| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૫. સત્તક્ખત્તુપરમકથાવણ્ણના
5. Sattakkhattuparamakathāvaṇṇanā
૬૪૧-૬૪૫. અસ્સાતિ ઇમસ્સ સત્તક્ખત્તુપરમસ્સ. તેનાહ ‘‘સત્તક્ખત્તુપરમભાવે ચ નિયામં ઇચ્છસી’’તિ. યેન આનન્તરિયકમ્મેન. અન્તરાતિ સત્ત ભવે અનિબ્બત્તેત્વા તેસં અન્તરેયેવ. કેચીતિ અભયગિરિવાસિનો. અપરેતિ પદકારા. તસ્સાતિ યો સત્તક્ખત્તુપરમોતિ વા, કોલંકોલોતિ વા, એકબીજીતિ વા ભગવતા ઞાણેન પરિચ્છિન્દિત્વા બ્યાકતો, તસ્સ યથાવુત્તપરિચ્છેદા અન્તરા ઉપરિમગ્ગાધિગમો નત્થિ અવિતથદેસનત્તા. યથાપરિચ્છેદમેવ તસ્સ અભિસમયો, સ્વાયં વિભાગો તેસંયેવ પુગ્ગલાનં ઇન્દ્રિયપરોપરિયત્તેન વેદિતબ્બો ભવનિયામેન તાદિસસ્સ કસ્સચિ અભાવતો. યસ્મા કસ્સચિ મુદુકાનિપિ ઇન્દ્રિયાનિ પચ્ચયવિસેસેન તિક્ખભાવં આપજ્જેય્યું, તસ્મા તાદિસં સન્ધાય ‘‘ભબ્બોતિ વુચ્ચતિ, ન સો અભબ્બો નામા’’તિ ચ વુત્તં. યસ્મા પન ભગવા ન તાદિસં ‘‘સત્તક્ખત્તુપરમો’’તિઆદિના નિયમેત્વા બ્યાકરોતિ, તસ્મા આહ ‘‘ન પન અન્તરા અભિસમેતું ભબ્બતા વુત્તા’’તિ. અયઞ્ચ નયો એકન્તેન ઇચ્છિતબ્બો. અઞ્ઞથા પુગ્ગલસ્સ સઙ્કરો સિયાતિ દસ્સેન્તો ‘‘યદિ ચા’’તિઆદિમાહ.
641-645. Assāti imassa sattakkhattuparamassa. Tenāha ‘‘sattakkhattuparamabhāve ca niyāmaṃ icchasī’’ti. Yena ānantariyakammena. Antarāti satta bhave anibbattetvā tesaṃ antareyeva. Kecīti abhayagirivāsino. Apareti padakārā. Tassāti yo sattakkhattuparamoti vā, kolaṃkoloti vā, ekabījīti vā bhagavatā ñāṇena paricchinditvā byākato, tassa yathāvuttaparicchedā antarā uparimaggādhigamo natthi avitathadesanattā. Yathāparicchedameva tassa abhisamayo, svāyaṃ vibhāgo tesaṃyeva puggalānaṃ indriyaparopariyattena veditabbo bhavaniyāmena tādisassa kassaci abhāvato. Yasmā kassaci mudukānipi indriyāni paccayavisesena tikkhabhāvaṃ āpajjeyyuṃ, tasmā tādisaṃ sandhāya ‘‘bhabboti vuccati, na so abhabbo nāmā’’ti ca vuttaṃ. Yasmā pana bhagavā na tādisaṃ ‘‘sattakkhattuparamo’’tiādinā niyametvā byākaroti, tasmā āha ‘‘na pana antarā abhisametuṃ bhabbatā vuttā’’ti. Ayañca nayo ekantena icchitabbo. Aññathā puggalassa saṅkaro siyāti dassento ‘‘yadi cā’’tiādimāha.
સત્તક્ખત્તુપરમકથાવણ્ણના નિટ્ઠિતા.
Sattakkhattuparamakathāvaṇṇanā niṭṭhitā.
દ્વાદસમવગ્ગવણ્ણના નિટ્ઠિતા.
Dvādasamavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૨૦) ૫. સત્તક્ખત્તુપરમકથા • (120) 5. Sattakkhattuparamakathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૫. સત્તક્ખત્તુપરમકથાવણ્ણના • 5. Sattakkhattuparamakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૫. સત્તક્ખત્તુપરમકથાવણ્ણના • 5. Sattakkhattuparamakathāvaṇṇanā
