| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
7. ஸஞ்ஞாஸுத்தங்
7. Saññāsuttaṃ
27. ‘‘ஸத்த வோ, பி⁴க்க²வே, அபரிஹானியே த⁴ம்மே தே³ஸெஸ்ஸாமி. தங் ஸுணாத², ஸாது⁴கங் மனஸி கரோத²…பே॰…. கதமே ச, பி⁴க்க²வே, ஸத்த அபரிஹானியா த⁴ம்மா? யாவகீவஞ்ச, பி⁴க்க²வே, பி⁴க்கூ² அனிச்சஸஞ்ஞங் பா⁴வெஸ்ஸந்தி; வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானி.
27. ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe…. Katame ca, bhikkhave, satta aparihāniyā dhammā? Yāvakīvañca, bhikkhave, bhikkhū aniccasaññaṃ bhāvessanti; vuddhiyeva, bhikkhave, bhikkhūnaṃ pāṭikaṅkhā, no parihāni.
‘‘யாவகீவஞ்ச , பி⁴க்க²வே, பி⁴க்கூ² அனத்தஸஞ்ஞங் பா⁴வெஸ்ஸந்தி…பே॰… அஸுப⁴ஸஞ்ஞங் பா⁴வெஸ்ஸந்தி… ஆதீ³னவஸஞ்ஞங் பா⁴வெஸ்ஸந்தி… பஹானஸஞ்ஞங் பா⁴வெஸ்ஸந்தி… விராக³ஸஞ்ஞங் பா⁴வெஸ்ஸந்தி… நிரோத⁴ஸஞ்ஞங் பா⁴வெஸ்ஸந்தி ; வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானி. ‘‘யாவகீவஞ்ச, பி⁴க்க²வே, இமே ஸத்த அபரிஹானியா த⁴ம்மா பி⁴க்கூ²ஸு ட²ஸ்ஸந்தி, இமேஸு ச ஸத்தஸு அபரிஹானியேஸு த⁴ம்மேஸு, பி⁴க்கூ² ஸந்தி³ஸ்ஸிஸ்ஸந்தி; வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானீ’’தி 1. ஸத்தமங்.
‘‘Yāvakīvañca , bhikkhave, bhikkhū anattasaññaṃ bhāvessanti…pe… asubhasaññaṃ bhāvessanti… ādīnavasaññaṃ bhāvessanti… pahānasaññaṃ bhāvessanti… virāgasaññaṃ bhāvessanti… nirodhasaññaṃ bhāvessanti ; vuddhiyeva, bhikkhave, bhikkhūnaṃ pāṭikaṅkhā, no parihāni. ‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu, bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti 2. Sattamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. ஸஞ்ஞாஸுத்தவண்ணனா • 7. Saññāsuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7-11. ஸஞ்ஞாஸுத்தாதி³வண்ணனா • 7-11. Saññāsuttādivaṇṇanā
