| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. ஸத்தட்டா²னஸுத்தவண்ணனா
5. Sattaṭṭhānasuttavaṇṇanā
57. ஸத்தஸு ஓகாஸேஸூதி ரூபபஜானநாதீ³ஸு ஸத்தஸு ஓகாஸேஸு. வுஸிதவாஸோதி வுஸிதஅரியவாஸோ. எத்தா²தி இமஸ்மிங் உத்³தே³ஸே. ஸேஸங் நாம இத⁴ வுத்தாவஸேஸங். வுத்தனயேனாதி ஹெட்டா² வுத்தனயேன வேதி³தப்³ப³ங். உஸ்ஸத³னந்தி³யந்தி உஸ்ஸன்னகு³ணவதோ தோஸனங் ஸம்மோதா³பனங். கு³ணகித்தனேன பலோப⁴னீயங் ஸெக்க²கல்யாணபுது²ஜ்ஜனானங் பஸாது³ப்பாத³னேன. இதா³னி வுத்தமேவ அத்த²ங் பாகடங் காதுங் ‘‘யதா² ஹீ’’திஆதி³ வுத்தங்.
57.Sattasuokāsesūti rūpapajānanādīsu sattasu okāsesu. Vusitavāsoti vusitaariyavāso. Etthāti imasmiṃ uddese. Sesaṃ nāma idha vuttāvasesaṃ. Vuttanayenāti heṭṭhā vuttanayena veditabbaṃ. Ussadanandiyanti ussannaguṇavato tosanaṃ sammodāpanaṃ. Guṇakittanena palobhanīyaṃ sekkhakalyāṇaputhujjanānaṃ pasāduppādanena. Idāni vuttameva atthaṃ pākaṭaṃ kātuṃ ‘‘yathā hī’’tiādi vuttaṃ.
எத்தாவதாதி பஞ்சன்னங் க²ந்தா⁴னங் வஸேன ஸத்தஸு டா²னேஸு கோஸல்லதீ³பனேன எத்தகேன தே³ஸனாக்கமேன. தந்தி ஆரம்மணங். தா⁴துஆதி³மத்தமேவாதி தா⁴தாயதனபடிச்சஸமுப்பாத³மத்தமேவ. இமேஸு த⁴ம்மேஸூதி இமேஸு ஜாதாதீ³ஸு. கம்மங் கத்வாதி ஸம்மஸனகம்மங் நிட்ட²பெத்வாதி அத்தோ². ஏவமெத்த² பஞ்சன்னங் க²ந்தா⁴னங் வஸேன ஸத்தட்டா²னகோஸல்லபவத்தியா பபே⁴தே³ன விப⁴ஜித்வா ‘‘திவிதூ⁴பபரிக்கீ²’’தி த³ஸ்ஸேதி த⁴ம்மராஜா.
Ettāvatāti pañcannaṃ khandhānaṃ vasena sattasu ṭhānesu kosalladīpanena ettakena desanākkamena. Tanti ārammaṇaṃ. Dhātuādimattamevāti dhātāyatanapaṭiccasamuppādamattameva. Imesu dhammesūti imesu jātādīsu. Kammaṃ katvāti sammasanakammaṃ niṭṭhapetvāti attho. Evamettha pañcannaṃ khandhānaṃ vasena sattaṭṭhānakosallapavattiyā pabhedena vibhajitvā ‘‘tividhūpaparikkhī’’ti dasseti dhammarājā.
ஸத்தட்டா²னஸுத்தவண்ணனா நிட்டி²தா.
Sattaṭṭhānasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. ஸத்தட்டா²னஸுத்தங் • 5. Sattaṭṭhānasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. ஸத்தட்டா²னஸுத்தவண்ணனா • 5. Sattaṭṭhānasuttavaṇṇanā
