| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
4. ஸஞ்ஞாஸுத்தங்
4. Saññāsuttaṃ
110. ‘‘தயோமே , பி⁴க்க²வே, த⁴ம்மா. கதமே தயோ? காமஸஞ்ஞா, ப்³யாபாத³ஸஞ்ஞா, விஹிங்ஸாஸஞ்ஞா. இமே கோ², பி⁴க்க²வே, தயோ த⁴ம்மா. இமேஸங் கோ², பி⁴க்க²வே, திண்ணங் த⁴ம்மானங் பஹானாய தயோ த⁴ம்மா பா⁴வேதப்³பா³. கதமே தயோ? காமஸஞ்ஞாய பஹானாய நெக்க²ம்மஸஞ்ஞா பா⁴வேதப்³பா³, ப்³யாபாத³ஸஞ்ஞாய பஹானாய அப்³யாபாத³ஸஞ்ஞா பா⁴வேதப்³பா³, விஹிங்ஸாஸஞ்ஞாய பஹானாய அவிஹிங்ஸாஸஞ்ஞா பா⁴வேதப்³பா³. இமேஸங் கோ², பி⁴க்க²வே, திண்ணங் த⁴ம்மானங் பஹானாய இமே தயோ த⁴ம்மா பா⁴வேதப்³பா³’’தி. சதுத்த²ங்.
110. ‘‘Tayome , bhikkhave, dhammā. Katame tayo? Kāmasaññā, byāpādasaññā, vihiṃsāsaññā. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Kāmasaññāya pahānāya nekkhammasaññā bhāvetabbā, byāpādasaññāya pahānāya abyāpādasaññā bhāvetabbā, vihiṃsāsaññāya pahānāya avihiṃsāsaññā bhāvetabbā. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Catutthaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-11. பாதுபா⁴வஸுத்தாதி³வண்ணனா • 1-11. Pātubhāvasuttādivaṇṇanā
