| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. ஸாரிபுத்தஸுத்தவண்ணனா
3. Sāriputtasuttavaṇṇanā
3. ஸாவகபோ³தி⁴ ஸாவகபாரமியோ, தப்பரியாபன்னங் ஞாணங் ஸாவகபாரமிஞாணங், தங் பன த்³வின்னங் அக்³க³ஸாவகானங் தத்த²பி த⁴ம்மஸேனாபதினோ ஏவ ஸவிஸேஸங் மத்த²கங் பத்தங், ந இதரேஸந்தி ஆஹ – ‘‘ஸாவக…பே॰… அப்பத்ததாயா’’தி. தஸ்மா தஸ்ஸ மத்த²கப்பத்தியா மக்³க³ப்³ரஹ்மசரியே இஜ்ஜ²ந்தே தஸ்ஸ ஏகதே³ஸோ இத⁴ இஜ்ஜ²தி, ந ஸகலந்தி. ந ஹி அத்³த⁴ப்³ரஹ்மசரியங் நாம அத்தி², தஸ்மா வுத்தங், ‘‘ஸகலம்பி …பே॰… லப்³ப⁴தீ’’தி, தங் பன ப⁴ண்டா³கா³ரிகோ நாஞ்ஞாஸி ஞாணஸ்ஸ ஸாவகவிஸயேபி ஸப்பதே³ஸிகத்தா, த⁴ம்மஸேனாபதி பன ஞாணஸ்ஸ தத்த² நிப்பதே³ஸிகத்தா அஞ்ஞாஸீதி. தேனாஹ – ‘‘ஆனந்த³த்தே²ரோ…பே॰… அஞ்ஞாஸீ’’தி. ஏவமாஹாதி ‘‘ஸகலமித³ங், ப⁴ந்தே’’தி ஏவங் அவோச.
3. Sāvakabodhi sāvakapāramiyo, tappariyāpannaṃ ñāṇaṃ sāvakapāramiñāṇaṃ, taṃ pana dvinnaṃ aggasāvakānaṃ tatthapi dhammasenāpatino eva savisesaṃ matthakaṃ pattaṃ, na itaresanti āha – ‘‘sāvaka…pe… appattatāyā’’ti. Tasmā tassa matthakappattiyā maggabrahmacariye ijjhante tassa ekadeso idha ijjhati, na sakalanti. Na hi addhabrahmacariyaṃ nāma atthi, tasmā vuttaṃ, ‘‘sakalampi…pe… labbhatī’’ti, taṃ pana bhaṇḍāgāriko nāññāsi ñāṇassa sāvakavisayepi sappadesikattā, dhammasenāpati pana ñāṇassa tattha nippadesikattā aññāsīti. Tenāha – ‘‘ānandatthero…pe… aññāsī’’ti. Evamāhāti ‘‘sakalamidaṃ, bhante’’ti evaṃ avoca.
ஸாரிபுத்தஸுத்தவண்ணனா நிட்டி²தா.
Sāriputtasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. ஸாரிபுத்தஸுத்தங் • 3. Sāriputtasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. ஸாரிபுத்தஸுத்தவண்ணனா • 3. Sāriputtasuttavaṇṇanā
