kāyasaṅkhāro nuppajjati tassa tattha cittasaṅkhāro nuppajjissatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે તેસં તત્થ કાયસઙ્ખારો નુપ્પજ્જતિ, નો ચ તેસં તત્થ ચિત્તસઙ્ખારો નુપ્પજ્જિસ્સતિ. પચ્છિમચિત્તસમઙ્ગીનં અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જતિ ચિત્તસઙ્ખારો ચ નુપ્પજ્જિસ્સતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro nuppajjissati. Pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca nuppajjissati.

    (ખ) યસ્સ વા પન યત્થ ચિત્તસઙ્ખારો નુપ્પજ્જિસ્સતિ તસ્સ તત્થ કાયસઙ્ખારો નુપ્પજ્જતીતિ? આમન્તા.

    (Kha) yassa vā pana yattha cittasaṅkhāro nuppajjissati tassa tattha kāyasaṅkhāro nuppajjatīti? Āmantā.

    ૬૮. (ક) યસ્સ યત્થ વચીસઙ્ખારો નુપ્પજ્જતિ તસ્સ તત્થ ચિત્તસઙ્ખારો નુપ્પજ્જિસ્સતીતિ?

    68. (Ka) yassa yattha vacīsaṅkhāro nuppajjati tassa tattha cittasaṅkhāro nuppajjissatīti?

    સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે તેસં તત્થ વચીસઙ્ખારો નુપ્પજ્જતિ, નો ચ તેસં તત્થ ચિત્તસઙ્ખારો નુપ્પજ્જિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં અસઞ્ઞસત્તાનં તેસં તત્થ વચીસઙ્ખારો ચ નુપ્પજ્જતિ ચિત્તસઙ્ખારો ચ નુપ્પજ્જિસ્સતિ.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca nuppajjissati.

    (ખ) યસ્સ વા પન યત્થ ચિત્તસઙ્ખારો નુપ્પજ્જિસ્સતિ તસ્સ તત્થ વચીસઙ્ખારો નુપ્પજ્જતીતિ?

    (Kha) yassa vā pana yattha cittasaṅkhāro nuppajjissati tassa tattha vacīsaṅkhāro nuppajjatīti?

    સવિતક્કસવિચારપચ્છિમચિત્તસ્સ ઉપ્પાદક્ખણે તેસં તત્થ ચિત્તસઙ્ખારો નુપ્પજ્જિસ્સતિ, નો ચ તેસં તત્થ વચીસઙ્ખારો નુપ્પજ્જતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં અસઞ્ઞસત્તાનં તેસં તત્થ ચિત્તસઙ્ખારો ચ નુપ્પજ્જિસ્સતિ વચીસઙ્ખારો ચ નુપ્પજ્જતિ.

    Savitakkasavicārapacchimacittassa uppādakkhaṇe tesaṃ tattha cittasaṅkhāro nuppajjissati, no ca tesaṃ tattha vacīsaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati vacīsaṅkhāro ca nuppajjati.

    (૬) અતીતાનાગતવારો

    (6) Atītānāgatavāro

    (ક) અનુલોમપુગ્ગલો

    (Ka) anulomapuggalo

    ૬૯. (ક) યસ્સ કાયસઙ્ખારો ઉપ્પજ્જિત્થ તસ્સ વચીસઙ્ખારો ઉપ્પજ્જિસ્સતીતિ?

    69. (Ka) yassa kāyasaṅkhāro uppajjittha tassa vacīsaṅkhāro uppajjissatīti?

    પચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં કાયસઙ્ખારો ઉપ્પજ્જિત્થ, નો ચ તેસં વચીસઙ્ખારો ઉપ્પજ્જિસ્સતિ . ઇતરેસં તેસં કાયસઙ્ખારો ચ ઉપ્પજ્જિત્થ વચીસઙ્ખારો ચ ઉપ્પજ્જિસ્સતિ.

    Pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro uppajjittha, no ca tesaṃ vacīsaṅkhāro uppajjissati . Itaresaṃ tesaṃ kāyasaṅkhāro ca uppajjittha vacīsaṅkhāro ca uppajjissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (ક) યસ્સ કાયસઙ્ખારો ઉપ્પજ્જિત્થ તસ્સ ચિત્તસઙ્ખારો ઉપ્પજ્જિસ્સતીતિ?

    (Ka) yassa kāyasaṅkhāro uppajjittha tassa cittasaṅkhāro uppajjissatīti?

    પચ્છિમચિત્તસમઙ્ગીનં તેસં કાયસઙ્ખારો ઉપ્પજ્જિત્થ, નો ચ તેસં ચિત્તસઙ્ખારો ઉપ્પજ્જિસ્સતિ. ઇતરેસં તેસં કાયસઙ્ખારો ચ ઉપ્પજ્જિત્થ ચિત્તસઙ્ખારો ચ ઉપ્પજ્જિસ્સતિ.

    Pacchimacittasamaṅgīnaṃ tesaṃ kāyasaṅkhāro uppajjittha, no ca tesaṃ cittasaṅkhāro uppajjissati. Itaresaṃ tesaṃ kāyasaṅkhāro ca uppajjittha cittasaṅkhāro ca uppajjissati.

    (ખ) યસ્સ વા પન…પે॰…. આમન્તા.

    (Kha) yassa vā pana…pe…. Āmantā.

    ૭૦. (ક) યસ્સ વચીસઙ્ખારો ઉપ્પજ્જિત્થ તસ્સ ચિત્તસઙ્ખારો ઉપ્પજ્જિસ્સતીતિ?

    70. (Ka) yassa vacīsaṅkhāro uppajjittha tassa cittasaṅkhāro uppajjissatīti?

    પચ્છિમચિત્તસમઙ્ગીનં તેસં વચીસઙ્ખારો ઉપ્પજ્જિત્થ, નો ચ તેસં ચિત્તસઙ્ખારો ઉપ્પજ્જિસ્સતિ. ઇતરેસં તેસં વચીસઙ્ખારો ચ ઉપ્પજ્જિત્થ ચિત્તસઙ્ખારો ચ ઉપ્પજ્જિસ્સતિ.

    Pacchimacittasamaṅgīnaṃ tesaṃ vacīsaṅkhāro uppajjittha, no ca tesaṃ cittasaṅkhāro uppajjissati. Itaresaṃ tesaṃ vacīsaṅkhāro ca uppajjittha cittasaṅkhāro ca uppajjissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (ખ) અનુલોમઓકાસો

    (Kha) anulomaokāso

    ૭૧. યત્થ કાયસઙ્ખારો ઉપ્પજ્જિત્થ…પે॰….

    71. Yattha kāyasaṅkhāro uppajjittha…pe….

    (ગ) અનુલોમપુગ્ગલોકાસા

    (Ga) anulomapuggalokāsā

    ૭૨. (ક) યસ્સ યત્થ કાયસઙ્ખારો ઉપ્પજ્જિત્થ તસ્સ તત્થ વચીસઙ્ખારો ઉપ્પજ્જિસ્સતીતિ?

    72. (Ka) yassa yattha kāyasaṅkhāro uppajjittha tassa tattha vacīsaṅkhāro uppajjissatīti?

    કામાવચરે પચ્છિમચિત્તસમઙ્ગીનં દુતિયજ્ઝાનં તતિયજ્ઝાનં સમાપન્નાનં તેસં તત્થ કાયસઙ્ખારો ઉપ્પજ્જિત્થ, નો ચ તેસં તત્થ વચીસઙ્ખારો ઉપ્પજ્જિસ્સતિ. પઠમજ્ઝાનં સમાપન્નાનં ઇતરેસં કામાવચરાનં તેસં તત્થ કાયસઙ્ખારો ચ ઉપ્પજ્જિત્થ વચીસઙ્ખારો ચ ઉપ્પજ્જિસ્સતિ.

    Kāmāvacare pacchimacittasamaṅgīnaṃ dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjittha, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca uppajjittha vacīsaṅkhāro ca uppajjissati.

    (ખ) યસ્સ વા પન યત્થ વચીસઙ્ખારો ઉપ્પજ્જિસ્સતિ તસ્સ તત્થ કાયસઙ્ખારો ઉપ્પજ્જિત્થાતિ?

    (Kha) yassa vā pana yattha vacīsaṅkhāro uppajjissati tassa tattha kāyasaṅkhāro uppajjitthāti?

    રૂપાવચરાનં અરૂપાવચરાનં તેસં તત્થ વચીસઙ્ખારો ઉપ્પજ્જિસ્સતિ, નો ચ તેસં તત્થ કાયસઙ્ખારો ઉપ્પજ્જિત્થ. પઠમજ્ઝાનં સમાપન્નાનં કામાવચરાનં તેસં તત્થ વચીસઙ્ખારો ચ ઉપ્પજ્જિસ્સતિ કાયસઙ્ખારો ચ ઉપ્પજ્જિત્થ.

    Rūpāvacarānaṃ arūpāvacarānaṃ tesaṃ tattha vacīsaṅkhāro uppajjissati, no ca tesaṃ tattha kāyasaṅkhāro uppajjittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca uppajjissati kāyasaṅkhāro ca uppajjittha.

    (ક) યસ્સ યત્થ કાયસઙ્ખારો ઉપ્પજ્જિત્થ તસ્સ તત્થ ચિત્તસઙ્ખારો ઉપ્પજ્જિસ્સતીતિ?

    (Ka) yassa yattha kāyasaṅkhāro uppajjittha tassa tattha cittasaṅkhāro uppajjissatīti?

    કામાવચરે પચ્છિમચિત્તસમઙ્ગીનં તેસં તત્થ કાયસઙ્ખારો ઉપ્પજ્જિત્થ, નો ચ તેસં તત્થ ચિત્તસઙ્ખારો ઉપ્પજ્જિસ્સતિ. પઠમજ્ઝાનં દુતિયજ્ઝાનં તતિયજ્ઝાનં સમાપન્નાનં ઇતરેસં કામાવચરાનં તેસં તત્થ કાયસઙ્ખારો ચ ઉપ્પજ્જિત્થ ચિત્તસઙ્ખારો ચ ઉપ્પજ્જિસ્સતિ.

    Kāmāvacare pacchimacittasamaṅgīnaṃ tesaṃ tattha kāyasaṅkhāro uppajjittha, no ca tesaṃ tattha cittasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca uppajjittha cittasaṅkhāro ca uppajjissati.

    (ખ) યસ્સ વા પન યત્થ ચિત્તસઙ્ખારો ઉપ્પજ્જિસ્સતિ તસ્સ તત્થ કાયસઙ્ખારો ઉપ્પજ્જિત્થાતિ?

    (Kha) yassa vā pana yattha cittasaṅkhāro uppajjissati tassa tattha kāyasaṅkhāro uppajjitthāti?

    ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ ચિત્તસઙ્ખારો ઉપ્પજ્જિસ્સતિ, નો ચ તેસં તત્થ કાયસઙ્ખારો ઉપ્પજ્જિત્થ. પઠમજ્ઝાનં દુતિયજ્ઝાનં તતિયજ્ઝાનં સમાપન્નાનં કામાવચરાનં તેસં તત્થ ચિત્તસઙ્ખારો ચ ઉપ્પજ્જિસ્સતિ કાયસઙ્ખારો ચ ઉપ્પજ્જિત્થ.

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro uppajjissati, no ca tesaṃ tattha kāyasaṅkhāro uppajjittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca uppajjissati kāyasaṅkhāro ca uppajjittha.

    ૭૩. (ક) યસ્સ યત્થ વચીસઙ્ખારો ઉપ્પજ્જિત્થ તસ્સ તત્થ ચિત્તસઙ્ખારો ઉપ્પજ્જિસ્સતીતિ?

    73. (Ka) yassa yattha vacīsaṅkhāro uppajjittha tassa tattha cittasaṅkhāro uppajjissatīti?

    સવિતક્કસવિચારભૂમિયં પચ્છિમચિત્તસમઙ્ગીનં તેસં તત્થ વચીસઙ્ખારો ઉપ્પજ્જિત્થ, નો ચ તેસં તત્થ ચિત્તસઙ્ખારો ઉપ્પજ્જિસ્સતિ. ઇતરેસં સવિતક્કસવિચારભૂમિયં તેસં તત્થ વચીસઙ્ખારો ચ ઉપ્પજ્જિત્થ ચિત્તસઙ્ખારો ચ ઉપ્પજ્જિસ્સતિ.

    Savitakkasavicārabhūmiyaṃ pacchimacittasamaṅgīnaṃ tesaṃ tattha vacīsaṅkhāro uppajjittha, no ca tesaṃ tattha cittasaṅkhāro uppajjissati. Itaresaṃ savitakkasavicārabhūmiyaṃ tesaṃ tattha vacīsaṅkhāro ca uppajjittha cittasaṅkhāro ca uppajjissati.

    (ખ) યસ્સ વા પન યત્થ ચિત્તસઙ્ખારો ઉપ્પજ્જિસ્સતિ તસ્સ તત્થ વચીસઙ્ખારો ઉપ્પજ્જિત્થાતિ?

    (Kha) yassa vā pana yattha cittasaṅkhāro uppajjissati tassa tattha vacīsaṅkhāro uppajjitthāti?

    અવિતક્કઅવિચારભૂમિયં તેસં તત્થ ચિત્તસઙ્ખારો ઉપ્પજ્જિસ્સતિ, નો ચ તેસં તત્થ વચીસઙ્ખારો ઉપ્પજ્જિત્થ. સવિતક્કસવિચારભૂમિયં તેસં તત્થ ચિત્તસઙ્ખારો ચ ઉપ્પજ્જિસ્સતિ વચીસઙ્ખારો ચ ઉપ્પજ્જિત્થ.

    Avitakkaavicārabhūmiyaṃ tesaṃ tattha cittasaṅkhāro uppajjissati, no ca tesaṃ tattha vacīsaṅkhāro uppajjittha. Savitakkasavicārabhūmiyaṃ tesaṃ tattha cittasaṅkhāro ca uppajjissati vacīsaṅkhāro ca uppajjittha.

    (ઘ) પચ્ચનીકપુગ્ગલો

    (Gha) paccanīkapuggalo

    ૭૪. (ક) યસ્સ કાયસઙ્ખારો નુપ્પજ્જિત્થ તસ્સ વચીસઙ્ખારો નુપ્પજ્જિસ્સતીતિ? નત્થિ.

    74. (Ka) yassa kāyasaṅkhāro nuppajjittha tassa vacīsaṅkhāro nuppajjissatīti? Natthi.

    (ખ) યસ્સ વા પન વચીસઙ્ખારો નુપ્પજ્જિસ્સતિ તસ્સ કાયસઙ્ખારો નુપ્પજ્જિત્થાતિ? ઉપ્પજ્જિત્થ.

    (Kha) yassa vā pana vacīsaṅkhāro nuppajjissati tassa kāyasaṅkhāro nuppajjitthāti? Uppajjittha.

    (ક) યસ્સ કાયસઙ્ખારો નુપ્પજ્જિત્થ તસ્સ ચિત્તસઙ્ખારો નુપ્પજ્જિસ્સતીતિ? નત્થિ.

    (Ka) yassa kāyasaṅkhāro nuppajjittha tassa cittasaṅkhāro nuppajjissatīti? Natthi.

    (ખ) યસ્સ વા પન ચિત્તસઙ્ખારો નુપ્પજ્જિસ્સતિ તસ્સ કાયસઙ્ખારો નુપ્પજ્જિત્થાતિ? ઉપ્પજ્જિત્થ.

    (Kha) yassa vā pana cittasaṅkhāro nuppajjissati tassa kāyasaṅkhāro nuppajjitthāti? Uppajjittha.

    ૭૫. (ક) યસ્સ વચીસઙ્ખારો નુપ્પજ્જિત્થ તસ્સ ચિત્તસઙ્ખારો નુપ્પજ્જિસ્સતીતિ? નત્થિ.

    75. (Ka) yassa vacīsaṅkhāro nuppajjittha tassa cittasaṅkhāro nuppajjissatīti? Natthi.

    (ખ) યસ્સ વા પન ચિત્તસઙ્ખારો નુપ્પજ્જિસ્સતિ તસ્સ વચીસઙ્ખારો નુપ્પજ્જિત્થાતિ? ઉપ્પજ્જિત્થ.

    (Kha) yassa vā pana cittasaṅkhāro nuppajjissati tassa vacīsaṅkhāro nuppajjitthāti? Uppajjittha.

    (ઙ) પચ્ચનીકઓકાસો

    (Ṅa) paccanīkaokāso

    ૭૬. યત્થ કાયસઙ્ખારો નુપ્પજ્જિત્થ…પે॰….

    76. Yattha kāyasaṅkhāro nuppajjittha…pe….

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૭૭. (ક) યસ્સ યત્થ કાયસઙ્ખારો નુપ્પજ્જિત્થ તસ્સ તત્થ વચીસઙ્ખારો નુપ્પજ્જિસ્સતીતિ?

    77. (Ka) yassa yattha kāyasaṅkhāro nuppajjittha tassa tattha vacīsaṅkhāro nuppajjissatīti?

    રૂપાવચરાનં અરૂપાવચરાનં તેસં તત્થ કાયસઙ્ખારો નુપ્પજ્જિત્થ, નો ચ તેસં તત્થ વચીસઙ્ખારો નુપ્પજ્જિસ્સતિ. રૂપાવચરે અરૂપાવચરે પચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જિત્થ વચીસઙ્ખારો ચ નુપ્પજ્જિસ્સતિ.

    Rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha vacīsaṅkhāro nuppajjissati. Rūpāvacare arūpāvacare pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjittha vacīsaṅkhāro ca nuppajjissati.

    (ખ) યસ્સ વા પન યત્થ વચીસઙ્ખારો નુપ્પજ્જિસ્સતિ તસ્સ તત્થ કાયસઙ્ખારો નુપ્પજ્જિત્થાતિ?

    (Kha) yassa vā pana yattha vacīsaṅkhāro nuppajjissati tassa tattha kāyasaṅkhāro nuppajjitthāti?

    કામાવચરે પચ્છિમચિત્તસમઙ્ગીનં દુતિયજ્ઝાનં તતિયજ્ઝાનં સમાપન્નાનં તેસં તત્થ વચીસઙ્ખારો નુપ્પજ્જિસ્સતિ, નો ચ તેસં તત્થ કાયસઙ્ખારો નુપ્પજ્જિત્થ. રૂપાવચરે અરૂપાવચરે પચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ વચીસઙ્ખારો ચ નુપ્પજ્જિસ્સતિ કાયસઙ્ખારો ચ નુપ્પજ્જિત્થ.

    Kāmāvacare pacchimacittasamaṅgīnaṃ dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha kāyasaṅkhāro nuppajjittha. Rūpāvacare arūpāvacare pacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca nuppajjissati kāyasaṅkhāro ca nuppajjittha.

    (ક) યસ્સ યત્થ કાયસઙ્ખારો નુપ્પજ્જિત્થ તસ્સ તત્થ ચિત્તસઙ્ખારો નુપ્પજ્જિસ્સતીતિ?

    (Ka) yassa yattha kāyasaṅkhāro nuppajjittha tassa tattha cittasaṅkhāro nuppajjissatīti?

    ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ કાયસઙ્ખારો નુપ્પજ્જિત્થ, નો ચ તેસં તત્થ ચિત્તસઙ્ખારો નુપ્પજ્જિસ્સતિ. રૂપાવચરે અરૂપાવચરે પચ્છિમચિત્તસમઙ્ગીનં અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જિત્થ ચિત્તસઙ્ખારો ચ નુપ્પજ્જિસ્સતિ.

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjittha, no ca tesaṃ tattha cittasaṅkhāro nuppajjissati. Rūpāvacare arūpāvacare pacchimacittasamaṅgīnaṃ asaññasattānaṃ tesaṃ tattha kāyasaṅkhāro ca nuppajjittha cittasaṅkhāro ca nuppajjissati.

    (ખ) યસ્સ વા પન યત્થ ચિત્તસઙ્ખારો નુપ્પજ્જિસ્સતિ તસ્સ તત્થ કાયસઙ્ખારો નુપ્પજ્જિત્થાતિ?

