| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૩. સઞ્ઞોજનકથાવણ્ણના
3. Saññojanakathāvaṇṇanā
૮૮૧-૮૮૨. ઇદાનિ સઞ્ઞોજનકથા નામ હોતિ. તત્થ યસ્મા અરહા સબ્બં બુદ્ધવિસયં ન જાનાતિ, તસ્મા તસ્સ તત્થ અવિજ્જાવિચિકિચ્છાહિ અપ્પહીનાહિ ભવિતબ્બન્તિ સઞ્ઞાય ‘‘અત્થિ કિઞ્ચિ સઞ્ઞોજનં અપ્પહાય અરહત્તપ્પત્તી’’તિ યેસં લદ્ધિ, સેય્યથાપિ મહાસઙ્ઘિકાનં, તે સન્ધાય પુચ્છા સકવાદિસ્સ, પટિઞ્ઞા ઇતરસ્સ. અત્થિ કિઞ્ચિ સક્કાયદિટ્ઠીતિઆદિ અરહતો સબ્બસંયોજનપ્પહાનદસ્સનત્થં વુત્તં. સબ્બં બુદ્ધવિસયન્તિ પઞ્હદ્વયે અરહતો સબ્બઞ્ઞુતઞ્ઞાણાભાવેન પટિસેધો કતો, ન અવિજ્જાવિચિકિચ્છાનં અપ્પહાનેન. ઇતરો પન તેસં અપ્પહીનતં સન્ધાય તેન હીતિ લદ્ધિં પતિટ્ઠપેતિ. સા અયોનિસો પતિટ્ઠાપિતત્તા અપ્પતિટ્ઠિતાવ હોતીતિ.
881-882. Idāni saññojanakathā nāma hoti. Tattha yasmā arahā sabbaṃ buddhavisayaṃ na jānāti, tasmā tassa tattha avijjāvicikicchāhi appahīnāhi bhavitabbanti saññāya ‘‘atthi kiñci saññojanaṃ appahāya arahattappattī’’ti yesaṃ laddhi, seyyathāpi mahāsaṅghikānaṃ, te sandhāya pucchā sakavādissa, paṭiññā itarassa. Atthi kiñci sakkāyadiṭṭhītiādi arahato sabbasaṃyojanappahānadassanatthaṃ vuttaṃ. Sabbaṃ buddhavisayanti pañhadvaye arahato sabbaññutaññāṇābhāvena paṭisedho kato, na avijjāvicikicchānaṃ appahānena. Itaro pana tesaṃ appahīnataṃ sandhāya tena hīti laddhiṃ patiṭṭhapeti. Sā ayoniso patiṭṭhāpitattā appatiṭṭhitāva hotīti.
સઞ્ઞોજનકથાવણ્ણના.
Saññojanakathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૨૦૨) ૩. સંયોજનકથા • (202) 3. Saṃyojanakathā
