| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૫. સત્તટ્ઠાનસુત્તવણ્ણના
5. Sattaṭṭhānasuttavaṇṇanā
૫૭. સત્તસુ ઓકાસેસૂતિ રૂપપજાનનાદીસુ સત્તસુ ઓકાસેસુ. વુસિતવાસોતિ વુસિતઅરિયવાસો. એત્થાતિ ઇમસ્મિં ઉદ્દેસે. સેસં નામ ઇધ વુત્તાવસેસં. વુત્તનયેનાતિ હેટ્ઠા વુત્તનયેન વેદિતબ્બં. ઉસ્સદનન્દિયન્તિ ઉસ્સન્નગુણવતો તોસનં સમ્મોદાપનં. ગુણકિત્તનેન પલોભનીયં સેક્ખકલ્યાણપુથુજ્જનાનં પસાદુપ્પાદનેન. ઇદાનિ વુત્તમેવ અત્થં પાકટં કાતું ‘‘યથા હી’’તિઆદિ વુત્તં.
57.Sattasuokāsesūti rūpapajānanādīsu sattasu okāsesu. Vusitavāsoti vusitaariyavāso. Etthāti imasmiṃ uddese. Sesaṃ nāma idha vuttāvasesaṃ. Vuttanayenāti heṭṭhā vuttanayena veditabbaṃ. Ussadanandiyanti ussannaguṇavato tosanaṃ sammodāpanaṃ. Guṇakittanena palobhanīyaṃ sekkhakalyāṇaputhujjanānaṃ pasāduppādanena. Idāni vuttameva atthaṃ pākaṭaṃ kātuṃ ‘‘yathā hī’’tiādi vuttaṃ.
એત્તાવતાતિ પઞ્ચન્નં ખન્ધાનં વસેન સત્તસુ ઠાનેસુ કોસલ્લદીપનેન એત્તકેન દેસનાક્કમેન. તન્તિ આરમ્મણં. ધાતુઆદિમત્તમેવાતિ ધાતાયતનપટિચ્ચસમુપ્પાદમત્તમેવ. ઇમેસુ ધમ્મેસૂતિ ઇમેસુ જાતાદીસુ. કમ્મં કત્વાતિ સમ્મસનકમ્મં નિટ્ઠપેત્વાતિ અત્થો. એવમેત્થ પઞ્ચન્નં ખન્ધાનં વસેન સત્તટ્ઠાનકોસલ્લપવત્તિયા પભેદેન વિભજિત્વા ‘‘તિવિધૂપપરિક્ખી’’તિ દસ્સેતિ ધમ્મરાજા.
Ettāvatāti pañcannaṃ khandhānaṃ vasena sattasu ṭhānesu kosalladīpanena ettakena desanākkamena. Tanti ārammaṇaṃ. Dhātuādimattamevāti dhātāyatanapaṭiccasamuppādamattameva. Imesu dhammesūti imesu jātādīsu. Kammaṃ katvāti sammasanakammaṃ niṭṭhapetvāti attho. Evamettha pañcannaṃ khandhānaṃ vasena sattaṭṭhānakosallapavattiyā pabhedena vibhajitvā ‘‘tividhūpaparikkhī’’ti dasseti dhammarājā.
સત્તટ્ઠાનસુત્તવણ્ણના નિટ્ઠિતા.
Sattaṭṭhānasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૫. સત્તટ્ઠાનસુત્તં • 5. Sattaṭṭhānasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૫. સત્તટ્ઠાનસુત્તવણ્ણના • 5. Sattaṭṭhānasuttavaṇṇanā