    (Kha) yassa vā pana yattha cittasaṅkhāro nuppajjissati tassa tattha kāyasaṅkhāro nuppajjitthāti?

    કામાવચરે પચ્છિમચિત્તસમઙ્ગીનં તેસં તત્થ ચિત્તસઙ્ખારો નુપ્પજ્જિસ્સતિ, નો ચ તેસં તત્થ કાયસઙ્ખારો નુપ્પજ્જિત્થ. રૂપાવચરે અરૂપાવચરે પચ્છિમચિત્તસમઙ્ગીનં અસઞ્ઞસત્તાનં તેસં તત્થ ચિત્તસઙ્ખારો ચ નુપ્પજ્જિસ્સતિ કાયસઙ્ખારો ચ નુપ્પજ્જિત્થ.

    Kāmāvacare pacchimacittasamaṅgīnaṃ tesaṃ tattha cittasaṅkhāro nuppajjissati, no ca tesaṃ tattha kāyasaṅkhāro nuppajjittha. Rūpāvacare arūpāvacare pacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati kāyasaṅkhāro ca nuppajjittha.

    ૭૮. (ક) યસ્સ યત્થ વચીસઙ્ખારો નુપ્પજ્જિત્થ તસ્સ તત્થ ચિત્તસઙ્ખારો નુપ્પજ્જિસ્સતીતિ?

    78. (Ka) yassa yattha vacīsaṅkhāro nuppajjittha tassa tattha cittasaṅkhāro nuppajjissatīti?

    અવિતક્કઅવિચારભૂમિયં તેસં તત્થ વચીસઙ્ખારો નુપ્પજ્જિત્થ, નો ચ તેસં તત્થ ચિત્તસઙ્ખારો નુપ્પજ્જિસ્સતિ. અવિતક્કઅવિચારભૂમિયં પચ્છિમચિત્તસમઙ્ગીનં અસઞ્ઞસત્તાનં તેસં તત્થ વચીસઙ્ખારો ચ નુપ્પજ્જિત્થ ચિત્તસઙ્ખારો ચ નુપ્પજ્જિસ્સતિ.

    Avitakkaavicārabhūmiyaṃ tesaṃ tattha vacīsaṅkhāro nuppajjittha, no ca tesaṃ tattha cittasaṅkhāro nuppajjissati. Avitakkaavicārabhūmiyaṃ pacchimacittasamaṅgīnaṃ asaññasattānaṃ tesaṃ tattha vacīsaṅkhāro ca nuppajjittha cittasaṅkhāro ca nuppajjissati.

    (ખ) યસ્સ વા પન યત્થ ચિત્તસઙ્ખારો નુપ્પજ્જિસ્સતિ તસ્સ તત્થ વચીસઙ્ખારો નુપ્પજ્જિત્થાતિ?

    (Kha) yassa vā pana yattha cittasaṅkhāro nuppajjissati tassa tattha vacīsaṅkhāro nuppajjitthāti?

    સવિતક્કસવિચારભૂમિયં પચ્છિમચિત્તસમઙ્ગીનં તેસં તત્થ ચિત્તસઙ્ખારો નુપ્પજ્જિસ્સતિ, નો ચ તેસં તત્થ વચીસઙ્ખારો નુપ્પજ્જિત્થ. અવિતક્કઅવિચારભૂમિયં પચ્છિમચિત્તસમઙ્ગીનં અસઞ્ઞસત્તાનં તેસં તત્થ ચિત્તસઙ્ખારો ચ નુપ્પજ્જિસ્સતિ વચીસઙ્ખારો ચ નુપ્પજ્જિત્થ.

    Savitakkasavicārabhūmiyaṃ pacchimacittasamaṅgīnaṃ tesaṃ tattha cittasaṅkhāro nuppajjissati, no ca tesaṃ tattha vacīsaṅkhāro nuppajjittha. Avitakkaavicārabhūmiyaṃ pacchimacittasamaṅgīnaṃ asaññasattānaṃ tesaṃ tattha cittasaṅkhāro ca nuppajjissati vacīsaṅkhāro ca nuppajjittha.

    ઉપ્પાદવારો.

    Uppādavāro.

    ૨. નિરોધવારો

    2. Nirodhavāro

    (૧) પચ્ચુપ્પન્નવારો

    (1) Paccuppannavāro

    (ક) અનુલોમપુગ્ગલો

    (Ka) anulomapuggalo

    ૭૯. (ક) યસ્સ કાયસઙ્ખારો નિરુજ્ઝતિ તસ્સ વચીસઙ્ખારો નિરુજ્ઝતીતિ?

    79. (Ka) yassa kāyasaṅkhāro nirujjhati tassa vacīsaṅkhāro nirujjhatīti?

    વિના વિતક્કવિચારેહિ અસ્સાસપસ્સાસાનં ભઙ્ગક્ખણે તેસં કાયસઙ્ખારો નિરુજ્ઝતિ, નો ચ તેસં વચીસઙ્ખારો નિરુજ્ઝતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસં કાયસઙ્ખારો ચ નિરુજ્ઝતિ વચીસઙ્ખારો ચ નિરુજ્ઝતિ.

    Vinā vitakkavicārehi assāsapassāsānaṃ bhaṅgakkhaṇe tesaṃ kāyasaṅkhāro nirujjhati, no ca tesaṃ vacīsaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ kāyasaṅkhāro ca nirujjhati vacīsaṅkhāro ca nirujjhati.

    (ખ) યસ્સ વા પન વચીસઙ્ખારો નિરુજ્ઝતિ તસ્સ કાયસઙ્ખારો નિરુજ્ઝતીતિ?

    (Kha) yassa vā pana vacīsaṅkhāro nirujjhati tassa kāyasaṅkhāro nirujjhatīti?

    વિના અસ્સાસપસ્સાસેહિ વિતક્કવિચારાનં ભઙ્ગક્ખણે તેસં વચીસઙ્ખારો નિરુજ્ઝતિ, નો ચ તેસં કાયસઙ્ખારો નિરુજ્ઝતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસં વચીસઙ્ખારો ચ નિરુજ્ઝતિ કાયસઙ્ખારો ચ નિરુજ્ઝતિ.

    Vinā assāsapassāsehi vitakkavicārānaṃ bhaṅgakkhaṇe tesaṃ vacīsaṅkhāro nirujjhati, no ca tesaṃ kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ vacīsaṅkhāro ca nirujjhati kāyasaṅkhāro ca nirujjhati.

    (ક) યસ્સ કાયસઙ્ખારો નિરુજ્ઝતિ તસ્સ ચિત્તસઙ્ખારો નિરુજ્ઝતીતિ? આમન્તા.

    (Ka) yassa kāyasaṅkhāro nirujjhati tassa cittasaṅkhāro nirujjhatīti? Āmantā.

    (ખ) યસ્સ વા પન ચિત્તસઙ્ખારો નિરુજ્ઝતિ તસ્સ કાયસઙ્ખારો નિરુજ્ઝતીતિ?

    (Kha) yassa vā pana cittasaṅkhāro nirujjhati tassa kāyasaṅkhāro nirujjhatīti?

    વિના અસ્સાસપસ્સાસેહિ ચિત્તસ્સ ભઙ્ગક્ખણે તેસં ચિત્તસઙ્ખારો નિરુજ્ઝતિ, નો ચ તેસં કાયસઙ્ખારો નિરુજ્ઝતિ. અસ્સાસપસ્સાસાનં ભઙ્ગક્ખણે તેસં ચિત્તસઙ્ખારો ચ નિરુજ્ઝતિ કાયસઙ્ખારો ચ નિરુજ્ઝતિ.

    Vinā assāsapassāsehi cittassa bhaṅgakkhaṇe tesaṃ cittasaṅkhāro nirujjhati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhati kāyasaṅkhāro ca nirujjhati.

    ૮૦. (ક) યસ્સ વચીસઙ્ખારો નિરુજ્ઝતિ તસ્સ ચિત્તસઙ્ખારો નિરુજ્ઝતીતિ? આમન્તા.

    80. (Ka) yassa vacīsaṅkhāro nirujjhati tassa cittasaṅkhāro nirujjhatīti? Āmantā.

    (ખ) યસ્સ વા પન ચિત્તસઙ્ખારો નિરુજ્ઝતિ તસ્સ વચીસઙ્ખારો નિરુજ્ઝતીતિ?

    (Kha) yassa vā pana cittasaṅkhāro nirujjhati tassa vacīsaṅkhāro nirujjhatīti?

    વિના વિતક્કવિચારેહિ ચિત્તસ્સ ભઙ્ગક્ખણે તેસં ચિત્તસઙ્ખારો નિરુજ્ઝતિ, નો ચ તેસં વચીસઙ્ખારો નિરુજ્ઝતિ. વિતક્કવિચારાનં ભઙ્ગક્ખણે તેસં ચિત્તસઙ્ખારો ચ નિરુજ્ઝતિ વચીસઙ્ખારો ચ નિરુજ્ઝતિ.

    Vinā vitakkavicārehi cittassa bhaṅgakkhaṇe tesaṃ cittasaṅkhāro nirujjhati, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhati vacīsaṅkhāro ca nirujjhati.

    (ખ) અનુલોમઓકાસો

    (Kha) anulomaokāso

    ૮૧. યત્થ કાયસઙ્ખારો નિરુજ્ઝતિ તત્થ વચીસઙ્ખારો નિરુજ્ઝતીતિ?…પે॰….

    81. Yattha kāyasaṅkhāro nirujjhati tattha vacīsaṅkhāro nirujjhatīti?…Pe….

    (ગ) અનુલોમપુગ્ગલોકાસા

    (Ga) anulomapuggalokāsā

    ૮૨. યસ્સ યત્થ કાયસઙ્ખારો નિરુજ્ઝતિ તસ્સ તત્થ વચીસઙ્ખારો નિરુજ્ઝતીતિ?…પે॰…. (યસ્સકમ્પિ યસ્સયત્થકમ્પિ સદિસં.)

    82. Yassa yattha kāyasaṅkhāro nirujjhati tassa tattha vacīsaṅkhāro nirujjhatīti?…Pe…. (Yassakampi yassayatthakampi sadisaṃ.)

    (ઘ) પચ્ચનીકપુગ્ગલો

    (Gha) paccanīkapuggalo

    ૮૩. (ક) યસ્સ કાયસઙ્ખારો ન નિરુજ્ઝતિ તસ્સ વચીસઙ્ખારો ન નિરુજ્ઝતીતિ?

    83. (Ka) yassa kāyasaṅkhāro na nirujjhati tassa vacīsaṅkhāro na nirujjhatīti?

    વિના અસ્સાસપસ્સાસેહિ વિતક્કવિચારાનં ભઙ્ગક્ખણે તેસં કાયસઙ્ખારો ન નિરુજ્ઝતિ, નો ચ તેસં વચીસઙ્ખારો ન નિરુજ્ઝતિ. સબ્બેસં ચિત્તસ્સ ઉપ્પાદક્ખણે વિના અસ્સાસપસ્સાસેહિ અવિતક્કઅવિચારચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો ચ ન નિરુજ્ઝતિ વચીસઙ્ખારો ચ ન નિરુજ્ઝતિ.

    Vinā assāsapassāsehi vitakkavicārānaṃ bhaṅgakkhaṇe tesaṃ kāyasaṅkhāro na nirujjhati, no ca tesaṃ vacīsaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca na nirujjhati vacīsaṅkhāro ca na nirujjhati.

    (ખ) યસ્સ વા પન વચીસઙ્ખારો ન નિરુજ્ઝતિ તસ્સ કાયસઙ્ખારો ન નિરુજ્ઝતીતિ?

    (Kha) yassa vā pana vacīsaṅkhāro na nirujjhati tassa kāyasaṅkhāro na nirujjhatīti?

    વિના વિતક્કવિચારેહિ અસ્સાસપસ્સાસાનં ભઙ્ગક્ખણે તેસં વચીસઙ્ખારો ન નિરુજ્ઝતિ, નો ચ તેસં કાયસઙ્ખારો ન નિરુજ્ઝતિ. સબ્બેસં ચિત્તસ્સ ઉપ્પાદક્ખણે વિના અસ્સાસપસ્સાસેહિ અવિતક્કઅવિચારચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો ચ ન નિરુજ્ઝતિ કાયસઙ્ખારો ચ ન નિરુજ્ઝતિ.

    Vinā vitakkavicārehi assāsapassāsānaṃ bhaṅgakkhaṇe tesaṃ vacīsaṅkhāro na nirujjhati, no ca tesaṃ kāyasaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati kāyasaṅkhāro ca na nirujjhati.

    (ક) યસ્સ કાયસઙ્ખારો ન નિરુજ્ઝતિ તસ્સ ચિત્તસઙ્ખારો ન નિરુજ્ઝતીતિ?

    (Ka) yassa kāyasaṅkhāro na nirujjhati tassa cittasaṅkhāro na nirujjhatīti?

    વિના અસ્સાસપસ્સાસેહિ ચિત્તસ્સ ભઙ્ગક્ખણે તેસં કાયસઙ્ખારો ન નિરુજ્ઝતિ, નો ચ તેસં ચિત્તસઙ્ખારો ન નિરુજ્ઝતિ. સબ્બેસં ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો ચ ન નિરુજ્ઝતિ ચિત્તસઙ્ખારો ચ ન નિરુજ્ઝતિ.

    Vinā assāsapassāsehi cittassa bhaṅgakkhaṇe tesaṃ kāyasaṅkhāro na nirujjhati, no ca tesaṃ cittasaṅkhāro na nirujjhati. Sabbesaṃ cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca na nirujjhati cittasaṅkhāro ca na nirujjhati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    ૮૪. (ક) યસ્સ વચીસઙ્ખારો ન નિરુજ્ઝતિ તસ્સ ચિત્તસઙ્ખારો ન નિરુજ્ઝતીતિ?

    84. (Ka) yassa vacīsaṅkhāro na nirujjhati tassa cittasaṅkhāro na nirujjhatīti?

    વિના વિતક્કવિચારેહિ ચિત્તસ્સ ભઙ્ગક્ખણે તેસં વચીસઙ્ખારો ન નિરુજ્ઝતિ, નો ચ તેસં ચિત્તસઙ્ખારો ન નિરુજ્ઝતિ. સબ્બેસં ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો ચ ન નિરુજ્ઝતિ ચિત્તસઙ્ખારો ચ ન નિરુજ્ઝતિ.

    Vinā vitakkavicārehi cittassa bhaṅgakkhaṇe tesaṃ vacīsaṅkhāro na nirujjhati, no ca tesaṃ cittasaṅkhāro na nirujjhati. Sabbesaṃ cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati cittasaṅkhāro ca na nirujjhati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (ઙ) પચ્ચનીકઓકાસા

    (Ṅa) paccanīkaokāsā

    ૮૫. યત્થ કાયસઙ્ખારો ન નિરુજ્ઝતિ…પે॰….

    85. Yattha kāyasaṅkhāro na nirujjhati…pe….

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૮૬. યસ્સ યત્થ કાયસઙ્ખારો ન નિરુજ્ઝતિ તસ્સ તત્થ વચીસઙ્ખારો ન નિરુજ્ઝતીતિ?

    86. Yassa yattha kāyasaṅkhāro na nirujjhati tassa tattha vacīsaṅkhāro na nirujjhatīti?

    વિના અસ્સાસપસ્સાસેહિ વિતક્કવિચારાનં ભઙ્ગક્ખણે તેસં તત્થ કાયસઙ્ખારો ન નિરુજ્ઝતિ, નો ચ તેસં તત્થ વચીસઙ્ખારો ન નિરુજ્ઝતિ. સબ્બેસં ચિત્તસ્સ ઉપ્પાદક્ખણે વિના અસ્સાસપસ્સાસેહિ અવિતક્કઅવિચારચિત્તસ્સ ભઙ્ગક્ખણે અસઞ્ઞસત્તાનં તેસં તત્થ કાયસઙ્ખારો ચ ન નિરુજ્ઝતિ વચીસઙ્ખારો ચ ન નિરુજ્ઝતિ.

    Vinā assāsapassāsehi vitakkavicārānaṃ bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhati. Sabbesaṃ cittassa uppādakkhaṇe vinā assāsapassāsehi avitakkaavicāracittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhati.

    યસ્સ વા પન યત્થ વચીસઙ્ખારો ન નિરુજ્ઝતિ…પે॰….

    Yassa vā pana yattha vacīsaṅkhāro na nirujjhati…pe….

    (યસ્સકમ્પિ યસ્સયત્થકમ્પિ સદિસં વિત્થારેતબ્બં, યસ્સયત્થકે નિરોધસમાપન્નાનન્તિ ન કાતબ્બં.)

    (Yassakampi yassayatthakampi sadisaṃ vitthāretabbaṃ, yassayatthake nirodhasamāpannānanti na kātabbaṃ.)

    (૨) અતીતવારો

    (2) Atītavāro

    (ક) અનુલોમપુગ્ગલો

    (Ka) anulomapuggalo

    ૮૭. (ક) યસ્સ કાયસઙ્ખારો નિરુજ્ઝિત્થ તસ્સ વચીસઙ્ખારો નિરુજ્ઝિત્થાતિ? આમન્તા.

    87. (Ka) yassa kāyasaṅkhāro nirujjhittha tassa vacīsaṅkhāro nirujjhitthāti? Āmantā.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (યથા ઉપ્પાદવારે અતીતા પુચ્છા યસ્સકમ્પિ યસ્સયત્થકમ્પિ અનુલોમમ્પિ પચ્ચનીકમ્પિ વિભત્તં એવં નિરોધવારેપિ વિભજિતબ્બં, નત્થિ નાનાકરણં.)

    (Yathā uppādavāre atītā pucchā yassakampi yassayatthakampi anulomampi paccanīkampi vibhattaṃ evaṃ nirodhavārepi vibhajitabbaṃ, natthi nānākaraṇaṃ.)

    (૩) અનાગતવારો

    (3) Anāgatavāro

    (ક) અનુલોમપુગ્ગલો

    (Ka) anulomapuggalo

    ૮૮. (ક) યસ્સ કાયસઙ્ખારો નિરુજ્ઝિસ્સતિ તસ્સ વચીસઙ્ખારો નિરુજ્ઝિસ્સતીતિ? આમન્તા.

    88. (Ka) yassa kāyasaṅkhāro nirujjhissati tassa vacīsaṅkhāro nirujjhissatīti? Āmantā.

    (ખ) યસ્સ વા પન વચીસઙ્ખારો નિરુજ્ઝિસ્સતિ તસ્સ કાયસઙ્ખારો નિરુજ્ઝિસ્સતીતિ?

    (Kha) yassa vā pana vacīsaṅkhāro nirujjhissati tassa kāyasaṅkhāro nirujjhissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં વચીસઙ્ખારો નિરુજ્ઝિસ્સતિ, નો ચ તેસં કાયસઙ્ખારો નિરુજ્ઝિસ્સતિ. ઇતરેસં તેસં વચીસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro nirujjhissati. Itaresaṃ tesaṃ vacīsaṅkhāro ca nirujjhissati kāyasaṅkhāro ca nirujjhissati.

    (ક) યસ્સ કાયસઙ્ખારો નિરુજ્ઝિસ્સતિ તસ્સ ચિત્તસઙ્ખારો નિરુજ્ઝિસ્સતીતિ? આમન્તા.

    (Ka) yassa kāyasaṅkhāro nirujjhissati tassa cittasaṅkhāro nirujjhissatīti? Āmantā.

    (ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ કાયસઙ્ખારો નિરુજ્ઝિસ્સતીતિ?

    (Kha) yassa vā pana cittasaṅkhāro nirujjhissati tassa kāyasaṅkhāro nirujjhissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં ચિત્તસઙ્ખારો નિરુજ્ઝિસ્સતિ, નો ચ તેસં કાયસઙ્ખારો નિરુજ્ઝિસ્સતિ. ઇતરેસં તેસં ચિત્તસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro nirujjhissati, no ca tesaṃ kāyasaṅkhāro nirujjhissati. Itaresaṃ tesaṃ cittasaṅkhāro ca nirujjhissati kāyasaṅkhāro ca nirujjhissati.

