| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. ஸரத³ஸுத்தங்
3. Saradasuttaṃ
95. ‘‘ஸெய்யதா²பி, பி⁴க்க²வே, ஸரத³ஸமயே வித்³தே⁴ விக³தவலாஹகே தே³வே ஆதி³ச்சோ நப⁴ங் அப்³பு⁴ஸ்ஸக்கமானோ 1 ஸப்³ப³ங் ஆகாஸக³தங் தமக³தங் அபி⁴விஹச்ச பா⁴ஸதே ச தபதே ச விரோசதி ச.
95. ‘‘Seyyathāpi, bhikkhave, saradasamaye viddhe vigatavalāhake deve ādicco nabhaṃ abbhussakkamāno 2 sabbaṃ ākāsagataṃ tamagataṃ abhivihacca bhāsate ca tapate ca virocati ca.
‘‘ஏவமேவங் கோ², பி⁴க்க²வே, யதோ அரியஸாவகஸ்ஸ விரஜங் வீதமலங் த⁴ம்மசக்கு²ங் உப்பஜ்ஜதி 3, ஸஹ த³ஸ்ஸனுப்பாதா³, பி⁴க்க²வே, அரியஸாவகஸ்ஸ தீணி ஸங்யோஜனானி பஹீயந்தி – ஸக்காயதி³ட்டி², விசிகிச்சா², ஸீலப்³ப³தபராமாஸோ.
‘‘Evamevaṃ kho, bhikkhave, yato ariyasāvakassa virajaṃ vītamalaṃ dhammacakkhuṃ uppajjati 4, saha dassanuppādā, bhikkhave, ariyasāvakassa tīṇi saṃyojanāni pahīyanti – sakkāyadiṭṭhi, vicikicchā, sīlabbataparāmāso.
‘‘அதா²பரங் த்³வீஹி த⁴ம்மேஹி நிய்யாதி அபி⁴ஜ்ஜா²ய ச ப்³யாபாதே³ன ச. ஸோ விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி. தஸ்மிங் சே, பி⁴க்க²வே, ஸமயே அரியஸாவகோ காலங் கரெய்ய, நத்தி² தங் 5 ஸங்யோஜனங் யேன ஸங்யோஜனேன ஸங்யுத்தோ அரியஸாவகோ புன இமங் 6 லோகங் ஆக³ச்செ²ய்யா’’தி. ததியங்.
‘‘Athāparaṃ dvīhi dhammehi niyyāti abhijjhāya ca byāpādena ca. So vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Tasmiṃ ce, bhikkhave, samaye ariyasāvako kālaṃ kareyya, natthi taṃ 7 saṃyojanaṃ yena saṃyojanena saṃyutto ariyasāvako puna imaṃ 8 lokaṃ āgaccheyyā’’ti. Tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. ஸரத³ஸுத்தவண்ணனா • 3. Saradasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3. ஸரத³ஸுத்தவண்ணனா • 3. Saradasuttavaṇṇanā