    ૮૯. (ક) યસ્સ વચીસઙ્ખારો નિરુજ્ઝિસ્સતિ તસ્સ ચિત્તસઙ્ખારો નિરુજ્ઝિસ્સતીતિ? આમન્તા.

    89. (Ka) yassa vacīsaṅkhāro nirujjhissati tassa cittasaṅkhāro nirujjhissatīti? Āmantā.

    (ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ વચીસઙ્ખારો નિરુજ્ઝિસ્સતીતિ?

    (Kha) yassa vā pana cittasaṅkhāro nirujjhissati tassa vacīsaṅkhāro nirujjhissatīti?

    અવિતક્કઅવિચારપચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં ચિત્તસઙ્ખારો નિરુજ્ઝિસ્સતિ, નો ચ તેસં વચીસઙ્ખારો નિરુજ્ઝિસ્સતિ. ઇતરેસં તેસં ચિત્તસઙ્ખારો ચ નિરુજ્ઝિસ્સતિ વચીસઙ્ખારો ચ નિરુજ્ઝિસ્સતિ.

    Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro nirujjhissati, no ca tesaṃ vacīsaṅkhāro nirujjhissati. Itaresaṃ tesaṃ cittasaṅkhāro ca nirujjhissati vacīsaṅkhāro ca nirujjhissati.

    (ખ) અનુલોમઓકાસો

    (Kha) anulomaokāso

    ૯૦. યત્થ કાયસઙ્ખારો નિરુજ્ઝિસ્સતિ…પે॰….

    90. Yattha kāyasaṅkhāro nirujjhissati…pe….

    (ગ) અનુલોમપુગ્ગલોકાસા

    (Ga) anulomapuggalokāsā

    ૯૧. (ક) યસ્સ યત્થ કાયસઙ્ખારો નિરુજ્ઝિસ્સતિ તસ્સ તત્થ વચીસઙ્ખારો નિરુજ્ઝિસ્સતીતિ?

    91. (Ka) yassa yattha kāyasaṅkhāro nirujjhissati tassa tattha vacīsaṅkhāro nirujjhissatīti?

    દુતિયજ્ઝાનં તતિયજ્ઝાનં સમાપન્નાનં તેસં તત્થ કાયસઙ્ખારો નિરુજ્ઝિસ્સતિ, નો ચ તેસં તત્થ વચીસઙ્ખારો નિરુજ્ઝિસ્સતિ. પઠમજ્ઝાનં સમાપન્નાનં કામાવચરાનં તેસં તત્થ કાયસઙ્ખારો ચ નિરુજ્ઝિસ્સતિ વચીસઙ્ખારો ચ નિરુજ્ઝિસ્સતિ.

    Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro nirujjhissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca nirujjhissati vacīsaṅkhāro ca nirujjhissati.

    (ખ) યસ્સ વા પન યત્થ વચીસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો નિરુજ્ઝિસ્સતીતિ?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરાનં અરૂપાવચરાનં તેસં તત્થ વચીસઙ્ખારો નિરુજ્ઝિસ્સતિ , નો ચ તેસં તત્થ કાયસઙ્ખારો નિરુજ્ઝિસ્સતિ. પઠમજ્ઝાનં સમાપન્નાનં ઇતરેસં કામાવચરાનં તેસં તત્થ વચીસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati , no ca tesaṃ tattha kāyasaṅkhāro nirujjhissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca nirujjhissati.

    (ક) યસ્સ યત્થ કાયસઙ્ખારો નિરુજ્ઝિસ્સતિ તસ્સ તત્થ ચિત્તસઙ્ખારો નિરુજ્ઝિસ્સતીતિ? આમન્તા.

    (Ka) yassa yattha kāyasaṅkhāro nirujjhissati tassa tattha cittasaṅkhāro nirujjhissatīti? Āmantā.

    (ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો નિરુજ્ઝિસ્સતીતિ?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ કાયસઙ્ખારો નિરુજ્ઝિસ્સતિ. પઠમજ્ઝાનં દુતિયજ્ઝાનં તતિયજ્ઝાનં સમાપન્નાનં ઇતરેસં કામાવચરાનં તેસં તત્થ ચિત્તસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca nirujjhissati.

    ૯૨. (ક) યસ્સ યત્થ વચીસઙ્ખારો નિરુજ્ઝિસ્સતિ તસ્સ તત્થ ચિત્તસઙ્ખારો નિરુજ્ઝિસ્સતીતિ? આમન્તા.

    92. (Ka) yassa yattha vacīsaṅkhāro nirujjhissati tassa tattha cittasaṅkhāro nirujjhissatīti? Āmantā.

    (ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ વચીસઙ્ખારો નિરુજ્ઝિસ્સતીતિ?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhissatīti?

    અવિતક્કઅવિચારપચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં ચતુત્થજ્ઝાનં સમાપન્નાનં તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ વચીસઙ્ખારો નિરુજ્ઝિસ્સતિ. પઠમજ્ઝાનં સમાપન્નાનં કામાવચરાનં ઇતરેસં રૂપાવચરાનં અરૂપાવચરાનં તેસં તત્થ ચિત્તસઙ્ખારો ચ નિરુજ્ઝિસ્સતિ વચીસઙ્ખારો ચ નિરુજ્ઝિસ્સતિ.

    Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca nirujjhissati vacīsaṅkhāro ca nirujjhissati.

    (ઘ) પચ્ચનીકપુગ્ગલો

    (Gha) paccanīkapuggalo

    ૯૩. (ક) યસ્સ કાયસઙ્ખારો ન નિરુજ્ઝિસ્સતિ તસ્સ વચીસઙ્ખારો ન નિરુજ્ઝિસ્સતીતિ?

    93. (Ka) yassa kāyasaṅkhāro na nirujjhissati tassa vacīsaṅkhāro na nirujjhissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં કાયસઙ્ખારો ન નિરુજ્ઝિસ્સતિ, નો ચ તેસં વચીસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં કાયસઙ્ખારો ચ ન નિરુજ્ઝિસ્સતિ વચીસઙ્ખારો ચ ન નિરુજ્ઝિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro na nirujjhissati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca na nirujjhissati vacīsaṅkhāro ca na nirujjhissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (ક) યસ્સ કાયસઙ્ખારો ન નિરુજ્ઝિસ્સતિ તસ્સ ચિત્તસઙ્ખારો ન નિરુજ્ઝિસ્સતીતિ?

    (Ka) yassa kāyasaṅkhāro na nirujjhissati tassa cittasaṅkhāro na nirujjhissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં કાયસઙ્ખારો ન નિરુજ્ઝિસ્સતિ, નો ચ તેસં ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે તેસં કાયસઙ્ખારો ચ ન નિરુજ્ઝિસ્સતિ ચિત્તસઙ્ખારો ચ ન નિરુજ્ઝિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro na nirujjhissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca na nirujjhissati cittasaṅkhāro ca na nirujjhissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    ૯૪. (ક) યસ્સ વચીસઙ્ખારો ન નિરુજ્ઝિસ્સતિ તસ્સ ચિત્તસઙ્ખારો ન નિરુજ્ઝિસ્સતીતિ?

    94. (Ka) yassa vacīsaṅkhāro na nirujjhissati tassa cittasaṅkhāro na nirujjhissatīti?

    અવિતક્કઅવિચારપચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં વચીસઙ્ખારો ન નિરુજ્ઝિસ્સતિ, નો ચ તેસં ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે તેસં વચીસઙ્ખારો ચ ન નિરુજ્ઝિસ્સતિ ચિત્તસઙ્ખારો ચ ન નિરુજ્ઝિસ્સતિ.

    Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro na nirujjhissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca na nirujjhissati cittasaṅkhāro ca na nirujjhissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (ઙ) પચ્ચનીકઓકાસો

    (Ṅa) paccanīkaokāso

    ૯૫. યત્થ કાયસઙ્ખારો ન નિરુજ્ઝિસ્સતિ…પે॰….

    95. Yattha kāyasaṅkhāro na nirujjhissati…pe….

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૯૬. (ક) યસ્સ યત્થ કાયસઙ્ખારો ન નિરુજ્ઝિસ્સતિ તસ્સ તત્થ વચીસઙ્ખારો ન નિરુજ્ઝિસ્સતીતિ?

    96. (Ka) yassa yattha kāyasaṅkhāro na nirujjhissati tassa tattha vacīsaṅkhāro na nirujjhissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરાનં અરૂપાવચરાનં તેસં તત્થ કાયસઙ્ખારો ન નિરુજ્ઝિસ્સતિ, નો ચ તેસં તત્થ વચીસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ કાયસઙ્ખારો ચ ન નિરુજ્ઝિસ્સતિ વચીસઙ્ખારો ચ ન નિરુજ્ઝિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhissati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhissati vacīsaṅkhāro ca na nirujjhissati.

    (ખ) યસ્સ વા પન યત્થ વચીસઙ્ખારો ન નિરુજ્ઝિસ્સતિ તસ્સ તત્થ કાયસઙ્ખારો ન નિરુજ્ઝિસ્સતીતિ?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhissatīti?

    દુતિયજ્ઝાનં તતિયજ્ઝાનં સમાપન્નાનં તેસં તત્થ વચીસઙ્ખારો ન નિરુજ્ઝિસ્સતિ, નો ચ તેસં તત્થ કાયસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ વચીસઙ્ખારો ચ ન નિરુજ્ઝિસ્સતિ કાયસઙ્ખારો ચ ન નિરુજ્ઝિસ્સતિ.

    Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhissati.

    (ક) યસ્સ યત્થ કાયસઙ્ખારો ન નિરુજ્ઝિસ્સતિ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

    (Ka) yassa yattha kāyasaṅkhāro na nirujjhissati tassa tattha cittasaṅkhāro na nirujjhissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ કાયસઙ્ખારો ન નિરુજ્ઝિસ્સતિ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ કાયસઙ્ખારો ચ ન નિરુજ્ઝિસ્સતિ ચિત્તસઙ્ખારો ચ ન નિરુજ્ઝિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhissati cittasaṅkhāro ca na nirujjhissati.

    (ખ) યસ્સ વા પન યત્થ ચિત્તસઙ્ખારો ન નિરુજ્ઝિસ્સતિ તસ્સ તત્થ કાયસઙ્ખારો ન નિરુજ્ઝિસ્સતીતિ? આમન્તા.

    (Kha) yassa vā pana yattha cittasaṅkhāro na nirujjhissati tassa tattha kāyasaṅkhāro na nirujjhissatīti? Āmantā.

    ૯૭. (ક) યસ્સ યત્થ વચીસઙ્ખારો ન નિરુજ્ઝિસ્સતિ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

    97. (Ka) yassa yattha vacīsaṅkhāro na nirujjhissati tassa tattha cittasaṅkhāro na nirujjhissatīti?

    અવિતક્કઅવિચારપચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં ચતુત્થજ્ઝાનં સમાપન્નાનં તેસં તત્થ વચીસઙ્ખારો ન નિરુજ્ઝિસ્સતિ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ વચીસઙ્ખારો ચ ન નિરુજ્ઝિસ્સતિ ચિત્તસઙ્ખારો ચ ન નિરુજ્ઝિસ્સતિ.

    Avitakkaavicārapacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhissati cittasaṅkhāro ca na nirujjhissati.

    (ખ) યસ્સ વા પન યત્થ ચિત્તસઙ્ખારો ન નિરુજ્ઝિસ્સતિ તસ્સ તત્થ વચીસઙ્ખારો ન નિરુજ્ઝિસ્સતીતિ? આમન્તા.

    (Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhissatīti? Āmantā.

    (૪) પચ્ચુપ્પન્નાતીતવારો

    (4) Paccuppannātītavāro

    (ક) અનુલોમપુગ્ગલો

    (Ka) anulomapuggalo

    ૯૮. (ક) યસ્સ કાયસઙ્ખારો નિરુજ્ઝતિ તસ્સ વચીસઙ્ખારો નિરુજ્ઝિત્થાતિ ? આમન્તા.

    98. (Ka) yassa kāyasaṅkhāro nirujjhati tassa vacīsaṅkhāro nirujjhitthāti ? Āmantā.

    (ખ) યસ્સ વા પન વચીસઙ્ખારો નિરુજ્ઝિત્થ તસ્સ કાયસઙ્ખારો નિરુજ્ઝતીતિ?

    (Kha) yassa vā pana vacīsaṅkhāro nirujjhittha tassa kāyasaṅkhāro nirujjhatīti?

    સબ્બેસં ચિત્તસ્સ ઉપ્પાદક્ખણે વિના અસ્સાસપસ્સાસેહિ ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો નિરુજ્ઝિત્થ, નો ચ તેસં કાયસઙ્ખારો નિરુજ્ઝતિ. અસ્સાસપસ્સાસાનં ભઙ્ગક્ખણે તેસં વચીસઙ્ખારો ચ નિરુજ્ઝિત્થ કાયસઙ્ખારો ચ નિરુજ્ઝતિ.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhittha, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ vacīsaṅkhāro ca nirujjhittha kāyasaṅkhāro ca nirujjhati.

    (ક) યસ્સ કાયસઙ્ખારો નિરુજ્ઝતિ તસ્સ ચિત્તસઙ્ખારો નિરુજ્ઝિત્થાતિ? આમન્તા.

    (Ka) yassa kāyasaṅkhāro nirujjhati tassa cittasaṅkhāro nirujjhitthāti? Āmantā.

    (ખ) યસ્સ વા પન ચિત્તસઙ્ખારો નિરુજ્ઝિત્થ તસ્સ કાયસઙ્ખારો નિરુજ્ઝતીતિ?

    (Kha) yassa vā pana cittasaṅkhāro nirujjhittha tassa kāyasaṅkhāro nirujjhatīti?

    સબ્બેસં ચિત્તસ્સ ઉપ્પાદક્ખણે વિના અસ્સાસપસ્સાસેહિ ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો નિરુજ્ઝિત્થ, નો ચ તેસં કાયસઙ્ખારો નિરુજ્ઝતિ. અસ્સાસપસ્સાસાનં ભઙ્ગક્ખણે તેસં ચિત્તસઙ્ખારો ચ નિરુજ્ઝિત્થ કાયસઙ્ખારો ચ નિરુજ્ઝતિ.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhittha, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhittha kāyasaṅkhāro ca nirujjhati.

    ૯૯. (ક) યસ્સ વચીસઙ્ખારો નિરુજ્ઝતિ તસ્સ ચિત્તસઙ્ખારો નિરુજ્ઝિત્થાતિ? આમન્તા.

    99. (Ka) yassa vacīsaṅkhāro nirujjhati tassa cittasaṅkhāro nirujjhitthāti? Āmantā.

    (ખ) યસ્સ વા પન ચિત્તસઙ્ખારો નિરુજ્ઝિત્થ તસ્સ વચીસઙ્ખારો નિરુજ્ઝતીતિ?

    (Kha) yassa vā pana cittasaṅkhāro nirujjhittha tassa vacīsaṅkhāro nirujjhatīti?

    સબ્બેસં ચિત્તસ્સ ઉપ્પાદક્ખણે વિના વિતક્કવિચારેહિ ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો નિરુજ્ઝિત્થ, નો ચ તેસં વચીસઙ્ખારો નિરુજ્ઝતિ. વિતક્કવિચારાનં ભઙ્ગક્ખણે તેસં ચિત્તસઙ્ખારો ચ નિરુજ્ઝિત્થ વચીસઙ્ખારો ચ નિરુજ્ઝતિ.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhittha, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhittha vacīsaṅkhāro ca nirujjhati.

    (ખ) અનુલોમઓકાસો

    (Kha) anulomaokāso

    ૧૦૦. યત્થ કાયસઙ્ખારો નિરુજ્ઝતિ…પે॰….

    100. Yattha kāyasaṅkhāro nirujjhati…pe….

    (ગ) અનુલોમપુગ્ગલોકાસા

    (Ga) anulomapuggalokāsā

    ૧૦૧. (ક) યસ્સ યત્થ કાયસઙ્ખારો નિરુજ્ઝતિ તસ્સ તત્થ વચીસઙ્ખારો નિરુજ્ઝિત્થાતિ?

    101. (Ka) yassa yattha kāyasaṅkhāro nirujjhati tassa tattha vacīsaṅkhāro nirujjhitthāti?

    દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ભઙ્ગક્ખણે તેસં તત્થ કાયસઙ્ખારો નિરુજ્ઝતિ, નો ચ તેસં તત્થ વચીસઙ્ખારો નિરુજ્ઝિત્થ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસં તત્થ કાયસઙ્ખારો ચ નિરુજ્ઝતિ વચીસઙ્ખારો ચ નિરુજ્ઝિત્થ.

    Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro nirujjhati, no ca tesaṃ tattha vacīsaṅkhāro nirujjhittha. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro ca nirujjhati vacīsaṅkhāro ca nirujjhittha.

    (ખ) યસ્સ વા પન યત્થ વચીસઙ્ખારો નિરુજ્ઝિત્થ તસ્સ તત્થ કાયસઙ્ખારો નિરુજ્ઝતીતિ?

    (Kha) yassa vā pana yattha vacīsaṅkhāro nirujjhittha tassa tattha kāyasaṅkhāro nirujjhatīti?

    પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસંયેવ વિના અસ્સાસપસ્સાસેહિ ચિત્તસ્સ ભઙ્ગક્ખણે રૂપાવચરાનં અરૂપાવચરાનં તેસં તત્થ વચીસઙ્ખારો નિરુજ્ઝિત્થ, નો ચ તેસં તત્થ કાયસઙ્ખારો નિરુજ્ઝતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસં તત્થ વચીસઙ્ખારો ચ નિરુજ્ઝિત્થ કાયસઙ્ખારો ચ નિરુજ્ઝતિ.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhittha, no ca tesaṃ tattha kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro ca nirujjhittha kāyasaṅkhāro ca nirujjhati.

    (ક) યસ્સ યત્થ કાયસઙ્ખારો નિરુજ્ઝતિ તસ્સ તત્થ ચિત્તસઙ્ખારો નિરુજ્ઝિત્થાતિ? આમન્તા.

    (Ka) yassa yattha kāyasaṅkhāro nirujjhati tassa tattha cittasaṅkhāro nirujjhitthāti? Āmantā.

    (ખ) યસ્સ વા પન યત્થ ચિત્તસઙ્ખારો નિરુજ્ઝિત્થ તસ્સ તત્થ કાયસઙ્ખારો નિરુજ્ઝતીતિ?

    (Kha) yassa vā pana yattha cittasaṅkhāro nirujjhittha tassa tattha kāyasaṅkhāro nirujjhatīti?

    સબ્બેસં ચિત્તસ્સ ઉપ્પાદક્ખણે વિના અસ્સાસપસ્સાસેહિ ચિત્તસ્સ ભઙ્ગક્ખણે તેસં તત્થ ચિત્તસઙ્ખારો નિરુજ્ઝિત્થ , નો ચ તેસં તત્થ કાયસઙ્ખારો નિરુજ્ઝતિ. અસ્સાસપસ્સાસાનં ભઙ્ગક્ખણે તેસં તત્થ ચિત્તસઙ્ખારો ચ નિરુજ્ઝિત્થ કાયસઙ્ખારો ચ નિરુજ્ઝતિ.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha cittasaṅkhāro nirujjhittha , no ca tesaṃ tattha kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ tattha cittasaṅkhāro ca nirujjhittha kāyasaṅkhāro ca nirujjhati.

    ૧૦૨. (ક) યસ્સ યત્થ વચીસઙ્ખારો નિરુજ્ઝતિ તસ્સ તત્થ ચિત્તસઙ્ખારો નિરુજ્ઝિત્થાતિ? આમન્તા.

    102. (Ka) yassa yattha vacīsaṅkhāro nirujjhati tassa tattha cittasaṅkhāro nirujjhitthāti? Āmantā.

    (ખ) યસ્સ વા પન યત્થ ચિત્તસઙ્ખારો નિરુજ્ઝિત્થ તસ્સ તત્થ વચીસઙ્ખારો નિરુજ્ઝતીતિ?

    (Kha) yassa vā pana yattha cittasaṅkhāro nirujjhittha tassa tattha vacīsaṅkhāro nirujjhatīti?

    સબ્બેસં ચિત્તસ્સ ઉપ્પાદક્ખણે વિના વિતક્કવિચારેહિ ચિત્તસ્સ ભઙ્ગક્ખણે તેસં તત્થ ચિત્તસઙ્ખારો નિરુજ્ઝિત્થ, નો ચ તેસં તત્થ વચીસઙ્ખારો નિરુજ્ઝતિ. વિતક્કવિચારાનં ભઙ્ગક્ખણે તેસં તત્થ ચિત્તસઙ્ખારો ચ નિરુજ્ઝિત્થ વચીસઙ્ખારો ચ નિરુજ્ઝતિ.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha cittasaṅkhāro nirujjhittha, no ca tesaṃ tattha vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ tattha cittasaṅkhāro ca nirujjhittha vacīsaṅkhāro ca nirujjhati.

    (ઘ) પચ્ચનીકપુગ્ગલો

    (Gha) paccanīkapuggalo

    ૧૦૩. (ક) યસ્સ કાયસઙ્ખારો ન નિરુજ્ઝતિ તસ્સ વચીસઙ્ખારો ન નિરુજ્ઝિત્થાતિ? નિરુજ્ઝિત્થ.

    103. (Ka) yassa kāyasaṅkhāro na nirujjhati tassa vacīsaṅkhāro na nirujjhitthāti? Nirujjhittha.

    (ખ) યસ્સ વા પન વચીસઙ્ખારો ન નિરુજ્ઝિત્થ તસ્સ કાયસઙ્ખારો ન નિરુજ્ઝતીતિ? નત્થિ.

    (Kha) yassa vā pana vacīsaṅkhāro na nirujjhittha tassa kāyasaṅkhāro na nirujjhatīti? Natthi.

    (ક) યસ્સ કાયસઙ્ખારો ન નિરુજ્ઝતિ તસ્સ ચિત્તસઙ્ખારો ન નિરુજ્ઝિત્થાતિ? નિરુજ્ઝિત્થ.

    (Ka) yassa kāyasaṅkhāro na nirujjhati tassa cittasaṅkhāro na nirujjhitthāti? Nirujjhittha.

    (ખ) યસ્સ વા પન ચિત્તસઙ્ખારો ન નિરુજ્ઝિત્થ તસ્સ કાયસઙ્ખારો ન નિરુજ્ઝતીતિ? નત્થિ.

    (Kha) yassa vā pana cittasaṅkhāro na nirujjhittha tassa kāyasaṅkhāro na nirujjhatīti? Natthi.

    ૧૦૪. (ક) યસ્સ વચીસઙ્ખારો ન નિરુજ્ઝતિ તસ્સ ચિત્તસઙ્ખારો ન નિરુજ્ઝિત્થાતિ? નિરુજ્ઝિત્થ.

    104. (Ka) yassa vacīsaṅkhāro na nirujjhati tassa cittasaṅkhāro na nirujjhitthāti? Nirujjhittha.

    (ખ) યસ્સ વા પન ચિત્તસઙ્ખારો ન નિરુજ્ઝિત્થ તસ્સ વચીસઙ્ખારો ન નિરુજ્ઝતીતિ? નત્થિ.

    (Kha) yassa vā pana cittasaṅkhāro na nirujjhittha tassa vacīsaṅkhāro na nirujjhatīti? Natthi.

    (ઙ) પચ્ચનીકઓકાસો

    (Ṅa) paccanīkaokāso

    ૧૦૫. યત્થ કાયસઙ્ખારો ન નિરુજ્ઝતિ…પે॰….

    105. Yattha kāyasaṅkhāro na nirujjhati…pe….

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૧૦૬. (ક) યસ્સ યત્થ કાયસઙ્ખારો ન નિરુજ્ઝતિ તસ્સ તત્થ વચીસઙ્ખારો ન નિરુજ્ઝિત્થાતિ?

    106. (Ka) yassa yattha kāyasaṅkhāro na nirujjhati tassa tattha vacīsaṅkhāro na nirujjhitthāti?

    પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસંયેવ વિના અસ્સાસપસ્સાસેહિ ચિત્તસ્સ ભઙ્ગક્ખણે રૂપાવચરાનં અરૂપાવચરાનં તેસં તત્થ કાયસઙ્ખારો ન નિરુજ્ઝતિ, નો ચ તેસં તત્થ વચીસઙ્ખારો ન નિરુજ્ઝિત્થ. દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ઉપ્પાદક્ખણે તેસંયેવ વિના અસ્સાસપસ્સાસેહિ ચિત્તસ્સ ભઙ્ગક્ખણે ચતુત્થજ્ઝાનં સમાપન્નાનં સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ કાયસઙ્ખારો ચ ન નિરુજ્ઝતિ વચીસઙ્ખારો ચ ન નિરુજ્ઝિત્થ.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhittha. Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhittha.

    (ખ) યસ્સ વા પન યત્થ વચીસઙ્ખારો ન નિરુજ્ઝિત્થ તસ્સ તત્થ કાયસઙ્ખારો ન નિરુજ્ઝતીતિ?

    (Kha) yassa vā pana yattha vacīsaṅkhāro na nirujjhittha tassa tattha kāyasaṅkhāro na nirujjhatīti?

    દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ભઙ્ગક્ખણે તેસં તત્થ વચીસઙ્ખારો ન નિરુજ્ઝિત્થ, નો ચ તેસં તત્થ કાયસઙ્ખારો ન નિરુજ્ઝતિ. દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ઉપ્પાદક્ખણે તેસંયેવ વિના અસ્સાસપસ્સાસેહિ ચિત્તસ્સ ભઙ્ગક્ખણે ચતુત્થજ્ઝાનં સમાપન્નાનં સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ વચીસઙ્ખારો ચ ન નિરુજ્ઝિત્થ કાયસઙ્ખારો ચ ન નિરુજ્ઝતિ.

    Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro na nirujjhittha, no ca tesaṃ tattha kāyasaṅkhāro na nirujjhati. Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ suddhāvāsānaṃ dutiye citte vattamāne asaññasattānaṃ tesaṃ tattha vacīsaṅkhāro ca na nirujjhittha kāyasaṅkhāro ca na nirujjhati.

    (ક) યસ્સ યત્થ કાયસઙ્ખારો ન નિરુજ્ઝતિ તસ્સ તત્થ ચિત્તસઙ્ખારો ન નિરુજ્ઝિત્થાતિ?

    (Ka) yassa yattha kāyasaṅkhāro na nirujjhati tassa tattha cittasaṅkhāro na nirujjhitthāti?

    સબ્બેસં ચિત્તસ્સ ઉપ્પાદક્ખણે વિના અસ્સાસપસ્સાસેહિ ચિત્તસ્સ ભઙ્ગક્ખણે તેસં તત્થ કાયસઙ્ખારો ન નિરુજ્ઝતિ, નો ચ તેસં તત્થ ચિત્તસઙ્ખારો ન નિરુજ્ઝિત્થ. સુદ્ધાવાસં ઉપપજ્જન્તાનં અસઞ્ઞસત્તાનં તેસં તત્થ કાયસઙ્ખારો ચ ન નિરુજ્ઝતિ ચિત્તસઙ્ખારો ચ ન નિરુજ્ઝિત્થ.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha cittasaṅkhāro na nirujjhittha. Suddhāvāsaṃ upapajjantānaṃ asaññasattānaṃ tesaṃ tattha kāyasaṅkhāro ca na nirujjhati cittasaṅkhāro ca na nirujjhittha.

    (ખ) યસ્સ વા પન યત્થ ચિત્તસઙ્ખારો ન નિરુજ્ઝિત્થ તસ્સ તત્થ કાયસઙ્ખારો ન નિરુજ્ઝતીતિ? આમન્તા.

    (Kha) yassa vā pana yattha cittasaṅkhāro na nirujjhittha tassa tattha kāyasaṅkhāro na nirujjhatīti? Āmantā.

    ૧૦૭. (ક) યસ્સ યત્થ વચીસઙ્ખારો ન નિરુજ્ઝતિ તસ્સ તત્થ ચિત્તસઙ્ખારો ન નિરુજ્ઝિત્થાતિ?

    107. (Ka) yassa yattha vacīsaṅkhāro na nirujjhati tassa tattha cittasaṅkhāro na nirujjhitthāti?

    સબ્બેસં ચિત્તસ્સ ઉપ્પાદક્ખણે વિના વિતક્કવિચારેહિ ચિત્તસ્સ ભઙ્ગક્ખણે તેસં તત્થ વચીસઙ્ખારો ન નિરુજ્ઝતિ, નો ચ તેસં તત્થ ચિત્તસઙ્ખારો ન નિરુજ્ઝિત્થ. સુદ્ધાવાસં ઉપપજ્જન્તાનં અસઞ્ઞસત્તાનં તેસં તત્થ વચીસઙ્ખારો ચ ન નિરુજ્ઝતિ ચિત્તસઙ્ખારો ચ ન નિરુજ્ઝિત્થ.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha vacīsaṅkhāro na nirujjhati, no ca tesaṃ tattha cittasaṅkhāro na nirujjhittha. Suddhāvāsaṃ upapajjantānaṃ asaññasattānaṃ tesaṃ tattha vacīsaṅkhāro ca na nirujjhati cittasaṅkhāro ca na nirujjhittha.

    (ખ) યસ્સ વા પન યત્થ ચિત્તસઙ્ખારો ન નિરુજ્ઝિત્થ તસ્સ તત્થ વચીસઙ્ખારો ન નિરુજ્ઝતીતિ? આમન્તા.

    (Kha) yassa vā pana yattha cittasaṅkhāro na nirujjhittha tassa tattha vacīsaṅkhāro na nirujjhatīti? Āmantā.

    (૫) પચ્ચુપ્પન્નાનાગતવારો

    (5) Paccuppannānāgatavāro

    (ક) અનુલોમપુગ્ગલો

    (Ka) anulomapuggalo

    ૧૦૮. (ક) યસ્સ કાયસઙ્ખારો નિરુજ્ઝતિ તસ્સ વચીસઙ્ખારો નિરુજ્ઝિસ્સતીતિ? આમન્તા.

    108. (Ka) yassa kāyasaṅkhāro nirujjhati tassa vacīsaṅkhāro nirujjhissatīti? Āmantā.

    (ખ) યસ્સ વા પન વચીસઙ્ખારો નિરુજ્ઝિસ્સતિ તસ્સ કાયસઙ્ખારો નિરુજ્ઝતીતિ ?

    (Kha) yassa vā pana vacīsaṅkhāro nirujjhissati tassa kāyasaṅkhāro nirujjhatīti ?

    સબ્બેસં ચિત્તસ્સ ઉપ્પાદક્ખણે વિના અસ્સાસપસ્સાસેહિ ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો નિરુજ્ઝિસ્સતિ, નો ચ તેસં કાયસઙ્ખારો નિરુજ્ઝતિ. અસ્સાસપસ્સાસાનં ભઙ્ગક્ખણે તેસં વચીસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝતિ.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ vacīsaṅkhāro ca nirujjhissati kāyasaṅkhāro ca nirujjhati.

    (ક) યસ્સ કાયસઙ્ખારો નિરુજ્ઝતિ તસ્સ ચિત્તસઙ્ખારો નિરુજ્ઝિસ્સતીતિ? આમન્તા.

    (Ka) yassa kāyasaṅkhāro nirujjhati tassa cittasaṅkhāro nirujjhissatīti? Āmantā.

    (ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ કાયસઙ્ખારો નિરુજ્ઝતીતિ?

    (Kha) yassa vā pana cittasaṅkhāro nirujjhissati tassa kāyasaṅkhāro nirujjhatīti?

    સબ્બેસં ચિત્તસ્સ ઉપ્પાદક્ખણે વિના અસ્સાસપસ્સાસેહિ ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો નિરુજ્ઝિસ્સતિ, નો ચ તેસં કાયસઙ્ખારો નિરુજ્ઝતિ. અસ્સાસપસ્સાસાનં ભઙ્ગક્ખણે તેસં ચિત્તસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝતિ.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ cittasaṅkhāro ca nirujjhissati kāyasaṅkhāro ca nirujjhati.

    ૧૦૯. (ક) યસ્સ વચીસઙ્ખારો નિરુજ્ઝતિ તસ્સ ચિત્તસઙ્ખારો નિરુજ્ઝિસ્સતીતિ?

    109. (Ka) yassa vacīsaṅkhāro nirujjhati tassa cittasaṅkhāro nirujjhissatīti?

    સવિતક્કસવિચારપચ્છિમચિત્તસ્સ ભઙ્ગક્ખણે તેસં વચીસઙ્ખારો નિરુજ્ઝતિ, નો ચ તેસં ચિત્તસઙ્ખારો નિરુજ્ઝિસ્સતિ. ઇતરેસં વિતક્કવિચારાનં ભઙ્ગક્ખણે તેસં વચીસઙ્ખારો ચ નિરુજ્ઝતિ ચિત્તસઙ્ખારો ચ નિરુજ્ઝિસ્સતિ.

    Savitakkasavicārapacchimacittassa bhaṅgakkhaṇe tesaṃ vacīsaṅkhāro nirujjhati, no ca tesaṃ cittasaṅkhāro nirujjhissati. Itaresaṃ vitakkavicārānaṃ bhaṅgakkhaṇe tesaṃ vacīsaṅkhāro ca nirujjhati cittasaṅkhāro ca nirujjhissati.

    (ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ વચીસઙ્ખારો નિરુજ્ઝતીતિ?

    (Kha) yassa vā pana cittasaṅkhāro nirujjhissati tassa vacīsaṅkhāro nirujjhatīti?

    સબ્બેસં ચિત્તસ્સ ઉપ્પાદક્ખણે વિના વિતક્કવિચારેહિ ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો નિરુજ્ઝિસ્સતિ, નો ચ તેસં વચીસઙ્ખારો નિરુજ્ઝતિ. વિતક્કવિચારાનં ભઙ્ગક્ખણે તેસં ચિત્તસઙ્ખારો ચ નિરુજ્ઝિસ્સતિ વચીસઙ્ખારો ચ નિરુજ્ઝતિ.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ cittasaṅkhāro ca nirujjhissati vacīsaṅkhāro ca nirujjhati.

    (ખ) અનુલોમઓકાસો

    (Kha) anulomaokāso

    ૧૧૦. યત્થ કાયસઙ્ખારો નિરુજ્ઝતિ…પે॰….

    110. Yattha kāyasaṅkhāro nirujjhati…pe….

    (ગ) અનુલોમપુગ્ગલોકાસા

    (Ga) anulomapuggalokāsā

    ૧૧૧. (ક) યસ્સ યત્થ કાયસઙ્ખારો નિરુજ્ઝતિ તસ્સ તત્થ વચીસઙ્ખારો નિરુજ્ઝિસ્સતીતિ?

    111. (Ka) yassa yattha kāyasaṅkhāro nirujjhati tassa tattha vacīsaṅkhāro nirujjhissatīti?

    દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ભઙ્ગક્ખણે તેસં તત્થ કાયસઙ્ખારો નિરુજ્ઝતિ, નો ચ તેસં તત્થ વચીસઙ્ખારો નિરુજ્ઝિસ્સતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસં તત્થ કાયસઙ્ખારો ચ નિરુજ્ઝતિ વચીસઙ્ખારો ચ નિરુજ્ઝિસ્સતિ.

    Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro nirujjhati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha kāyasaṅkhāro ca nirujjhati vacīsaṅkhāro ca nirujjhissati.

    (ખ) યસ્સ વા પન યત્થ વચીસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો નિરુજ્ઝતીતિ?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhatīti?

    પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસંયેવ વિના અસ્સાસપસ્સાસેહિ ચિત્તસ્સ ભઙ્ગક્ખણે રૂપાવચરાનં અરૂપાવચરાનં તેસં તત્થ વચીસઙ્ખારો નિરુજ્ઝિસ્સતિ, નો ચ તેસં તત્થ કાયસઙ્ખારો નિરુજ્ઝતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસં તત્થ વચીસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝતિ.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro nirujjhati. Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro ca nirujjhissati kāyasaṅkhāro ca nirujjhati.

    (ક) યસ્સ યત્થ કાયસઙ્ખારો નિરુજ્ઝતિ તસ્સ તત્થ ચિત્તસઙ્ખારો નિરુજ્ઝિસ્સતીતિ? આમન્તા.

    (Ka) yassa yattha kāyasaṅkhāro nirujjhati tassa tattha cittasaṅkhāro nirujjhissatīti? Āmantā.

    (ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો નિરુજ્ઝતીતિ?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhatīti?

    સબ્બેસં ચિત્તસ્સ ઉપ્પાદક્ખણે વિના અસ્સાસપસ્સાસેહિ ચિત્તસ્સ ભઙ્ગક્ખણે તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ કાયસઙ્ખારો નિરુજ્ઝતિ. અસ્સાસપસ્સાસાનં ભઙ્ગક્ખણે તેસં તત્થ ચિત્તસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝતિ.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhati. Assāsapassāsānaṃ bhaṅgakkhaṇe tesaṃ tattha cittasaṅkhāro ca nirujjhissati kāyasaṅkhāro ca nirujjhati.

    ૧૧૨. (ક) યસ્સ યત્થ વચીસઙ્ખારો નિરુજ્ઝતિ તસ્સ તત્થ ચિત્તસઙ્ખારો નિરુજ્ઝિસ્સતીતિ?

    112. (Ka) yassa yattha vacīsaṅkhāro nirujjhati tassa tattha cittasaṅkhāro nirujjhissatīti?

    સવિતક્કસવિચારપચ્છિમચિત્તસ્સ ભઙ્ગક્ખણે તેસં તત્થ વચીસઙ્ખારો નિરુજ્ઝતિ, નો ચ તેસં તત્થ ચિત્તસઙ્ખારો નિરુજ્ઝિસ્સતિ. ઇતરેસં વિતક્કવિચારાનં ભઙ્ગક્ખણે તેસં તત્થ વચીસઙ્ખારો ચ નિરુજ્ઝતિ ચિત્તસઙ્ખારો ચ નિરુજ્ઝિસ્સતિ.

    Savitakkasavicārapacchimacittassa bhaṅgakkhaṇe tesaṃ tattha vacīsaṅkhāro nirujjhati, no ca tesaṃ tattha cittasaṅkhāro nirujjhissati. Itaresaṃ vitakkavicārānaṃ bhaṅgakkhaṇe tesaṃ tattha vacīsaṅkhāro ca nirujjhati cittasaṅkhāro ca nirujjhissati.

    (ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ વચીસઙ્ખારો નિરુજ્ઝતીતિ?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhatīti?

    સબ્બેસં ચિત્તસ્સ ઉપ્પાદક્ખણે વિના વિતક્કવિચારેહિ ચિત્તસ્સ ભઙ્ગક્ખણે તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ વચીસઙ્ખારો નિરુજ્ઝતિ. વિતક્કવિચારાનં ભઙ્ગક્ખણે તેસં તત્થ ચિત્તસઙ્ખારો ચ નિરુજ્ઝિસ્સતિ વચીસઙ્ખારો ચ નિરુજ્ઝતિ.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhati. Vitakkavicārānaṃ bhaṅgakkhaṇe tesaṃ tattha cittasaṅkhāro ca nirujjhissati vacīsaṅkhāro ca nirujjhati.

    (ઘ) પચ્ચનીકપુગ્ગલો

    (Gha) paccanīkapuggalo

    ૧૧૩. (ક) યસ્સ કાયસઙ્ખારો ન નિરુજ્ઝતિ તસ્સ વચીસઙ્ખારો ન નિરુજ્ઝિસ્સતીતિ?

    113. (Ka) yassa kāyasaṅkhāro na nirujjhati tassa vacīsaṅkhāro na nirujjhissatīti?

    સબ્બેસં ચિત્તસ્સ ઉપ્પાદક્ખણે વિના અસ્સાસપસ્સાસેહિ ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો ન નિરુજ્ઝતિ, નો ચ તેસં વચીસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં કાયસઙ્ખારો ચ ન નિરુજ્ઝતિ વચીસઙ્ખારો ચ ન નિરુજ્ઝિસ્સતિ.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro na nirujjhati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca na nirujjhati vacīsaṅkhāro ca na nirujjhissati.

    (ખ) યસ્સ વા પન વચીસઙ્ખારો ન નિરુજ્ઝિસ્સતિ તસ્સ કાયસઙ્ખારો ન નિરુજ્ઝતીતિ? આમન્તા.

    (Kha) yassa vā pana vacīsaṅkhāro na nirujjhissati tassa kāyasaṅkhāro na nirujjhatīti? Āmantā.

    (ક) યસ્સ કાયસઙ્ખારો ન નિરુજ્ઝતિ તસ્સ ચિત્તસઙ્ખારો ન નિરુજ્ઝિસ્સતીતિ?

    (Ka) yassa kāyasaṅkhāro na nirujjhati tassa cittasaṅkhāro na nirujjhissatīti?

    સબ્બેસં ચિત્તસ્સ ઉપ્પાદક્ખણે વિના અસ્સાસપસ્સાસેહિ ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો ન નિરુજ્ઝતિ, નો ચ તેસં ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે તેસં કાયસઙ્ખારો ચ ન નિરુજ્ઝતિ ચિત્તસઙ્ખારો ચ ન નિરુજ્ઝિસ્સતિ.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro na nirujjhati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca na nirujjhati cittasaṅkhāro ca na nirujjhissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    ૧૧૪. (ક) યસ્સ વચીસઙ્ખારો ન નિરુજ્ઝતિ તસ્સ ચિત્તસઙ્ખારો ન નિરુજ્ઝિસ્સતીતિ?

    114. (Ka) yassa vacīsaṅkhāro na nirujjhati tassa cittasaṅkhāro na nirujjhissatīti?

    સબ્બેસં ચિત્તસ્સ ઉપ્પાદક્ખણે વિના વિતક્કવિચારેહિ ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો ન નિરુજ્ઝતિ, નો ચ તેસં ચિત્તસઙ્ખારો ન નિરુજ્ઝિસ્સતિ. અવિતક્કઅવિચારપચ્છિમચિત્તસ્સ ભઙ્ગક્ખણે તેસં વચીસઙ્ખારો ચ ન નિરુજ્ઝતિ ચિત્તસઙ્ખારો ચ ન નિરુજ્ઝિસ્સતિ.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro na nirujjhati, no ca tesaṃ cittasaṅkhāro na nirujjhissati. Avitakkaavicārapacchimacittassa bhaṅgakkhaṇe tesaṃ vacīsaṅkhāro ca na nirujjhati cittasaṅkhāro ca na nirujjhissati.

    (ખ) યસ્સ વા પન ચિત્તસઙ્ખારો ન નિરુજ્ઝિસ્સતિ તસ્સ વચીસઙ્ખારો ન નિરુજ્ઝતીતિ?

    (Kha) yassa vā pana cittasaṅkhāro na nirujjhissati tassa vacīsaṅkhāro na nirujjhatīti?

    સવિતક્કસવિચારપચ્છિમચિત્તસ્સ ભઙ્ગક્ખણે તેસં ચિત્તસઙ્ખારો ન નિરુજ્ઝિસ્સતિ, નો ચ તેસં વચીસઙ્ખારો ન નિરુજ્ઝતિ. અવિતક્કઅવિચારપચ્છિમચિત્તસ્સ ભઙ્ગક્ખણે તેસં ચિત્તસઙ્ખારો ચ ન નિરુજ્ઝિસ્સતિ વચીસઙ્ખારો ચ ન નિરુજ્ઝતિ.

    Savitakkasavicārapacchimacittassa bhaṅgakkhaṇe tesaṃ cittasaṅkhāro na nirujjhissati, no ca tesaṃ vacīsaṅkhāro na nirujjhati. Avitakkaavicārapacchimacittassa bhaṅgakkhaṇe tesaṃ cittasaṅkhāro ca na nirujjhissati vacīsaṅkhāro ca na nirujjhati.

    (ઙ) પચ્ચનીકઓકાસો

    (Ṅa) paccanīkaokāso

    ૧૧૫. યત્થ કાયસઙ્ખારો ન નિરુજ્ઝતિ…પે॰….

    115. Yattha kāyasaṅkhāro na nirujjhati…pe….

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૧૧૬. (ક) યસ્સ યત્થ કાયસઙ્ખારો ન નિરુજ્ઝતિ તસ્સ તત્થ વચીસઙ્ખારો ન નિરુજ્ઝિસ્સતીતિ?

    116. (Ka) yassa yattha kāyasaṅkhāro na nirujjhati tassa tattha vacīsaṅkhāro na nirujjhissatīti?

    પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસંયેવ વિના અસ્સાસપસ્સાસેહિ ચિત્તસ્સ ભઙ્ગક્ખણે રૂપાવચરાનં અરૂપાવચરાનં તેસં તત્થ કાયસઙ્ખારો ન નિરુજ્ઝતિ, નો ચ તેસં તત્થ વચીસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ઉપ્પાદક્ખણે તેસંયેવ વિના અસ્સાસપસ્સાસેહિ ચિત્તસ્સ ભઙ્ગક્ખણે ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ કાયસઙ્ખારો ચ ન નિરુજ્ઝતિ વચીસઙ્ખારો ચ ન નિરુજ્ઝિસ્સતિ.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhati vacīsaṅkhāro ca na nirujjhissati.

    (ખ) યસ્સ વા પન યત્થ વચીસઙ્ખારો ન નિરુજ્ઝિસ્સતિ તસ્સ તત્થ કાયસઙ્ખારો ન નિરુજ્ઝતીતિ?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhatīti?

    દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ભઙ્ગક્ખણે તેસં તત્થ વચીસઙ્ખારો ન નિરુજ્ઝિસ્સતિ, નો ચ તેસં તત્થ કાયસઙ્ખારો ન નિરુજ્ઝતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ઉપ્પાદક્ખણે તેસંયેવ વિના અસ્સાસપસ્સાસેહિ ચિત્તસ્સ ભઙ્ગક્ખણે ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ વચીસઙ્ખારો ચ ન નિરુજ્ઝિસ્સતિ કાયસઙ્ખારો ચ ન નિરુજ્ઝતિ.

    Dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃyeva vinā assāsapassāsehi cittassa bhaṅgakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhati.

    (ક) યસ્સ યત્થ કાયસઙ્ખારો ન નિરુજ્ઝતિ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

    (Ka) yassa yattha kāyasaṅkhāro na nirujjhati tassa tattha cittasaṅkhāro na nirujjhissatīti?

    સબ્બેસં ચિત્તસ્સ ઉપ્પાદક્ખણે વિના અસ્સાસપસ્સાસેહિ ચિત્તસ્સ ભઙ્ગક્ખણે તેસં તત્થ કાયસઙ્ખારો ન નિરુજ્ઝતિ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ કાયસઙ્ખારો ચ ન નિરુજ્ઝતિ ચિત્તસઙ્ખારો ચ ન નિરુજ્ઝિસ્સતિ.

    Sabbesaṃ cittassa uppādakkhaṇe vinā assāsapassāsehi cittassa bhaṅgakkhaṇe tesaṃ tattha kāyasaṅkhāro na nirujjhati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhati cittasaṅkhāro ca na nirujjhissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    ૧૧૭. (ક) યસ્સ યત્થ વચીસઙ્ખારો ન નિરુજ્ઝતિ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

    117. (Ka) yassa yattha vacīsaṅkhāro na nirujjhati tassa tattha cittasaṅkhāro na nirujjhissatīti?

    સબ્બેસં ચિત્તસ્સ ઉપ્પાદક્ખણે વિના વિતક્કવિચારેહિ ચિત્તસ્સ ભઙ્ગક્ખણે તેસં તત્થ વચીસઙ્ખારો ન નિરુજ્ઝતિ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. અવિતક્કઅવિચારપચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ વચીસઙ્ખારો ચ ન નિરુજ્ઝતિ ચિત્તસઙ્ખારો ચ ન નિરુજ્ઝિસ્સતિ.

    Sabbesaṃ cittassa uppādakkhaṇe vinā vitakkavicārehi cittassa bhaṅgakkhaṇe tesaṃ tattha vacīsaṅkhāro na nirujjhati, no ca tesaṃ tattha cittasaṅkhāro na nirujjhissati. Avitakkaavicārapacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhati cittasaṅkhāro ca na nirujjhissati.

    (ખ) યસ્સ વા પન યત્થ ચિત્તસઙ્ખારો ન નિરુજ્ઝિસ્સતિ તસ્સ તત્થ વચીસઙ્ખારો ન નિરુજ્ઝતીતિ?

    (Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhatīti?

    સવિતક્કસવિચારપચ્છિમચિત્તસ્સ ભઙ્ગક્ખણે તેસં તત્થ ચિત્તસઙ્ખારો ન નિરુજ્ઝિસ્સતિ, નો ચ તેસં તત્થ વચીસઙ્ખારો ન નિરુજ્ઝતિ. અવિતક્કઅવિચારપચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ ચિત્તસઙ્ખારો ચ ન નિરુજ્ઝિસ્સતિ વચીસઙ્ખારો ચ ન નિરુજ્ઝતિ.

    Savitakkasavicārapacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha vacīsaṅkhāro na nirujjhati. Avitakkaavicārapacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati vacīsaṅkhāro ca na nirujjhati.

    (૬) અતીતાનાગતવારો

    (6) Atītānāgatavāro

    (ક) અનુલોમપુગ્ગલો

    (Ka) anulomapuggalo

    ૧૧૮. (ક) યસ્સ કાયસઙ્ખારો નિરુજ્ઝિત્થ તસ્સ વચીસઙ્ખારો નિરુજ્ઝિસ્સતીતિ?

    118. (Ka) yassa kāyasaṅkhāro nirujjhittha tassa vacīsaṅkhāro nirujjhissatīti?

    સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં કાયસઙ્ખારો નિરુજ્ઝિત્થ, નો ચ તેસં વચીસઙ્ખારો નિરુજ્ઝિસ્સતિ. ઇતરેસં તેસં કાયસઙ્ખારો ચ નિરુજ્ઝિત્થ વચીસઙ્ખારો ચ નિરુજ્ઝિસ્સતિ.

    Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro nirujjhittha, no ca tesaṃ vacīsaṅkhāro nirujjhissati. Itaresaṃ tesaṃ kāyasaṅkhāro ca nirujjhittha vacīsaṅkhāro ca nirujjhissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (ક) યસ્સ કાયસઙ્ખારો નિરુજ્ઝિત્થ તસ્સ ચિત્તસઙ્ખારો નિરુજ્ઝિસ્સતીતિ?

    (Ka) yassa kāyasaṅkhāro nirujjhittha tassa cittasaṅkhāro nirujjhissatīti?

    પચ્છિમચિત્તસ્સ ભઙ્ગક્ખણે તેસં કાયસઙ્ખારો નિરુજ્ઝિત્થ, નો ચ તેસં ચિત્તસઙ્ખારો નિરુજ્ઝિસ્સતિ. ઇતરેસં તેસં કાયસઙ્ખારો ચ નિરુજ્ઝિત્થ ચિત્તસઙ્ખારો ચ નિરુજ્ઝિસ્સતિ.

    Pacchimacittassa bhaṅgakkhaṇe tesaṃ kāyasaṅkhāro nirujjhittha, no ca tesaṃ cittasaṅkhāro nirujjhissati. Itaresaṃ tesaṃ kāyasaṅkhāro ca nirujjhittha cittasaṅkhāro ca nirujjhissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    ૧૧૯. (ક) યસ્સ વચીસઙ્ખારો નિરુજ્ઝિત્થ તસ્સ ચિત્તસઙ્ખારો નિરુજ્ઝિસ્સતીતિ?

    119. (Ka) yassa vacīsaṅkhāro nirujjhittha tassa cittasaṅkhāro nirujjhissatīti?

    પચ્છિમચિત્તસ્સ ભઙ્ગક્ખણે તેસં વચીસઙ્ખારો નિરુજ્ઝિત્થ, નો ચ તેસં ચિત્તસઙ્ખારો નિરુજ્ઝિસ્સતિ. ઇતરેસં તેસં વચીસઙ્ખારો ચ નિરુજ્ઝિત્થ ચિત્તસઙ્ખારો ચ નિરુજ્ઝિસ્સતિ.

    Pacchimacittassa bhaṅgakkhaṇe tesaṃ vacīsaṅkhāro nirujjhittha, no ca tesaṃ cittasaṅkhāro nirujjhissati. Itaresaṃ tesaṃ vacīsaṅkhāro ca nirujjhittha cittasaṅkhāro ca nirujjhissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (ખ) અનુલોમઓકાસો

    (Kha) anulomaokāso

    ૧૨૦. યત્થ કાયસઙ્ખારો નિરુજ્ઝિત્થ…પે॰….

    120. Yattha kāyasaṅkhāro nirujjhittha…pe….

    (ગ) અનુલોમપુગ્ગલોકાસા

    (Ga) anulomapuggalokāsā

    ૧૨૧. (ક) યસ્સ યત્થ કાયસઙ્ખારો નિરુજ્ઝિત્થ તસ્સ તત્થ વચીસઙ્ખારો નિરુજ્ઝિસ્સતીતિ?

    121. (Ka) yassa yattha kāyasaṅkhāro nirujjhittha tassa tattha vacīsaṅkhāro nirujjhissatīti?

    કામાવચરે પચ્છિમચિત્તસ્સ ભઙ્ગક્ખણે દુતિયજ્ઝાનં તતિયજ્ઝાનં સમાપન્નાનં તેસં તત્થ કાયસઙ્ખારો નિરુજ્ઝિત્થ, નો ચ તેસં તત્થ વચીસઙ્ખારો નિરુજ્ઝિસ્સતિ. પઠમજ્ઝાનં સમાપન્નાનં ઇતરેસં કામાવચરાનં તેસં તત્થ કાયસઙ્ખારો ન નિરુજ્ઝિત્થ વચીસઙ્ખારો ચ નિરુજ્ઝિસ્સતિ.

    Kāmāvacare pacchimacittassa bhaṅgakkhaṇe dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro nirujjhittha, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro na nirujjhittha vacīsaṅkhāro ca nirujjhissati.

    (ખ) યસ્સ વા પન યત્થ વચીસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો નિરુજ્ઝિત્થાતિ?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro nirujjhitthāti?

    રૂપાવચરાનં અરૂપાવચરાનં તેસં તત્થ વચીસઙ્ખારો નિરુજ્ઝિસ્સતિ, નો ચ તેસં તત્થ કાયસઙ્ખારો નિરુજ્ઝિત્થ. પઠમજ્ઝાનં સમાપન્નાનં કામાવચરાનં તેસં તત્થ વચીસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝિત્થ.

    Rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro nirujjhittha. Paṭhamajjhānaṃ samāpannānaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca nirujjhittha.

    (ક) યસ્સ યત્થ કાયસઙ્ખારો નિરુજ્ઝિત્થ તસ્સ તત્થ ચિત્તસઙ્ખારો નિરુજ્ઝિસ્સતીતિ?

    (Ka) yassa yattha kāyasaṅkhāro nirujjhittha tassa tattha cittasaṅkhāro nirujjhissatīti?

    કામાવચરે પચ્છિમચિત્તસ્સ ભઙ્ગક્ખણે તેસં તત્થ કાયસઙ્ખારો નિરુજ્ઝિત્થ, નો ચ તેસં તત્થ ચિત્તસઙ્ખારો નિરુજ્ઝિસ્સતિ. પઠમજ્ઝાનં દુતિયજ્ઝાનં તતિયજ્ઝાનં સમાપન્નાનં ઇતરેસં કામાવચરાનં તેસં તત્થ કાયસઙ્ખારો ચ નિરુજ્ઝિત્થ ચિત્તસઙ્ખારો ચ નિરુજ્ઝિસ્સતિ.

    Kāmāvacare pacchimacittassa bhaṅgakkhaṇe tesaṃ tattha kāyasaṅkhāro nirujjhittha, no ca tesaṃ tattha cittasaṅkhāro nirujjhissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha kāyasaṅkhāro ca nirujjhittha cittasaṅkhāro ca nirujjhissati.

    (ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો નિરુજ્ઝિત્થાતિ?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro nirujjhitthāti?

    ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ કાયસઙ્ખારો નિરુજ્ઝિત્થ. પઠમજ્ઝાનં દુતિયજ્ઝાનં તતિયજ્ઝાનં સમાપન્નાનં કામાવચરાનં તેસં તત્થ ચિત્તસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝિત્થ.

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro nirujjhittha. Paṭhamajjhānaṃ dutiyajjhānaṃ tatiyajjhānaṃ samāpannānaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca nirujjhittha.

    ૧૨૨. (ક) યસ્સ યત્થ વચીસઙ્ખારો નિરુજ્ઝિત્થ તસ્સ તત્થ ચિત્તસઙ્ખારો નિરુજ્ઝિસ્સતીતિ?

    122. (Ka) yassa yattha vacīsaṅkhāro nirujjhittha tassa tattha cittasaṅkhāro nirujjhissatīti?

    સવિતક્કસવિચારભૂમિયં પચ્છિમચિત્તસ્સ ભઙ્ગક્ખણે તેસં તત્થ વચીસઙ્ખારો નિરુજ્ઝિત્થ, નો ચ તેસં તત્થ ચિત્તસઙ્ખારો નિરુજ્ઝિસ્સતિ. ઇતરેસં સવિતક્કસવિચારભૂમિયં તેસં તત્થ વચીસઙ્ખારો ચ નિરુજ્ઝિત્થ ચિત્તસઙ્ખારો ચ નિરુજ્ઝિસ્સતિ.

    Savitakkasavicārabhūmiyaṃ pacchimacittassa bhaṅgakkhaṇe tesaṃ tattha vacīsaṅkhāro nirujjhittha, no ca tesaṃ tattha cittasaṅkhāro nirujjhissati. Itaresaṃ savitakkasavicārabhūmiyaṃ tesaṃ tattha vacīsaṅkhāro ca nirujjhittha cittasaṅkhāro ca nirujjhissati.

    (ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ વચીસઙ્ખારો નિરુજ્ઝિત્થાતિ?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro nirujjhitthāti?

    અવિતક્કઅવિચારભૂમિયં તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ વચીસઙ્ખારો નિરુજ્ઝિત્થ. સવિતક્કસવિચારભૂમિયં તેસં તત્થ ચિત્તસઙ્ખારો ચ નિરુજ્ઝિસ્સતિ વચીસઙ્ખારો ચ નિરુજ્ઝિત્થ.

    Avitakkaavicārabhūmiyaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro nirujjhittha. Savitakkasavicārabhūmiyaṃ tesaṃ tattha cittasaṅkhāro ca nirujjhissati vacīsaṅkhāro ca nirujjhittha.

    (ઘ) પચ્ચનીકપુગ્ગલો

    (Gha) paccanīkapuggalo

    ૧૨૩. (ક) યસ્સ કાયસઙ્ખારો ન નિરુજ્ઝિત્થ તસ્સ વચીસઙ્ખારો ન નિરુજ્ઝિસ્સતીતિ? નત્થિ.

    123. (Ka) yassa kāyasaṅkhāro na nirujjhittha tassa vacīsaṅkhāro na nirujjhissatīti? Natthi.

    (ખ) યસ્સ વા પન વચીસઙ્ખારો ન નિરુજ્ઝિસ્સતિ તસ્સ કાયસઙ્ખારો ન નિરુજ્ઝિત્થાતિ? નિરુજ્ઝિત્થ.

    (Kha) yassa vā pana vacīsaṅkhāro na nirujjhissati tassa kāyasaṅkhāro na nirujjhitthāti? Nirujjhittha.

    (ક) યસ્સ કાયસઙ્ખારો ન નિરુજ્ઝિત્થ તસ્સ ચિત્તસઙ્ખારો ન નિરુજ્ઝિસ્સતીતિ? નત્થિ.

    (Ka) yassa kāyasaṅkhāro na nirujjhittha tassa cittasaṅkhāro na nirujjhissatīti? Natthi.

    (ખ) યસ્સ વા પન ચિત્તસઙ્ખારો ન નિરુજ્ઝિસ્સતિ તસ્સ કાયસઙ્ખારો ન નિરુજ્ઝિત્થાતિ? નિરુજ્ઝિત્થ.

    (Kha) yassa vā pana cittasaṅkhāro na nirujjhissati tassa kāyasaṅkhāro na nirujjhitthāti? Nirujjhittha.

    ૧૨૪. (ક) યસ્સ વચીસઙ્ખારો ન નિરુજ્ઝિત્થ તસ્સ ચિત્તસઙ્ખારો ન નિરુજ્ઝિસ્સતીતિ? નત્થિ.

    124. (Ka) yassa vacīsaṅkhāro na nirujjhittha tassa cittasaṅkhāro na nirujjhissatīti? Natthi.

    (ખ) યસ્સ વા પન ચિત્તસઙ્ખારો ન નિરુજ્ઝિસ્સતિ તસ્સ વચીસઙ્ખારો ન નિરુજ્ઝિત્થાતિ? નિરુજ્ઝિત્થ.

    (Kha) yassa vā pana cittasaṅkhāro na nirujjhissati tassa vacīsaṅkhāro na nirujjhitthāti? Nirujjhittha.

    (ઙ) પચ્ચનીકઓકાસો

    (Ṅa) paccanīkaokāso

    ૧૨૫. યત્થ કાયસઙ્ખારો ન નિરુજ્ઝિત્થ…પે॰….

    125. Yattha kāyasaṅkhāro na nirujjhittha…pe….

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૧૨૬. (ક) યસ્સ યત્થ કાયસઙ્ખારો ન નિરુજ્ઝિત્થ તસ્સ તત્થ વચીસઙ્ખારો ન નિરુજ્ઝિસ્સતીતિ?

    126. (Ka) yassa yattha kāyasaṅkhāro na nirujjhittha tassa tattha vacīsaṅkhāro na nirujjhissatīti?

    રૂપાવચરાનં અરૂપાવચરાનં તેસં તત્થ કાયસઙ્ખારો ન નિરુજ્ઝિત્થ, નો ચ તેસં તત્થ વચીસઙ્ખારો ન નિરુજ્ઝિસ્સતિ. રૂપાવચરે અરૂપાવચરે સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ કાયસઙ્ખારો ચ ન નિરુજ્ઝિત્થ વચીસઙ્ખારો ચ ન નિરુજ્ઝિસ્સતિ.

    Rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhittha, no ca tesaṃ tattha vacīsaṅkhāro na nirujjhissati. Rūpāvacare arūpāvacare savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca na nirujjhittha vacīsaṅkhāro ca na nirujjhissati.

    (ખ) યસ્સ વા પન યત્થ વચીસઙ્ખારો ન નિરુજ્ઝિસ્સતિ તસ્સ તત્થ કાયસઙ્ખારો ન નિરુજ્ઝિત્થાતિ?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro na nirujjhitthāti?

    કામાવચરે પચ્છિમચિત્તસ્સ ભઙ્ગક્ખણે દુતિયજ્ઝાનં તતિયજ્ઝાનં સમાપન્નાનં તેસં તત્થ વચીસઙ્ખારો ન નિરુજ્ઝિસ્સતિ, નો ચ તેસં તત્થ કાયસઙ્ખારો ન નિરુજ્ઝિત્થ. રૂપાવચરે અરૂપાવચરે સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ વચીસઙ્ખારો ચ ન નિરુજ્ઝિસ્સતિ કાયસઙ્ખારો ચ ન નિરુજ્ઝિત્થ.

    Kāmāvacare pacchimacittassa bhaṅgakkhaṇe dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro na nirujjhittha. Rūpāvacare arūpāvacare savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca na nirujjhittha.

    (ક) યસ્સ યત્થ કાયસઙ્ખારો ન નિરુજ્ઝિત્થ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

    (Ka) yassa yattha kāyasaṅkhāro na nirujjhittha tassa tattha cittasaṅkhāro na nirujjhissatīti?

    ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ કાયસઙ્ખારો ન નિરુજ્ઝિત્થ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. રૂપાવચરે અરૂપાવચરે પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ કાયસઙ્ખારો ચ ન નિરુજ્ઝિત્થ ચિત્તસઙ્ખારો ચ ન નિરુજ્ઝિસ્સતિ.

    Catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro na nirujjhittha, no ca tesaṃ tattha cittasaṅkhāro na nirujjhissati. Rūpāvacare arūpāvacare pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca na nirujjhittha cittasaṅkhāro ca na nirujjhissati.

    (ખ) યસ્સ વા પન યત્થ ચિત્તસઙ્ખારો ન નિરુજ્ઝિસ્સતિ તસ્સ તત્થ કાયસઙ્ખારો ન નિરુજ્ઝિત્થાતિ?

    (Kha) yassa vā pana yattha cittasaṅkhāro na nirujjhissati tassa tattha kāyasaṅkhāro na nirujjhitthāti?

    કામાવચરે પચ્છિમચિત્તસ્સ ભઙ્ગક્ખણે તેસં તત્થ ચિત્તસઙ્ખારો ન નિરુજ્ઝિસ્સતિ, નો ચ તેસં તત્થ કાયસઙ્ખારો ન નિરુજ્ઝિત્થ. રૂપાવચરે અરૂપાવચરે પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ ચિત્તસઙ્ખારો ચ ન નિરુજ્ઝિસ્સતિ કાયસઙ્ખારો ચ ન નિરુજ્ઝિત્થ.

    Kāmāvacare pacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha kāyasaṅkhāro na nirujjhittha. Rūpāvacare arūpāvacare pacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati kāyasaṅkhāro ca na nirujjhittha.

    ૧૨૭. (ક) યસ્સ યત્થ વચીસઙ્ખારો ન નિરુજ્ઝિત્થ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

    127. (Ka) yassa yattha vacīsaṅkhāro na nirujjhittha tassa tattha cittasaṅkhāro na nirujjhissatīti?

    અવિતક્કઅવિચારભૂમિયં તેસં તત્થ વચીસઙ્ખારો ન નિરુજ્ઝિત્થ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. અવિતક્કઅવિચારભૂમિયં પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ વચીસઙ્ખારો ચ ન નિરુજ્ઝિત્થ ચિત્તસઙ્ખારો ચ ન નિરુજ્ઝિસ્સતિ.

    Avitakkaavicārabhūmiyaṃ tesaṃ tattha vacīsaṅkhāro na nirujjhittha, no ca tesaṃ tattha cittasaṅkhāro na nirujjhissati. Avitakkaavicārabhūmiyaṃ pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca na nirujjhittha cittasaṅkhāro ca na nirujjhissati.

    (ખ) યસ્સ વા પન યત્થ ચિત્તસઙ્ખારો ન નિરુજ્ઝિસ્સતિ તસ્સ તત્થ વચીસઙ્ખારો ન નિરુજ્ઝિત્થાતિ?

    (Kha) yassa vā pana yattha cittasaṅkhāro na nirujjhissati tassa tattha vacīsaṅkhāro na nirujjhitthāti?

    સવિતક્કસવિચારભૂમિયં પચ્છિમચિત્તસ્સ ભઙ્ગક્ખણે તેસં તત્થ ચિત્તસઙ્ખારો ન નિરુજ્ઝિસ્સતિ, નો ચ તેસં તત્થ વચીસઙ્ખારો ન નિરુજ્ઝિત્થ. અવિતક્કઅવિચારભૂમિયં પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ ચિત્તસઙ્ખારો ચ ન નિરુજ્ઝિસ્સતિ વચીસઙ્ખારો ચ ન નિરુજ્ઝિત્થ.

    Savitakkasavicārabhūmiyaṃ pacchimacittassa bhaṅgakkhaṇe tesaṃ tattha cittasaṅkhāro na nirujjhissati, no ca tesaṃ tattha vacīsaṅkhāro na nirujjhittha. Avitakkaavicārabhūmiyaṃ pacchimacittassa bhaṅgakkhaṇe asaññasattānaṃ tesaṃ tattha cittasaṅkhāro ca na nirujjhissati vacīsaṅkhāro ca na nirujjhittha.

    નિરોધવારો.

    Nirodhavāro.

    ૨. પવત્તિ ૩. ઉપ્પાદનિરોધવારો

    2. Pavatti 3. uppādanirodhavāro

    (૧) પચ્ચુપ્પન્નવારો

    (1) Paccuppannavāro

    (ક) અનુલોમપુગ્ગલો

    (Ka) anulomapuggalo

    ૧૨૮. (ક) યસ્સ કાયસઙ્ખારો ઉપ્પજ્જતિ તસ્સ વચીસઙ્ખારો નિરુજ્ઝતીતિ? નો.

    128. (Ka) yassa kāyasaṅkhāro uppajjati tassa vacīsaṅkhāro nirujjhatīti? No.

    (ખ) યસ્સ વા પન વચીસઙ્ખારો નિરુજ્ઝતિ તસ્સ કાયસઙ્ખારો ઉપ્પજ્જતીતિ? નો.

    (Kha) yassa vā pana vacīsaṅkhāro nirujjhati tassa kāyasaṅkhāro uppajjatīti? No.

    (ક) યસ્સ કાયસઙ્ખારો ઉપ્પજ્જતિ તસ્સ ચિત્તસઙ્ખારો નિરુજ્ઝતીતિ? નો.

    (Ka) yassa kāyasaṅkhāro uppajjati tassa cittasaṅkhāro nirujjhatīti? No.

    (ખ) યસ્સ વા પન ચિત્તસઙ્ખારો નિરુજ્ઝતિ તસ્સ કાયસઙ્ખારો ઉપ્પજ્જતીતિ? નો.

    (Kha) yassa vā pana cittasaṅkhāro nirujjhati tassa kāyasaṅkhāro uppajjatīti? No.

    ૧૨૯. (ક) યસ્સ વચીસઙ્ખારો ઉપ્પજ્જતિ તસ્સ ચિત્તસઙ્ખારો નિરુજ્ઝતીતિ? નો.

    129. (Ka) yassa vacīsaṅkhāro uppajjati tassa cittasaṅkhāro nirujjhatīti? No.

    (ખ) યસ્સ વા પન…પે॰…? નો.

    (Kha) yassa vā pana…pe…? No.

    (ખ) અનુલોમઓકાસો

    (Kha) anulomaokāso

    ૧૩૦. યત્થ કાયસઙ્ખારો ઉપ્પજ્જતિ તત્થ વચીસઙ્ખારો નિરુજ્ઝતીતિ?

    130. Yattha kāyasaṅkhāro uppajjati tattha vacīsaṅkhāro nirujjhatīti?

    દુતિયજ્ઝાને તતિયજ્ઝાને તત્થ…પે॰… (ઇતરેસં યત્થકાનં સદિસં).

    Dutiyajjhāne tatiyajjhāne tattha…pe… (itaresaṃ yatthakānaṃ sadisaṃ).

    (ગ) અનુલોમપુગ્ગલોકાસા

    (Ga) anulomapuggalokāsā

    ૧૩૧. યસ્સ યત્થ કાયસઙ્ખારો ઉપ્પજ્જતિ…પે॰… (યસ્સકમ્પિ યસ્સયત્થકમ્પિ સદિસં).

    131. Yassa yattha kāyasaṅkhāro uppajjati…pe… (yassakampi yassayatthakampi sadisaṃ).

    (ઘ) પચ્ચનીકપુગ્ગલો

    (Gha) paccanīkapuggalo

    ૧૩૨. (ક) યસ્સ કાયસઙ્ખારો નુપ્પજ્જતિ તસ્સ વચીસઙ્ખારો ન નિરુજ્ઝતીતિ?

    132. (Ka) yassa kāyasaṅkhāro nuppajjati tassa vacīsaṅkhāro na nirujjhatīti?

    વિતક્કવિચારાનં ભઙ્ગક્ખણે તેસં કાયસઙ્ખારો નુપ્પજ્જતિ, નો ચ તેસં વચીસઙ્ખારો ન નિરુજ્ઝતિ. વિના અસ્સાસપસ્સાસેહિ ચિત્તસ્સ ઉપ્પાદક્ખણે વિના વિતક્કવિચારેહિ ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો ચ નુપ્પજ્જતિ વચીસઙ્ખારો ચ ન નિરુજ્ઝતિ.

    Vitakkavicārānaṃ bhaṅgakkhaṇe tesaṃ kāyasaṅkhāro nuppajjati, no ca tesaṃ vacīsaṅkhāro na nirujjhati. Vinā assāsapassāsehi cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati vacīsaṅkhāro ca na nirujjhati.

    (ખ) યસ્સ વા પન વચીસઙ્ખારો ન નિરુજ્ઝતિ તસ્સ કાયસઙ્ખારો નુપ્પજ્જતીતિ?

    (Kha) yassa vā pana vacīsaṅkhāro na nirujjhati tassa kāyasaṅkhāro nuppajjatīti?

    અસ્સાસપસ્સાસાનં ઉપ્પાદક્ખણે તેસં વચીસઙ્ખારો ન નિરુજ્ઝતિ, નો ચ તેસં કાયસઙ્ખારો નુપ્પજ્જતિ. વિના અસ્સાસપસ્સાસેહિ ચિત્તસ્સ ઉપ્પાદક્ખણે વિના વિતક્કવિચારેહિ ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો ચ ન નિરુજ્ઝતિ કાયસઙ્ખારો ચ નુપ્પજ્જતિ.

    Assāsapassāsānaṃ uppādakkhaṇe tesaṃ vacīsaṅkhāro na nirujjhati, no ca tesaṃ kāyasaṅkhāro nuppajjati. Vinā assāsapassāsehi cittassa uppādakkhaṇe vinā vitakkavicārehi cittassa bhaṅgakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca na nirujjhati kāyasaṅkhāro ca nuppajjati.

    (ક) યસ્સ કાયસઙ્ખારો નુપ્પજ્જતિ તસ્સ ચિત્તસઙ્ખારો નિરુજ્ઝતીતિ?

    (Ka) yassa kāyasaṅkhāro nuppajjati tassa cittasaṅkhāro nirujjhatīti?

    સબ્બેસં ચિત્તસ્સ ભઙ્ગક્ખણે તેસં કાયસઙ્ખારો નુપ્પજ્જતિ, નો ચ તેસં ચિત્તસઙ્ખારો ન નિરુજ્ઝતિ. વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો ચ નુપ્પજ્જતિ ચિત્તસઙ્ખારો ચ ન નિરુજ્ઝતિ.

    Sabbesaṃ cittassa bhaṅgakkhaṇe tesaṃ kāyasaṅkhāro nuppajjati, no ca tesaṃ cittasaṅkhāro na nirujjhati. Vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro ca nuppajjati cittasaṅkhāro ca na nirujjhati.

    (ખ) યસ્સ વા પન ચિત્તસઙ્ખારો ન નિરુજ્ઝતિ તસ્સ કાયસઙ્ખારો નુપ્પજ્જતીતિ?

    (Kha) yassa vā pana cittasaṅkhāro na nirujjhati tassa kāyasaṅkhāro nuppajjatīti?

    અસ્સાસપસ્સાસાનં ઉપ્પાદક્ખણે તેસં ચિત્તસઙ્ખારો ન નિરુજ્ઝતિ, નો ચ તેસં કાયસઙ્ખારો નુપ્પજ્જતિ. વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો ચ ન નિરુજ્ઝતિ કાયસઙ્ખારો ચ નુપ્પજ્જતિ.

    Assāsapassāsānaṃ uppādakkhaṇe tesaṃ cittasaṅkhāro na nirujjhati, no ca tesaṃ kāyasaṅkhāro nuppajjati. Vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro ca na nirujjhati kāyasaṅkhāro ca nuppajjati.

    ૧૩૩. (ક) યસ્સ વચીસઙ્ખારો નુપ્પજ્જતિ તસ્સ ચિત્તસઙ્ખારો ન નિરુજ્ઝતીતિ?

    133. (Ka) yassa vacīsaṅkhāro nuppajjati tassa cittasaṅkhāro na nirujjhatīti?

    સબ્બેસં ચિત્તસ્સ ભઙ્ગક્ખણે તેસં વચીસઙ્ખારો નુપ્પજ્જતિ, નો ચ તેસં ચિત્તસઙ્ખારો ન નિરુજ્ઝતિ. વિના વિતક્કવિચારેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો ચ નુપ્પજ્જતિ ચિત્તસઙ્ખારો ચ ન નિરુજ્ઝતિ.

    Sabbesaṃ cittassa bhaṅgakkhaṇe tesaṃ vacīsaṅkhāro nuppajjati, no ca tesaṃ cittasaṅkhāro na nirujjhati. Vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro ca nuppajjati cittasaṅkhāro ca na nirujjhati.

    (ખ) યસ્સ વા પન ચિત્તસઙ્ખારો ન નિરુજ્ઝતિ તસ્સ વચીસઙ્ખારો નુપ્પજ્જતીતિ?

    (Kha) yassa vā pana cittasaṅkhāro na nirujjhati tassa vacīsaṅkhāro nuppajjatīti?

    વિતક્કવિચારાનં ઉપ્પાદક્ખણે તેસં ચિત્તસઙ્ખારો ન નિરુજ્ઝતિ, નો ચ તેસં વચીસઙ્ખારો નુપ્પજ્જતિ. વિના વિતક્કવિચારેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો ચ ન નિરુજ્ઝતિ વચીસઙ્ખારો ચ નુપ્પજ્જતિ.

    Vitakkavicārānaṃ uppādakkhaṇe tesaṃ cittasaṅkhāro na nirujjhati, no ca tesaṃ vacīsaṅkhāro nuppajjati. Vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro ca na nirujjhati vacīsaṅkhāro ca nuppajjati.

    (ઙ) પચ્ચનીકઓકાસો

    (Ṅa) paccanīkaokāso

    ૧૩૪. યત્થ કાયસઙ્ખારો નુપ્પજ્જતિ…પે॰….

    134. Yattha kāyasaṅkhāro nuppajjati…pe….

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૧૩૫. યસ્સ યત્થ કાયસઙ્ખારો નુપ્પજ્જતિ…પે॰….

    135. Yassa yattha kāyasaṅkhāro nuppajjati…pe….

    (યસ્સકમ્પિ યસ્સયત્થકમ્પિ સદિસં, યસ્સયત્થકે નિરોધસમાપન્નાનન્તિ ન લબ્ભતિ).

    (Yassakampi yassayatthakampi sadisaṃ, yassayatthake nirodhasamāpannānanti na labbhati).

    (૨) અતીતવારો

    (2) Atītavāro

    (ક) અનુલોમપુગ્ગલો

    (Ka) anulomapuggalo

    ૧૩૬. યસ્સ કાયસઙ્ખારો ઉપ્પજ્જિત્થ તસ્સ વચીસઙ્ખારો નિરુજ્ઝિત્થાતિ? આમન્તા.

    136. Yassa kāyasaṅkhāro uppajjittha tassa vacīsaṅkhāro nirujjhitthāti? Āmantā.

    (અતીતા પુચ્છા ઉપ્પાદવારેપિ નિરોધવારેપિ ઉપ્પાદનિરોધવારેપિ સદિસં વિત્થારેતબ્બા).

    (Atītā pucchā uppādavārepi nirodhavārepi uppādanirodhavārepi sadisaṃ vitthāretabbā).

    (૩) અનાગતવારો

    (3) Anāgatavāro

    (ક) અનુલોમપુગ્ગલો

    (Ka) anulomapuggalo

    ૧૩૭. (ક) યસ્સ કાયસઙ્ખારો ઉપ્પજ્જિસ્સતિ તસ્સ વચીસઙ્ખારો નિરુજ્ઝિસ્સતીતિ? આમન્તા.

    137. (Ka) yassa kāyasaṅkhāro uppajjissati tassa vacīsaṅkhāro nirujjhissatīti? Āmantā.

    (ખ) યસ્સ વા પન વચીસઙ્ખારો નિરુજ્ઝિસ્સતિ તસ્સ કાયસઙ્ખારો ઉપ્પજ્જિસ્સતીતિ?

    (Kha) yassa vā pana vacīsaṅkhāro nirujjhissati tassa kāyasaṅkhāro uppajjissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં વચીસઙ્ખારો નિરુજ્ઝિસ્સતિ, નો ચ તેસં કાયસઙ્ખારો ઉપ્પજ્જિસ્સતિ . ઇતરેસં તેસં વચીસઙ્ખારો ચ નિરુજ્ઝિસ્સતિ કાયસઙ્ખારો ચ ઉપ્પજ્જિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro uppajjissati . Itaresaṃ tesaṃ vacīsaṅkhāro ca nirujjhissati kāyasaṅkhāro ca uppajjissati.

    (ક) યસ્સ કાયસઙ્ખારો ઉપ્પજ્જિસ્સતિ તસ્સ ચિત્તસઙ્ખારો નિરુજ્ઝિસ્સતીતિ? આમન્તા.

    (Ka) yassa kāyasaṅkhāro uppajjissati tassa cittasaṅkhāro nirujjhissatīti? Āmantā.

    (ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ કાયસઙ્ખારો ઉપ્પજ્જિસ્સતીતિ?

    (Kha) yassa vā pana cittasaṅkhāro nirujjhissati tassa kāyasaṅkhāro uppajjissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં ચિત્તસઙ્ખારો નિરુજ્ઝિસ્સતિ, નો ચ તેસં કાયસઙ્ખારો ઉપ્પજ્જિસ્સતિ. ઇતરેસં તેસં ચિત્તસઙ્ખારો ચ નિરુજ્ઝિસ્સતિ કાયસઙ્ખારો ચ ઉપ્પજ્જિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cittasaṅkhāro nirujjhissati, no ca tesaṃ kāyasaṅkhāro uppajjissati. Itaresaṃ tesaṃ cittasaṅkhāro ca nirujjhissati kāyasaṅkhāro ca uppajjissati.

    ૧૩૮. (ક) યસ્સ વચીસઙ્ખારો ઉપ્પજ્જિસ્સતિ તસ્સ ચિત્તસઙ્ખારો નિરુજ્ઝિસ્સતીતિ? આમન્તા.

    138. (Ka) yassa vacīsaṅkhāro uppajjissati tassa cittasaṅkhāro nirujjhissatīti? Āmantā.

    (ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ વચીસઙ્ખારો ઉપ્પજ્જિસ્સતીતિ?

    (Kha) yassa vā pana cittasaṅkhāro nirujjhissati tassa vacīsaṅkhāro uppajjissatīti?

    પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં ચિત્તસઙ્ખારો નિરુજ્ઝિસ્સતિ, નો ચ તેસં વચીસઙ્ખારો ઉપ્પજ્જિસ્સતિ. ઇતરેસં તેસં ચિત્તસઙ્ખારો ચ નિરુજ્ઝિસ્સતિ વચીસઙ્ખારો ચ ઉપ્પજ્જિસ્સતિ.

    Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ cittasaṅkhāro nirujjhissati, no ca tesaṃ vacīsaṅkhāro uppajjissati. Itaresaṃ tesaṃ cittasaṅkhāro ca nirujjhissati vacīsaṅkhāro ca uppajjissati.

    (ખ) અનુલોમઓકાસો

    (Kha) anulomaokāso

    ૧૩૯. યત્થ કાયસઙ્ખારો ઉપ્પજ્જિસ્સતિ…પે॰….

    139. Yattha kāyasaṅkhāro uppajjissati…pe….

    (ગ) અનુલોમપુગ્ગલોકાસા

    (Ga) anulomapuggalokāsā

    ૧૪૦. (ક) યસ્સ યત્થ કાયસઙ્ખારો ઉપ્પજ્જિસ્સતિ તસ્સ તત્થ વચીસઙ્ખારો નિરુજ્ઝિસ્સતીતિ?

    140. (Ka) yassa yattha kāyasaṅkhāro uppajjissati tassa tattha vacīsaṅkhāro nirujjhissatīti?

    દુતિયજ્ઝાનં તતિયજ્ઝાનં સમાપન્નાનં તેસં તત્થ કાયસઙ્ખારો ઉપ્પજ્જિસ્સતિ, નો ચ તેસં તત્થ વચીસઙ્ખારો નિરુજ્ઝિસ્સતિ. પઠમજ્ઝાનં સમાપન્નાનં કામાવચરાનં તેસં તત્થ કાયસઙ્ખારો ચ ઉપ્પજ્જિસ્સતિ વચીસઙ્ખારો ચ નિરુજ્ઝિસ્સતિ.

    Dutiyajjhānaṃ tatiyajjhānaṃ samāpannānaṃ tesaṃ tattha kāyasaṅkhāro uppajjissati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ tesaṃ tattha kāyasaṅkhāro ca uppajjissati vacīsaṅkhāro ca nirujjhissati.

    (ખ) યસ્સ વા પન યત્થ વચીસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો ઉપ્પજ્જિસ્સતીતિ?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro uppajjissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરાનં અરૂપાવચરાનં તેસં તત્થ વચીસઙ્ખારો નિરુજ્ઝિસ્સતિ, નો ચ તેસં તત્થ કાયસઙ્ખારો ઉપ્પજ્જિસ્સતિ. પઠમજ્ઝાનં સમાપન્નાનં ઇતરેસં કામાવચરાનં તેસં તત્થ વચીસઙ્ખારો ચ નિરુજ્ઝિસ્સતિ કાયસઙ્ખારો ચ ઉપ્પજ્જિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro uppajjissati. Paṭhamajjhānaṃ samāpannānaṃ itaresaṃ kāmāvacarānaṃ tesaṃ tattha vacīsaṅkhāro ca nirujjhissati kāyasaṅkhāro ca uppajjissati.

    (ક) યસ્સ યત્થ કાયસઙ્ખારો ઉપ્પજ્જિસ્સતિ તસ્સ તત્થ ચિત્તસઙ્ખારો નિરુજ્ઝિસ્સતીતિ? આમન્તા.

    (Ka) yassa yattha kāyasaṅkhāro uppajjissati tassa tattha cittasaṅkhāro nirujjhissatīti? Āmantā.

    (ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો ઉપ્પજ્જિસ્સતીતિ?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro uppajjissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ કાયસઙ્ખારો ઉપ્પજ્જિસ્સતિ. પઠમજ્ઝાનં દુતિયજ્ઝાનં તતિયજ્ઝાનં સમાપન્નાનં ઇતરેસં કામાવચરાનં તેસં તત્થ ચિત્તસઙ્ખારો ચ નિરુજ્ઝિસ્સતિ કાયસઙ્ખારો ચ ઉપ્પજ્જિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro uppajjissati. Paṭhamajjhānaṃ dutiyajjhānaṃ tatiyajjhānaṃ samāpannānaṃ itaresaṃ kāmāvacarānaṃ tesaṃ tattha cittasaṅkhāro ca nirujjhissati kāyasaṅkhāro ca uppajjissati.

    ૧૪૧. (ક) યસ્સ યત્થ વચીસઙ્ખારો ઉપ્પજ્જિસ્સતિ તસ્સ તત્થ ચિત્તસઙ્ખારો નિરુજ્ઝિસ્સતીતિ? આમન્તા.

    141. (Ka) yassa yattha vacīsaṅkhāro uppajjissati tassa tattha cittasaṅkhāro nirujjhissatīti? Āmantā.

    (ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ વચીસઙ્ખારો ઉપ્પજ્જિસ્સતીતિ?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro uppajjissatīti?

    પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં ચતુત્થજ્ઝાનં સમાપન્નાનં તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ વચીસઙ્ખારો ઉપ્પજ્જિસ્સતિ. પઠમજ્ઝાનં સમાપન્નાનં કામાવચરાનં ઇતરેસં રૂપાવચરાનં અરૂપાવચરાનં તેસં તત્થ ચિત્તસઙ્ખારો ચ નિરુજ્ઝિસ્સતિ વચીસઙ્ખારો ચ ઉપ્પજ્જિસ્સતિ.

    Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro uppajjissati. Paṭhamajjhānaṃ samāpannānaṃ kāmāvacarānaṃ itaresaṃ rūpāvacarānaṃ arūpāvacarānaṃ tesaṃ tattha cittasaṅkhāro ca nirujjhissati vacīsaṅkhāro ca uppajjissati.

    (ઘ) પચ્ચનીકપુગ્ગલો

    (Gha) paccanīkapuggalo

    ૧૪૨. (ક) યસ્સ કાયસઙ્ખારો નુપ્પજ્જિસ્સતિ તસ્સ વચીસઙ્ખારો ન નિરુજ્ઝિસ્સતીતિ?

    142. (Ka) yassa kāyasaṅkhāro nuppajjissati tassa vacīsaṅkhāro na nirujjhissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં કાયસઙ્ખારો નુપ્પજ્જિસ્સતિ, નો ચ તેસં વચીસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં કાયસઙ્ખારો ચ નુપ્પજ્જિસ્સતિ વચીસઙ્ખારો ચ ન નિરુજ્ઝિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjissati vacīsaṅkhāro ca na nirujjhissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (ક) યસ્સ કાયસઙ્ખારો નુપ્પજ્જિસ્સતિ તસ્સ ચિત્તસઙ્ખારો ન નિરુજ્ઝિસ્સતીતિ?

    (Ka) yassa kāyasaṅkhāro nuppajjissati tassa cittasaṅkhāro na nirujjhissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં કાયસઙ્ખારો નુપ્પજ્જિસ્સતિ, નો ચ તેસં ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે તેસં કાયસઙ્ખારો ચ નુપ્પજ્જિસ્સતિ ચિત્તસઙ્ખારો ચ ન નિરુજ્ઝિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ kāyasaṅkhāro nuppajjissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca nuppajjissati cittasaṅkhāro ca na nirujjhissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    ૧૪૩. (ક) યસ્સ વચીસઙ્ખારો નુપ્પજ્જિસ્સતિ તસ્સ ચિત્તસઙ્ખારો ન નિરુજ્ઝિસ્સતીતિ?

    143. (Ka) yassa vacīsaṅkhāro nuppajjissati tassa cittasaṅkhāro na nirujjhissatīti?

    પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં વચીસઙ્ખારો નુપ્પજ્જિસ્સતિ, નો ચ તેસં ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે તેસં વચીસઙ્ખારો ચ નુપ્પજ્જિસ્સતિ ચિત્તસઙ્ખારો ચ ન નિરુજ્ઝિસ્સતિ.

    Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati tesaṃ vacīsaṅkhāro nuppajjissati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca nuppajjissati cittasaṅkhāro ca na nirujjhissati.

    (ખ) યસ્સ વા પન…પે॰…? આમન્તા.

    (Kha) yassa vā pana…pe…? Āmantā.

    (ઙ) પચ્ચનીકઓકાસો

    (Ṅa) paccanīkaokāso

    ૧૪૪. યત્થ કાયસઙ્ખારો નુપ્પજ્જિસ્સતિ…પે॰….

    144. Yattha kāyasaṅkhāro nuppajjissati…pe….

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૧૪૫. (ક) યસ્સ યત્થ કાયસઙ્ખારો નુપ્પજ્જિસ્સતિ તસ્સ તત્થ વચીસઙ્ખારો ન નિરુજ્ઝિસ્સતીતિ?

    145. (Ka) yassa yattha kāyasaṅkhāro nuppajjissati tassa tattha vacīsaṅkhāro na nirujjhissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરાનં અરૂપાવચરાનં તેસં તત્થ કાયસઙ્ખારો નુપ્પજ્જિસ્સતિ, નો ચ તેસં તત્થ વચીસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જિસ્સતિ વચીસઙ્ખારો ચ ન નિરુજ્ઝિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjissati vacīsaṅkhāro ca na nirujjhissati.

    (ખ) યસ્સ વા પન યત્થ વચીસઙ્ખારો ન નિરુજ્ઝિસ્સતિ તસ્સ તત્થ કાયસઙ્ખારો નુપ્પજ્જિસ્સતીતિ?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro nuppajjissatīti?

    દુતિયજ્ઝાનં તતિયજ્ઝાનં સમાપન્નાનં તેસં તત્થ વચીસઙ્ખારો ન નિરુજ્ઝિસ્સતિ, નો ચ તેસં તત્થ કાયસઙ્ખારો નુપ્પજ્જિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ વચીસઙ્ખારો ચ ન નિરુજ્ઝિસ્સતિ કાયસઙ્ખારો ચ નુપ્પજ્જિસ્સતિ.

    Dutiyajjhānaṃ tatiyajjhānaṃ samāpannānaṃ tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro nuppajjissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca nuppajjissati.

    (ક) યસ્સ યત્થ કાયસઙ્ખારો નુપ્પજ્જિસ્સતિ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

    (Ka) yassa yattha kāyasaṅkhāro nuppajjissati tassa tattha cittasaṅkhāro na nirujjhissatīti?

    કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ કાયસઙ્ખારો નુપ્પજ્જિસ્સતિ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જિસ્સતિ ચિત્તસઙ્ખારો ચ ન નિરુજ્ઝિસ્સતિ.

    Kāmāvacarānaṃ pacchimacittassa uppādakkhaṇe yassa cittassa anantarā kāmāvacarānaṃ pacchimacittaṃ uppajjissati catutthajjhānaṃ samāpannānaṃ rūpāvacarānaṃ arūpāvacarānaṃ tesaṃ tattha kāyasaṅkhāro nuppajjissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca nuppajjissati cittasaṅkhāro ca na nirujjhissati.

    (ખ) યસ્સ વા પન યત્થ…પે॰…? આમન્તા.

    (Kha) yassa vā pana yattha…pe…? Āmantā.

    ૧૪૬. (ક) યસ્સ યત્થ વચીસઙ્ખારો નુપ્પજ્જિસ્સતિ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

    146. (Ka) yassa yattha vacīsaṅkhāro nuppajjissati tassa tattha cittasaṅkhāro na nirujjhissatīti?

    પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં ચતુત્થજ્ઝાનં સમાપન્નાનં તેસં તત્થ વચીસઙ્ખારો નુપ્પજ્જિસ્સતિ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ વચીસઙ્ખારો ચ નુપ્પજ્જિસ્સતિ ચિત્તસઙ્ખારો ચ ન નિરુજ્ઝિસ્સતિ.

    Pacchimacittassa uppādakkhaṇe yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ catutthajjhānaṃ samāpannānaṃ tesaṃ tattha vacīsaṅkhāro nuppajjissati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca nuppajjissati cittasaṅkhāro ca na nirujjhissati.

    (ખ) યસ્સ વા પન યત્થ…પે॰…? આમન્તા.

    (Kha) yassa vā pana yattha…pe…? Āmantā.

    (૪) પચ્ચુપ્પન્નાતીતવારો

    (4) Paccuppannātītavāro

    (ક) અનુલોમપુગ્ગલો

    (Ka) anulomapuggalo

    ૧૪૭. (ક) યસ્સ કાયસઙ્ખારો ઉપ્પજ્જતિ તસ્સ વચીસઙ્ખારો નિરુજ્ઝિત્થાતિ? આમન્તા.

    147. (Ka) yassa kāyasaṅkhāro uppajjati tassa vacīsaṅkhāro nirujjhitthāti? Āmantā.

    (ખ) યસ્સ વા પન વચીસઙ્ખારો નિરુજ્ઝિત્થ તસ્સ કાયસઙ્ખારો ઉપ્પજ્જતીતિ?

    (Kha) yassa vā pana vacīsaṅkhāro nirujjhittha tassa kāyasaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો નિરુજ્ઝિત્થ , નો ચ તેસં કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં વચીસઙ્ખારો ચ નિરુજ્ઝિત્થ કાયસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhittha , no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca nirujjhittha kāyasaṅkhāro ca uppajjati.

    (યથા ઉપ્પાદવારે પચ્ચુપ્પન્નાતીતા પુચ્છા અનુલોમમ્પિ પચ્ચનીકમ્પિ વિભત્તા એવં ઉપ્પાદવારનિરોધવારેપિ પચ્ચુપ્પન્નાતીતા પુચ્છા અનુલોમમ્પિ પચ્ચનીકમ્પિ વિભજિતબ્બા.)

    (Yathā uppādavāre paccuppannātītā pucchā anulomampi paccanīkampi vibhattā evaṃ uppādavāranirodhavārepi paccuppannātītā pucchā anulomampi paccanīkampi vibhajitabbā.)

    (૫) પચ્ચુપ્પન્નાનાગતવારો

    (5) Paccuppannānāgatavāro

    (ક) અનુલોમપુગ્ગલો

    (Ka) anulomapuggalo

    ૧૪૮. (ક) યસ્સ કાયસઙ્ખારો ઉપ્પજ્જતિ તસ્સ વચીસઙ્ખારો નિરુજ્ઝિસ્સતીતિ? આમન્તા.

    148. (Ka) yassa kāyasaṅkhāro uppajjati tassa vacīsaṅkhāro nirujjhissatīti? Āmantā.

    (ખ) યસ્સ વા પન વચીસઙ્ખારો નિરુજ્ઝિસ્સતિ તસ્સ કાયસઙ્ખારો ઉપ્પજ્જતીતિ?

    (Kha) yassa vā pana vacīsaṅkhāro nirujjhissati tassa kāyasaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો નિરુજ્ઝિસ્સતિ, નો ચ તેસં કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં વચીસઙ્ખારો ચ નિરુજ્ઝિસ્સતિ કાયસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ vacīsaṅkhāro ca nirujjhissati kāyasaṅkhāro ca uppajjati.

    (ક) યસ્સ કાયસઙ્ખારો ઉપ્પજ્જતિ તસ્સ ચિત્તસઙ્ખારો નિરુજ્ઝિસ્સતીતિ? આમન્તા.

    (Ka) yassa kāyasaṅkhāro uppajjati tassa cittasaṅkhāro nirujjhissatīti? Āmantā.

    (ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ કાયસઙ્ખારો ઉપ્પજ્જતીતિ?

    (Kha) yassa vā pana cittasaṅkhāro nirujjhissati tassa kāyasaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો નિરુજ્ઝિસ્સતિ, નો ચ તેસં કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં ચિત્તસઙ્ખારો ચ નિરુજ્ઝિસ્સતિ કાયસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ kāyasaṅkhāro uppajjati. Assāsapassāsānaṃ uppādakkhaṇe tesaṃ cittasaṅkhāro ca nirujjhissati kāyasaṅkhāro ca uppajjati.

    ૧૪૯. (ક) યસ્સ વચીસઙ્ખારો ઉપ્પજ્જતિ તસ્સ ચિત્તસઙ્ખારો નિરુજ્ઝિસ્સતીતિ? આમન્તા.

    149. (Ka) yassa vacīsaṅkhāro uppajjati tassa cittasaṅkhāro nirujjhissatīti? Āmantā.

    (ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ વચીસઙ્ખારો ઉપ્પજ્જતીતિ?

    (Kha) yassa vā pana cittasaṅkhāro nirujjhissati tassa vacīsaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો નિરુજ્ઝિસ્સતિ, નો ચ તેસં વચીસઙ્ખારો ઉપ્પજ્જતિ. વિતક્કવિચારાનં ઉપ્પાદક્ખણે તેસં ચિત્તસઙ્ખારો ચ નિરુજ્ઝિસ્સતિ વચીસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ cittasaṅkhāro nirujjhissati, no ca tesaṃ vacīsaṅkhāro uppajjati. Vitakkavicārānaṃ uppādakkhaṇe tesaṃ cittasaṅkhāro ca nirujjhissati vacīsaṅkhāro ca uppajjati.

    (ખ) અનુલોમઓકાસો

    (Kha) anulomaokāso

    ૧૫૦. યત્થ કાયસઙ્ખારો ઉપ્પજ્જતિ…પે॰….

    150. Yattha kāyasaṅkhāro uppajjati…pe….

    (ગ) અનુલોમપુગ્ગલોકાસા

    (Ga) anulomapuggalokāsā

    ૧૫૧. (ક) યસ્સ યત્થ કાયસઙ્ખારો ઉપ્પજ્જતિ તસ્સ તત્થ વચીસઙ્ખારો નિરુજ્ઝિસ્સતીતિ?

    151. (Ka) yassa yattha kāyasaṅkhāro uppajjati tassa tattha vacīsaṅkhāro nirujjhissatīti?

    દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ઉપ્પાદક્ખણે તેસં તત્થ કાયસઙ્ખારો ઉપ્પજ્જતિ, નો ચ તેસં તત્થ વચીસઙ્ખારો નિરુજ્ઝિસ્સતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસં તત્થ કાયસઙ્ખારો ચ ઉપ્પજ્જતિ વચીસઙ્ખારો ચ નિરુજ્ઝિસ્સતિ.

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha kāyasaṅkhāro uppajjati, no ca tesaṃ tattha vacīsaṅkhāro nirujjhissati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha kāyasaṅkhāro ca uppajjati vacīsaṅkhāro ca nirujjhissati.

    (ખ) યસ્સ વા પન યત્થ વચીસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો ઉપ્પજ્જતીતિ?

    (Kha) yassa vā pana yattha vacīsaṅkhāro nirujjhissati tassa tattha kāyasaṅkhāro uppajjatīti?

    પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે રૂપાવચરાનં અરૂપાવચરાનં તેસં તત્થ વચીસઙ્ખારો નિરુજ્ઝિસ્સતિ, નો ચ તેસં તત્થ કાયસઙ્ખારો ઉપ્પજ્જતિ. પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ઉપ્પાદક્ખણે તેસં તત્થ વચીસઙ્ખારો ચ નિરુજ્ઝિસ્સતિ કાયસઙ્ખારો ચ ઉપ્પજ્જતિ.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha vacīsaṅkhāro nirujjhissati, no ca tesaṃ tattha kāyasaṅkhāro uppajjati. Paṭhamajjhānaṃ samāpannānaṃ kāmāvacarānaṃ assāsapassāsānaṃ uppādakkhaṇe tesaṃ tattha vacīsaṅkhāro ca nirujjhissati kāyasaṅkhāro ca uppajjati.

    (ક) યસ્સ યત્થ કાયસઙ્ખારો ઉપ્પજ્જતિ તસ્સ તત્થ ચિત્તસઙ્ખારો નિરુજ્ઝિસ્સતીતિ? આમન્તા.

    (Ka) yassa yattha kāyasaṅkhāro uppajjati tassa tattha cittasaṅkhāro nirujjhissatīti? Āmantā.

    (ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો ઉપ્પજ્જતીતિ?

    (Kha) yassa vā pana yattha cittasaṅkhāro nirujjhissati tassa tattha kāyasaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ કાયસઙ્ખારો ઉપ્પજ્જતિ. અસ્સાસપસ્સાસાનં ઉપ્પાદક્ખણે તેસં તત્થ ચિત્તસઙ્ખારો ચ નિરુજ્ઝિસ્સતિ કાયસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha cittasaṅkhāro nirujjhissati, no ca tesaṃ tattha kāyasaṅkhāro uppajjati. Assāsapassāsānaṃ uppādakkhaṇe tesaṃ tattha cittasaṅkhāro ca nirujjhissati kāyasaṅkhāro ca uppajjati.

    ૧૫૨. (ક) યસ્સ યત્થ વચીસઙ્ખારો ઉપ્પજ્જતિ તસ્સ તત્થ ચિત્તસઙ્ખારો નિરુજ્ઝિસ્સતીતિ? આમન્તા.

    152. (Ka) yassa yattha vacīsaṅkhāro uppajjati tassa tattha cittasaṅkhāro nirujjhissatīti? Āmantā.

    (ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ વચીસઙ્ખારો ઉપ્પજ્જતીતિ?

    (Kha) yassa vā pana yattha cittasaṅkhāro nirujjhissati tassa tattha vacīsaṅkhāro uppajjatīti?

    સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ વચીસઙ્ખારો ઉપ્પજ્જતિ. વિતક્કવિચારાનં ઉપ્પાદક્ખણે તેસં તત્થ ચિત્તસઙ્ખારો ચ નિરુજ્ઝિસ્સતિ વચીસઙ્ખારો ચ ઉપ્પજ્જતિ.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha cittasaṅkhāro nirujjhissati, no ca tesaṃ tattha vacīsaṅkhāro uppajjati. Vitakkavicārānaṃ uppādakkhaṇe tesaṃ tattha cittasaṅkhāro ca nirujjhissati vacīsaṅkhāro ca uppajjati.

    (ઘ) પચ્ચનીકપુગ્ગલો

    (Gha) paccanīkapuggalo

    ૧૫૩. (ક) યસ્સ કાયસઙ્ખારો નુપ્પજ્જતિ તસ્સ વચીસઙ્ખારો ન નિરુજ્ઝિસ્સતીતિ?

    153. (Ka) yassa kāyasaṅkhāro nuppajjati tassa vacīsaṅkhāro na nirujjhissatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો નુપ્પજ્જતિ, નો ચ તેસં વચીસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં કાયસઙ્ખારો ચ નુપ્પજ્જતિ વચીસઙ્ખારો ચ ન નિરુજ્ઝિસ્સતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro ca nuppajjati vacīsaṅkhāro ca na nirujjhissati.

    (ખ) યસ્સ વા પન વચીસઙ્ખારો ન નિરુજ્ઝિસ્સતિ તસ્સ કાયસઙ્ખારો નુપ્પજ્જતીતિ? આમન્તા.

    (Kha) yassa vā pana vacīsaṅkhāro na nirujjhissati tassa kāyasaṅkhāro nuppajjatīti? Āmantā.

    (ક) યસ્સ કાયસઙ્ખારો નુપ્પજ્જતિ તસ્સ ચિત્તસઙ્ખારો ન નિરુજ્ઝિસ્સતીતિ?

    (Ka) yassa kāyasaṅkhāro nuppajjati tassa cittasaṅkhāro na nirujjhissatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો નુપ્પજ્જતિ, નો ચ તેસં ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે તેસં કાયસઙ્ખારો ચ નુપ્પજ્જતિ ચિત્તસઙ્ખારો ચ ન નિરુજ્ઝિસ્સતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe nirodhasamāpannānaṃ asaññasattānaṃ tesaṃ kāyasaṅkhāro nuppajjati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ kāyasaṅkhāro ca nuppajjati cittasaṅkhāro ca na nirujjhissati.

    (ખ) યસ્સ વા પન ચિત્તસઙ્ખારો ન નિરુજ્ઝિસ્સતિ તસ્સ કાયસઙ્ખારો નુપ્પજ્જતીતિ? આમન્તા.

    (Kha) yassa vā pana cittasaṅkhāro na nirujjhissati tassa kāyasaṅkhāro nuppajjatīti? Āmantā.

    ૧૫૪. (ક) યસ્સ વચીસઙ્ખારો નુપ્પજ્જતિ તસ્સ ચિત્તસઙ્ખારો ન નિરુજ્ઝિસ્સતીતિ?

    154. (Ka) yassa vacīsaṅkhāro nuppajjati tassa cittasaṅkhāro na nirujjhissatīti?

    સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો નુપ્પજ્જતિ, નો ચ તેસં ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે તેસં વચીસઙ્ખારો ચ નુપ્પજ્જતિ ચિત્તસઙ્ખારો ચ ન નિરુજ્ઝિસ્સતિ.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe nirodhasamāpannānaṃ asaññasattānaṃ tesaṃ vacīsaṅkhāro nuppajjati, no ca tesaṃ cittasaṅkhāro na nirujjhissati. Pacchimacittassa bhaṅgakkhaṇe tesaṃ vacīsaṅkhāro ca nuppajjati cittasaṅkhāro ca na nirujjhissati.

    (ખ) યસ્સ વા પન ચિત્તસઙ્ખારો ન નિરુજ્ઝિસ્સતિ તસ્સ વચીસઙ્ખારો નુપ્પજ્જતીતિ? આમન્તા.

    (Kha) yassa vā pana cittasaṅkhāro na nirujjhissati tassa vacīsaṅkhāro nuppajjatīti? Āmantā.

    (ઙ) પચ્ચનીકઓકાસો

    (Ṅa) paccanīkaokāso

    ૧૫૫. યત્થ કાયસઙ્ખારો નુપ્પજ્જતિ…પે॰….

    155. Yattha kāyasaṅkhāro nuppajjati…pe….

    (ચ) પચ્ચનીકપુગ્ગલોકાસા

    (Ca) paccanīkapuggalokāsā

    ૧૫૬. (ક) યસ્સ યત્થ કાયસઙ્ખારો નુપ્પજ્જતિ તસ્સ તત્થ વચીસઙ્ખારો ન નિરુજ્ઝિસ્સતીતિ?

    156. (Ka) yassa yattha kāyasaṅkhāro nuppajjati tassa tattha vacīsaṅkhāro na nirujjhissatīti?

    પઠમજ્ઝાનં સમાપન્નાનં કામાવચરાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે રૂપાવચરાનં અરૂપાવચરાનં તેસં તત્થ કાયસઙ્ખારો નુપ્પજ્જતિ, નો ચ તેસં તત્થ વચીસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જતિ વચીસઙ્ખારો ચ ન નિરુજ્ઝિસ્સતિ.

    Paṭhamajjhānaṃ samāpannānaṃ kāmāvacarānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe rūpāvacarānaṃ arūpāvacarānaṃ tesaṃ tattha kāyasaṅkhāro nuppajjati, no ca tesaṃ tattha vacīsaṅkhāro na nirujjhissati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha kāyasaṅkhāro ca nuppajjati vacīsaṅkhāro ca na nirujjhissati.

    (ખ) યસ્સ વા પન યત્થ વચીસઙ્ખારો ન નિરુજ્ઝિસ્સતિ તસ્સ તત્થ કાયસઙ્ખારો નુપ્પજ્જતીતિ?

    (Kha) yassa vā pana yattha vacīsaṅkhāro na nirujjhissati tassa tattha kāyasaṅkhāro nuppajjatīti?

    દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ઉપ્પાદક્ખણે તેસં તત્થ વચીસઙ્ખારો ન નિરુજ્ઝિસ્સતિ, નો ચ તેસં તત્થ કાયસઙ્ખારો નુપ્પજ્જતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં સમાપન્નાનં અસ્સાસપસ્સાસાનં ભઙ્ગક્ખણે તેસંયેવ વિના અસ્સાસપસ્સાસેહિ ચિત્તસ્સ ઉપ્પાદક્ખણે ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ વચીસઙ્ખારો ચ ન નિરુજ્ઝિસ્સતિ કાયસઙ્ખારો ચ નુપ્પજ્જતિ.

    Dutiyajjhānaṃ tatiyajjhānaṃ samāpannānaṃ assāsapassāsānaṃ uppādakkhaṇe tesaṃ tattha vacīsaṅkhāro na nirujjhissati, no ca tesaṃ tattha kāyasaṅkhāro nuppajjati. Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati dutiyajjhānaṃ tatiyajjhānaṃ samāpannānaṃ assāsapassāsānaṃ bhaṅgakkhaṇe tesaṃyeva vinā assāsapassāsehi cittassa uppādakkhaṇe catutthajjhānaṃ samāpannānaṃ asaññasattānaṃ tesaṃ tattha vacīsaṅkhāro ca na nirujjhissati kāyasaṅkhāro ca nuppajjati.

    (ક) યસ્સ યત્થ કાયસઙ્ખારો નુપ્પજ્જતિ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

    (Ka) yassa yattha kāyasaṅkhāro nuppajjati tassa tattha cittasaṅkhāro na nirujjhissatīti?

    સબ્બેસં ચિત્તસ્સ ભઙ્ગક્ખણે વિના અસ્સાસપસ્સાસેહિ ચિત્તસ્સ ઉપ્પાદક્ખણે તેસં તત્થ કાયસઙ્ખારો નુપ્પજ્જતિ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ કાયસઙ્ખારો ચ નુપ્પજ્જતિ ચિત્તસઙ્ખારો ચ ન નિરુજ્ઝિસ્સતિ.

    Sabbesaṃ cittassa bhaṅgakkhaṇe vinā assāsapassāsehi cittassa uppādakkhaṇe tesaṃ tattha kāyasaṅkhāro nuppajjati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha kāyasaṅkhāro ca nuppajjati cittasaṅkhāro ca na nirujjhissati.

    (ખ) યસ્સ વા પન યત્થ ચિત્તસઙ્ખારો ન નિરુજ્ઝિસ્સતિ તસ્સ તત્થ કાયસઙ્ખારો નુપ્પજ્જતીતિ? આમન્તા.

    (Kha) yassa vā pana yattha cittasaṅkhāro na nirujjhissati tassa tattha kāyasaṅkhāro nuppajjatīti? Āmantā.

    ૧૫૭. (ક) યસ્સ યત્થ વચીસઙ્ખારો નુપ્પજ્જતિ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

    157. (Ka) yassa yattha vacīsaṅkhāro nuppajjati tassa tattha cittasaṅkhāro na nirujjhissatīti?

    સબ્બેસં ચિત્તસ્સ ભઙ્ગક્ખણે વિના વિતક્કવિચારેહિ ચિત્તસ્સ ઉપ્પાદક્ખણે તેસં તત્થ વચીસઙ્ખારો નુપ્પજ્જતિ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ વચીસઙ્ખારો ચ નુપ્પજ્જતિ ચિત્તસઙ્ખારો ચ ન નિરુજ્ઝિસ્સતિ.

    Sabbesaṃ cittassa bhaṅgakkhaṇe vinā vitakkavicārehi cittassa uppādakkhaṇe tesaṃ tattha vacīsaṅkhāro nuppajjati, no ca tesaṃ tattha cittasaṅkhāro na nirujjhissati. Pacchimacittassa bhaṅgakkhaṇe asaññasattānaṃ tesaṃ tattha vacīsaṅkhāro ca nuppajjati cittasaṅkhāro ca na nirujjhissati.

    (ખ) યસ્સ વા પન યત્થ ચિત્તસઙ્ખારો ન નિરુજ્ઝિસ્સતિ તસ્સ તત્થ વચીસઙ્ખારો નુપ્પજ્જતીતિ? આમન્તા.

    (Kha) yassa vā pana yattha cittasaṅkhāro na nirujjhissati tassa tattha vacīsaṅkhāro nuppajjatīti? Āmantā.

    (૬) અતીતાનાગતવારો

    (6) Atītānāgatavāro

    (ક) અનુલોમપુગ્ગલો

    (Ka) anulomapuggalo

    ૧૫૮. (ક) યસ્સ કાયસઙ્ખારો ઉપ્પજ્જિત્થ તસ્સ વચીસઙ્ખારો નિરુજ્ઝિસ્સતીતિ?

    158. (Ka) yassa kāyasaṅkhāro uppajjittha tassa vacīsaṅkhāro nirujjhissatīti?

    સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં કાયસઙ્ખારો ઉપ્પજ્જિત્થ, નો ચ તેસં વચીસઙ્ખારો નિરુજ્ઝિસ્સતિ. ઇતરેસં તેસં કાયસઙ્ખારો ચ ઉપ્પજ્જિત્થ વચીસઙ્ખારો ચ નિરુજ્ઝિસ્સતિ.

    Savitakkasavicārapacchimacittassa bhaṅgakkhaṇe avitakkaavicārapacchimacittasamaṅgīnaṃ yassa cittassa anantarā avitakkaavicāraṃ pacchimacittaṃ uppajjissati tesaṃ kāyasaṅkhāro uppajjittha, no ca tesaṃ vacīsaṅkhāro nirujjhissati. Itaresaṃ tesaṃ kāyasaṅkhāro ca uppajjittha vacīsaṅkhāro ca nirujjhissati.

    (ખ) યસ્સ વા પન વચીસઙ્ખારો નિરુજ્ઝિસ્સતિ તસ્સ કાયસઙ્ખારો ઉપ્પજ્જિત્થાતિ? આમન્તા.

    (Kha) yassa vā pana vacīsaṅkhāro nirujjhissati tassa kāyasaṅkhāro uppajjitthāti? Āmantā.

    (ક) યસ્સ કાયસઙ્ખારો ઉપ્પજ્જિત્થ તસ્સ ચિત્તસઙ્ખારો નિરુજ્ઝિસ્સતીતિ?

    (Ka) yassa kāyasaṅkhāro uppajjittha tassa cittasaṅkhāro nirujjhissatīti?

    પચ્છિમચિત્તસ્સ ભઙ્ગક્ખણે તેસં કાયસઙ્ખારો ઉપ્પજ્જિત્થ, નો ચ તેસં ચિત્તસઙ્ખારો નિરુજ્ઝિસ્સતિ. ઇતરેસં તેસં કાયસઙ્ખારો ચ ઉપ્પજ્જિત્થ ચિત્તસઙ્ખારો ચ નિરુજ્ઝિસ્સતિ.

    Pacchimacittassa bhaṅgakkhaṇe tesaṃ kāyasaṅkhāro uppajjittha, no ca tesaṃ cittasaṅkhāro nirujjhissati. Itaresaṃ tesaṃ kāyasaṅkhāro ca uppajjittha cittasaṅkhāro ca nirujjhissati.

    (ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ કાયસઙ્ખારો ઉપ્પજ્જિત્થાતિ? આમન્તા.

    (Kha) yassa vā pana cittasaṅkhāro nirujjhissati tassa kāyasaṅkhāro uppajjitthāti? Āmantā.

    (યથા નિરોધવારે અતીતાનાગતા પુચ્છા અનુલોમમ્પિ પચ્ચનીકમ્પિ એવં ઉપ્પાદનિરોધવારેપિ અતીતાનાગતા પુચ્છા અનુલોમમ્પિ પચ્ચનીકમ્પિ વિભજિતબ્બં અસમ્મોહન્તેન નિરોધવારેન સદિસં, નત્થિ નાનાકરણં.)

    (Yathā nirodhavāre atītānāgatā pucchā anulomampi paccanīkampi evaṃ uppādanirodhavārepi atītānāgatā pucchā anulomampi paccanīkampi vibhajitabbaṃ asammohantena nirodhavārena sadisaṃ, natthi nānākaraṇaṃ.)

    ઉપ્પાદનિરોધવારો.

    Uppādanirodhavāro.

    ૩. પરિઞ્ઞાવારો

    3. Pariññāvāro

    ૧-૬. પચ્ચુપ્પન્નવારાદિ

    1-6. Paccuppannavārādi

    ૧૫૯. (ક) યો કાયસઙ્ખારં પરિજાનાતિ સો વચીસઙ્ખારં પરિજાનાતીતિ? આમન્તા.

    159. (Ka) yo kāyasaṅkhāraṃ parijānāti so vacīsaṅkhāraṃ parijānātīti? Āmantā.

    (ખ) યો વા પન વચીસઙ્ખારં પરિજાનાતિ સો કાયસઙ્ખારં પરિજાનાતીતિ? આમન્તા.

    (Kha) yo vā pana vacīsaṅkhāraṃ parijānāti so kāyasaṅkhāraṃ parijānātīti? Āmantā.

    (યથા ખન્ધયમકે પરિઞ્ઞાવારં વિભત્તં એવં સઙ્ખારયમકેપિ પરિઞ્ઞાવારં વિભજિતબ્બં.)

    (Yathā khandhayamake pariññāvāraṃ vibhattaṃ evaṃ saṅkhārayamakepi pariññāvāraṃ vibhajitabbaṃ.)

    પરિઞ્ઞાવારો.

    Pariññāvāro.

    સઙ્ખારયમકં નિટ્ઠિતં.

    Saṅkhārayamakaṃ niṭṭhitaṃ.

    નમો તસ્સ ભગવતો અરહતો સમ્માસમ્બુદ્ધસ્સ

    Namo tassa bhagavato arahato sammāsambuddhassa




    Next: ૭. અનુસયયમકં • 7. Anusayayamakaṃ




    Footnotes:
    1. અવસેસા સઙ્ખારા સઙ્ખારા (સી॰ સ્યા॰ કં॰)
    2. avasesā saṅkhārā saṅkhārā (sī. syā. kaṃ.)



    Related texts:



    અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૬. સઙ્ખારયમકં • 6. Saṅkhārayamakaṃ

    ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā
    ૬. સઙ્ખારયમકં • 6. Saṅkhārayamakaṃ
    ૭. અનુસયયમકં • 7. Anusayayamakaṃ

    ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā
    ૬. સઙ્ખારયમકં • 6. Saṅkhārayamakaṃ
    ૭. અનુસયયમકં • 7. Anusayayamakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact